<p>ನಾರಾಯಣ ರಾಯಚೂರ್</p>.<p>‘ಹಲೋ, ನಮಸ್ಕಾರ... ಫ್ರೀ ಆಗಿದೀರಾ ಸಾರ್?’</p>.<p>‘ಕರೆಂಟ್ ಫ್ರೀ, ಹಾಲು ಫ್ರೀ, ಅಕ್ಕಿ ಫ್ರೀ, ಸಿಲಿಂಡರ್ ಫ್ರೀ... ನಾನೂ ಫ್ರೀ... ಹೇಳಪ್ಪಾ ಡೈರೆಕ್ಟರ್ ಕಾರ್ತಿಕ್’.</p>.<p>‘ಹೋ! ನೀವು ಪ್ರಣಾಲಿಗೆ ನೋಡ್ತಾಯಿದೀರಿ ಅಂತ ಕಾಣ್ಸತ್ತೆ, ಟಿ.ವಿ ಸೌಂಡ್ ಕೇಳ್ತಾಯಿದೆ’.</p>.<p>‘ಪ್ರಣಾಲಿಗೆ... ಅಲ್ಲಯ್ಯಾ ಪ್ರಣಾಳಿಕೆ! ನೀನು ಹೇಳೋದೂ ಸರೀನೆ. ಪ್ರಣಾಳಿಕೆಯ ಜೊತೆ ಪ್ರ‘ನಾಲಿಗೆ’ನೂ ಹರಿಬಿಡ್ತಾಯಿದಾರೆ’.</p>.<p>‘ನಾಲಿಗೆ ಅಲ್ಲ ಸಾರ್, ಖಡ್ಗ. ‘ರಕ್ತದಲ್ಲಿ ಬರಕೊಡ್ತೀನಿ’, ಅಬ್ಬಬ್ಬಾ ‘ವಿಷದ ಹಾವು’, ‘ವಿಷಕನ್ಯೆ’, ‘ನಾಲಾಯಕ್ ಮಗ’, ‘ಹುಚ್ಚ’ ಒಂದೇ ಎರಡೇ?... ಸಾರ್ ‘ನಾಲಾಯಕ್ ಮಗ’ ಸಿನಿಮಾ ಟೈಟಲ್ಗೆ ಚೆನ್ನಾಗಿದೆ ಸಾರ್, ನಮ್ಮ ಪ್ರೊಡ್ಯೂಸರ್ಗೆ ಹೇಳ್ತೀನಿ’.</p>.<p>‘ಈ ಚುನಾವಣಾ ಕೆಸರಾಟದಲ್ಲಿ ಹಲವಾರು ಟೈಟಲ್ ಕೊಡ್ತೀನಿ ತಗೊಳಪ್ಪಾ ಸಿನಿಮಾಕ್ಕೆ. ‘ತಾಯಿಗೆ ತಕ್ಕ ಮಗ’ ಹಿಟ್ಟಾಗಿತ್ತಲ್ಲ, ಹಾಗೇ ‘ತಂದೆಗೆ ತಕ್ಕ ಮಗ’, ‘ತಾತನಿಗೆ ತಕ್ಕ ಮೊಮ್ಮಗ’, ‘ಸಿಡಿದೆದ್ದ ಸೊಸೆ’, ‘ಟಗರಿನ ಪೊಗರು’, ‘ರಾಜಾಹುಲಿಯ ರೋಷ’.</p>.<p>‘ಸಾರ್, ಈ ಹಬ್ಬಗಳಿಗೆ ಯುಗಾದಿ, ಗಣೇಶ ಚತುರ್ಥಿ, ದೀಪಾವಳಿಗೆ ಸಿಲಿಂಡರ್ ಕೊಡ್ತಾಯಿದಾರಲ್ಲ ಅದರ ಬಗ್ಗೆ ‘ಯುಗಯುಗಾದಿ ಕಳೆದರೂ ಸಿಲಿಂಡರ್ ಮರಳಿ ಬರುತಿದೆ’ ಅಂತ ಸಾಂಗ್ ಬರೆದರೆ, ಮತ್ತೆ ‘ಈ ಭಾಗ್ಯ, ಆ ಭಾಗ್ಯ’ ಅಂತ ಏನೇನೊ ಭಾಗ್ಯಗಳಿವೆಯಲ್ಲ ಅವುಗಳ ಬಗ್ಗೆನೂ ಬರೆಸಬಹುದು ಸಾರ್’.</p>.<p>‘ನಮಗೆ ಈ ಭಾಗ್ಯಗಳ ವಾಸನೆ ತೋರಿಸಿ ಅವರು ‘ಆಡಳಿತ ಭಾಗ್ಯ’ ಪಡ್ಕೊಂಡು ಪ್ರಜೆಗಳನ್ನ ಐದು ವರ್ಷ ಭೋಗ್ಯಕ್ಕೆ ಹಾಕ್ಕೊಂಡು, ನಮ್ಮನ್ನ ‘ಆಡು’ಗಳ ಹಾಗೆ ಟ್ರೀಟ್ ಮಾಡ್ತಾರೆ. ನಾವು ಕುರಿಗಳಾಗ್ತೀವಷ್ಟೇ’.</p>.<p>‘ನೀನೇನೋ ರೀಲ್ ಬದುಕಿನವ, ರಿಯಲ್ ಬದುಕಿನಲ್ಲಿ ಈ ‘ಫ್ರೀ’ಗಳ (ಉಚಿತ, ಬಿಟ್ಟಿ) ಪರಿಣಾಮದ ಬಗ್ಗೆ ಯೋಚನೆ ಮಾಡು. ಸಾಧ್ಯವಾದರೆ ಆ ಬಗ್ಗೆ ಒಂದು ಸಿನಿಮಾ ಮಾಡಿ, ಮೂಲ ಸೌಕರ್ಯ, ನೀರಾವರಿ, ಉದ್ಯೋಗ, ಆರೋಗ್ಯ, ಸ್ವಾವಲಂಬನೆ ಇವುಗಳ ಕಡೆ ಹೆಚ್ಚಿನ ಆದ್ಯತೆ ಕೊಡದೇ ಸೋಮಾರಿಗಳನ್ನ ಮಾಡೋ ಈ ಸ್ಕೀಮ್ಗಳು ಬರೀ ಆಮಿಷ’.</p>.<p>‘ನಿಜ ಸಾರ್, ‘ಫ್ರೀ ಅಂಡ್ ಫೇರ್’ ಅಂತ ಈಗಲೇ ಫಿಲಂ ಚೇಂಬರ್ನಲ್ಲಿ ರಿಜಿಸ್ಟರ್ ಮಾಡ್ತೀನಿ ಸಾರ್’.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಾರಾಯಣ ರಾಯಚೂರ್</p>.<p>‘ಹಲೋ, ನಮಸ್ಕಾರ... ಫ್ರೀ ಆಗಿದೀರಾ ಸಾರ್?’</p>.<p>‘ಕರೆಂಟ್ ಫ್ರೀ, ಹಾಲು ಫ್ರೀ, ಅಕ್ಕಿ ಫ್ರೀ, ಸಿಲಿಂಡರ್ ಫ್ರೀ... ನಾನೂ ಫ್ರೀ... ಹೇಳಪ್ಪಾ ಡೈರೆಕ್ಟರ್ ಕಾರ್ತಿಕ್’.</p>.<p>‘ಹೋ! ನೀವು ಪ್ರಣಾಲಿಗೆ ನೋಡ್ತಾಯಿದೀರಿ ಅಂತ ಕಾಣ್ಸತ್ತೆ, ಟಿ.ವಿ ಸೌಂಡ್ ಕೇಳ್ತಾಯಿದೆ’.</p>.<p>‘ಪ್ರಣಾಲಿಗೆ... ಅಲ್ಲಯ್ಯಾ ಪ್ರಣಾಳಿಕೆ! ನೀನು ಹೇಳೋದೂ ಸರೀನೆ. ಪ್ರಣಾಳಿಕೆಯ ಜೊತೆ ಪ್ರ‘ನಾಲಿಗೆ’ನೂ ಹರಿಬಿಡ್ತಾಯಿದಾರೆ’.</p>.<p>‘ನಾಲಿಗೆ ಅಲ್ಲ ಸಾರ್, ಖಡ್ಗ. ‘ರಕ್ತದಲ್ಲಿ ಬರಕೊಡ್ತೀನಿ’, ಅಬ್ಬಬ್ಬಾ ‘ವಿಷದ ಹಾವು’, ‘ವಿಷಕನ್ಯೆ’, ‘ನಾಲಾಯಕ್ ಮಗ’, ‘ಹುಚ್ಚ’ ಒಂದೇ ಎರಡೇ?... ಸಾರ್ ‘ನಾಲಾಯಕ್ ಮಗ’ ಸಿನಿಮಾ ಟೈಟಲ್ಗೆ ಚೆನ್ನಾಗಿದೆ ಸಾರ್, ನಮ್ಮ ಪ್ರೊಡ್ಯೂಸರ್ಗೆ ಹೇಳ್ತೀನಿ’.</p>.<p>‘ಈ ಚುನಾವಣಾ ಕೆಸರಾಟದಲ್ಲಿ ಹಲವಾರು ಟೈಟಲ್ ಕೊಡ್ತೀನಿ ತಗೊಳಪ್ಪಾ ಸಿನಿಮಾಕ್ಕೆ. ‘ತಾಯಿಗೆ ತಕ್ಕ ಮಗ’ ಹಿಟ್ಟಾಗಿತ್ತಲ್ಲ, ಹಾಗೇ ‘ತಂದೆಗೆ ತಕ್ಕ ಮಗ’, ‘ತಾತನಿಗೆ ತಕ್ಕ ಮೊಮ್ಮಗ’, ‘ಸಿಡಿದೆದ್ದ ಸೊಸೆ’, ‘ಟಗರಿನ ಪೊಗರು’, ‘ರಾಜಾಹುಲಿಯ ರೋಷ’.</p>.<p>‘ಸಾರ್, ಈ ಹಬ್ಬಗಳಿಗೆ ಯುಗಾದಿ, ಗಣೇಶ ಚತುರ್ಥಿ, ದೀಪಾವಳಿಗೆ ಸಿಲಿಂಡರ್ ಕೊಡ್ತಾಯಿದಾರಲ್ಲ ಅದರ ಬಗ್ಗೆ ‘ಯುಗಯುಗಾದಿ ಕಳೆದರೂ ಸಿಲಿಂಡರ್ ಮರಳಿ ಬರುತಿದೆ’ ಅಂತ ಸಾಂಗ್ ಬರೆದರೆ, ಮತ್ತೆ ‘ಈ ಭಾಗ್ಯ, ಆ ಭಾಗ್ಯ’ ಅಂತ ಏನೇನೊ ಭಾಗ್ಯಗಳಿವೆಯಲ್ಲ ಅವುಗಳ ಬಗ್ಗೆನೂ ಬರೆಸಬಹುದು ಸಾರ್’.</p>.<p>‘ನಮಗೆ ಈ ಭಾಗ್ಯಗಳ ವಾಸನೆ ತೋರಿಸಿ ಅವರು ‘ಆಡಳಿತ ಭಾಗ್ಯ’ ಪಡ್ಕೊಂಡು ಪ್ರಜೆಗಳನ್ನ ಐದು ವರ್ಷ ಭೋಗ್ಯಕ್ಕೆ ಹಾಕ್ಕೊಂಡು, ನಮ್ಮನ್ನ ‘ಆಡು’ಗಳ ಹಾಗೆ ಟ್ರೀಟ್ ಮಾಡ್ತಾರೆ. ನಾವು ಕುರಿಗಳಾಗ್ತೀವಷ್ಟೇ’.</p>.<p>‘ನೀನೇನೋ ರೀಲ್ ಬದುಕಿನವ, ರಿಯಲ್ ಬದುಕಿನಲ್ಲಿ ಈ ‘ಫ್ರೀ’ಗಳ (ಉಚಿತ, ಬಿಟ್ಟಿ) ಪರಿಣಾಮದ ಬಗ್ಗೆ ಯೋಚನೆ ಮಾಡು. ಸಾಧ್ಯವಾದರೆ ಆ ಬಗ್ಗೆ ಒಂದು ಸಿನಿಮಾ ಮಾಡಿ, ಮೂಲ ಸೌಕರ್ಯ, ನೀರಾವರಿ, ಉದ್ಯೋಗ, ಆರೋಗ್ಯ, ಸ್ವಾವಲಂಬನೆ ಇವುಗಳ ಕಡೆ ಹೆಚ್ಚಿನ ಆದ್ಯತೆ ಕೊಡದೇ ಸೋಮಾರಿಗಳನ್ನ ಮಾಡೋ ಈ ಸ್ಕೀಮ್ಗಳು ಬರೀ ಆಮಿಷ’.</p>.<p>‘ನಿಜ ಸಾರ್, ‘ಫ್ರೀ ಅಂಡ್ ಫೇರ್’ ಅಂತ ಈಗಲೇ ಫಿಲಂ ಚೇಂಬರ್ನಲ್ಲಿ ರಿಜಿಸ್ಟರ್ ಮಾಡ್ತೀನಿ ಸಾರ್’.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
