<p><strong>ಬೀಜಿಂಗ್</strong>: ಚಂದ್ರನ ಕುರಿತಾದ ಸಂಶೋಧನೆಯ 6ನೇ ಮಿಷನ್ ಆಗಿ ಚೀನಾ ಕಳುಹಿಸಿರುವ ಬಾಹ್ಯಾಕಾಶ ನೌಕೆಯು ಚಂದ್ರನ ದಕ್ಷಿಣ ಧ್ರುವದಲ್ಲಿ ಅಡಿ ಇಟ್ಟಿದೆ. ಅಲ್ಲಿನ ಮಣ್ಣು ಮತ್ತು ಕಲ್ಲಿನ ಮಾದರಿ ಸಂಗ್ರಹದ ಮೂಲಕ ಚಂದ್ರನ ಈ ಭಾಗದಲ್ಲಿರುವ ವಿಶೇಷತೆಯನ್ನು ಅವಲೋಕನ ಮಾಡುವುದು ಈ ಸಂಶೋಧನೆಯ ಉದ್ದೇಶವಾಗಿದೆ.</p> <p>ಚೀನಾ ಸಮಯ ಬೆಳಿಗ್ಗೆ 6:23ರ ಸುಮಾರಿಗೆ ಲ್ಯಾಂಡಿಂಗ್ ರೋವರ್ ದಕ್ಷಿಣ ಧ್ರುವ ’ಐಟ್ಕೆನ್ ಬೇಸಿನ್‘ ಎಂದು ಕರೆಯಲ್ಪಡುವ ಬೃಹತ್ ಕುಳಿಯಲ್ಲಿ ಇಳಿದಿದೆ ಎಂದು ಚೀನಾದ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತ ತಿಳಿಸಿದೆ.</p><p>ಚೀನಾದ ಈ 6ನೇ ಚಂದ್ರಯಾನಕ್ಕೆ ‘ಚೈನೀಸ್ ಮೂನ್ ಗಾಡೆಸ್’ ಎಂದು ಹೆಸರಿಡಲಾಗಿದೆ. </p><p>ಚಂದ್ರನಿಂದ ಕಲ್ಲು ಮತ್ತು ಮಣ್ಣಿನ ಮಾದರಿ ಸಂಗ್ರಹಕ್ಕಾಗಿ ರೂಪಿಸಲಾಗಿರುವ ಎರಡನೇ ಬಾಹ್ಯಾಕಾಶ ನೌಕೆ ಇದಾಗಿದೆ. 2020ರಲ್ಲಿ ಚಂದ್ರನ ದಕ್ಷಿಣ ಧ್ರುವದಿಂದ ಕೊಂಚ ದೂರದಲ್ಲಿ ಇಳಿದಿದ್ದ ಚಾಂಗ್–5 ಉಪಗ್ರಹವು ಅಧ್ಯಯನ ನಡೆಸಿತ್ತು.</p><p>ಅಮೆರಿಕ, ಭಾರತ ಮತ್ತು ಜಪಾನ್ನಿಂದ ಎದುರಾಗುತ್ತಿರುವ ಬಾಹ್ಯಾಕಾಶ ಸಂಶೋಧನೆಯ ಸವಾಲನ್ನು ಎದುರಿಸುತ್ತಿರುವ ಚೀನಾ, ನಿರಂತರವಾಗಿ ಬಾಹ್ಯಾಕಾಶ ನೌಕೆಗಳನ್ನು ಕಳುಹಿಸುತ್ತಿದೆ.</p><p>2030ರೊಳಗೆ ಚಂದ್ರನ ಅಂಗಳಕ್ಕೆ ಮಾನವನನ್ನು ಕಳುಹಿಸಬೇಕೆಂಬ ಸ್ಪರ್ಧೆ ವಿಶ್ವದಾದ್ಯಂತ ಏರ್ಪಟ್ಟಿದೆ. ಚಂದ್ರನ ಅಂಗಳಕ್ಕೆ ಗಗನಯಾನಿಯನ್ನು ಕಳುಹಿಸಲು ಅಮೆರಿಕ ಮತ್ತೊಮ್ಮೆ ಯೋಜನೆ ರೂಪಿಸಿದೆ. ಈ ವರ್ಷವೇ ನಾಸಾ ಆ ಸಾಹಸಕ್ಕೆ ಮುಂದಾಗುವ ಸಾಧ್ಯತೆ ಇದೆ. </p><p>50 ವರ್ಷಗಳಿಗೂ ಹಿಂದೆ ಅಮೆರಿಕ ಮೊದಲ ಬಾರಿಗೆ ಗಗನಯಾನಿಯನ್ನು ಕಳುಹಿಸಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀಜಿಂಗ್</strong>: ಚಂದ್ರನ ಕುರಿತಾದ ಸಂಶೋಧನೆಯ 6ನೇ ಮಿಷನ್ ಆಗಿ ಚೀನಾ ಕಳುಹಿಸಿರುವ ಬಾಹ್ಯಾಕಾಶ ನೌಕೆಯು ಚಂದ್ರನ ದಕ್ಷಿಣ ಧ್ರುವದಲ್ಲಿ ಅಡಿ ಇಟ್ಟಿದೆ. ಅಲ್ಲಿನ ಮಣ್ಣು ಮತ್ತು ಕಲ್ಲಿನ ಮಾದರಿ ಸಂಗ್ರಹದ ಮೂಲಕ ಚಂದ್ರನ ಈ ಭಾಗದಲ್ಲಿರುವ ವಿಶೇಷತೆಯನ್ನು ಅವಲೋಕನ ಮಾಡುವುದು ಈ ಸಂಶೋಧನೆಯ ಉದ್ದೇಶವಾಗಿದೆ.</p> <p>ಚೀನಾ ಸಮಯ ಬೆಳಿಗ್ಗೆ 6:23ರ ಸುಮಾರಿಗೆ ಲ್ಯಾಂಡಿಂಗ್ ರೋವರ್ ದಕ್ಷಿಣ ಧ್ರುವ ’ಐಟ್ಕೆನ್ ಬೇಸಿನ್‘ ಎಂದು ಕರೆಯಲ್ಪಡುವ ಬೃಹತ್ ಕುಳಿಯಲ್ಲಿ ಇಳಿದಿದೆ ಎಂದು ಚೀನಾದ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತ ತಿಳಿಸಿದೆ.</p><p>ಚೀನಾದ ಈ 6ನೇ ಚಂದ್ರಯಾನಕ್ಕೆ ‘ಚೈನೀಸ್ ಮೂನ್ ಗಾಡೆಸ್’ ಎಂದು ಹೆಸರಿಡಲಾಗಿದೆ. </p><p>ಚಂದ್ರನಿಂದ ಕಲ್ಲು ಮತ್ತು ಮಣ್ಣಿನ ಮಾದರಿ ಸಂಗ್ರಹಕ್ಕಾಗಿ ರೂಪಿಸಲಾಗಿರುವ ಎರಡನೇ ಬಾಹ್ಯಾಕಾಶ ನೌಕೆ ಇದಾಗಿದೆ. 2020ರಲ್ಲಿ ಚಂದ್ರನ ದಕ್ಷಿಣ ಧ್ರುವದಿಂದ ಕೊಂಚ ದೂರದಲ್ಲಿ ಇಳಿದಿದ್ದ ಚಾಂಗ್–5 ಉಪಗ್ರಹವು ಅಧ್ಯಯನ ನಡೆಸಿತ್ತು.</p><p>ಅಮೆರಿಕ, ಭಾರತ ಮತ್ತು ಜಪಾನ್ನಿಂದ ಎದುರಾಗುತ್ತಿರುವ ಬಾಹ್ಯಾಕಾಶ ಸಂಶೋಧನೆಯ ಸವಾಲನ್ನು ಎದುರಿಸುತ್ತಿರುವ ಚೀನಾ, ನಿರಂತರವಾಗಿ ಬಾಹ್ಯಾಕಾಶ ನೌಕೆಗಳನ್ನು ಕಳುಹಿಸುತ್ತಿದೆ.</p><p>2030ರೊಳಗೆ ಚಂದ್ರನ ಅಂಗಳಕ್ಕೆ ಮಾನವನನ್ನು ಕಳುಹಿಸಬೇಕೆಂಬ ಸ್ಪರ್ಧೆ ವಿಶ್ವದಾದ್ಯಂತ ಏರ್ಪಟ್ಟಿದೆ. ಚಂದ್ರನ ಅಂಗಳಕ್ಕೆ ಗಗನಯಾನಿಯನ್ನು ಕಳುಹಿಸಲು ಅಮೆರಿಕ ಮತ್ತೊಮ್ಮೆ ಯೋಜನೆ ರೂಪಿಸಿದೆ. ಈ ವರ್ಷವೇ ನಾಸಾ ಆ ಸಾಹಸಕ್ಕೆ ಮುಂದಾಗುವ ಸಾಧ್ಯತೆ ಇದೆ. </p><p>50 ವರ್ಷಗಳಿಗೂ ಹಿಂದೆ ಅಮೆರಿಕ ಮೊದಲ ಬಾರಿಗೆ ಗಗನಯಾನಿಯನ್ನು ಕಳುಹಿಸಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>