<p><strong>ಅಭಿಮಾನಿಗಳ ಒತ್ತಡ: ಅಂಬರೀಷ್ ಹಠಾತ್ ನಿವೃತ್ತಿ ಘೋಷಣೆ</strong></p><p>ಮೈಸೂರು, ಆ. 4– ಜನತಾದಳದಲ್ಲೇ ಉಳಿಯುವಂತೆ ಕಾರ್ಯಕರ್ತರು ಹಾಗೂ ಅಭಿಮಾನಿಗಳು ತಂದ ಒತ್ತಡದಿಂದ ಬೇಸತ್ತ ವಿಸರ್ಜಿತ ಲೋಕಸಭಾ ಸದಸ್ಯ, ಸಿನಿಮಾ ನಟ ಅಂಬರೀಷ್, ‘ನನಗೆ ರಾಜಕೀಯವೇ ಬೇಡ. ರಾಜಕೀಯದಿಂದಲೇ ನಿವೃತ್ತಿ ಹೊಂದುತ್ತೇನೆ’ ಎಂದು ಘೋಷಿಸಿ ಕಾರು ಹತ್ತಿ ಹೊರಟು ಹೋದ ಘಟನೆ ಇಂದು ಕೆ.ಆರ್.ಎಸ್ನಲ್ಲಿ ನಡೆದಿದೆ.</p><p>ಕನ್ನಂಬಾಡಿ ಕಟ್ಟೆಯ ಬಳಿ ಕಾವೇರಿ ಮಾತೆಗೆ ಪೂಜೆ ಸಲ್ಲಿಸಲು ಸಕುಟುಂಬ ಸಮೇತರಾಗಿ ಬಂದಿದ್ದ ಅವರು, ಪೂಜೆಯ ನಂತರ ಅಲ್ಲಿ ಸೇರಿದ್ದ ಅಭಿಮಾನಿಗಳು ಹಾಗೂ ಕಾರ್ಯಕರ್ತರ ಜೊತೆ ಮಾತನಾಡುವಾಗ ಸಿನಿಮೀಯ ಮಾದರಿಯಲ್ಲಿ ಈ ಘಟನೆ ನಡೆದಿದೆ. ಒಂದು ಹಂತದಲ್ಲಿ ಕಾಂಗ್ರೆಸ್ ಸೇರುವುದನ್ನು ವಿರೋಧಿಸಿ ಅಂಬರೀಷ್ ಅವರನ್ನು ಅಭಿಮಾನಿಗಳು ಮತ್ತು ದಳ ಕಾರ್ಯಕರ್ತರು ಘೇರಾವ್ ಮಾಡುವ ಯತ್ನ ನಡೆಸಿದರು.</p><p>ಅಂಬರೀಷ್ ಕೆ.ಆರ್.ಎಸ್ಗೆ ಬರುತ್ತಾರೆಂದು ತಿಳಿದು ದಳ ಕಾರ್ಯಕರ್ತರು ಹಾಗೂ ಅವರ ಅಭಿಮಾನಿಗಳು ಅಲ್ಲಿ ಸೇರಿದ್ದರು. ‘ದಳದಿಂದ ಆರಿಸಿಹೋದ ನೀವು ದಳದಲ್ಲೇ ಉಳಿಯಬೇಕು’ ಎಂಬ ಘೋಷಣೆಗಳನ್ನು ಕೂಗುತ್ತಿದ್ದರು. ಪೂಜೆ ಮುಗಿಸಿ ಬಂದ ಅಂಬರೀಷ್ ಕಾರ್ಯಕರ್ತ<br>ರನ್ನು ಉದ್ದೇಶಿಸಿ ಮಾತನಾಡತೊಡಗಿದಾಗಲೇ ಪರಿಸ್ಥಿತಿ ವಿಕೋಪಕ್ಕೆ ತಿರುಗಿತು.</p><p><strong>ಚುನಾವಣೆ: ವೀರಪ್ಪನ್ ವಿರುದ್ಧ ಕಟ್ಟೆಚ್ಚರ</strong></p><p>ಕೊಯಮತ್ತೂರು, ಆ. 4 (<em>ಪಿಟಿಐ)– ಮುಂಬರುವ ಲೋಕಸಭಾ ಚುನಾವಣೆಯನ್ನು ಸುಗಮವಾಗಿ ನಡೆಸಲು, ದಂತಚೋರ ಹಾಗೂ ಶ್ರೀಗಂಧ ಕಳ್ಳಸಾಗಣೆದಾರ ವೀರಪ್ಪನ್ ಚಟುವಟಿಕೆಗಳಿರುವ ಪಶ್ಚಿಮಘಟ್ಟ ಪ್ರದೇಶಗಳ ಸೂಕ್ಷ್ಮ ಪ್ರದೇಶಗಳಲ್ಲಿ ಸೂಕ್ತ ಪಡೆಗಳನ್ನು ನಿಯೋಜಿಸಲಾಗುವುದು ಎಂದು ಜಂಟಿ ವಿಶೇಷ ಕಾರ್ಯಾಚರಣೆ ಪಡೆಯ ಮಹಾನಿರ್ದೇಶಕ ಬಾಲಚಂದ್ರನ್ ಇಂದು ಇಲ್ಲಿ ತಿಳಿಸಿದರು.</em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಭಿಮಾನಿಗಳ ಒತ್ತಡ: ಅಂಬರೀಷ್ ಹಠಾತ್ ನಿವೃತ್ತಿ ಘೋಷಣೆ</strong></p><p>ಮೈಸೂರು, ಆ. 4– ಜನತಾದಳದಲ್ಲೇ ಉಳಿಯುವಂತೆ ಕಾರ್ಯಕರ್ತರು ಹಾಗೂ ಅಭಿಮಾನಿಗಳು ತಂದ ಒತ್ತಡದಿಂದ ಬೇಸತ್ತ ವಿಸರ್ಜಿತ ಲೋಕಸಭಾ ಸದಸ್ಯ, ಸಿನಿಮಾ ನಟ ಅಂಬರೀಷ್, ‘ನನಗೆ ರಾಜಕೀಯವೇ ಬೇಡ. ರಾಜಕೀಯದಿಂದಲೇ ನಿವೃತ್ತಿ ಹೊಂದುತ್ತೇನೆ’ ಎಂದು ಘೋಷಿಸಿ ಕಾರು ಹತ್ತಿ ಹೊರಟು ಹೋದ ಘಟನೆ ಇಂದು ಕೆ.ಆರ್.ಎಸ್ನಲ್ಲಿ ನಡೆದಿದೆ.</p><p>ಕನ್ನಂಬಾಡಿ ಕಟ್ಟೆಯ ಬಳಿ ಕಾವೇರಿ ಮಾತೆಗೆ ಪೂಜೆ ಸಲ್ಲಿಸಲು ಸಕುಟುಂಬ ಸಮೇತರಾಗಿ ಬಂದಿದ್ದ ಅವರು, ಪೂಜೆಯ ನಂತರ ಅಲ್ಲಿ ಸೇರಿದ್ದ ಅಭಿಮಾನಿಗಳು ಹಾಗೂ ಕಾರ್ಯಕರ್ತರ ಜೊತೆ ಮಾತನಾಡುವಾಗ ಸಿನಿಮೀಯ ಮಾದರಿಯಲ್ಲಿ ಈ ಘಟನೆ ನಡೆದಿದೆ. ಒಂದು ಹಂತದಲ್ಲಿ ಕಾಂಗ್ರೆಸ್ ಸೇರುವುದನ್ನು ವಿರೋಧಿಸಿ ಅಂಬರೀಷ್ ಅವರನ್ನು ಅಭಿಮಾನಿಗಳು ಮತ್ತು ದಳ ಕಾರ್ಯಕರ್ತರು ಘೇರಾವ್ ಮಾಡುವ ಯತ್ನ ನಡೆಸಿದರು.</p><p>ಅಂಬರೀಷ್ ಕೆ.ಆರ್.ಎಸ್ಗೆ ಬರುತ್ತಾರೆಂದು ತಿಳಿದು ದಳ ಕಾರ್ಯಕರ್ತರು ಹಾಗೂ ಅವರ ಅಭಿಮಾನಿಗಳು ಅಲ್ಲಿ ಸೇರಿದ್ದರು. ‘ದಳದಿಂದ ಆರಿಸಿಹೋದ ನೀವು ದಳದಲ್ಲೇ ಉಳಿಯಬೇಕು’ ಎಂಬ ಘೋಷಣೆಗಳನ್ನು ಕೂಗುತ್ತಿದ್ದರು. ಪೂಜೆ ಮುಗಿಸಿ ಬಂದ ಅಂಬರೀಷ್ ಕಾರ್ಯಕರ್ತ<br>ರನ್ನು ಉದ್ದೇಶಿಸಿ ಮಾತನಾಡತೊಡಗಿದಾಗಲೇ ಪರಿಸ್ಥಿತಿ ವಿಕೋಪಕ್ಕೆ ತಿರುಗಿತು.</p><p><strong>ಚುನಾವಣೆ: ವೀರಪ್ಪನ್ ವಿರುದ್ಧ ಕಟ್ಟೆಚ್ಚರ</strong></p><p>ಕೊಯಮತ್ತೂರು, ಆ. 4 (<em>ಪಿಟಿಐ)– ಮುಂಬರುವ ಲೋಕಸಭಾ ಚುನಾವಣೆಯನ್ನು ಸುಗಮವಾಗಿ ನಡೆಸಲು, ದಂತಚೋರ ಹಾಗೂ ಶ್ರೀಗಂಧ ಕಳ್ಳಸಾಗಣೆದಾರ ವೀರಪ್ಪನ್ ಚಟುವಟಿಕೆಗಳಿರುವ ಪಶ್ಚಿಮಘಟ್ಟ ಪ್ರದೇಶಗಳ ಸೂಕ್ಷ್ಮ ಪ್ರದೇಶಗಳಲ್ಲಿ ಸೂಕ್ತ ಪಡೆಗಳನ್ನು ನಿಯೋಜಿಸಲಾಗುವುದು ಎಂದು ಜಂಟಿ ವಿಶೇಷ ಕಾರ್ಯಾಚರಣೆ ಪಡೆಯ ಮಹಾನಿರ್ದೇಶಕ ಬಾಲಚಂದ್ರನ್ ಇಂದು ಇಲ್ಲಿ ತಿಳಿಸಿದರು.</em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
