ಮಾಸ್ಕೊ: ಅಂತರರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರಕ್ಕೆ ತೆರಳಿದ್ದ ‘ಸೊಯುಜ್‌’ ಅಂತರಿಕ್ಷ ನೌಕೆಯು ಕುಜಕಿಸ್ತಾನದ ನಿರ್ಜನ ಪ‍್ರದೇಶದಲ್ಲಿ ಸುರಕ್ಷಿತವಾಗಿ ಸೋಮವಾರ ಇಳಿದಿದೆ. ನೌಕೆಯಲ್ಲಿ ರಷ್ಯಾದ ಇಬ್ಬರು ಮತ್ತು ಅಮೆರಿಕದ ಒಬ್ಬರು ಇದ್ದರು.
ಒಲೆಗ್ ನೊವಿಟ್ಸ್ಕೈ, ನಿಕೊಲಾಯ್‌ ಚುಬ್ ಅವರು ಸುದೀರ್ಘ 374 ದಿನಗಳನ್ನು ಬಾಹ್ಯಾಕಾಶ ಕೇಂದ್ರದಲ್ಲಿ ಕಳೆದಿದ್ದಾರೆ. ಇದರೊಂದಿಗೆ ದಾಖಲೆಗಳನ್ನು ಮುರಿದು ಸುದೀರ್ಘ ಕಾಲ ಬಾಹ್ಯಾಕಾಶ ಕೇಂದ್ರದಲ್ಲಿ ಜೀವಿಸಿದ ಮೊದಲಿಗರು ಎಂಬ ಹೆಗ್ಗಳಿಕೆಯನ್ನು ಪಡೆದಿದ್ದಾರೆ. ನೌಕೆಯಲ್ಲಿ ಅಮೆರಿಕದ ಟ್ರೇಸಿ ಡೈಸನ್‌ ಅವರೂ ಇದ್ದರು. ಇವರು ಕಳೆದ ಆರು ತಿಂಗಳಿನಿಂದ ಬಾಹ್ಯಾಕಾಶ ಕೇಂದ್ರದಲ್ಲಿ ಇದ್ದರು.
ಸುನಿತಾ ವಿಲಿಯಮ್ಸ್‌ ಸೇರಿ ಇನ್ನೂ ಎಂಟು ಗಗನಯಾತ್ರಿಗಳು ಬಾಹ್ಯಾಕಾಶ ಕೇಂದ್ರದಲ್ಲಿಯೇ ಉಳಿದಿದ್ದಾರೆ.
