<p>‘ಬಸವ ಈಜ್ ಎ ನಾನ್ಸೆನ್ಸ್ ಫಿಲಾಸಫರ್’ಇದು ಡಾ ಯು.ಆರ್.ಅನಂತಮೂರ್ತಿಯವರ ಮಾತು. ಕೇರಳದ ಕೊಟ್ಟಾಯಂ ವಿವಿ ಕುಲಪತಿಯಾಗಿದ್ದ ಸಂದರ್ಭದಲ್ಲಿ ‘ಟ್ರೆಡಿಶನ್ ಆ್ಯಂಡ್ ಕ್ರಿಯೇಟಿವಿಟಿ’ ವಿಷಯವನ್ನು ಕುರಿತು ಮಾಡಿದ ಭಾಷಣದಲ್ಲಿ ಅವರು ಈ ಮಾತನ್ನು ಹೇಳಿದ್ದಾರೆ. ಈ ಭಾಷಣ ಚಿನ್ಮಯ ಇಂಟರ್ನ್ಯಾಷನಲ್ ಫೌಂಡೇಶನ್ ರಿಸರ್ಚ್ ಇನ್ಸ್ಟಿಟ್ಯೂಟ್ ಪ್ರಕಟಿಸಿದ (೨೦೧೨) ‘ಧೀಮಹಿ’ ಹೆಸರಿನ ವಿಶೇಷ ಸಂಚಿಕೆಯಲ್ಲಿ ಪ್ರಕಟವಾಗಿದೆ. ಹೀಗೆ ಬಸವಣ್ಣನವರನ್ನು ಅಗೌರವಿಸಿದವರಿಗೆ ಆಯ್ಕೆ ಸಮಿತಿ ಬಸವಪುರಸ್ಕಾರ ನೀಡಿ ಗೌರವಿಸಿದೆ.<br /> <br /> ತಪ್ಪು ಮಾಡಿದವರು ತೆಪ್ಪಗಿರಬೇಕು. ಆದರೆ ತಪ್ಪು ಮಾಡಿಯೂ ಸಮರ್ಥಿಸಿಕೊಳ್ಳುವುದೆಂದರೆ ಅವರು ಇನ್ನೊಂದು ತಪ್ಪು ಮಾಡಿದಂತೆಯೇ ಸರಿ. ಈ ಮಾತಿಗೆ ಉದಾಹರಣೆ, ನನ್ನ ಅಭಿಪ್ರಾಯಕ್ಕೆ ಆಯ್ಕೆ ಸಮಿತಿಯ ನಾಲ್ವರು ‘ಪ್ರಜಾವಾಣಿ’ಯಲ್ಲಿ (ಮೇ. ೨೯) ಬರೆದ ಪ್ರತಿಕ್ರಿಯೆ.<br /> <br /> *ಈ ಪುರಸ್ಕಾರದ ನಿಯಮಗಳನ್ನು ಕಲಬುರ್ಗಿ ಗಮನಿಸಲಿ ಎಂದು ಇವರು ತಮ್ಮ ಪ್ರತಿಕ್ರಿಯೆಯಲ್ಲಿ ಹೇಳಿದ್ದಾರೆ. ಆದರೆ ಇವರಿಗಿಂತ ಮೊದಲು ಈ ಆಯ್ಕೆಸಮಿತಿಯ ಸದಸ್ಯನಾಗಿ, ಅಧ್ಯಕ್ಷನಾಗಿ ನಾನು ಈ ನಿಯಮಗಳನ್ನು ಓದಿದ್ದೇನೆ. ಅಷ್ಟೇ ಅಲ್ಲ, ಈ ನಿಯಮದಂತೆ ನಡೆದುಕೊಂಡು ಸಾಹಿತಿಯಲ್ಲದ ‘ನರ್ಮದಾ ಬಚಾವೋ’ ಹೋರಾಟಗಾರ್ತಿ ಮೇಧಾ ಪಾಟ್ಕರ್ ಅವರನ್ನು ಈ ಪುರಸ್ಕಾರಕ್ಕೆ ಆಯ್ಕೆ ಮಾಡಿದವನಾಗಿದ್ದೇನೆ. ಹೀಗಾಗಿ ಇವರು ನಿಯಮಗಳನ್ನು ಕಲಬುರ್ಗಿ ಗಮನಿಸಲಿ ಎಂದು ಬರೆಯುವ ಬದಲು, ಇವರೇ ಸರಿಯಾಗಿ ಗಮನಿಸಿದ್ದರೆ ಈ ಹಗರಣ ಸೃಷ್ಟಿಯಾಗುತ್ತಿರಲಿಲ್ಲ.<br /> <br /> *ಸರ್ವಧರ್ಮ ಸಮಾನತೆಗಾಗಿ ತಮ್ಮ ತನು-ಮನ ಅರ್ಪಿಸಿಕೊಂಡ ವಿಶಿಷ್ಟ ವ್ಯಕ್ತಿಗಳಿಗೆ ಈ ಪುರಸ್ಕಾರ ನೀಡಬೇಕೆಂಬ ನಿಯಮವಿಲ್ಲಿದೆ. ಈ ವರ್ಷ ಪ್ರಶಸ್ತಿ ಪಡೆದ ಸಾಹಿತಿ ಅನಂತಮೂರ್ತಿ ಅವರು ಈ ನಿಯಮಕ್ಕೆ ಅರ್ಹರೇ? ತಕ್ಕ ಮಟ್ಟಿಗೆ ಅರ್ಹರಾಗಿದ್ದ ಕಾರಣ ಈ ಮೊದಲು ಸರಸ್ವತಿ ಗೋರಾ, ಅಬ್ದುಲ್ ಕಲಾಂ ಮೊದಲಾದವರಿಗೆ ಈ ಪುರಸ್ಕಾರ ಪ್ರಾಪ್ತವಾಗಿದ್ದಿತು. ಅನಂತಮೂರ್ತಿ-ಯವರನ್ನು ಈ ಸಾಧಕರ ಸಾಲಿನಲ್ಲಿ ಪರಿಗಣಿಸಬಹುದೆ? ಇವರ ಕಲ್ಪಿತಸಾಹಿತ್ಯದಲ್ಲಿ, ಲೇಖನಗಳಲ್ಲಿ ಕೆಲವೊಮ್ಮೆ ಕವಿಸಹಜ ಸಮಾಜವಾದ ಹಣಿಕಿ ಹಾಕಿದ್ದರೂ, ಉದ್ದಕ್ಕೂ ಆಳುವ ವರ್ಗದ ಜೊತೆ ನಿಲ್ಲುತ್ತ ಬಂದ ಇವರ ದ್ವಂದ್ವ ನಿಲುವು ಪುರಸ್ಕಾರಕ್ಕೆ ಹೊಂದಿಕೆಯಾಗುವುದೆ?<br /> <br /> *‘ಅನಂತಮೂರ್ತಿಯವರು ಸುತ್ತೂರುಮಠ ಪ್ರಕಟಿಸಿದ ‘ವೀರಶೈವ ಧರ್ಮದರ್ಶನ’ ಕೃತಿಯ ಪ್ರಧಾನ ಸಂಪಾದಕರಾಗಿರುವರು’ ಎಂದು ಈ ನಾಲ್ವರು ಹೇಳಿದ್ದಾರೆ. ಇದು ಬೇರೆ ಬೇರೆಯವರ ಪ್ರಕಟಿತ ಲೇಖನಗಳ ಸಂಗ್ರಹ. ಇವುಗಳನ್ನು ಸಂಗ್ರಹಿಸಿ ಇಡೀ ಪುಸ್ತಕವನ್ನು ಸಿದ್ಧಪಡಿಸಿದವರು ಡಾ ಎನ್. ಎಸ್. ತಾರಾನಾಥ. ಮೂರು ಪುಟದ ಪ್ರಸ್ತಾವನೆಗೆ ಅನಂತಮೂರ್ತಿಯವರ ಹೆಸರಿದ್ದರೂ ಬಹುಶಃ ಅದನ್ನು ಬೇರೆಯವರು ಬರೆದಿದ್ದಾರೆ. ಈ ಕೃತಿ ಬೆಂಗಳೂರಿನಲ್ಲಿ ಬಿಡುಗಡೆಯಾದರೂ ಅನಂತಮೂರ್ತಿಯವರು ಆ ಸಮಾರಂಭಕ್ಕೆ ಬಂದಿರಲಿಲ್ಲ. ಇದೆಲ್ಲವನ್ನು ನೋಡಿದರೆ, ಕೇವಲ ಗೌರವದೃಷ್ಟಿಯಿಂದ ಇಲ್ಲಿ ಅವರ ಹೆಸರು ಬಳಕೆಯಾದುದು ಸ್ಪಷ್ಟವಾಗುತ್ತಿದ್ದು, ಇಂತಹ ಮಿಥ್ಯಾನಾಮಧೇಯ ಕೃತಿಯನ್ನು ತಮ್ಮ ನಿರ್ಣಯದ ಸಮರ್ಥನೆಗಾಗಿ ಇವರು ‘ಪ್ರಜಾವಾಣಿ’ ಪತ್ರದಲ್ಲಿ ಉಲ್ಲೇಖಿಸಿದುದು ಸರಿಯಲ್ಲ. ಮೇಲಾಗಿ ಇದು ಅಂತಹ ಮಹತ್ವದ ಸಂಕಲನವೂ ಅಲ್ಲ.<br /> <br /> *ಬಸವಣ್ಣ ನನ್ನ ಮೇಲೆ ಪ್ರಭಾವ ಬೀರಿದ್ದಾನೆ ಎಂದು ಅನಂತಮೂರ್ತಿಯವರು ಎಂದೋ ಒಮ್ಮೆ ಆನುಷಂಗಿಕವಾಗಿ ಹೇಳಿದುದನ್ನು ಇವರು ಎತ್ತಿ ಹಿಡಿದಿದ್ದಾರೆ. ಕನ್ನಡ ಸಾಹಿತ್ಯ ಪರಂಪರೆಯ ಯಾವುದೇ ಅಭ್ಯಾಸಿ ಪಂಪ, ಬಸವಣ್ಣ, ಕುಮಾರವ್ಯಾಸರ ಪ್ರಭಾವ ಹೇಳುವುದು ಸಹಜ. ಹೀಗಾಗಿ ಅನಂತಮೂರ್ತಿಯವರ ಈ ಒಣ ಹೇಳಿಕೆಯಲ್ಲಿ ವಿಶೇಷತೆ ಏನಿದೆ? ನಿಜವಾಗಿಯೂ ಬಸವಣ್ಣನ ಪ್ರಭಾವಕ್ಕೆ ಒಳಗಾಗಿದ್ದರೆ ಅವನ ತತ್ವಜ್ಞಾನ ‘ನಾನ್ಸೆನ್ಸ್’ ಎಂದು ಇವರು ಭಾಷಣದಲ್ಲಿ ಹೇಳುತ್ತಿರಲಿಲ್ಲ.<br /> <br /> *‘ಬಸವ ಪುರಸ್ಕಾರ’ದ ನಿಯಮದಂತೆ ಸರ್ವಧರ್ಮ ಸಮಾನತೆಗಾಗಿ ತನುಮನ ಅರ್ಪಿಸಿಕೊಂಡ ವಿಶಿಷ್ಟ ವ್ಯಕ್ತಿಗಳು ಇಂದಿನ ದಿನಮಾನದಲ್ಲಿ ಸಿಗುವುದು ದುರ್ಲಭ. ಹೀಗಿದ್ದೂ ಈ ನಿಯಮದ ಸಮೀಪ ಬದುಕಿದ ಕೆಲವರಿಗೆ ಈ ಪ್ರಶಸ್ತಿಯನ್ನು ಮೊದಮೊದಲು ಕೊಡಲಾಗಿದೆ. ಬಳಿಕ ಬಸವಸಾಹಿತ್ಯಸೇವೆ ಮಾಡಿದವರಿಗೂ ಕೊಡಲು ಆರಂಭಿಸಿ (ಉದಾ: ದರ್ಗಾ ಇತ್ಯಾದಿ), ಈಗ ಕೇವಲ ಸಾಹಿತ್ಯಸೇವೆ ಮಾಡಿದ ಅನಂತಮೂರ್ತಿಯವರಿಗೆ ಕೊಡುವುದೆಂದರೆ, ಈ ಪ್ರಶಸ್ತಿಯನ್ನು ನಿಧಾನವಾಗಿ ಸಾಮಾಜಿಕ ನೆಲೆಯಿಂದ ಸಾಹಿತ್ಯದ ನೆಲೆಗೆ ಎಳೆದು ತಂದುದಾಗಿದೆ. ಹೀಗೆಯೇ ಮುಂದುವರಿದರೆ, ಮುಂದೊಂದು ದಿನ ಬಸವಣ್ಣನವರನ್ನು ಕುರಿತು ಒಂದು ನಾಟಕ ಬರೆದವರಿಗೂ, ಒಂದು ಕವಿತೆ ಬರೆದವರಿಗೂ ಈ ಪ್ರಶಸ್ತಿ ಪ್ರಾಪ್ತವಾಗಬಹುದೇನೋ. ಒಟ್ಟಾರೆ, ಈ ಪ್ರಶಸ್ತಿಯು ಮೂಲ ಉದ್ದೇಶದಿಂದ ದೂರ ಸರಿಯುತ್ತ ಬಂದಿದೆ, ಈಗ ‘ಬಸವ ಈಜ್ ಎ ನಾನ್ಸೆನ್ಸ್ ಫಿಲಾಸಫರ್’ ಎಂದು ಬರೆದವರಿಗೂ ಸಂದಿದೆ.<br /> <br /> *ನಾನು ಆಯ್ಕೆ ಸಮಿತಿಯವರ ವಿಷಯದಲ್ಲಿ ‘ಹಗರಣ’, ಸರ್ಕಾರದ ವಿಷಯದಲ್ಲಿ ‘ಬೇಜವಾಬ್ದಾರಿ’ ಶಬ್ದ ಬಳಸಿದುದನ್ನು ಇವರು ಆಕ್ಷೇಪಿಸಿದ್ದಾರೆ. ಈ ಎರಡೂ ನೆಲೆಗಳಲ್ಲಿ ಜರುಗಿದ ಕ್ರಿಯೆಗಳನ್ನು ಗಮನಿಸಿ ಬಳಸಿದ ಈ ಶಬ್ದಗಳಿಗೆ ನಾನು ಈಗಲೂ ಬದ್ಧನಾಗಿದ್ದೇನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಬಸವ ಈಜ್ ಎ ನಾನ್ಸೆನ್ಸ್ ಫಿಲಾಸಫರ್’ಇದು ಡಾ ಯು.ಆರ್.ಅನಂತಮೂರ್ತಿಯವರ ಮಾತು. ಕೇರಳದ ಕೊಟ್ಟಾಯಂ ವಿವಿ ಕುಲಪತಿಯಾಗಿದ್ದ ಸಂದರ್ಭದಲ್ಲಿ ‘ಟ್ರೆಡಿಶನ್ ಆ್ಯಂಡ್ ಕ್ರಿಯೇಟಿವಿಟಿ’ ವಿಷಯವನ್ನು ಕುರಿತು ಮಾಡಿದ ಭಾಷಣದಲ್ಲಿ ಅವರು ಈ ಮಾತನ್ನು ಹೇಳಿದ್ದಾರೆ. ಈ ಭಾಷಣ ಚಿನ್ಮಯ ಇಂಟರ್ನ್ಯಾಷನಲ್ ಫೌಂಡೇಶನ್ ರಿಸರ್ಚ್ ಇನ್ಸ್ಟಿಟ್ಯೂಟ್ ಪ್ರಕಟಿಸಿದ (೨೦೧೨) ‘ಧೀಮಹಿ’ ಹೆಸರಿನ ವಿಶೇಷ ಸಂಚಿಕೆಯಲ್ಲಿ ಪ್ರಕಟವಾಗಿದೆ. ಹೀಗೆ ಬಸವಣ್ಣನವರನ್ನು ಅಗೌರವಿಸಿದವರಿಗೆ ಆಯ್ಕೆ ಸಮಿತಿ ಬಸವಪುರಸ್ಕಾರ ನೀಡಿ ಗೌರವಿಸಿದೆ.<br /> <br /> ತಪ್ಪು ಮಾಡಿದವರು ತೆಪ್ಪಗಿರಬೇಕು. ಆದರೆ ತಪ್ಪು ಮಾಡಿಯೂ ಸಮರ್ಥಿಸಿಕೊಳ್ಳುವುದೆಂದರೆ ಅವರು ಇನ್ನೊಂದು ತಪ್ಪು ಮಾಡಿದಂತೆಯೇ ಸರಿ. ಈ ಮಾತಿಗೆ ಉದಾಹರಣೆ, ನನ್ನ ಅಭಿಪ್ರಾಯಕ್ಕೆ ಆಯ್ಕೆ ಸಮಿತಿಯ ನಾಲ್ವರು ‘ಪ್ರಜಾವಾಣಿ’ಯಲ್ಲಿ (ಮೇ. ೨೯) ಬರೆದ ಪ್ರತಿಕ್ರಿಯೆ.<br /> <br /> *ಈ ಪುರಸ್ಕಾರದ ನಿಯಮಗಳನ್ನು ಕಲಬುರ್ಗಿ ಗಮನಿಸಲಿ ಎಂದು ಇವರು ತಮ್ಮ ಪ್ರತಿಕ್ರಿಯೆಯಲ್ಲಿ ಹೇಳಿದ್ದಾರೆ. ಆದರೆ ಇವರಿಗಿಂತ ಮೊದಲು ಈ ಆಯ್ಕೆಸಮಿತಿಯ ಸದಸ್ಯನಾಗಿ, ಅಧ್ಯಕ್ಷನಾಗಿ ನಾನು ಈ ನಿಯಮಗಳನ್ನು ಓದಿದ್ದೇನೆ. ಅಷ್ಟೇ ಅಲ್ಲ, ಈ ನಿಯಮದಂತೆ ನಡೆದುಕೊಂಡು ಸಾಹಿತಿಯಲ್ಲದ ‘ನರ್ಮದಾ ಬಚಾವೋ’ ಹೋರಾಟಗಾರ್ತಿ ಮೇಧಾ ಪಾಟ್ಕರ್ ಅವರನ್ನು ಈ ಪುರಸ್ಕಾರಕ್ಕೆ ಆಯ್ಕೆ ಮಾಡಿದವನಾಗಿದ್ದೇನೆ. ಹೀಗಾಗಿ ಇವರು ನಿಯಮಗಳನ್ನು ಕಲಬುರ್ಗಿ ಗಮನಿಸಲಿ ಎಂದು ಬರೆಯುವ ಬದಲು, ಇವರೇ ಸರಿಯಾಗಿ ಗಮನಿಸಿದ್ದರೆ ಈ ಹಗರಣ ಸೃಷ್ಟಿಯಾಗುತ್ತಿರಲಿಲ್ಲ.<br /> <br /> *ಸರ್ವಧರ್ಮ ಸಮಾನತೆಗಾಗಿ ತಮ್ಮ ತನು-ಮನ ಅರ್ಪಿಸಿಕೊಂಡ ವಿಶಿಷ್ಟ ವ್ಯಕ್ತಿಗಳಿಗೆ ಈ ಪುರಸ್ಕಾರ ನೀಡಬೇಕೆಂಬ ನಿಯಮವಿಲ್ಲಿದೆ. ಈ ವರ್ಷ ಪ್ರಶಸ್ತಿ ಪಡೆದ ಸಾಹಿತಿ ಅನಂತಮೂರ್ತಿ ಅವರು ಈ ನಿಯಮಕ್ಕೆ ಅರ್ಹರೇ? ತಕ್ಕ ಮಟ್ಟಿಗೆ ಅರ್ಹರಾಗಿದ್ದ ಕಾರಣ ಈ ಮೊದಲು ಸರಸ್ವತಿ ಗೋರಾ, ಅಬ್ದುಲ್ ಕಲಾಂ ಮೊದಲಾದವರಿಗೆ ಈ ಪುರಸ್ಕಾರ ಪ್ರಾಪ್ತವಾಗಿದ್ದಿತು. ಅನಂತಮೂರ್ತಿ-ಯವರನ್ನು ಈ ಸಾಧಕರ ಸಾಲಿನಲ್ಲಿ ಪರಿಗಣಿಸಬಹುದೆ? ಇವರ ಕಲ್ಪಿತಸಾಹಿತ್ಯದಲ್ಲಿ, ಲೇಖನಗಳಲ್ಲಿ ಕೆಲವೊಮ್ಮೆ ಕವಿಸಹಜ ಸಮಾಜವಾದ ಹಣಿಕಿ ಹಾಕಿದ್ದರೂ, ಉದ್ದಕ್ಕೂ ಆಳುವ ವರ್ಗದ ಜೊತೆ ನಿಲ್ಲುತ್ತ ಬಂದ ಇವರ ದ್ವಂದ್ವ ನಿಲುವು ಪುರಸ್ಕಾರಕ್ಕೆ ಹೊಂದಿಕೆಯಾಗುವುದೆ?<br /> <br /> *‘ಅನಂತಮೂರ್ತಿಯವರು ಸುತ್ತೂರುಮಠ ಪ್ರಕಟಿಸಿದ ‘ವೀರಶೈವ ಧರ್ಮದರ್ಶನ’ ಕೃತಿಯ ಪ್ರಧಾನ ಸಂಪಾದಕರಾಗಿರುವರು’ ಎಂದು ಈ ನಾಲ್ವರು ಹೇಳಿದ್ದಾರೆ. ಇದು ಬೇರೆ ಬೇರೆಯವರ ಪ್ರಕಟಿತ ಲೇಖನಗಳ ಸಂಗ್ರಹ. ಇವುಗಳನ್ನು ಸಂಗ್ರಹಿಸಿ ಇಡೀ ಪುಸ್ತಕವನ್ನು ಸಿದ್ಧಪಡಿಸಿದವರು ಡಾ ಎನ್. ಎಸ್. ತಾರಾನಾಥ. ಮೂರು ಪುಟದ ಪ್ರಸ್ತಾವನೆಗೆ ಅನಂತಮೂರ್ತಿಯವರ ಹೆಸರಿದ್ದರೂ ಬಹುಶಃ ಅದನ್ನು ಬೇರೆಯವರು ಬರೆದಿದ್ದಾರೆ. ಈ ಕೃತಿ ಬೆಂಗಳೂರಿನಲ್ಲಿ ಬಿಡುಗಡೆಯಾದರೂ ಅನಂತಮೂರ್ತಿಯವರು ಆ ಸಮಾರಂಭಕ್ಕೆ ಬಂದಿರಲಿಲ್ಲ. ಇದೆಲ್ಲವನ್ನು ನೋಡಿದರೆ, ಕೇವಲ ಗೌರವದೃಷ್ಟಿಯಿಂದ ಇಲ್ಲಿ ಅವರ ಹೆಸರು ಬಳಕೆಯಾದುದು ಸ್ಪಷ್ಟವಾಗುತ್ತಿದ್ದು, ಇಂತಹ ಮಿಥ್ಯಾನಾಮಧೇಯ ಕೃತಿಯನ್ನು ತಮ್ಮ ನಿರ್ಣಯದ ಸಮರ್ಥನೆಗಾಗಿ ಇವರು ‘ಪ್ರಜಾವಾಣಿ’ ಪತ್ರದಲ್ಲಿ ಉಲ್ಲೇಖಿಸಿದುದು ಸರಿಯಲ್ಲ. ಮೇಲಾಗಿ ಇದು ಅಂತಹ ಮಹತ್ವದ ಸಂಕಲನವೂ ಅಲ್ಲ.<br /> <br /> *ಬಸವಣ್ಣ ನನ್ನ ಮೇಲೆ ಪ್ರಭಾವ ಬೀರಿದ್ದಾನೆ ಎಂದು ಅನಂತಮೂರ್ತಿಯವರು ಎಂದೋ ಒಮ್ಮೆ ಆನುಷಂಗಿಕವಾಗಿ ಹೇಳಿದುದನ್ನು ಇವರು ಎತ್ತಿ ಹಿಡಿದಿದ್ದಾರೆ. ಕನ್ನಡ ಸಾಹಿತ್ಯ ಪರಂಪರೆಯ ಯಾವುದೇ ಅಭ್ಯಾಸಿ ಪಂಪ, ಬಸವಣ್ಣ, ಕುಮಾರವ್ಯಾಸರ ಪ್ರಭಾವ ಹೇಳುವುದು ಸಹಜ. ಹೀಗಾಗಿ ಅನಂತಮೂರ್ತಿಯವರ ಈ ಒಣ ಹೇಳಿಕೆಯಲ್ಲಿ ವಿಶೇಷತೆ ಏನಿದೆ? ನಿಜವಾಗಿಯೂ ಬಸವಣ್ಣನ ಪ್ರಭಾವಕ್ಕೆ ಒಳಗಾಗಿದ್ದರೆ ಅವನ ತತ್ವಜ್ಞಾನ ‘ನಾನ್ಸೆನ್ಸ್’ ಎಂದು ಇವರು ಭಾಷಣದಲ್ಲಿ ಹೇಳುತ್ತಿರಲಿಲ್ಲ.<br /> <br /> *‘ಬಸವ ಪುರಸ್ಕಾರ’ದ ನಿಯಮದಂತೆ ಸರ್ವಧರ್ಮ ಸಮಾನತೆಗಾಗಿ ತನುಮನ ಅರ್ಪಿಸಿಕೊಂಡ ವಿಶಿಷ್ಟ ವ್ಯಕ್ತಿಗಳು ಇಂದಿನ ದಿನಮಾನದಲ್ಲಿ ಸಿಗುವುದು ದುರ್ಲಭ. ಹೀಗಿದ್ದೂ ಈ ನಿಯಮದ ಸಮೀಪ ಬದುಕಿದ ಕೆಲವರಿಗೆ ಈ ಪ್ರಶಸ್ತಿಯನ್ನು ಮೊದಮೊದಲು ಕೊಡಲಾಗಿದೆ. ಬಳಿಕ ಬಸವಸಾಹಿತ್ಯಸೇವೆ ಮಾಡಿದವರಿಗೂ ಕೊಡಲು ಆರಂಭಿಸಿ (ಉದಾ: ದರ್ಗಾ ಇತ್ಯಾದಿ), ಈಗ ಕೇವಲ ಸಾಹಿತ್ಯಸೇವೆ ಮಾಡಿದ ಅನಂತಮೂರ್ತಿಯವರಿಗೆ ಕೊಡುವುದೆಂದರೆ, ಈ ಪ್ರಶಸ್ತಿಯನ್ನು ನಿಧಾನವಾಗಿ ಸಾಮಾಜಿಕ ನೆಲೆಯಿಂದ ಸಾಹಿತ್ಯದ ನೆಲೆಗೆ ಎಳೆದು ತಂದುದಾಗಿದೆ. ಹೀಗೆಯೇ ಮುಂದುವರಿದರೆ, ಮುಂದೊಂದು ದಿನ ಬಸವಣ್ಣನವರನ್ನು ಕುರಿತು ಒಂದು ನಾಟಕ ಬರೆದವರಿಗೂ, ಒಂದು ಕವಿತೆ ಬರೆದವರಿಗೂ ಈ ಪ್ರಶಸ್ತಿ ಪ್ರಾಪ್ತವಾಗಬಹುದೇನೋ. ಒಟ್ಟಾರೆ, ಈ ಪ್ರಶಸ್ತಿಯು ಮೂಲ ಉದ್ದೇಶದಿಂದ ದೂರ ಸರಿಯುತ್ತ ಬಂದಿದೆ, ಈಗ ‘ಬಸವ ಈಜ್ ಎ ನಾನ್ಸೆನ್ಸ್ ಫಿಲಾಸಫರ್’ ಎಂದು ಬರೆದವರಿಗೂ ಸಂದಿದೆ.<br /> <br /> *ನಾನು ಆಯ್ಕೆ ಸಮಿತಿಯವರ ವಿಷಯದಲ್ಲಿ ‘ಹಗರಣ’, ಸರ್ಕಾರದ ವಿಷಯದಲ್ಲಿ ‘ಬೇಜವಾಬ್ದಾರಿ’ ಶಬ್ದ ಬಳಸಿದುದನ್ನು ಇವರು ಆಕ್ಷೇಪಿಸಿದ್ದಾರೆ. ಈ ಎರಡೂ ನೆಲೆಗಳಲ್ಲಿ ಜರುಗಿದ ಕ್ರಿಯೆಗಳನ್ನು ಗಮನಿಸಿ ಬಳಸಿದ ಈ ಶಬ್ದಗಳಿಗೆ ನಾನು ಈಗಲೂ ಬದ್ಧನಾಗಿದ್ದೇನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
