<p>ತಾಯ್ನುಡಿ ಪರ ಯುದ್ಧ (ಪ್ರ.ವಾ. ಸೆ.17) ಸಾರಬೇಕೆಂದಿರುವ ನಟರಾಜ್ ಹುಳಿಯಾರರು, ‘ಮಾಧ್ಯಮದ ಸಮಸ್ಯೆ ಬಗೆಹರಿಯುವ ತನಕ ಖಾಸಗಿ ಶಾಲೆಗಳಲ್ಲಿ ಕನ್ನಡ ಮಾತೃಭಾಷೆಯ ಮಕ್ಕಳು ಕಡ್ಡಾಯವಾಗಿ ಕನ್ನಡವನ್ನು ಪ್ರಥಮ ಭಾಷೆಯಾಗಿ ಕಲಿಯುವಂತೆ ಕಾನೂನು ಮಾಡಬೇಕು’ ಎಂದಿರುವುದು ಸರಿಯಲ್ಲ. ಇಲ್ಲಿ ಮಾತೃಭಾಷೆಯ ಪ್ರಶ್ನೆಯೇ ಬರಬಾರದು.<br /> <br /> ಕರ್ನಾಟಕದಲ್ಲಿ ಓದುತ್ತಿರುವ ಪ್ರತಿಯೊಂದು ಮಗುವೂ ರಾಜ್ಯಭಾಷೆ ಕನ್ನಡವನ್ನು ಪ್ರಥಮ ಭಾಷೆಯಾಗಿಯೇ<br /> ಓದಬೇಕು. ಇನ್ನುಳಿದ ಎರಡು ಭಾಷೆಗಳ ಆಯ್ಕೆ ಪೋಷಕರಿಗೆ ಬಿಟ್ಟಿದ್ದು ಎಂದಾಗಬೇಕು. ಇರುವ ಕಾನೂನುಗಳು ಏನಾದವು ಎಂಬ ಪ್ರಶ್ನೆಗೆ ಉತ್ತರ ಮಾತ್ರ ಕೇಳಬೇಡಿ; ಆದರೂ ಹೊಸ ಕಾನೂನು ಮಾಡಿ ಎಂಬುದು ಕುಚೋದ್ಯದಂತೆ ಕಾಣುತ್ತದೆ.<br /> <br /> ಇನ್ನೂ ಮುಂದುವರೆದು ಅವರು, ‘ಕನ್ನಡಪರ ವಿದ್ಯಾರ್ಥಿಗಳು, ಬೋಧಕರು, ರಾಜಕಾರಣಿಗಳು, ಹೋರಾಟಗಾರರು<br /> ಮನೆಮನೆಗೆ ತೆರಳಿ ಪೋಷಕರ ಮನವೊಲಿಸಬೇಕು’ ಎಂದಿದ್ದಾರೆ (ಇಲ್ಲಿ ಉದ್ದೇಶಪೂರ್ವಕವಾಗಿಯೇ ಸಾಹಿತಿಗಳನ್ನು ಕೈಬಿಟ್ಟಿರುವಂತೆ ಕಾಣುತ್ತದೆ! ಸ್ವಾಗತಾರ್ಹ ನಿರ್ಧಾರ). ಆದರೆ ಈ ಮನವೊಲಿಕೆ ಎಲ್ಲಿಂದ ಶುರುವಾಗಬೇಕು?<br /> ನಿಮ್ಮ ಗುರಿ ಅದೇ ಗ್ರಾಮೀಣ ಪ್ರದೇಶದ, ಬಡವರ, ರೈತರ, ಕೂಲಿ–ಕಾರ್ಮಿಕರ ಮಕ್ಕಳ ಪೋಷಕರೇ ಆಗಿದ್ದರೆ ಅದು ಇನ್ನೊಂದು ದೊಡ್ಡ ಘಾತುಕತನವಾಗುತ್ತದೆ. ಅರ್ಧ ಶತಮಾನದಿಂದ ಸಾಕಷ್ಟು ಗೊಂದಲದಲ್ಲೇ ಮುಳುಗಿರುವವರನ್ನು ಮತ್ತೆ ಒಂದೆರಡು ತಲೆಮಾರು ಗೊಂದಲದಲ್ಲಿ ಮುಳುಗಿಸುವ ಮೂರ್ಖತನವೂ ಇದಾಗುತ್ತದೆ.<br /> <br /> ಅದರ ಬದಲು, ನಗರ ಪ್ರದೇಶದ ಅದರಲ್ಲೂ ಪ್ರತಿಷ್ಠಿತ ಬಡಾವಣೆಯ ಪೋಷಕರ ಮನವೊಲಿಕೆಗೆ ಮೊದಲು ಪ್ರಯತ್ನಿಸಲಿ. ಅಲ್ಲಿ ನೀವು ಯಶಸ್ವಿಯಾದರೆ ಮಾತ್ರ ರಾಜ್ಯದಾದ್ಯಾಂತ ಈ ಮನವೊಲಿಕೆ ವಿಸ್ತರಿಸಲಿ. ಕನ್ನಡಿಗರಿಗೇ, ಕನ್ನಡವನ್ನು ಪ್ರಥಮ ಭಾಷೆಯಾಗಿ ಆಯ್ಕೆ ಮಾಡಿಕೊಳ್ಳಿ ಎಂದು ಮನವೊಲಿಸುವ ಸ್ಥಿತಿ ಬಂದಿರುವುದು ಕನ್ನಡದ ದುರಂತ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತಾಯ್ನುಡಿ ಪರ ಯುದ್ಧ (ಪ್ರ.ವಾ. ಸೆ.17) ಸಾರಬೇಕೆಂದಿರುವ ನಟರಾಜ್ ಹುಳಿಯಾರರು, ‘ಮಾಧ್ಯಮದ ಸಮಸ್ಯೆ ಬಗೆಹರಿಯುವ ತನಕ ಖಾಸಗಿ ಶಾಲೆಗಳಲ್ಲಿ ಕನ್ನಡ ಮಾತೃಭಾಷೆಯ ಮಕ್ಕಳು ಕಡ್ಡಾಯವಾಗಿ ಕನ್ನಡವನ್ನು ಪ್ರಥಮ ಭಾಷೆಯಾಗಿ ಕಲಿಯುವಂತೆ ಕಾನೂನು ಮಾಡಬೇಕು’ ಎಂದಿರುವುದು ಸರಿಯಲ್ಲ. ಇಲ್ಲಿ ಮಾತೃಭಾಷೆಯ ಪ್ರಶ್ನೆಯೇ ಬರಬಾರದು.<br /> <br /> ಕರ್ನಾಟಕದಲ್ಲಿ ಓದುತ್ತಿರುವ ಪ್ರತಿಯೊಂದು ಮಗುವೂ ರಾಜ್ಯಭಾಷೆ ಕನ್ನಡವನ್ನು ಪ್ರಥಮ ಭಾಷೆಯಾಗಿಯೇ<br /> ಓದಬೇಕು. ಇನ್ನುಳಿದ ಎರಡು ಭಾಷೆಗಳ ಆಯ್ಕೆ ಪೋಷಕರಿಗೆ ಬಿಟ್ಟಿದ್ದು ಎಂದಾಗಬೇಕು. ಇರುವ ಕಾನೂನುಗಳು ಏನಾದವು ಎಂಬ ಪ್ರಶ್ನೆಗೆ ಉತ್ತರ ಮಾತ್ರ ಕೇಳಬೇಡಿ; ಆದರೂ ಹೊಸ ಕಾನೂನು ಮಾಡಿ ಎಂಬುದು ಕುಚೋದ್ಯದಂತೆ ಕಾಣುತ್ತದೆ.<br /> <br /> ಇನ್ನೂ ಮುಂದುವರೆದು ಅವರು, ‘ಕನ್ನಡಪರ ವಿದ್ಯಾರ್ಥಿಗಳು, ಬೋಧಕರು, ರಾಜಕಾರಣಿಗಳು, ಹೋರಾಟಗಾರರು<br /> ಮನೆಮನೆಗೆ ತೆರಳಿ ಪೋಷಕರ ಮನವೊಲಿಸಬೇಕು’ ಎಂದಿದ್ದಾರೆ (ಇಲ್ಲಿ ಉದ್ದೇಶಪೂರ್ವಕವಾಗಿಯೇ ಸಾಹಿತಿಗಳನ್ನು ಕೈಬಿಟ್ಟಿರುವಂತೆ ಕಾಣುತ್ತದೆ! ಸ್ವಾಗತಾರ್ಹ ನಿರ್ಧಾರ). ಆದರೆ ಈ ಮನವೊಲಿಕೆ ಎಲ್ಲಿಂದ ಶುರುವಾಗಬೇಕು?<br /> ನಿಮ್ಮ ಗುರಿ ಅದೇ ಗ್ರಾಮೀಣ ಪ್ರದೇಶದ, ಬಡವರ, ರೈತರ, ಕೂಲಿ–ಕಾರ್ಮಿಕರ ಮಕ್ಕಳ ಪೋಷಕರೇ ಆಗಿದ್ದರೆ ಅದು ಇನ್ನೊಂದು ದೊಡ್ಡ ಘಾತುಕತನವಾಗುತ್ತದೆ. ಅರ್ಧ ಶತಮಾನದಿಂದ ಸಾಕಷ್ಟು ಗೊಂದಲದಲ್ಲೇ ಮುಳುಗಿರುವವರನ್ನು ಮತ್ತೆ ಒಂದೆರಡು ತಲೆಮಾರು ಗೊಂದಲದಲ್ಲಿ ಮುಳುಗಿಸುವ ಮೂರ್ಖತನವೂ ಇದಾಗುತ್ತದೆ.<br /> <br /> ಅದರ ಬದಲು, ನಗರ ಪ್ರದೇಶದ ಅದರಲ್ಲೂ ಪ್ರತಿಷ್ಠಿತ ಬಡಾವಣೆಯ ಪೋಷಕರ ಮನವೊಲಿಕೆಗೆ ಮೊದಲು ಪ್ರಯತ್ನಿಸಲಿ. ಅಲ್ಲಿ ನೀವು ಯಶಸ್ವಿಯಾದರೆ ಮಾತ್ರ ರಾಜ್ಯದಾದ್ಯಾಂತ ಈ ಮನವೊಲಿಕೆ ವಿಸ್ತರಿಸಲಿ. ಕನ್ನಡಿಗರಿಗೇ, ಕನ್ನಡವನ್ನು ಪ್ರಥಮ ಭಾಷೆಯಾಗಿ ಆಯ್ಕೆ ಮಾಡಿಕೊಳ್ಳಿ ಎಂದು ಮನವೊಲಿಸುವ ಸ್ಥಿತಿ ಬಂದಿರುವುದು ಕನ್ನಡದ ದುರಂತ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
