ಪೂರ್ವಗ್ರಹದ ಮನಸ್ಸು

ನಗರ ನಕ್ಸಲರೆಂದು ಹಣೆಪಟ್ಟಿ ಹಚ್ಚಿ ತೆಲುಗು ಕವಿ ವರವರರಾವ್ ಮುಂತಾದ ಐದು ಜನ ಪ್ರಗತಿಪರ ಚಿಂತಕರನ್ನು ಪ್ರಧಾನಿಯ ಕೊಲೆಗೆ ಸಂಚು ಹೂಡಿದ ಮಾವೊವಾದಿಗಳೆಂದು ಗೃಹ ಬಂಧನದಲ್ಲಿಟ್ಟಿರುವ ಸರ್ಕಾರದ ಕ್ರಮವನ್ನು ಪ್ರಶ್ನಿಸಿರುವ ಪ್ರಸನ್ನ (ಸಂಗತ, ಆ.31) ಹಾಗೂ ಕೆ.ಎನ್. ಭಗವಾನ್ ಅವರ ಅಭಿಪ್ರಾಯಗಳನ್ನು ಖಂಡಿಸಿ ‘ಇವರಿಗೇಕೆ ಬೆಂಬಲ?’ (ಪ್ರ.ವಾ., ಸೆ.10) ಎಂದು ಜಿ.ವಿ. ಆನಂದ್ ಎಂಬುವರು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

. ನಕ್ಸಲ್ ಸಿದ್ಧಾಂತ ಎಂದರೇನು? ಅದರ ಉಗಮಕ್ಕೆ ಕಾರಣಗಳೇನು? ಎಂಬುದರ ತಳಬುಡ ತಿಳಿಯದ ಪೂರ್ವಗ್ರಹಪೀಡಿತ ಖಂಡನೆ ಇದಾಗಿದೆ. ಬಂಗಾಳದ ನಕ್ಸಲ್ಬರಿ ಪ್ರದೇಶದಲ್ಲಿ ಹುಟ್ಟಿದ ಚಳವಳಿ ಇದು. ಚಹಾ ತೋಟದ ಕಾರ್ಮಿಕರ ಮೇಲೆ ಜಮೀನ್ದಾರಿ ಕುಳಗಳು ನಡೆಸುತ್ತಿದ್ದ ನಿರ್ದಯ ಶೋಷಣೆ, ದಬ್ಬಾಳಿಕೆಗಳ ವಿರುದ್ಧ ಚಾರು ಮಜುಂದಾರ್ ಅವರ ನಾಯಕತ್ವದಲ್ಲಿ ಈ ಚಳವಳಿ ಹುಟ್ಟಿಕೊಂಡಿತ್ತು.

. ಜಡಗಟ್ಟಿದ್ದ ವ್ಯವಸ್ಥೆ, ಮೂಢನಂಬಿಕೆ, ಸ್ವಜನ ಹಿತಾಸಕ್ತಿಯ ಪಟ್ಟಭದ್ರ ವ್ಯವಸ್ಥೆಯನ್ನು ಅಲುಗಾಡಿಸಿ ಸಾಮಾಜಿಕ ನ್ಯಾಯವನ್ನು, ಸಮಸಮಾಜದ ಮೌಲ್ಯವನ್ನು ಬಿತ್ತಲು ಹೊರಟಿದ್ದು ನಕ್ಸಲ್ ಚಳವಳಿ. ಶೋಷಿತ ಬುಡಕಟ್ಟುಗಳ ಅನೇಕ ಯುವಜನರು ಅದರಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಆದರೆ ಪ್ರಭುತ್ವಅವರನ್ನು ಕರೆದು ಸಹಾನುಭೂತಿಯಿಂದ ಮಾತುಕತೆ ನಡೆಸುವುದಕ್ಕೆ ಬದಲಾಗಿ, ‘ನೆಗಡಿ ಆದರೆ ಮೂಗನ್ನೇ ಕತ್ತರಿಸಿ ಹಾಕಿದರು’ ಎಂಬಂತೆ, ಚಳವಳಿಗಾರರನ್ನೇ ‘ಎನ್ಕೌಂಟರ್’ ಮೂಲಕ ಮುಗಿಸುತ್ತ ಬಂದಿತು. ಅದಿನ್ನೂ ಮುಂದುವರೆಯುತ್ತಲೇ ಇದೆ. ಒಟ್ಟಾರೆ, ಜನರ ಸಮಸ್ಯೆಯನ್ನು ಬಗೆಹರಿಸಲಾಗದ ಸರ್ಕಾರವು ವ್ಯವಸ್ಥೆಯ ವಿರುದ್ಧ ದನಿ ಎತ್ತಿದವರನ್ನೆಲ್ಲ ನಕ್ಸಲರೆಂದೇ ಬಿಂಬಿಸಿ ದಮನ ಮಾಡುತ್ತಿದೆ ಈಗ. ಅದನ್ನು ವಿರೋಧಿಸುವ ಪ್ರಗತಿಪರ ಚಿಂತಕರು ‘ನಾವೂ ನಕ್ಸಲರು’ ಎಂದು ಸರ್ಕಾರದ ಕ್ರಮವನ್ನು ವಿರೋಧಿಸುತ್ತಿದ್ದಾರೆ.

. ಇದನ್ನು ತಪ್ಪಾಗಿ ಗ್ರಹಿಸುತ್ತಿರುವ ಆನಂದ್ ಅಂಥವರು ಪೂರ್ವಗ್ರಹಪೀಡಿತ ಮನಸ್ಸಿನಿಂದ, ಒಂದು ದಿನ ನಕ್ಸಲರೇ ಆಳ್ವಿಕೆಗೆ ಬರುತ್ತಾರೆಂದೂ ಆಗ ವರವರರಾವ್ ಅಂಥವರು ಮಂತ್ರಿಯೋ ಗುರುಗಳೋ ಆಗಿ ನಮ್ಮೆಲ್ಲರ ಸ್ವಾತಂತ್ರ್ಯವನ್ನು ಕಸಿದುಕೊಂಡು ಅಂಬೇಡ್ಕರ್ ಸಂವಿಧಾನವನ್ನು ತಿರಸ್ಕರಿಸಿ ನಕ್ಸಲ್ ಸಾಮ್ರಾಜ್ಯವನ್ನು ಸಂಸ್ಥಾಪನೆ ಮಾಡುತ್ತಾರೆಂದೂ ವೃಥಾ ಸಂಶಯ ಪಡುತ್ತಿದ್ದಾರೆ. ಆದರಿದು ಅಸಂಭವ. ಯಾಕೆಂದರೆ ಇವರು ಯಾವ ಸಂವಿಧಾನವನ್ನು ಬದಲಿಸಿ ನಕ್ಸಲ್ ರಾಜ್ಯ ಸ್ಥಾಪನೆಯಾಗುತ್ತದೆಂದು ಹೇಳುತ್ತಿರುವರೋ, ಅಂಥ ಸಂದರ್ಭ ಬಂದರೆ, ಈ ನಮ್ಮ ಸಂವಿಧಾನವೇ ನಮಗೆ ರಕ್ಷೆಯಾಗಿ ನಿಲ್ಲುತ್ತದೆ.

. ಪ್ರೊ.ಶಿವರಾಮಯ್ಯ, ಬೆಂಗಳೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪೂರ್ವಗ್ರಹದ ಮನಸ್ಸು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು