ಬ್ರಿಟನ್ ಮಾಜಿ ಪ್ರಧಾನಿ ಸಂದರ್ಶನವನ್ನು BBC ಕೊನೇ ಕ್ಷಣದಲ್ಲಿ ರದ್ದು ಮಾಡಿದ್ದೇಕೆ?

ರಾಜಕೀಯ ವ್ಯಕ್ತಿಗಳ ಸಂದರ್ಶನದಲ್ಲಿ ಒಂದು ಪಕ್ಷಕ್ಕೆ ಅನುಕೂಲ ಮಾಡಿಕೊಡಲಾಗಿದೆ ಎಂಬ ಆರೋಪವನ್ನು ರಾಜಕೀಯ ವರದಿಗಾರರು ಯಾವುದೇ ಹಿಂಜರಿಕೆ ಇಲ್ಲದೆ ಸಾಮಾಜಿಕ ಮಾಧ್ಯಮಗಳಲ್ಲಿ ಆರೋಪಿಸುತ್ತಿರುತ್ತಾರೆ. ಹೀಗಾಗಿ ಸಾರ್ವಜನಿಕ ಸ್ವಾಮ್ಯ ಸಂಸ್ಥೆಯಾಗಿರುವ ಬಿಬಿಸಿಯು ಸಂದರ್ಶನಕ್ಕೆ ಆಯ್ಕೆ ಮಾಡಿಕೊಳ್ಳುವವರನ್ನು ಅತ್ಯಂತ ಜಾಗರೂಕತೆಯಿಂದ ಪರಿಶೀಲಿಸಿ ಮಾಡುತ್ತದೆ ಎಂದೆನ್ನಲಾಗಿದೆ.

‘ಬೋರಿಸ್ ಜಾನ್ಸನ್ ಅವರ ಅತ್ಯಂತ ಪ್ರಮುಖವಾದ ಮೊದಲ ಸಂದರ್ಶನ ಎಂಬ ಶೀರ್ಷಿಕೆಯಡಿ ಜಾಹೀರಾತು ಪ್ರಸಾರ ಮಾಡಲಾಗಿತ್ತು. ಗುರುವಾರ ಸಂಜೆಗೆ ವೇದಿಕೆಯೂ ಸಿದ್ಧಗೊಂಡಿತ್ತು. ಕೋವಿಡ್‌ ಸಂದರ್ಭವನ್ನು ಸರ್ಕಾರ ಎದುರಿಸಿದ ರೀತಿ ಕುರಿತು ಜಾನ್ಸನ್ ಮಾತನಾಡುವವರಿದ್ದರು. ವಿರೋಧ ಪಕ್ಷಗಳ ಟೀಕೆಗೆ ಜಾನ್ಸನ್ ಅವರು ಪ್ರಧಾನಿ ಹುದ್ದೆ ತೊರೆಯುವಂತಾಯಿತು ಎಂದೇ ರಾಜಕೀಯ ಪಂಡಿತರು ಹೇಳುತ್ತಾರೆ.

ಬೋರಿಸ್ ಜಾನ್ಸನ್ ಅವರು 2019ರಿಂದ 2022ರವರೆಗೆ ಪ್ರಧಾನಿಯಾಗಿದ್ದರು. ಅವರ ಆತ್ಮಕಥೆಯು ಅ. 10ರಂದು ಬಿಡುಗಡೆಯಾಗುತ್ತಿದೆ. ಈ ಸಂದರ್ಶನ ಕುರಿತ ಬೆಳವಣಿಗೆಯು ಅಸಮರ್ಥನೀಯ ಎಂಬುದರಲ್ಲಿ ಎರಡು ಮಾತಿಲ್ಲ. ಸಂದರ್ಶನ ರದ್ದುಪಡಿಸುವ ಕುರಿತು ಬೋರಿಸ್ ಜಾನ್ಸನ್‌ ತಂಡ ಒಪ್ಪಿಗೆ ಸೂಚಿಸಿದೆ ಎಂದು ವರದಿಯಾಗಿದೆ.