<p>‘ಏನ್ರಲೆ ಹೊಸ ಸುದ್ದಿ?’ ಹರಟೆಕಟ್ಟೇಲಿ ದುಬ್ಬೀರ ಚಾ ಕುಡಿಯುತ್ತ ಕೇಳಿದ.</p><p>‘ಹೊಸ ಸುದ್ದಿನಾ? ಕರೆಂಟ್ ದರ ಇಳಿಕೆ,<br>ಅಕ್ಕಿ ದರ ಏರಿಕೆ’ ಎಂದ ತೆಪರೇಸಿ.</p><p>‘ಕರೆಂಟ್ ನಮಿಗೆಲ್ಲ ಫ್ರೀ ಸಿಗ್ತಾ ಐತಿ, ಅದು ಬಿಡು, ಈ ಅಕ್ಕಿಗೇನಾತು ಅಂತ?’</p><p>‘ಅಗಲಗಲ ಈರುಳ್ಳಿ ಒಂದೇ ಏನು ಏರೋದು, ನಾನೂ ಒಂದ್ಸಲ ಏರ್ತೀನಿ ಅಂತ ಅಕ್ಕಿನೂ ಏರಿರ್ಬೇಕು’ ಗುಡ್ಡೆ ನಕ್ಕ.</p><p>‘ಅದು ಬಿಡ್ರಲೆ, ಈಗ ಈ ಆತ್ಮಸಾಕ್ಷಿ ಅಂದ್ರೆ ಏನು?’ ಕೊಟ್ರ ವಿಷಯ ಬದಲಿಸಿದ.</p><p>‘ಅದಾ? ಆತ್ಮ ಒಪ್ಪೋ ತರ ನಡ್ಕಳೋದು’.</p><p>‘ಮತ್ತೆ ಆತ್ಮ ಅಂದ್ರೇನು? ಎಲ್ಲಿರ್ತತಿ ಅದು? ನಾವು ಸತ್ತಾಗ ಮೇಲಿಂದ ನೋಡ್ತಿರ್ತತಿ ಅಂತಾರಲ್ಲ, ಅದಾ?’</p><p>‘ಏನೋಪ್ಪ, ಮೋಸ್ಟ್ಲೀ ಅದೇ ಇರ್ಬೇಕು’ ಗುಡ್ಡೆ ಗಡ್ಡ ಕೆರ್ಕಂಡ.</p><p>‘ಅದ್ಕೆ ಸಾಕ್ಷಿ ಏನು? ಆತ್ಮನ ಯಾರು ನೋಡಿದಾರೆ?’</p><p>‘ಲೇಯ್, ಆತ್ಮಾನ ಯಾರೂ ನೋಡೋಕಾಗಲ್ಲ, ಅದು ಅವರವರ ದೇಹದಲ್ಲಿರುತ್ತೆ, ಸತ್ತ ಮೇಲೆ ಮೇಲೋಗುತ್ತೆ’ ದುಬ್ಬೀರ ರೇಗಿದ.</p><p>‘ಹಂಗಾದ್ರೆ ಆತ್ಮವು ದೇಹದ ಯಾವ<br>ಭಾಗದಲ್ಲಿರುತ್ತೆ?’ ಕೊಟ್ರ ಬಿಡಲಿಲ್ಲ.</p><p>‘ಕಿಡ್ನೀಲಿರುತ್ತೆ ಅನ್ಕೋ, ಏನೀಗ?’<br>ತೆಪರೇಸಿ ನಕ್ಕ.</p><p>‘ಕೆಲವರತ್ರ ಆತ್ಮಾನೇ ಇರಲ್ಲಪ್ಪ,<br>ಸಾಕ್ಷಿ ಎಲ್ಲಿಂದ ಕೊಡೋದು?’</p><p>‘ಸಾಕ್ಷಿ ಯಾರ್ಗೂ ಕೊಡ್ಬೇಕಾಗಿಲ್ಲ,<br>ಅವರವರೇ ಕೊಟ್ಕಂಡ್ರೆ ಸಾಕು’.</p><p>‘ಆತ್ಮಕ್ಕೆ ಮೋಸ ಮಾಡೋಕಾಗಲ್ವ?’</p><p>‘ಮಾಡಬೋದು, ಅದು ಆತ್ಮವಂಚನೆ’.</p><p>‘ಮೊನ್ನೆ ಒಬ್ರು ಅಡ್ಡಮತದಾನ ಮಾಡಿದ್ರಲ್ಲ, ಅದು ಆತ್ಮವಂಚನೆ ಅಲ್ವಾ?’</p><p>‘ಅವರು ಹಿಂದೆ ಹಳೇ ಪಕ್ಷದಲ್ಲಿದ್ರಲ್ಲ, ಮೋಸ್ಟ್ಲೀ ಅವರ ಆತ್ಮ ಅಲ್ಲೇ ಇತ್ತು ಅನ್ಸುತ್ತೆ, ಅದ್ಕೆ ಅದು ಅಡ್ಡ ಮತದಾನ ಮಾಡ್ಸಿದೆ’.</p><p>‘ಆಮೇಲೆ, ಈ ಪ್ರೇತಾತ್ಮ ಅಂತಾರಲ್ಲ,<br>ಪ್ರೇತಕ್ಕೂ ಆತ್ಮ ಇರುತ್ತಾ?’</p><p>‘ಲೇಯ್ ಕೊಕ್ಕೆ ಕೊಟ್ರ, ಎದ್ದು ನಡಿಯಲೆ ಆಚೆಗೆ’ ರೇಗಿದಳು ಮಂಜಮ್ಮ.</p><p>ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಏನ್ರಲೆ ಹೊಸ ಸುದ್ದಿ?’ ಹರಟೆಕಟ್ಟೇಲಿ ದುಬ್ಬೀರ ಚಾ ಕುಡಿಯುತ್ತ ಕೇಳಿದ.</p><p>‘ಹೊಸ ಸುದ್ದಿನಾ? ಕರೆಂಟ್ ದರ ಇಳಿಕೆ,<br>ಅಕ್ಕಿ ದರ ಏರಿಕೆ’ ಎಂದ ತೆಪರೇಸಿ.</p><p>‘ಕರೆಂಟ್ ನಮಿಗೆಲ್ಲ ಫ್ರೀ ಸಿಗ್ತಾ ಐತಿ, ಅದು ಬಿಡು, ಈ ಅಕ್ಕಿಗೇನಾತು ಅಂತ?’</p><p>‘ಅಗಲಗಲ ಈರುಳ್ಳಿ ಒಂದೇ ಏನು ಏರೋದು, ನಾನೂ ಒಂದ್ಸಲ ಏರ್ತೀನಿ ಅಂತ ಅಕ್ಕಿನೂ ಏರಿರ್ಬೇಕು’ ಗುಡ್ಡೆ ನಕ್ಕ.</p><p>‘ಅದು ಬಿಡ್ರಲೆ, ಈಗ ಈ ಆತ್ಮಸಾಕ್ಷಿ ಅಂದ್ರೆ ಏನು?’ ಕೊಟ್ರ ವಿಷಯ ಬದಲಿಸಿದ.</p><p>‘ಅದಾ? ಆತ್ಮ ಒಪ್ಪೋ ತರ ನಡ್ಕಳೋದು’.</p><p>‘ಮತ್ತೆ ಆತ್ಮ ಅಂದ್ರೇನು? ಎಲ್ಲಿರ್ತತಿ ಅದು? ನಾವು ಸತ್ತಾಗ ಮೇಲಿಂದ ನೋಡ್ತಿರ್ತತಿ ಅಂತಾರಲ್ಲ, ಅದಾ?’</p><p>‘ಏನೋಪ್ಪ, ಮೋಸ್ಟ್ಲೀ ಅದೇ ಇರ್ಬೇಕು’ ಗುಡ್ಡೆ ಗಡ್ಡ ಕೆರ್ಕಂಡ.</p><p>‘ಅದ್ಕೆ ಸಾಕ್ಷಿ ಏನು? ಆತ್ಮನ ಯಾರು ನೋಡಿದಾರೆ?’</p><p>‘ಲೇಯ್, ಆತ್ಮಾನ ಯಾರೂ ನೋಡೋಕಾಗಲ್ಲ, ಅದು ಅವರವರ ದೇಹದಲ್ಲಿರುತ್ತೆ, ಸತ್ತ ಮೇಲೆ ಮೇಲೋಗುತ್ತೆ’ ದುಬ್ಬೀರ ರೇಗಿದ.</p><p>‘ಹಂಗಾದ್ರೆ ಆತ್ಮವು ದೇಹದ ಯಾವ<br>ಭಾಗದಲ್ಲಿರುತ್ತೆ?’ ಕೊಟ್ರ ಬಿಡಲಿಲ್ಲ.</p><p>‘ಕಿಡ್ನೀಲಿರುತ್ತೆ ಅನ್ಕೋ, ಏನೀಗ?’<br>ತೆಪರೇಸಿ ನಕ್ಕ.</p><p>‘ಕೆಲವರತ್ರ ಆತ್ಮಾನೇ ಇರಲ್ಲಪ್ಪ,<br>ಸಾಕ್ಷಿ ಎಲ್ಲಿಂದ ಕೊಡೋದು?’</p><p>‘ಸಾಕ್ಷಿ ಯಾರ್ಗೂ ಕೊಡ್ಬೇಕಾಗಿಲ್ಲ,<br>ಅವರವರೇ ಕೊಟ್ಕಂಡ್ರೆ ಸಾಕು’.</p><p>‘ಆತ್ಮಕ್ಕೆ ಮೋಸ ಮಾಡೋಕಾಗಲ್ವ?’</p><p>‘ಮಾಡಬೋದು, ಅದು ಆತ್ಮವಂಚನೆ’.</p><p>‘ಮೊನ್ನೆ ಒಬ್ರು ಅಡ್ಡಮತದಾನ ಮಾಡಿದ್ರಲ್ಲ, ಅದು ಆತ್ಮವಂಚನೆ ಅಲ್ವಾ?’</p><p>‘ಅವರು ಹಿಂದೆ ಹಳೇ ಪಕ್ಷದಲ್ಲಿದ್ರಲ್ಲ, ಮೋಸ್ಟ್ಲೀ ಅವರ ಆತ್ಮ ಅಲ್ಲೇ ಇತ್ತು ಅನ್ಸುತ್ತೆ, ಅದ್ಕೆ ಅದು ಅಡ್ಡ ಮತದಾನ ಮಾಡ್ಸಿದೆ’.</p><p>‘ಆಮೇಲೆ, ಈ ಪ್ರೇತಾತ್ಮ ಅಂತಾರಲ್ಲ,<br>ಪ್ರೇತಕ್ಕೂ ಆತ್ಮ ಇರುತ್ತಾ?’</p><p>‘ಲೇಯ್ ಕೊಕ್ಕೆ ಕೊಟ್ರ, ಎದ್ದು ನಡಿಯಲೆ ಆಚೆಗೆ’ ರೇಗಿದಳು ಮಂಜಮ್ಮ.</p><p>ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>