<p><strong>ಲಾಹೋರ್</strong>: ಆರ್ಥಿಕ ಸಂಕಷ್ಟದಿಂದ ತತ್ತರಿಸುತ್ತಿರುವ ಪಾಕಿಸ್ತಾನದಲ್ಲಿ ಈಗ ತೀವ್ರ ಪೆಟ್ರೋಲ್ ಕೊರತೆ ಕಾಡುತ್ತಿದೆ. </p>.<p>ಪೆಟ್ರೋಲ್ ಸರಬರಾಜು ಸಾಕಷ್ಟಿದೆ ಎಂದು ಹೇಳುತ್ತಿರುವ ಅಲ್ಲಿನ ಸರ್ಕಾರ, ಪೆಟ್ರೋಲ್ ಅನ್ನು ಸಂಗ್ರಹಿಸಿ ಇಡುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದೆ. ಪಂಜಾಬ್ ಪ್ರಾಂತ್ಯದ ಹಲವೆಡೆ ಪೆಟ್ರೋಲ್ ಕೊರತೆ ತೀವ್ರವಾಗಿ ಕಾಡುತ್ತಿದ್ದು, ದೈನಂದಿನ ಜನಜೀವನಕ್ಕೆ ತೊಂದರೆಯಾಗಿದೆ.</p>.<p>ದೂರದ ಪ್ರದೇಶಗಳಲ್ಲಿ ಕಳೆದ ಒಂದು ತಿಂಗಳಿಂದ ಪೆಟ್ರೋಲ್ ಸರಬರಾಜು ಆಗದೆ, ಪೆಟ್ರೋಲ್ ಬಂಕ್ಗಳು ಬಂದ್ ಆಗಿವೆ ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.</p>.<p>ಪೆಟ್ರೋಲ್ ಬಂಕ್ಗಳು ಬಂದ್ ಆಗುವುದಕ್ಕೆ ಮತ್ತು ವಾಹನ ಸವಾರರ ಪರದಾಟಕ್ಕೆ ಸಾಕಷ್ಟು ಪ್ರಮಾಣದಲ್ಲಿ ಪೆಟ್ರೋಲ್ ಸರಬರಾಜು ಮಾಡದ ತೈಲ ಮಾರಾಟ ಕಂಪನಿಗಳು(ಒಎಂಸಿ) ಕಾರಣ ಎಂದು ಪಾಕಿಸ್ತಾನದ ಪೆಟ್ರೋಲಿಯಂ ಡೀಲರ್ಸ್ ಅಸೋಸಿಯೇಶನ್(ಪಿಪಿಡಿಎ) ಆರೋಪಿಸಿದೆ.</p>.<p>ಆದರೆ, ಈ ಆರೋಪವನ್ನು ತಳ್ಳಿಹಾಕಿರುವ ತೈಲ ಕಂಪನಿಗಳು, ಕೆಲ ಬಂಕ್ಗಳ ಮಾಲೀಕರು ಪೆಟ್ರೋಲ್ ಬೆಲೆ ಹೆಚ್ಚಾಗುವ ನಿರೀಕ್ಷೆಯಿಂದ ಲಾಭ ಮಾಡುವ ದುರುದ್ದೇಶ ಇಟ್ಟುಕೊಂಡು ಪೆಟ್ರೋಲ್ ಅನ್ನು ಸಂಗ್ರಹಿಸಿ ಇಟ್ಟುಕೊಂಡಿದ್ದಾರೆ. ಇದು ಕೃತಕ ಕೊರತೆ ಸೃಷ್ಟಿಗೆ ಕಾರಣವಾಗಿದೆ ಎಂದು ಅದು ಹೇಳಿವೆ.</p>.<p>‘ಸದ್ಯ ಲಾಹೋರ್ ನಗರ ಮತ್ತು ಹೊರವಲಯದಲ್ಲಿರುವ 450 ಪೆಟ್ರೋಲ್ ಬಂಕ್ಗಳ ಪೈಕಿ ಶೇಕಡ 30ರಿಂದ 40ರಷ್ಟು ಬಂಕ್ಗಳಲ್ಲಿ ಪೆಟ್ರೋಲ್ ಇಲ್ಲ. ಸಾರ್ವಜನಿಕ ವಲಯದ ಬಹು ದೊಡ್ಡ ತೈಲ ಕಂಪನಿ ಮತ್ತು ಎರಡು ಅಂತರರಾಷ್ಟ್ರೀಯ ತೈಲ ಕಂಪನಿಗಳು ಸರಬರಾಜು ತಗ್ಗಿಸಿರುವುದರಿಂದ ಈ ಕೊರತೆ ಕಾಡುತ್ತಿದೆ. ಈ ಹಿಂದೆ ಈ ಕಂಪನಿಗಳು ಸಾಮಾನ್ಯವಾಗಿ ಸರಬರಾಜು ಮಾಡುತ್ತಿದ್ದವು. ಇದೀಗ ಅವೂ ಸಹ ಜನರ ಜೊತೆ ಆಟವಾಡಲು ಶುರು ಮಾಡಿವೆ’ಎಂದು ಪಿಪಿಡಿಎ ಕಾರ್ಯದರ್ಶಿ ಖ್ವಾಜಾ ಅತೀಫ್ ಆರೋಪಿಸಿದ್ದಾರೆ.</p>.<p>ಗುಜ್ರಾನ್ವಾಲಾ, ಫೈಸಲಾಬಾದ್, ಶೇಖುಪ್ರಾ, ಸರ್ಗೋಧಾ, ಸಹಿವಾಲ್, ಕಸೂರ್ ಮತ್ತು ಇತರೆ ಜಿಲ್ಲೆಗಳಲ್ಲಿ ಹಲವು ದಿನಗಳಿಂದ ಬಂಕ್ಗಳು ಬಂದ್ ಆಗಿವೆ ಎಂದೂ ಅವರು ಹೇಳಿರುವುದಾಗಿ ಡಾನ್ ವರದಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಾಹೋರ್</strong>: ಆರ್ಥಿಕ ಸಂಕಷ್ಟದಿಂದ ತತ್ತರಿಸುತ್ತಿರುವ ಪಾಕಿಸ್ತಾನದಲ್ಲಿ ಈಗ ತೀವ್ರ ಪೆಟ್ರೋಲ್ ಕೊರತೆ ಕಾಡುತ್ತಿದೆ. </p>.<p>ಪೆಟ್ರೋಲ್ ಸರಬರಾಜು ಸಾಕಷ್ಟಿದೆ ಎಂದು ಹೇಳುತ್ತಿರುವ ಅಲ್ಲಿನ ಸರ್ಕಾರ, ಪೆಟ್ರೋಲ್ ಅನ್ನು ಸಂಗ್ರಹಿಸಿ ಇಡುವವರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದೆ. ಪಂಜಾಬ್ ಪ್ರಾಂತ್ಯದ ಹಲವೆಡೆ ಪೆಟ್ರೋಲ್ ಕೊರತೆ ತೀವ್ರವಾಗಿ ಕಾಡುತ್ತಿದ್ದು, ದೈನಂದಿನ ಜನಜೀವನಕ್ಕೆ ತೊಂದರೆಯಾಗಿದೆ.</p>.<p>ದೂರದ ಪ್ರದೇಶಗಳಲ್ಲಿ ಕಳೆದ ಒಂದು ತಿಂಗಳಿಂದ ಪೆಟ್ರೋಲ್ ಸರಬರಾಜು ಆಗದೆ, ಪೆಟ್ರೋಲ್ ಬಂಕ್ಗಳು ಬಂದ್ ಆಗಿವೆ ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.</p>.<p>ಪೆಟ್ರೋಲ್ ಬಂಕ್ಗಳು ಬಂದ್ ಆಗುವುದಕ್ಕೆ ಮತ್ತು ವಾಹನ ಸವಾರರ ಪರದಾಟಕ್ಕೆ ಸಾಕಷ್ಟು ಪ್ರಮಾಣದಲ್ಲಿ ಪೆಟ್ರೋಲ್ ಸರಬರಾಜು ಮಾಡದ ತೈಲ ಮಾರಾಟ ಕಂಪನಿಗಳು(ಒಎಂಸಿ) ಕಾರಣ ಎಂದು ಪಾಕಿಸ್ತಾನದ ಪೆಟ್ರೋಲಿಯಂ ಡೀಲರ್ಸ್ ಅಸೋಸಿಯೇಶನ್(ಪಿಪಿಡಿಎ) ಆರೋಪಿಸಿದೆ.</p>.<p>ಆದರೆ, ಈ ಆರೋಪವನ್ನು ತಳ್ಳಿಹಾಕಿರುವ ತೈಲ ಕಂಪನಿಗಳು, ಕೆಲ ಬಂಕ್ಗಳ ಮಾಲೀಕರು ಪೆಟ್ರೋಲ್ ಬೆಲೆ ಹೆಚ್ಚಾಗುವ ನಿರೀಕ್ಷೆಯಿಂದ ಲಾಭ ಮಾಡುವ ದುರುದ್ದೇಶ ಇಟ್ಟುಕೊಂಡು ಪೆಟ್ರೋಲ್ ಅನ್ನು ಸಂಗ್ರಹಿಸಿ ಇಟ್ಟುಕೊಂಡಿದ್ದಾರೆ. ಇದು ಕೃತಕ ಕೊರತೆ ಸೃಷ್ಟಿಗೆ ಕಾರಣವಾಗಿದೆ ಎಂದು ಅದು ಹೇಳಿವೆ.</p>.<p>‘ಸದ್ಯ ಲಾಹೋರ್ ನಗರ ಮತ್ತು ಹೊರವಲಯದಲ್ಲಿರುವ 450 ಪೆಟ್ರೋಲ್ ಬಂಕ್ಗಳ ಪೈಕಿ ಶೇಕಡ 30ರಿಂದ 40ರಷ್ಟು ಬಂಕ್ಗಳಲ್ಲಿ ಪೆಟ್ರೋಲ್ ಇಲ್ಲ. ಸಾರ್ವಜನಿಕ ವಲಯದ ಬಹು ದೊಡ್ಡ ತೈಲ ಕಂಪನಿ ಮತ್ತು ಎರಡು ಅಂತರರಾಷ್ಟ್ರೀಯ ತೈಲ ಕಂಪನಿಗಳು ಸರಬರಾಜು ತಗ್ಗಿಸಿರುವುದರಿಂದ ಈ ಕೊರತೆ ಕಾಡುತ್ತಿದೆ. ಈ ಹಿಂದೆ ಈ ಕಂಪನಿಗಳು ಸಾಮಾನ್ಯವಾಗಿ ಸರಬರಾಜು ಮಾಡುತ್ತಿದ್ದವು. ಇದೀಗ ಅವೂ ಸಹ ಜನರ ಜೊತೆ ಆಟವಾಡಲು ಶುರು ಮಾಡಿವೆ’ಎಂದು ಪಿಪಿಡಿಎ ಕಾರ್ಯದರ್ಶಿ ಖ್ವಾಜಾ ಅತೀಫ್ ಆರೋಪಿಸಿದ್ದಾರೆ.</p>.<p>ಗುಜ್ರಾನ್ವಾಲಾ, ಫೈಸಲಾಬಾದ್, ಶೇಖುಪ್ರಾ, ಸರ್ಗೋಧಾ, ಸಹಿವಾಲ್, ಕಸೂರ್ ಮತ್ತು ಇತರೆ ಜಿಲ್ಲೆಗಳಲ್ಲಿ ಹಲವು ದಿನಗಳಿಂದ ಬಂಕ್ಗಳು ಬಂದ್ ಆಗಿವೆ ಎಂದೂ ಅವರು ಹೇಳಿರುವುದಾಗಿ ಡಾನ್ ವರದಿ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
