ಕೋವಿಡ್ ನಿಯಂತ್ರಣದ ಉದ್ದೇಶದಿಂದ ವಿಮಾನದ ಮೂಲಕ ಸೋಂಕು ನಿವಾರಕ ಸಿಂಪಡಿಸುವ ಕಾರ್ಯಾಚರಣೆಯನ್ನು ಪ್ರಾಯೋಗಿಕವಾಗಿ ಆರಂಭಿಸಲಾಗಿದೆ (ಪ್ರ.ವಾ., ಮೇ 30). ಇದು ಸಾವಯವ ಸೋಂಕು ನಿವಾರಕ, ಹಾಗಾಗಿ ಇದರಿಂದ ಮನುಷ್ಯರಿಗೆ ಯಾವುದೇ ರೀತಿಯಲ್ಲಿ ತೊಂದರೆ ಆಗದು ಎಂಬ ಸರ್ಕಾರದ ಹೇಳಿಕೆಯು ನಂಬಿಕೆಯನ್ನು ಆಧರಿಸಿದ್ದೋ ಅಥವಾ ವೈಜ್ಞಾನಿಕವಾಗಿ ಪರೀಕ್ಷೆಗಳಿಂದ ದೃಢಪಟ್ಟಿದೆಯೋ ತಿಳಿಯದು. ಹಾಗೆಯೇ ಈ ಸಾವಯವ ಸೋಂಕು ನಿವಾರಕ ತಯಾರಿಕೆಗೆ ಬಳಸುವ ಕಚ್ಚಾ ವಸ್ತುಗಳ ಬಗ್ಗೆ ಜನರಿಗೆ ಮಾಹಿತಿ ಕೊಡುವುದು ಸೂಕ್ತ.
