ಚರ್ಚೆ: ಚಾಂಪಿಯನ್ಸ್‌ ಟ್ರೋಫಿ; ಕ್ರೀಡೆ ಶಾಂತಿದೂತ, ಕ್ರೀಡಾಧರ್ಮಕ್ಕೆ ಗಡಿ ಇಲ್ಲ

ಒಲಿಂಪಿಕ್ಸ್‌ ಉದ್ಘಾಟನೆ ಸಂದರ್ಭದಲ್ಲಿ ಪಾರಿವಾಳಗಳನ್ನು ಮುಗಿಲಿಗೆ ತೂರಿ ಹಾರಿಸಲಾಗುತ್ತದೆ. ಶಾಂತಿ ಸಾರುವುದು ಅದರ ಉದ್ದೇಶ. ಪಾಕಿಸ್ತಾನದ ರಾಜಕೀಯ ನಿಲುವಿನಲ್ಲಿ ಭಯೋತ್ಪಾದನೆ  ಮುಂಚೂಣಿಯಲ್ಲಿ ನಿಂತಿದೆ. ಅದುವೇ ಅದರ ಪ್ರಮುಖ ಅಸ್ತ್ರ. ಇದು ಒಡಲಲ್ಲಿನ ಕೆಂಡ. ಅದೀಗ ಕಾಳ್ಗಿಚ್ಚಾಗಿ ಹೊಗೆ ಉಸಿರುಗಟ್ಟಿಸುತ್ತಿರುವಾಗ ಶಾಂತಿಯ ಪಾರಿವಾಳಗಳನ್ನು ಆ ಕಿಚ್ಚಿನ ಮೇಲೆ ಹಾರಿಸಬೇಕೆ? ಪಾರಿವಾಳದ ರೆಕ್ಕೆ ಪುಕ್ಕಗಳು ಸುಟ್ಟು ಕರಕಲಾಗುವುದಿಲ್ಲವೇ ಎಂಬುದು ಭಾರತದ ಪ್ರಶ್ನೆ. ಕ್ರೀಡೆ ಮತ್ತು ರಾಜಕಾರಣವನ್ನು ಒಂದಾಗಿ ನೋಡುವ ಅಗತ್ಯವೇನೂ ಇಲ್ಲ. ಕ್ರೀಡೆಗೆ ಅವಕಾಶ ನೀಡಿದರೂ, ಉಗ್ರವಾದದ ಬಗ್ಗೆ ಪಾಕಿಸ್ತಾನದ ನಿಲುವಿನ ವಿರುದ್ಧ, ಗಡಿಗಳಲ್ಲಿ ಉಗ್ರರ ಉಪಟಳದ ವಿರುದ್ಧ ಕ್ರಮ ಕೈಗೊಳ್ಳುವ ಸ್ವಾತಂತ್ರ್ಯ ಭಾರತಕ್ಕೆ ಯಾವಾಗಲೂ ಇದ್ದೇ ಇದೆ