<p><strong>ಟೆಲ್ ಅವೀವ್(ಇಸ್ರೇಲ್):</strong> ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಅವರನ್ನು ಹಮಾಸ್ ದಾಳಿಗೆ ಒಳಗಾದ ಕ್ಫರ್ ಅಜಾಗೆ ಕರೆದೊಯ್ದಿದ್ದರು ಎಂದು ದಿ ಟೈಮ್ಸ್ ಆಫ್ ಇಸ್ರೇಲ್ ವರದಿ ಮಾಡಿದೆ.</p><p>ಹಮಾಸ್ ಉಗ್ರರಿಂದ ಈ ಪ್ರದೇಶದಲ್ಲಿ ಆಗಿರುವ ದಾಳಿಯ ಭೀಕರತೆಯನ್ನು ನೆತನ್ಯಾಹು ವಿವರಿಸಿದರು. ಉಗ್ರರ ದೌರ್ಜನ್ಯದ ಕುರಿತಾಗಿ ಸ್ಥಳಿಯ ಅಧಿಕಾರಿಗಳು ಸಹ ಮಸ್ಕ್ಗೆ ವಿವರಣೆ ನೀಡಿದರು.</p><p>ಅಕ್ಟೋಬರ್ 7ರಂದು, ಹಮಾಸ್ ಭಯೋತ್ಪಾದಕರು ಈ ಪ್ರದೇಶದ ಮೇಲೆ ದಾಳಿ ಮಾಡಿ ಹಲವು ಜನರನ್ನು ಕೊಂದಿದ್ದರು, ಸಂಪೂರ್ಣ ಮನೆಗಳನ್ನು ಸುಟ್ಟುಹಾಕಿದ್ದರು, ಇಲ್ಲಿನ ಹಲವು ನಾಗರಿಕರನ್ನು ಬಂಧಿಸಿ ಗಾಜಾಕ್ಕೆ ಕರೆದೊಯ್ದಿದ್ದರು.</p>. <p>‘ಹಮಾಸ್ ಮಾಡಿದ ಮಾನವೀಯತೆಯ ವಿರುದ್ಧದ ಅಪರಾಧಗಳನ್ನು ಹತ್ತಿರದಿಂದ ತೋರಿಸಲು ನಾನು ಎಲಾನ್ ಮಸ್ಕ್ ಅವರೊಂದಿಗೆ ಕಿಬ್ಬುಟ್ಜ್ ಕ್ಫರ್ ಆಜಾಕ್ಕೆ ಪ್ರವಾಸ ಮಾಡಿದ್ದೇನೆ’ಎಂದು ನೆತನ್ಯಾಹು ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.</p><p>ಇದೇವೇಳೆ, ಉಗ್ರರ ದಾಳಿಯಲ್ಲಿ ಮೃತಪಟ್ಟ ಸ್ಥಳೀಯ ಸಮುದಾಯ ಭದ್ರತಾ ದಳದ ಮುಖ್ಯಸ್ಥ ಒಫಿರ್ ಲಿಬ್ಸ್ಟೈನ್ ಅವರ ನಿವಾಸಕ್ಕೂ ಮಸ್ಕ್ ಭೇಟಿ ನೀಡಿದರು. ಉಗ್ರರು ಗಾಜಾಕ್ಕೆ ಕರೆದೊಯ್ದು ಒತ್ತೆಯಾಳಾಗಿ ಇರಿಸಿಕೊಂಡಿದ್ದ ನಿನ್ನೆ ಬಿಡುಗಡೆ ಮಾಡಿರುವ 4 ವರ್ಷದ ಇಸ್ರೇಲಿ-ಅಮೆರಿಕನ್ ಮಗು ಅವಿಗೈಲ್ ಇಡಾನ್ ಅವರ ಮಾತುಗಳನ್ನು ಸಹ ಆಲಿಸಿದರು.</p><p>4 ವರ್ಷದ ಅಮೆರಿಕ ಬಾಲಕಿ ಅವಿಗೈಲ್ ಇಡಾನ್ ಸೇರಿದಂತೆ 13 ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ ನಂತರ, ಪ್ರತಿ ಒತ್ತೆಯಾಳು ತಮ್ಮ ಪ್ರೀತಿಪಾತ್ರರ ಬಳಿಗೆ ಹಿಂದಿರುಗುವುದನ್ನು ಖಚಿತಪಡಿಸಲು ಅಚಲವಾದ ಬದ್ಧತೆ ಪ್ರದರ್ಶಿಸುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಪ್ರತಿಜ್ಞೆ ಮಾಡಿದ್ದರು.</p><p>‘ಪ್ರತಿಯೊಬ್ಬ ಒತ್ತೆಯಾಳು ಅವರ ಪ್ರೀತಿಪಾತ್ರರ ಬಳಿಗೆ ಹಿಂದಿರುಗುವವರೆಗೆ ನಾವು ನಮ್ಮ ಕಾರ್ಯದಿಂದ ವಿರಮಿಸುವುದಿಲ್ಲ. ಇದು ನನಗೆ ಮತ್ತು ನನ್ನ ತಂಡಕ್ಕೆ ಸಾಕಷ್ಟು ಕಠಿಣ ಪರಿಶ್ರಮದ ಸಮಯವಾಗಿದೆ’ಎಂದು ಅವರು ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೆಲ್ ಅವೀವ್(ಇಸ್ರೇಲ್):</strong> ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಅವರನ್ನು ಹಮಾಸ್ ದಾಳಿಗೆ ಒಳಗಾದ ಕ್ಫರ್ ಅಜಾಗೆ ಕರೆದೊಯ್ದಿದ್ದರು ಎಂದು ದಿ ಟೈಮ್ಸ್ ಆಫ್ ಇಸ್ರೇಲ್ ವರದಿ ಮಾಡಿದೆ.</p><p>ಹಮಾಸ್ ಉಗ್ರರಿಂದ ಈ ಪ್ರದೇಶದಲ್ಲಿ ಆಗಿರುವ ದಾಳಿಯ ಭೀಕರತೆಯನ್ನು ನೆತನ್ಯಾಹು ವಿವರಿಸಿದರು. ಉಗ್ರರ ದೌರ್ಜನ್ಯದ ಕುರಿತಾಗಿ ಸ್ಥಳಿಯ ಅಧಿಕಾರಿಗಳು ಸಹ ಮಸ್ಕ್ಗೆ ವಿವರಣೆ ನೀಡಿದರು.</p><p>ಅಕ್ಟೋಬರ್ 7ರಂದು, ಹಮಾಸ್ ಭಯೋತ್ಪಾದಕರು ಈ ಪ್ರದೇಶದ ಮೇಲೆ ದಾಳಿ ಮಾಡಿ ಹಲವು ಜನರನ್ನು ಕೊಂದಿದ್ದರು, ಸಂಪೂರ್ಣ ಮನೆಗಳನ್ನು ಸುಟ್ಟುಹಾಕಿದ್ದರು, ಇಲ್ಲಿನ ಹಲವು ನಾಗರಿಕರನ್ನು ಬಂಧಿಸಿ ಗಾಜಾಕ್ಕೆ ಕರೆದೊಯ್ದಿದ್ದರು.</p>. <p>‘ಹಮಾಸ್ ಮಾಡಿದ ಮಾನವೀಯತೆಯ ವಿರುದ್ಧದ ಅಪರಾಧಗಳನ್ನು ಹತ್ತಿರದಿಂದ ತೋರಿಸಲು ನಾನು ಎಲಾನ್ ಮಸ್ಕ್ ಅವರೊಂದಿಗೆ ಕಿಬ್ಬುಟ್ಜ್ ಕ್ಫರ್ ಆಜಾಕ್ಕೆ ಪ್ರವಾಸ ಮಾಡಿದ್ದೇನೆ’ಎಂದು ನೆತನ್ಯಾಹು ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.</p><p>ಇದೇವೇಳೆ, ಉಗ್ರರ ದಾಳಿಯಲ್ಲಿ ಮೃತಪಟ್ಟ ಸ್ಥಳೀಯ ಸಮುದಾಯ ಭದ್ರತಾ ದಳದ ಮುಖ್ಯಸ್ಥ ಒಫಿರ್ ಲಿಬ್ಸ್ಟೈನ್ ಅವರ ನಿವಾಸಕ್ಕೂ ಮಸ್ಕ್ ಭೇಟಿ ನೀಡಿದರು. ಉಗ್ರರು ಗಾಜಾಕ್ಕೆ ಕರೆದೊಯ್ದು ಒತ್ತೆಯಾಳಾಗಿ ಇರಿಸಿಕೊಂಡಿದ್ದ ನಿನ್ನೆ ಬಿಡುಗಡೆ ಮಾಡಿರುವ 4 ವರ್ಷದ ಇಸ್ರೇಲಿ-ಅಮೆರಿಕನ್ ಮಗು ಅವಿಗೈಲ್ ಇಡಾನ್ ಅವರ ಮಾತುಗಳನ್ನು ಸಹ ಆಲಿಸಿದರು.</p><p>4 ವರ್ಷದ ಅಮೆರಿಕ ಬಾಲಕಿ ಅವಿಗೈಲ್ ಇಡಾನ್ ಸೇರಿದಂತೆ 13 ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ ನಂತರ, ಪ್ರತಿ ಒತ್ತೆಯಾಳು ತಮ್ಮ ಪ್ರೀತಿಪಾತ್ರರ ಬಳಿಗೆ ಹಿಂದಿರುಗುವುದನ್ನು ಖಚಿತಪಡಿಸಲು ಅಚಲವಾದ ಬದ್ಧತೆ ಪ್ರದರ್ಶಿಸುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಪ್ರತಿಜ್ಞೆ ಮಾಡಿದ್ದರು.</p><p>‘ಪ್ರತಿಯೊಬ್ಬ ಒತ್ತೆಯಾಳು ಅವರ ಪ್ರೀತಿಪಾತ್ರರ ಬಳಿಗೆ ಹಿಂದಿರುಗುವವರೆಗೆ ನಾವು ನಮ್ಮ ಕಾರ್ಯದಿಂದ ವಿರಮಿಸುವುದಿಲ್ಲ. ಇದು ನನಗೆ ಮತ್ತು ನನ್ನ ತಂಡಕ್ಕೆ ಸಾಕಷ್ಟು ಕಠಿಣ ಪರಿಶ್ರಮದ ಸಮಯವಾಗಿದೆ’ಎಂದು ಅವರು ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>