ಮೇ 6ರಂದು ಬ್ರಿಟನ್‌ನ ನೂತನ ದೊರೆ 3ನೇ ಚಾರ್ಲ್ಸ್‌ ಪಟ್ಟಾಭಿಷೇಕ

ಲಂಡನ್: ಬ್ರಿಟನ್ನ ನೂತನ ದೊರೆ 3ನೇ ಚಾರ್ಲ್ಸ್ ಅವರ ಪಟ್ಟಾಭಿಷೇಕ ಮೇ 6ರಂದು ಇಲ್ಲಿ ನಡೆಯಲಿದ್ದು, 70 ವರ್ಷಗಳ ಬಳಿಕ ದೇಶವು ಅದ್ಧೂರಿ ಸಮಾರಂಭವೊಂದಕ್ಕೆ ಸಾಕ್ಷಿಯಾಗಲಿದೆ.

. ರಾಣಿ 2ನೇ ಎಲಿಜಬೆತ್ ಅವರು ನಿಧನರಾದ ಎಂಟು ತಿಂಗಳ ಬಳಿಕ ಈ ಪಟ್ಟಾಭಿಷೇಕ ನಡೆಯುತ್ತಿದ್ದು, ಸೆಂಟ್ರಲ್ ಲಂಡನ್ ಚರ್ಚ್ನಲ್ಲಿ ಪಟ್ಟಕ್ಕೇರುವ 40ನೇ ದೊರೆಯಾಗಿ ಚಾರ್ಲ್ಸ್ ಇತಿಹಾಸ ಬರೆಯಲಿದ್ದಾರೆ. ಬ್ರಿಟನ್ಗೆ ಮಾತ್ರವಲ್ಲ, ಕಾಮನ್ವೆಲ್ತ್ನ 14 ದೇಶಗಳಿಗೂ ಅವರೇ ದೊರೆ ಆಗಿರುತ್ತಾರೆ. ಅವರ ಎರಡನೇ ಪತ್ನಿ ಕೆಮಿಲ್ಲಾ ಅವರು ಪಟ್ಟದ ರಾಣಿ ಆಗಿರಲಿದ್ದಾರೆ. ಕ್ರಿ.ಶ.1066ರಲ್ಲಿ ದೊರೆ 1ನೇ ವಿಲಿಯಂ ಅವರು ಇಲ್ಲಿ ಮೊದಲ ಬಾರಿಗೆ ಅಧಿಕಾರ ವಹಿಸಿಕೊಂಡಿದ್ದರು.

. ಬ್ರಿಟನ್ನ ಒಂದು ತಲೆಮಾರು ದೊರೆಯ ಪಟ್ಟಾಭಿಷೇಕ ಕಣ್ತುಂಬಿಕೊಳ್ಳುವುದರಿಂದ ಬಹುತೇಕ ವಂಚಿತವಾಗಿದೆ ಎಂದು ಹೇಳಲಾಗುತ್ತಿದೆ. ಏಕೆಂದರೆ ಈ ಹಿಂದಿನ ಪಟ್ಟಾಭಿಷೇಕ ನಡೆದುದು 1953ರಲ್ಲಿ. ಆಂದು ಎಲಿಜಬೆತ್ ಅವರ ಪಟ್ಟಾಭಿಷೇಕಕ್ಕೆ 9.12 ಲಕ್ಷ ಪೌಂಡ್ (ಈಗಿನ ಕರೆನ್ಸಿ ಮೌಲ್ಯದಲ್ಲಿ ಸುಮಾರು ₹ 204 ಕೋಟಿ) ಖರ್ಚಾಗಿತ್ತು. ಈ ಬಾರಿ ಪಟ್ಟಾಭಿಷೇಕಕ್ಕೆ ಅತಿಯಾದ ದುಂದುವೆಚ್ಚ ಮಾಡುವುದಿಲ್ಲ ಎಂದು ಸಚಿವ ಒಲಿವರ್ ಡೌಂಡೆನ್ ಹೇಳಿದ್ದರೂ, 74 ವರ್ಷದ ಜಾರ್ಲ್ಸ್ ಅವರ ಪಟ್ಟಾಭಿಷೇಕ ಜಗತ್ತಿನ ಗಮನ ಸೆಳೆಯುವ ರೀತಿಯಲ್ಲಿ ಮಾತ್ರ ಇರುತ್ತದೆ ಎಂಬುದು ಈಗ ನಡೆದಿರುವ ಸಿದ್ಧತಾ ಕಾರ್ಯಗಳಿಂದಲೇ ಗೊತ್ತಾಗಿದೆ.

. ಯುವಕರಿಂದ ನಿರುತ್ಸಾಹ: ರಾಜವಂಶ ಪರಂಪರೆಯನ್ನು ಮುಂದುವರಿಸಬೇಕೇ ಎಂಬ ಬಗ್ಗೆ ನಡೆದ ಸಮೀಕ್ಷೆಯಲ್ಲಿ ರಾಜಪರಂಪರೆ ಉಳಿಸಬಹುದು ಎಂಬ ಫಲಿತಾಂಶ ಬಂದಿದೆ. ಶೇ 58ರಷ್ಟು ಮಂದಿ ಇದಕ್ಕೆ ಸಮ್ಮತಿ ಸೂಚಿಸಿದ್ದಾರೆ. ಆದರೆ ಯುವಜನತೆಯಿಂದ ನೂತನ ದೊರೆಗೆ ಬೆಂಬಲ ವ್ಯಕ್ತವಾಗಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೇ 6ರಂದು ಬ್ರಿಟನ್‌ನ ನೂತನ ದೊರೆ 3ನೇ ಚಾರ್ಲ್ಸ್‌ ಪಟ್ಟಾಭಿಷೇಕ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು