<p><strong>ರಫಾ (ಗಾಜಾ ಪಟ್ಟಿ):</strong> ಇಸ್ರೇಲ್ ತನ್ನ ಕಾರ್ಯಾಚರಣೆಯನ್ನು ವಿಸ್ತರಿಸಲು ತಯಾರಿ ನಡೆಸಿದ್ದು, ಈ ಸಂಬಂಧ ಗಾಜಾದ ದಕ್ಷಿಣದ ನಗರವಾದ ರಫಾವನ್ನು ತೊರೆಯುವಂತೆ ಜನರಿಗೆ ಸೂಚಿಸಿದೆ. ಉತ್ತರ ಗಾಜಾದಲ್ಲಿ ಮತ್ತೆ ಗುಂಪುಗೂಡುತ್ತಿರುವ ಹಮಾಸ್ ಪ್ರದೇಶದತ್ತ ತೆರಳುತ್ತಿರುವುದಾಗಿ ಇಸ್ರೇಲ್ ಹೇಳಿದೆ.</p>.<p>ರಫಾದ ಹೊರವಲಯದಲ್ಲಿ ಇಸ್ರೇಲ್ ಪಡೆ ಮತ್ತು ಪ್ಯಾಲೆಸ್ಟೀನ್ ಬಂಡುಕೋರರ ನಡುವೆ ಭಾರೀ ಘರ್ಷಣೆ ಮುಂದುವರಿದಿದೆ. ಇದರಿಂದ ಅಗತ್ಯ ವಸ್ತುಗಳ ಕೊರತೆ ಕಾಡುತ್ತಿದ್ದು, ಈ ಭಾಗದಿಂದ 1.10 ಲಕ್ಷಕ್ಕೂ ಹೆಚ್ಚು ಜನರನ್ನು ತೆರಳುವಂತೆ ಒತ್ತಾಯಿಸಿದೆ.</p>.<p>19 ಜನರ ಸಾವು: ಜವೈದಾ, ಮಘಜಿ ಮತ್ತು ದೇರ್ ಅಲ್ ಬಲಾಹ್ ಪಟ್ಟಣಗಳಲ್ಲಿ ರಾತ್ರಿಯಿಡೀ ನಡೆದಿರುವ ಮೂರು ಪ್ರತ್ಯೇಕ ದಾಳಿಗಳಲ್ಲಿ ಕನಿಷ್ಠ 19 ಜನರು ಮೃತಪಟ್ಟಿದ್ದಾರೆ. ಇದರಲ್ಲಿ ಎಂಟು ಮಹಿಳೆಯರು, ಎಂಟು ಮಕ್ಕಳು ಸೇರಿದ್ದಾರೆ ಎಂದು ದೇರ್ ಅಲ್ ಬಲಾಹ್ನ ಆಸ್ಪತ್ರೆ ತಿಳಿಸಿದೆ. </p>.<p>ಗಾಜಾದಲ್ಲಿ ಇಸ್ರೇಲ್ನ ಬಾಂಬ್ ದಾಳಿ, ಸೇನಾ ಆಕ್ರಮಣಗಳಿಂದಾಗಿ ಇಲ್ಲಿಯವರೆಗೆ 34,800ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರು ಮೃತಪಟ್ಟಿದ್ದಾರೆ. ಇದರಲ್ಲಿ ಮಹಿಳೆಯರು ಮತ್ತು ಮಕ್ಕಳು ಹೆಚ್ಚಾಗಿದ್ದಾರೆ ಎಂದು ಗಾಜಾ ಆರೋಗ್ಯ ಸಚಿವಾಲಯ ತಿಳಿಸಿದೆ. ಗಾಜಾ ಬಹುಪಾಲು ನಾಶವಾಗಿದ್ದು, ಶೇ 80ರಷ್ಟು ಜನರು ಮನೆಗಳನ್ನು ತೊರೆದಿದ್ದಾರೆ.</p>.<p>ಅಂತರರಾಷ್ಟ್ರೀಯ ಕಾನೂನು ಉಲ್ಲಂಘನೆ (ವಾಷಿಂಗ್ಟನ್ ವರದಿ): ಅಮೆರಿಕ ಒದಗಿಸಿದ ಶಸ್ತ್ರಾಸ್ತ್ರಗಳನ್ನು ಇಸ್ರೇಲ್, ಗಾಜಾದ ಮೇಲೆ ಬಳಸುವ ಮೂಲಕ ಅಂತರರಾಷ್ಟ್ರೀಯ ಮಾನವೀಯ ಕಾನೂನುಗಳನ್ನು ಉಲ್ಲಂಘಿಸಿದೆ ಎಂದು ಬೈಡನ್ ಆಡಳಿತ ಶುಕ್ರವಾರ ಹೇಳಿದೆ.</p>.<p>ಆದರೆ ಈ ಸಂಬಂಧ ಸಾಕ್ಷ್ಯವು ಅಪೂರ್ಣವಾಗಿದ್ದು, ಯುದ್ಧಕಾಲದ ಪರಿಸ್ಥಿತಿಗಳಿಂದಾಗಿ ನಿರ್ದಿಷ್ಟ ವಾಯುದಾಳಿಗಳನ್ನು ಖಚಿತವಾಗಿ ನಿರ್ಧರಿಸಲು ಅಮೆರಿಕ ಅಧಿಕಾರಿಗಳಿಗೆ ಸಾಧ್ಯವಾಗುತ್ತಿಲ್ಲ ಎಂದು ಅದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಫಾ (ಗಾಜಾ ಪಟ್ಟಿ):</strong> ಇಸ್ರೇಲ್ ತನ್ನ ಕಾರ್ಯಾಚರಣೆಯನ್ನು ವಿಸ್ತರಿಸಲು ತಯಾರಿ ನಡೆಸಿದ್ದು, ಈ ಸಂಬಂಧ ಗಾಜಾದ ದಕ್ಷಿಣದ ನಗರವಾದ ರಫಾವನ್ನು ತೊರೆಯುವಂತೆ ಜನರಿಗೆ ಸೂಚಿಸಿದೆ. ಉತ್ತರ ಗಾಜಾದಲ್ಲಿ ಮತ್ತೆ ಗುಂಪುಗೂಡುತ್ತಿರುವ ಹಮಾಸ್ ಪ್ರದೇಶದತ್ತ ತೆರಳುತ್ತಿರುವುದಾಗಿ ಇಸ್ರೇಲ್ ಹೇಳಿದೆ.</p>.<p>ರಫಾದ ಹೊರವಲಯದಲ್ಲಿ ಇಸ್ರೇಲ್ ಪಡೆ ಮತ್ತು ಪ್ಯಾಲೆಸ್ಟೀನ್ ಬಂಡುಕೋರರ ನಡುವೆ ಭಾರೀ ಘರ್ಷಣೆ ಮುಂದುವರಿದಿದೆ. ಇದರಿಂದ ಅಗತ್ಯ ವಸ್ತುಗಳ ಕೊರತೆ ಕಾಡುತ್ತಿದ್ದು, ಈ ಭಾಗದಿಂದ 1.10 ಲಕ್ಷಕ್ಕೂ ಹೆಚ್ಚು ಜನರನ್ನು ತೆರಳುವಂತೆ ಒತ್ತಾಯಿಸಿದೆ.</p>.<p>19 ಜನರ ಸಾವು: ಜವೈದಾ, ಮಘಜಿ ಮತ್ತು ದೇರ್ ಅಲ್ ಬಲಾಹ್ ಪಟ್ಟಣಗಳಲ್ಲಿ ರಾತ್ರಿಯಿಡೀ ನಡೆದಿರುವ ಮೂರು ಪ್ರತ್ಯೇಕ ದಾಳಿಗಳಲ್ಲಿ ಕನಿಷ್ಠ 19 ಜನರು ಮೃತಪಟ್ಟಿದ್ದಾರೆ. ಇದರಲ್ಲಿ ಎಂಟು ಮಹಿಳೆಯರು, ಎಂಟು ಮಕ್ಕಳು ಸೇರಿದ್ದಾರೆ ಎಂದು ದೇರ್ ಅಲ್ ಬಲಾಹ್ನ ಆಸ್ಪತ್ರೆ ತಿಳಿಸಿದೆ. </p>.<p>ಗಾಜಾದಲ್ಲಿ ಇಸ್ರೇಲ್ನ ಬಾಂಬ್ ದಾಳಿ, ಸೇನಾ ಆಕ್ರಮಣಗಳಿಂದಾಗಿ ಇಲ್ಲಿಯವರೆಗೆ 34,800ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರು ಮೃತಪಟ್ಟಿದ್ದಾರೆ. ಇದರಲ್ಲಿ ಮಹಿಳೆಯರು ಮತ್ತು ಮಕ್ಕಳು ಹೆಚ್ಚಾಗಿದ್ದಾರೆ ಎಂದು ಗಾಜಾ ಆರೋಗ್ಯ ಸಚಿವಾಲಯ ತಿಳಿಸಿದೆ. ಗಾಜಾ ಬಹುಪಾಲು ನಾಶವಾಗಿದ್ದು, ಶೇ 80ರಷ್ಟು ಜನರು ಮನೆಗಳನ್ನು ತೊರೆದಿದ್ದಾರೆ.</p>.<p>ಅಂತರರಾಷ್ಟ್ರೀಯ ಕಾನೂನು ಉಲ್ಲಂಘನೆ (ವಾಷಿಂಗ್ಟನ್ ವರದಿ): ಅಮೆರಿಕ ಒದಗಿಸಿದ ಶಸ್ತ್ರಾಸ್ತ್ರಗಳನ್ನು ಇಸ್ರೇಲ್, ಗಾಜಾದ ಮೇಲೆ ಬಳಸುವ ಮೂಲಕ ಅಂತರರಾಷ್ಟ್ರೀಯ ಮಾನವೀಯ ಕಾನೂನುಗಳನ್ನು ಉಲ್ಲಂಘಿಸಿದೆ ಎಂದು ಬೈಡನ್ ಆಡಳಿತ ಶುಕ್ರವಾರ ಹೇಳಿದೆ.</p>.<p>ಆದರೆ ಈ ಸಂಬಂಧ ಸಾಕ್ಷ್ಯವು ಅಪೂರ್ಣವಾಗಿದ್ದು, ಯುದ್ಧಕಾಲದ ಪರಿಸ್ಥಿತಿಗಳಿಂದಾಗಿ ನಿರ್ದಿಷ್ಟ ವಾಯುದಾಳಿಗಳನ್ನು ಖಚಿತವಾಗಿ ನಿರ್ಧರಿಸಲು ಅಮೆರಿಕ ಅಧಿಕಾರಿಗಳಿಗೆ ಸಾಧ್ಯವಾಗುತ್ತಿಲ್ಲ ಎಂದು ಅದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>