<p>ಕುರ್ಚಿಯಲ್ಲಿ ವಿರಾಜಮಾನರಾಗಿ ಕುಳಿತಿದ್ದ ರಾಜಾಹುಲಿ ಮಹಾರಾಜರಿಗೆ ಕಿರಿಕಿರಿಯ ಅನುಭವವಾಯಿತು.</p>.<p>‘ಮಂತ್ರಿಗಳೇ, ಯಾಕೋ ಕುರ್ಚಿ ಶೇಕ್ ಆಗ್ತಿದೆ, ಚೆಕ್ ಮಾಡಿ’ ಎಂದರು.</p>.<p>ಕುರ್ಚಿ ಕಾಲು ಚೆಕ್ ಮಾಡಿದ ಮಂತ್ರಿ, ‘ಪ್ರಭು, ಕಲ್ಯಾಣ ಕರ್ನಾಟಕ, ಮುಂಬೈ ಕರ್ನಾಟಕ ದಿಕ್ಕಿನ ಕಾಲುಗಳು ಅಲ್ಲಾಡುತ್ತಿವೆ’ ಎಂದರು.</p>.<p>‘ಯಾಕೆ ಹೀಗಾಯ್ತು? ಯಾರಾದರೂ ಕಾಲು ಎಳೆಯುತ್ತಿದ್ದಾರೆಯೇ?!’</p>.<p>‘ಪ್ರವಾಹದ ಥಂಡಿಗೆ ಹೀಗಾಗಿದೆ. ಮಳೆ ಕಡಿಮೆಯಾದ ಮೇಲೆ ಒಂದು ಮೊಳೆ ಹೊಡೆದರೆ ಕಾಲುಗಳು ಭದ್ರವಾಗುತ್ತವೆ ಬಿಡಿ...’</p>.<p>‘ಮೈಸೂರು ಕರ್ನಾಟಕ, ಕರಾವಳಿ ಕರ್ನಾಟಕ ದಿಕ್ಕಿನ ಕಾಲುಗಳು ಅಲ್ಲಾಡುತ್ತಿಲ್ಲ ತಾನೇ?’ ರಾಜಾಹುಲಿ ಕೇಳಿದರು.</p>.<p>ಆ ಕಾಲುಗಳನ್ನು ಮಂತ್ರಿ ಅಲ್ಲಾಡಿಸಿ ನೋಡಿದರು, ‘ಇಲ್ಲ ಪ್ರಭು, ಸದ್ಯಕ್ಕೆ ಬಿಗಿಯಾಗಿವೆ, ಆದರೂ ದೀರ್ಘ ಬಾಳಿಕೆ ಬರುವುದು ಡೌಟು...’</p>.<p>‘ಕುರ್ಚಿಯ ಎಕ್ಸ್ಪೈರಿ ಡೇಟು ಇನ್ನೂ ಎರಡೂ ಮುಕ್ಕಾಲು ವರ್ಷ ಬಾಕಿ ಇದೆ, ಗ್ಯಾರಂಟಿ ಪಿರಿಯಡ್ಡೂ ಮುಗಿದಿಲ್ಲ. ಇಷ್ಟು ಬೇಗ ಕುರ್ಚಿಗೆ ಕಂಟಕ ಬಂದುಬಿಟ್ಟಿತೇ...’ ರಾಜಾಹುಲಿಯವರಿಗೆ ಅರ್ಥವಾಗಲಿಲ್ಲ.</p>.<p>‘ಹುಷಾರು ಪ್ರಭು, ಕುರ್ಚಿ ಕುಸಿದರೆ ಕಷ್ಟ, ಮತ್ತೆ ನಿಮ್ಮನ್ನು ಕೂರಿಸುವವರು ಯಾರೂ ಇಲ್ಲ’.</p>.<p>‘ಕುರ್ಚಿ ರಿಪೇರಿ ತಜ್ಞರನ್ನು ಕರೆಸಿ’.</p>.<p>‘ದೆಹಲಿಯ ತಜ್ಞರನ್ನು ಕರೆಸಿ ರಿಪೇರಿ ಮಾಡಿಸೋಣವೇ ಪ್ರಭು?’</p>.<p>‘ಬೇಡ ಬೇಡ, ಕುರ್ಚಿಯನ್ನು ನಿಭಾಯಿಸುವ ಸಾಮರ್ಥ್ಯ ಇಲ್ಲ ಅಂತ ಅವರು ಆರೋಪ ಮಾಡಬಹುದು, ನಾವೇ ರಿಪೇರಿ ಮಾಡಿಕೊಳ್ಳೋಣ’.</p>.<p>‘ಕುರ್ಚಿ ರಿಪೇರಿ ಸುಲಭ ಪ್ರಭು... ಅನುದಾನದ ಅಂಟು ಹಾಕಿ, ಸಾಂತ್ವನದ ಗಂಟು ಕಟ್ಟಿದರೆ ಕುರ್ಚಿ ಕಾಲುಗಳು ಇನ್ನಷ್ಟು ಕಾಲ ಗಟ್ಟಿಯಾಗಿರುತ್ತವೆ...’ ಎಂದರು ಮಂತ್ರಿ.</p>.<p>‘ಇದನ್ನು ಹೇಳೋಕೆ ನೀವೇ ಬೇಕಾ, ಹೇಗೆ ರಿಪೇರಿ ಮಾಡಿಕೊಳ್ಳಬೇಕು ಅಂತ ನನಗೂ ಗೊತ್ತು ಹೋಗ್ರೀ...’ ಎಂದು ರಾಜಾಹುಲಿ ಮುಖ ಗಂಟು ಹಾಕಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕುರ್ಚಿಯಲ್ಲಿ ವಿರಾಜಮಾನರಾಗಿ ಕುಳಿತಿದ್ದ ರಾಜಾಹುಲಿ ಮಹಾರಾಜರಿಗೆ ಕಿರಿಕಿರಿಯ ಅನುಭವವಾಯಿತು.</p>.<p>‘ಮಂತ್ರಿಗಳೇ, ಯಾಕೋ ಕುರ್ಚಿ ಶೇಕ್ ಆಗ್ತಿದೆ, ಚೆಕ್ ಮಾಡಿ’ ಎಂದರು.</p>.<p>ಕುರ್ಚಿ ಕಾಲು ಚೆಕ್ ಮಾಡಿದ ಮಂತ್ರಿ, ‘ಪ್ರಭು, ಕಲ್ಯಾಣ ಕರ್ನಾಟಕ, ಮುಂಬೈ ಕರ್ನಾಟಕ ದಿಕ್ಕಿನ ಕಾಲುಗಳು ಅಲ್ಲಾಡುತ್ತಿವೆ’ ಎಂದರು.</p>.<p>‘ಯಾಕೆ ಹೀಗಾಯ್ತು? ಯಾರಾದರೂ ಕಾಲು ಎಳೆಯುತ್ತಿದ್ದಾರೆಯೇ?!’</p>.<p>‘ಪ್ರವಾಹದ ಥಂಡಿಗೆ ಹೀಗಾಗಿದೆ. ಮಳೆ ಕಡಿಮೆಯಾದ ಮೇಲೆ ಒಂದು ಮೊಳೆ ಹೊಡೆದರೆ ಕಾಲುಗಳು ಭದ್ರವಾಗುತ್ತವೆ ಬಿಡಿ...’</p>.<p>‘ಮೈಸೂರು ಕರ್ನಾಟಕ, ಕರಾವಳಿ ಕರ್ನಾಟಕ ದಿಕ್ಕಿನ ಕಾಲುಗಳು ಅಲ್ಲಾಡುತ್ತಿಲ್ಲ ತಾನೇ?’ ರಾಜಾಹುಲಿ ಕೇಳಿದರು.</p>.<p>ಆ ಕಾಲುಗಳನ್ನು ಮಂತ್ರಿ ಅಲ್ಲಾಡಿಸಿ ನೋಡಿದರು, ‘ಇಲ್ಲ ಪ್ರಭು, ಸದ್ಯಕ್ಕೆ ಬಿಗಿಯಾಗಿವೆ, ಆದರೂ ದೀರ್ಘ ಬಾಳಿಕೆ ಬರುವುದು ಡೌಟು...’</p>.<p>‘ಕುರ್ಚಿಯ ಎಕ್ಸ್ಪೈರಿ ಡೇಟು ಇನ್ನೂ ಎರಡೂ ಮುಕ್ಕಾಲು ವರ್ಷ ಬಾಕಿ ಇದೆ, ಗ್ಯಾರಂಟಿ ಪಿರಿಯಡ್ಡೂ ಮುಗಿದಿಲ್ಲ. ಇಷ್ಟು ಬೇಗ ಕುರ್ಚಿಗೆ ಕಂಟಕ ಬಂದುಬಿಟ್ಟಿತೇ...’ ರಾಜಾಹುಲಿಯವರಿಗೆ ಅರ್ಥವಾಗಲಿಲ್ಲ.</p>.<p>‘ಹುಷಾರು ಪ್ರಭು, ಕುರ್ಚಿ ಕುಸಿದರೆ ಕಷ್ಟ, ಮತ್ತೆ ನಿಮ್ಮನ್ನು ಕೂರಿಸುವವರು ಯಾರೂ ಇಲ್ಲ’.</p>.<p>‘ಕುರ್ಚಿ ರಿಪೇರಿ ತಜ್ಞರನ್ನು ಕರೆಸಿ’.</p>.<p>‘ದೆಹಲಿಯ ತಜ್ಞರನ್ನು ಕರೆಸಿ ರಿಪೇರಿ ಮಾಡಿಸೋಣವೇ ಪ್ರಭು?’</p>.<p>‘ಬೇಡ ಬೇಡ, ಕುರ್ಚಿಯನ್ನು ನಿಭಾಯಿಸುವ ಸಾಮರ್ಥ್ಯ ಇಲ್ಲ ಅಂತ ಅವರು ಆರೋಪ ಮಾಡಬಹುದು, ನಾವೇ ರಿಪೇರಿ ಮಾಡಿಕೊಳ್ಳೋಣ’.</p>.<p>‘ಕುರ್ಚಿ ರಿಪೇರಿ ಸುಲಭ ಪ್ರಭು... ಅನುದಾನದ ಅಂಟು ಹಾಕಿ, ಸಾಂತ್ವನದ ಗಂಟು ಕಟ್ಟಿದರೆ ಕುರ್ಚಿ ಕಾಲುಗಳು ಇನ್ನಷ್ಟು ಕಾಲ ಗಟ್ಟಿಯಾಗಿರುತ್ತವೆ...’ ಎಂದರು ಮಂತ್ರಿ.</p>.<p>‘ಇದನ್ನು ಹೇಳೋಕೆ ನೀವೇ ಬೇಕಾ, ಹೇಗೆ ರಿಪೇರಿ ಮಾಡಿಕೊಳ್ಳಬೇಕು ಅಂತ ನನಗೂ ಗೊತ್ತು ಹೋಗ್ರೀ...’ ಎಂದು ರಾಜಾಹುಲಿ ಮುಖ ಗಂಟು ಹಾಕಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
