<p>ವಾಷಿಂಗ್ಟನ್ (ಪಿಟಿಐ): ಭೂಮಿಯನ್ನೇ ಹೋಲುವಂತಹ, ಭೂಮಿಗಿಂತಲೂ ಹಿರಿದಾದ ದೈತ್ಯ ಗ್ರಹವೊಂದನ್ನು ಖಗೋಳ ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.<br /> <br /> ಶಿಲಾ ಪದರ ಮತ್ತು ಇನ್ನಿತರ ಘನ ದ್ರವ್ಯಗಳಿಂದ ಕೂಡಿರುವ ಈ ಗ್ರಹವು ಭೂಮಿಗಿಂತ 17 ಪಟ್ಟು ಹೆಚ್ಚು ತೂಕವಿದ್ದು, ಗಾತ್ರದಲ್ಲಿ ಇಮ್ಮಡಿಯಷ್ಟಿದೆ. ಆಶ್ಚರ್ಯಕರ ರೀತಿಯಲ್ಲಿ ಪತ್ತೆಯಾಗಿರುವ ಈ ಗ್ರಹವು ಬ್ರಹ್ಮಾಂಡದ ಸೃಷ್ಟಿ ಕುರಿತ ವಿಜ್ಞಾನಿಗಳ ಗ್ರಹಿಕೆಯನ್ನೇ ಬದಲಾಯಿಸುವ ಸಾಧ್ಯತೆ ಇದೆ.<br /> <br /> ಹೊಸದಾಗಿ ಪತ್ತೆಯಾಗಿರುವ ಈ ಕಾಯಕ್ಕೆ ‘ಕೆಪ್ಲರ್ 10ಸಿ’ ಎಂದು ಹೆಸರಿಸಲಾಗಿದೆ. ಈ ಗ್ರಹವನ್ನು ಮೊದಲು ಪತ್ತೆ ಮಾಡಿದ್ದು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾದ ‘ಕೆಪ್ಲರ್’ ದೂರದರ್ಶಕ (ಟೆಲಿಸ್ಕೋಪ್) ಗಗನನೌಕೆ. ಆದ್ದರಿಂದ ಈ ಹೆಸರನ್ನು ಇರಿಸಲಾಗಿದೆ. ಈ ಗ್ರಹಕ್ಕೆ ‘ಗಾಡ್ಜಿಲ್ಲಾ ಆಫ್ ಅರ್ಥ್’, ‘ಮೆಗಾ ಅರ್ಥ್’ ಎಂಬ ಉಪಾಧಿಗಳು ಅಂಟಿಕೊಂಡಿವೆ.<br /> <br /> ಜಲಜನಕ ಅನಿಲದ ಅತಿಯಾದ ಹೀರಿಕೆಯಿಂದಾಗಿ ಈ ಗ್ರಹ ದೈತ್ಯಾಕಾರವಾಗಿದೆ. ಗುರು ಮತ್ತು ನೆಪ್ಚೂನ್ ಗ್ರಹಗಳು ಸಹ ಈ ಅನಿಲದ ಕಾರಣದಿಂದಾಗಿಯೇ ಬೃಹತ್ ಗಾತ್ರ ಹೊಂದಿವೆ.<br /> <br /> ‘ಕೆಪ್ಲರ್ 10ಸಿ’ 18 ಸಾವಿರ ಮೈಲು ದೂರದ ವ್ಯಾಸವನ್ನು ಹೊಂದಿದ್ದು, ಭೂಮಿಗಿಂತ 2.3 ಪಟ್ಟು ಹೆಚ್ಚು ಹಿರಿದಾಗಿದೆ. ಇಂತಹ ಲಕ್ಷಣಗಳಿರುವ ಕಾಯಗಳನ್ನು ‘ಕಿರು ನೆಪ್ಚೂನ್’ಗಳೆಂದೂ ಕರೆಯುತ್ತಾರೆ.<br /> <br /> ಭೂಮಿಯಿಂದ ಸುಮಾರು 560 ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವ ಈ ಗ್ರಹವು, ತಾರಾಪುಂಜದಲ್ಲಿ ಇರುವ ಸೂರ್ಯನನ್ನು ಹೋಲುವ ನಕ್ಷತ್ರವನ್ನು ಒಂದು ಸುತ್ತು ಹಾಕಲು 45 ದಿನಗಳನ್ನು ತೆಗೆದುಕೊಳ್ಳುತ್ತದೆ.<br /> <br /> ‘ಇಂತಹದೊಂದು ದೈತ್ಯ ಗ್ರಹ ಪತ್ತೆಯಾಗಿರುವುದು ಆಶ್ಚರ್ಯಕರ’ ಎಂದು ಹಾರ್ವರ್ಡ್ ಸ್ಮಿತ್ಸೋನಿಯನ್ ಖಭೌತವಿಜ್ಞಾನ ಕೇಂದ್ರ (ಸಿಎಫ್ಎ) ವಿಜ್ಞಾನಿ ಕ್ಸೇವಿಯರ್ ಡಮಾಸ್ಕ್ ಹೇಳಿದ್ದಾರೆ.<br /> <br /> ‘ಈ ಗ್ರಹದಲ್ಲಿ ಜೀವಿಗಳು ಇರುವ ಸಾಧ್ಯತೆಯ ಸಕಾರಾತ್ಮಕ ಅಂಶಗಳು ಕಂಡು ಬಂದಿವೆ. ಈ ಕಾಯದಲ್ಲಿ ಅಧಿಕ ಪ್ರಮಾಣದಲ್ಲಿ ಶಿಲಾದ್ರವಗಳು ಇದ್ದಿರುವ ಸಂಭವವೂ ಇದೆ’ ಎಂದು ಈ ಗ್ರಹವನ್ನು ಪತ್ತೆ ಮಾಡಿದ ಸಿಎಫ್ಎ ತಂಡ ಸಂಶೋಧಕ ಡಿಮಿಟರ್ ಸಸ್ಸೆಲ್ವೊ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಾಷಿಂಗ್ಟನ್ (ಪಿಟಿಐ): ಭೂಮಿಯನ್ನೇ ಹೋಲುವಂತಹ, ಭೂಮಿಗಿಂತಲೂ ಹಿರಿದಾದ ದೈತ್ಯ ಗ್ರಹವೊಂದನ್ನು ಖಗೋಳ ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.<br /> <br /> ಶಿಲಾ ಪದರ ಮತ್ತು ಇನ್ನಿತರ ಘನ ದ್ರವ್ಯಗಳಿಂದ ಕೂಡಿರುವ ಈ ಗ್ರಹವು ಭೂಮಿಗಿಂತ 17 ಪಟ್ಟು ಹೆಚ್ಚು ತೂಕವಿದ್ದು, ಗಾತ್ರದಲ್ಲಿ ಇಮ್ಮಡಿಯಷ್ಟಿದೆ. ಆಶ್ಚರ್ಯಕರ ರೀತಿಯಲ್ಲಿ ಪತ್ತೆಯಾಗಿರುವ ಈ ಗ್ರಹವು ಬ್ರಹ್ಮಾಂಡದ ಸೃಷ್ಟಿ ಕುರಿತ ವಿಜ್ಞಾನಿಗಳ ಗ್ರಹಿಕೆಯನ್ನೇ ಬದಲಾಯಿಸುವ ಸಾಧ್ಯತೆ ಇದೆ.<br /> <br /> ಹೊಸದಾಗಿ ಪತ್ತೆಯಾಗಿರುವ ಈ ಕಾಯಕ್ಕೆ ‘ಕೆಪ್ಲರ್ 10ಸಿ’ ಎಂದು ಹೆಸರಿಸಲಾಗಿದೆ. ಈ ಗ್ರಹವನ್ನು ಮೊದಲು ಪತ್ತೆ ಮಾಡಿದ್ದು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾದ ‘ಕೆಪ್ಲರ್’ ದೂರದರ್ಶಕ (ಟೆಲಿಸ್ಕೋಪ್) ಗಗನನೌಕೆ. ಆದ್ದರಿಂದ ಈ ಹೆಸರನ್ನು ಇರಿಸಲಾಗಿದೆ. ಈ ಗ್ರಹಕ್ಕೆ ‘ಗಾಡ್ಜಿಲ್ಲಾ ಆಫ್ ಅರ್ಥ್’, ‘ಮೆಗಾ ಅರ್ಥ್’ ಎಂಬ ಉಪಾಧಿಗಳು ಅಂಟಿಕೊಂಡಿವೆ.<br /> <br /> ಜಲಜನಕ ಅನಿಲದ ಅತಿಯಾದ ಹೀರಿಕೆಯಿಂದಾಗಿ ಈ ಗ್ರಹ ದೈತ್ಯಾಕಾರವಾಗಿದೆ. ಗುರು ಮತ್ತು ನೆಪ್ಚೂನ್ ಗ್ರಹಗಳು ಸಹ ಈ ಅನಿಲದ ಕಾರಣದಿಂದಾಗಿಯೇ ಬೃಹತ್ ಗಾತ್ರ ಹೊಂದಿವೆ.<br /> <br /> ‘ಕೆಪ್ಲರ್ 10ಸಿ’ 18 ಸಾವಿರ ಮೈಲು ದೂರದ ವ್ಯಾಸವನ್ನು ಹೊಂದಿದ್ದು, ಭೂಮಿಗಿಂತ 2.3 ಪಟ್ಟು ಹೆಚ್ಚು ಹಿರಿದಾಗಿದೆ. ಇಂತಹ ಲಕ್ಷಣಗಳಿರುವ ಕಾಯಗಳನ್ನು ‘ಕಿರು ನೆಪ್ಚೂನ್’ಗಳೆಂದೂ ಕರೆಯುತ್ತಾರೆ.<br /> <br /> ಭೂಮಿಯಿಂದ ಸುಮಾರು 560 ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವ ಈ ಗ್ರಹವು, ತಾರಾಪುಂಜದಲ್ಲಿ ಇರುವ ಸೂರ್ಯನನ್ನು ಹೋಲುವ ನಕ್ಷತ್ರವನ್ನು ಒಂದು ಸುತ್ತು ಹಾಕಲು 45 ದಿನಗಳನ್ನು ತೆಗೆದುಕೊಳ್ಳುತ್ತದೆ.<br /> <br /> ‘ಇಂತಹದೊಂದು ದೈತ್ಯ ಗ್ರಹ ಪತ್ತೆಯಾಗಿರುವುದು ಆಶ್ಚರ್ಯಕರ’ ಎಂದು ಹಾರ್ವರ್ಡ್ ಸ್ಮಿತ್ಸೋನಿಯನ್ ಖಭೌತವಿಜ್ಞಾನ ಕೇಂದ್ರ (ಸಿಎಫ್ಎ) ವಿಜ್ಞಾನಿ ಕ್ಸೇವಿಯರ್ ಡಮಾಸ್ಕ್ ಹೇಳಿದ್ದಾರೆ.<br /> <br /> ‘ಈ ಗ್ರಹದಲ್ಲಿ ಜೀವಿಗಳು ಇರುವ ಸಾಧ್ಯತೆಯ ಸಕಾರಾತ್ಮಕ ಅಂಶಗಳು ಕಂಡು ಬಂದಿವೆ. ಈ ಕಾಯದಲ್ಲಿ ಅಧಿಕ ಪ್ರಮಾಣದಲ್ಲಿ ಶಿಲಾದ್ರವಗಳು ಇದ್ದಿರುವ ಸಂಭವವೂ ಇದೆ’ ಎಂದು ಈ ಗ್ರಹವನ್ನು ಪತ್ತೆ ಮಾಡಿದ ಸಿಎಫ್ಎ ತಂಡ ಸಂಶೋಧಕ ಡಿಮಿಟರ್ ಸಸ್ಸೆಲ್ವೊ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
