<h2>ಚಳ್ಳಕೆರೆ ಕೆಪಿಟಿಸಿ ಕಚೇರಿಗೆ ಮುತ್ತಿಗೆ</h2>.<p><strong>ಚಿತ್ರದುರ್ಗ, ಸೆ. 20–</strong> ವಿದ್ಯುತ್ ಸರಬರಾಜು ಅವ್ಯವಸ್ಥೆ ಪ್ರತಿಭಟಿಸಿ ಉದ್ರಿಕ್ತ ಗುಂಪೊಂದು ಇಂದು ಮಧ್ಯಾಹ್ನ ಚಳ್ಳಕೆರೆಯಲ್ಲಿ ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮದ (ಕೆಪಿಟಿಸಿ) ಕಚೇರಿಗೆ ನುಗ್ಗಿ ಸಿಬ್ಬಂದಿಗಳನ್ನು ಥಳಿಸಿತಲ್ಲದೆ ಪೀಠೋಪಕರಣಗಳನ್ನು ಜಖಂಗೊಳಿಸಿ ಕಾಗದ ಪತ್ರಗಳನ್ನು ಚಲ್ಲಾಪಲ್ಲಿ ಮಾಡಿತು.</p>.<p>ಪರಶುರಾಂಪುರದಲ್ಲಿಯೂ ಸಾವಿರಾರು ರೈತರು ಇಂದು ಕೆಪಿಟಿಸಿ ಕಚೇರಿಗೆ ಮುತ್ತಿಗೆ ಹಾಕಿದರು. ಚಿತ್ರದುರ್ಗದ ನೆಹರು ನಗರದಲ್ಲಿ ಕುಡಿವ ನೀರು ಪೂರೈಸಲು ಒತ್ತಾಯಿಸಿ ಮಹಿಳೆಯರೂ ಸೇರಿದಂತೆ ನಾಗರಿಕರು ಕೆಲಕಾಲ ರಸ್ತೆ ತಡೆ ನಡೆಸಿದರು. </p>.<h2>ನಕಲಿ ಮತ ಪತ್ರ ವಿವಾದ: ಸಚಿವ ಜಾರ್ಜ್ಗೆ ಛೀಮಾರಿ</h2>.<p><strong>ನವದೆಹಲಿ, ಸೆ. 20 (ಯುಎನ್ಐ, ಪಿಟಿಐ)</strong>– ಬಿಹಾರದಲ್ಲಿ ನಕಲಿ ಮತಪತ್ರಗಳನ್ನು ಮುದ್ರಿಸಲಾಗಿದೆ ಎಂಬ ರಕ್ಷಣಾ ಸಚಿವ ಜಾರ್ಜ್ ಫರ್ನಾಂಡಿಸ್ ಅವರ ಆರೋಪವನ್ನು ಸ್ಪಷ್ಟವಾಗಿ ತಳ್ಳಿಹಾಕಿದ ಚುನಾವಣಾ ಆಯೋಗ ‘ಇದು ಕೆಟ್ಟ ರಾಜಕೀಯ’ ಎಂದು ಛೀಮಾರಿ ಹಾಕಿದೆ.</p>.<p>ಇಂಥ ಆರೋಪಗಳನ್ನು ಮಾಡಲು ಸಚಿವರು ಸರ್ಕಾರಿ ಸಂಸ್ಥೆಗಳನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಆಯೋಗ ಉಗ್ರವಾಗಿ ಟೀಕಿಸಿದೆ. ಇಂದು ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮುಖ್ಯ ಚುನಾವಣಾ ಆಯುಕ್ತ ಎಂ.ಎಸ್. ಗಿಲ್ ಮತ್ತು ಸದಸ್ಯರಾದ ಜಿ.ವಿ.ಜಿ ಕೃಷ್ಣಮೂರ್ತಿ ಮತ್ತು ಜೆ.ಎಂ. ಲಿಂಗ್ಡೊ ಮೂವರೂ ಉಪಸ್ಥಿತರಿದ್ದರು.</p>.<p>ನಳಂದ ಮತ್ತು ಬಾರ್ಹ್ ಕ್ಷೇತ್ರಗಳಲ್ಲಿ ಆಯೋಗ ಅಗತ್ಯಕ್ಕಿಂತ ಹೆಚ್ಚು ಮತಪತ್ರಗಳನ್ನು ಮುದ್ರಿಸಿದೆ ಎಂದು ಜಾರ್ಜ್ ಫರ್ನಾಂಡಿಸ್ ಆರೋಪಿಸಿದ್ದರು. ‘ಬೇಹುಗಾರಿಕೆ ವಿಭಾಗದ ಮುಖ್ಯಸ್ಥರು ಖುದ್ದಾಗಿ ತಮಗೆ ಇದನ್ನು ತಿಳಿಸಿದ್ದಾರೆ’ ಎಂದು ಅವರು ಸಮರ್ಥಿಸಿಕೊಂಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<h2>ಚಳ್ಳಕೆರೆ ಕೆಪಿಟಿಸಿ ಕಚೇರಿಗೆ ಮುತ್ತಿಗೆ</h2>.<p><strong>ಚಿತ್ರದುರ್ಗ, ಸೆ. 20–</strong> ವಿದ್ಯುತ್ ಸರಬರಾಜು ಅವ್ಯವಸ್ಥೆ ಪ್ರತಿಭಟಿಸಿ ಉದ್ರಿಕ್ತ ಗುಂಪೊಂದು ಇಂದು ಮಧ್ಯಾಹ್ನ ಚಳ್ಳಕೆರೆಯಲ್ಲಿ ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮದ (ಕೆಪಿಟಿಸಿ) ಕಚೇರಿಗೆ ನುಗ್ಗಿ ಸಿಬ್ಬಂದಿಗಳನ್ನು ಥಳಿಸಿತಲ್ಲದೆ ಪೀಠೋಪಕರಣಗಳನ್ನು ಜಖಂಗೊಳಿಸಿ ಕಾಗದ ಪತ್ರಗಳನ್ನು ಚಲ್ಲಾಪಲ್ಲಿ ಮಾಡಿತು.</p>.<p>ಪರಶುರಾಂಪುರದಲ್ಲಿಯೂ ಸಾವಿರಾರು ರೈತರು ಇಂದು ಕೆಪಿಟಿಸಿ ಕಚೇರಿಗೆ ಮುತ್ತಿಗೆ ಹಾಕಿದರು. ಚಿತ್ರದುರ್ಗದ ನೆಹರು ನಗರದಲ್ಲಿ ಕುಡಿವ ನೀರು ಪೂರೈಸಲು ಒತ್ತಾಯಿಸಿ ಮಹಿಳೆಯರೂ ಸೇರಿದಂತೆ ನಾಗರಿಕರು ಕೆಲಕಾಲ ರಸ್ತೆ ತಡೆ ನಡೆಸಿದರು. </p>.<h2>ನಕಲಿ ಮತ ಪತ್ರ ವಿವಾದ: ಸಚಿವ ಜಾರ್ಜ್ಗೆ ಛೀಮಾರಿ</h2>.<p><strong>ನವದೆಹಲಿ, ಸೆ. 20 (ಯುಎನ್ಐ, ಪಿಟಿಐ)</strong>– ಬಿಹಾರದಲ್ಲಿ ನಕಲಿ ಮತಪತ್ರಗಳನ್ನು ಮುದ್ರಿಸಲಾಗಿದೆ ಎಂಬ ರಕ್ಷಣಾ ಸಚಿವ ಜಾರ್ಜ್ ಫರ್ನಾಂಡಿಸ್ ಅವರ ಆರೋಪವನ್ನು ಸ್ಪಷ್ಟವಾಗಿ ತಳ್ಳಿಹಾಕಿದ ಚುನಾವಣಾ ಆಯೋಗ ‘ಇದು ಕೆಟ್ಟ ರಾಜಕೀಯ’ ಎಂದು ಛೀಮಾರಿ ಹಾಕಿದೆ.</p>.<p>ಇಂಥ ಆರೋಪಗಳನ್ನು ಮಾಡಲು ಸಚಿವರು ಸರ್ಕಾರಿ ಸಂಸ್ಥೆಗಳನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಆಯೋಗ ಉಗ್ರವಾಗಿ ಟೀಕಿಸಿದೆ. ಇಂದು ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮುಖ್ಯ ಚುನಾವಣಾ ಆಯುಕ್ತ ಎಂ.ಎಸ್. ಗಿಲ್ ಮತ್ತು ಸದಸ್ಯರಾದ ಜಿ.ವಿ.ಜಿ ಕೃಷ್ಣಮೂರ್ತಿ ಮತ್ತು ಜೆ.ಎಂ. ಲಿಂಗ್ಡೊ ಮೂವರೂ ಉಪಸ್ಥಿತರಿದ್ದರು.</p>.<p>ನಳಂದ ಮತ್ತು ಬಾರ್ಹ್ ಕ್ಷೇತ್ರಗಳಲ್ಲಿ ಆಯೋಗ ಅಗತ್ಯಕ್ಕಿಂತ ಹೆಚ್ಚು ಮತಪತ್ರಗಳನ್ನು ಮುದ್ರಿಸಿದೆ ಎಂದು ಜಾರ್ಜ್ ಫರ್ನಾಂಡಿಸ್ ಆರೋಪಿಸಿದ್ದರು. ‘ಬೇಹುಗಾರಿಕೆ ವಿಭಾಗದ ಮುಖ್ಯಸ್ಥರು ಖುದ್ದಾಗಿ ತಮಗೆ ಇದನ್ನು ತಿಳಿಸಿದ್ದಾರೆ’ ಎಂದು ಅವರು ಸಮರ್ಥಿಸಿಕೊಂಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
