<p><strong>ದಾವಣಗೆರೆ:</strong> ಸಂಸದ ಜಿ.ಎಂ. ಸಿದ್ದೇಶ್ವರ, ಕೇಂದ್ರ ಸರ್ಕಾರದ ಯೋಜನೆಗಳ ಪ್ರಗತಿ ಪರಿಶೀಲನಾ ಸಭೆ ನಡೆಸಿದರೆ ‘ಬಿಎಸ್ಎನ್ಎಲ್ ಹರಿಕಥೆ’ ನಡೆಯುವುದು ಖಾತ್ರಿ. ಮೊನ್ನೆ ನಡೆದ ಜಿಲ್ಲಾ ಅಭಿವೃದ್ಧಿ ಸಮನ್ವಯ ಮತ್ತು ಉಸ್ತುವಾರಿ ಸಮಿತಿ (ದಿಶಾ) ಪ್ರಗತಿ ಪರಿಶೀಲನಾ ಸಭೆಯಲ್ಲೂ ಇದು ಮುಂದುವರಿಯಿತು.</p>.<p>‘ಹೈವೆಯಲ್ಲಿ ನಾನು ಹೊರಟರೆ ಬಿಎಸ್ಎನ್ಎಲ್ ಸಿಗ್ನಲ್ ಸಿಗಲ್ಲ. ಮೊಬೈಲ್ನಲ್ಲಿ ಮಾತನಾಡುತ್ತಿರುವಾಗ ಸಂಪರ್ಕ<br />ಕಡಿತಗೊಳ್ಳುತ್ತದೆ. ಇದು ನಮ್ಮ ಸರ್ಕಾರದ ಕಂಪನಿ ಎಂದು ಹೇಳಿಕೊಳ್ಳಲು ನಾಚಿಕೆಯಾಗುತ್ತಿದೆ. ಏರ್ಟೆಲ್, ರಿಲಯನ್ಸ್<br />ನಂತಹ ಖಾಸಗಿ ಕಂಪನಿಗಳಿಗೆ ಬಿಎಸ್ಎನ್ಎಲ್ ಅಡವಿಟ್ಟಿದ್ದೀರಾ’ ಎಂದು ಸಂಸದರು ರೇಗಾಡಿದರು. ‘ನಮ್ಮ (ಬಿಜೆಪಿ) ಸರ್ಕಾರದಿಂದ ಲೋಪವಾಗಿದ್ದರೆ ಒಪ್ಪಿಕೊಳ್ಳುವುದರಲ್ಲಿ ತಪ್ಪೇನಿಲ್ಲ’ ಎಂದು ಮಾಧ್ಯಮ ಪ್ರತಿನಿಧಿಗಳತ್ತ ನೋಡಿ ಸಣ್ಣಗೆ ಕಣ್ಣು ಮಿಟುಕಿಸಿದರು.</p>.<p>ಈ ‘ಹರಿಕಥೆ’ಯನ್ನು ಆಗಾಗ ಕೇಳಿ ಅನುಭವವಿದ್ದ ಅಧಿಕಾರಿಗಳು, ‘ಟವರ್ ವ್ಯಾಪ್ತಿಯಲ್ಲಿ ಒಂದೇ ಬಾರಿ 350ಕ್ಕಿಂತಲೂ ಹೆಚ್ಚಿನ ಜನ ಕರೆ ಮಾಡಿದಾಗ ಟ್ರಾಫಿಕ್ ಜಾಮ್ ಆಗಿ ಕಾಲ್ ಡ್ರಾಪ್ ಆಗುತ್ತದೆ’ ಎಂದು ಸಮಜಾಯಿಷಿ ಕೊಟ್ಟರು.</p>.<p>ಇದರಿಂದಲೂ ತೃಪ್ತರಾಗ ಸಂಸದರು, ‘ಒಂದು ಲಕ್ಷ ಸಿಮ್ ಕೊಡಬೇಕಾದ ಕಡೆ ಐದು ಲಕ್ಷ ಸಿಮ್ಗಳನ್ನು ವಿತರಿಸುತ್ತೀರಿ. ಹೆಚ್ಚಿನ ಟವರ್ ಹಾಕುವಂತೆ ಇಲಾಖೆಯ ಸಚಿವರಿಗೆ ಮನವಿ ಕೊಟ್ಟು ಕೊಟ್ಟು ನನಗೂ ಸಾಕಾಗಿಹೋಗಿದೆ. ನಿಮ್ಮದು ವರ್ಸ್ಟ್ ಸರ್ವಿಸ್’ ಎಂದು ಅಸಹಾಯಕತೆ ವ್ಯಕ್ತಪಡಿಸಿದರು.</p>.<p>ಗ್ರಾಮ ಪಂಚಾಯಿತಿಗಳಿಗೆ ಬ್ರಾಡ್ಬ್ಯಾಂಡ್ ಸಂಪರ್ಕ ಕಲ್ಪಿಸುವ ವಿಚಾರಕ್ಕೆ ಸಂಬಂಧಿಸಿದ ಅಂಕಿ– ಅಂಶಗಳು ತಾಳೆ<br />ಯಾಗಲಿಲ್ಲ. ‘ಬಿಎಸ್ಎನ್ಎಲ್ ಅಧಿಕಾರಿಗಳು ನೀಡುವ ಮಾಹಿತಿ ಬಗ್ಗೆ ನನಗೆ ನಂಬಿಕೆಯೇ ಇಲ್ಲ. ಅವರೇ ಸುಳ್ಳು ಹೇಳುತ್ತಿರಬೇಕು’ ಎಂದು ಸಂಸದರು ರಾಗ ಎಳೆದಾಗ, ಸಭೆ ನಗೆಗಡಲಿನಲ್ಲಿ ತೇಲಿತು.</p>.<p><strong>ವಿನಾಯಕ ಭಟ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ:</strong> ಸಂಸದ ಜಿ.ಎಂ. ಸಿದ್ದೇಶ್ವರ, ಕೇಂದ್ರ ಸರ್ಕಾರದ ಯೋಜನೆಗಳ ಪ್ರಗತಿ ಪರಿಶೀಲನಾ ಸಭೆ ನಡೆಸಿದರೆ ‘ಬಿಎಸ್ಎನ್ಎಲ್ ಹರಿಕಥೆ’ ನಡೆಯುವುದು ಖಾತ್ರಿ. ಮೊನ್ನೆ ನಡೆದ ಜಿಲ್ಲಾ ಅಭಿವೃದ್ಧಿ ಸಮನ್ವಯ ಮತ್ತು ಉಸ್ತುವಾರಿ ಸಮಿತಿ (ದಿಶಾ) ಪ್ರಗತಿ ಪರಿಶೀಲನಾ ಸಭೆಯಲ್ಲೂ ಇದು ಮುಂದುವರಿಯಿತು.</p>.<p>‘ಹೈವೆಯಲ್ಲಿ ನಾನು ಹೊರಟರೆ ಬಿಎಸ್ಎನ್ಎಲ್ ಸಿಗ್ನಲ್ ಸಿಗಲ್ಲ. ಮೊಬೈಲ್ನಲ್ಲಿ ಮಾತನಾಡುತ್ತಿರುವಾಗ ಸಂಪರ್ಕ<br />ಕಡಿತಗೊಳ್ಳುತ್ತದೆ. ಇದು ನಮ್ಮ ಸರ್ಕಾರದ ಕಂಪನಿ ಎಂದು ಹೇಳಿಕೊಳ್ಳಲು ನಾಚಿಕೆಯಾಗುತ್ತಿದೆ. ಏರ್ಟೆಲ್, ರಿಲಯನ್ಸ್<br />ನಂತಹ ಖಾಸಗಿ ಕಂಪನಿಗಳಿಗೆ ಬಿಎಸ್ಎನ್ಎಲ್ ಅಡವಿಟ್ಟಿದ್ದೀರಾ’ ಎಂದು ಸಂಸದರು ರೇಗಾಡಿದರು. ‘ನಮ್ಮ (ಬಿಜೆಪಿ) ಸರ್ಕಾರದಿಂದ ಲೋಪವಾಗಿದ್ದರೆ ಒಪ್ಪಿಕೊಳ್ಳುವುದರಲ್ಲಿ ತಪ್ಪೇನಿಲ್ಲ’ ಎಂದು ಮಾಧ್ಯಮ ಪ್ರತಿನಿಧಿಗಳತ್ತ ನೋಡಿ ಸಣ್ಣಗೆ ಕಣ್ಣು ಮಿಟುಕಿಸಿದರು.</p>.<p>ಈ ‘ಹರಿಕಥೆ’ಯನ್ನು ಆಗಾಗ ಕೇಳಿ ಅನುಭವವಿದ್ದ ಅಧಿಕಾರಿಗಳು, ‘ಟವರ್ ವ್ಯಾಪ್ತಿಯಲ್ಲಿ ಒಂದೇ ಬಾರಿ 350ಕ್ಕಿಂತಲೂ ಹೆಚ್ಚಿನ ಜನ ಕರೆ ಮಾಡಿದಾಗ ಟ್ರಾಫಿಕ್ ಜಾಮ್ ಆಗಿ ಕಾಲ್ ಡ್ರಾಪ್ ಆಗುತ್ತದೆ’ ಎಂದು ಸಮಜಾಯಿಷಿ ಕೊಟ್ಟರು.</p>.<p>ಇದರಿಂದಲೂ ತೃಪ್ತರಾಗ ಸಂಸದರು, ‘ಒಂದು ಲಕ್ಷ ಸಿಮ್ ಕೊಡಬೇಕಾದ ಕಡೆ ಐದು ಲಕ್ಷ ಸಿಮ್ಗಳನ್ನು ವಿತರಿಸುತ್ತೀರಿ. ಹೆಚ್ಚಿನ ಟವರ್ ಹಾಕುವಂತೆ ಇಲಾಖೆಯ ಸಚಿವರಿಗೆ ಮನವಿ ಕೊಟ್ಟು ಕೊಟ್ಟು ನನಗೂ ಸಾಕಾಗಿಹೋಗಿದೆ. ನಿಮ್ಮದು ವರ್ಸ್ಟ್ ಸರ್ವಿಸ್’ ಎಂದು ಅಸಹಾಯಕತೆ ವ್ಯಕ್ತಪಡಿಸಿದರು.</p>.<p>ಗ್ರಾಮ ಪಂಚಾಯಿತಿಗಳಿಗೆ ಬ್ರಾಡ್ಬ್ಯಾಂಡ್ ಸಂಪರ್ಕ ಕಲ್ಪಿಸುವ ವಿಚಾರಕ್ಕೆ ಸಂಬಂಧಿಸಿದ ಅಂಕಿ– ಅಂಶಗಳು ತಾಳೆ<br />ಯಾಗಲಿಲ್ಲ. ‘ಬಿಎಸ್ಎನ್ಎಲ್ ಅಧಿಕಾರಿಗಳು ನೀಡುವ ಮಾಹಿತಿ ಬಗ್ಗೆ ನನಗೆ ನಂಬಿಕೆಯೇ ಇಲ್ಲ. ಅವರೇ ಸುಳ್ಳು ಹೇಳುತ್ತಿರಬೇಕು’ ಎಂದು ಸಂಸದರು ರಾಗ ಎಳೆದಾಗ, ಸಭೆ ನಗೆಗಡಲಿನಲ್ಲಿ ತೇಲಿತು.</p>.<p><strong>ವಿನಾಯಕ ಭಟ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
