IPL 2024 Auction: ಆಸ್ಟ್ರೇಲಿಯಾ ಕಲಿಗಳಿಗೆ ಸಿಂಹಪಾಲು, ಭಾರತದ ಪಟೇಲ್‌ಗೆ ‘ಹರ್ಷ‘

ನವದೆಹಲಿ: ಐಪಿಎಲ್‌ ಹರಾಜಿನಲ್ಲಿ ತಾವು ₹24.75 ಕೋಟಿಗೆ ಖರೀದಿಯಾಗಬಹುದೆಂದು ಕನಸು ಮನಸಿನಲ್ಲೂ ಎಣಿಸಿ ರಲಿಲ್ಲ ಎಂದು ಹೇಳಿರುವ ಆಸ್ಟ್ರೇಲಿಯಾದ ವೇಗದ ಬೌಲರ್ ಮಿಚೆಲ್‌ ಸ್ಟಾರ್ಕ್ ಅವರು ‘ಇಷ್ಟೊಂದು ದೊಡ್ಡ ಮೊತ್ತ ತಮ್ಮ ಮೇಲೆ ಕೆಲಮಟ್ಟಿಗೆ ಒತ್ತಡ ಉಂಟುಮಾಡಲಿದೆ’ ಎಂಬುದನ್ನೂ ಒಪ್ಪಿಕೊಂಡಿದ್ದಾರೆ. ‘ನಿಜ, ಇದು ನನಗೆ ಅಚ್ಚರಿ (ಶಾಕ್‌). ಕನಸಿನಲ್ಲೂ ಊಹಿಸಿರಲಿಲ್ಲ. ಆದರೆ ನನ್ನ ಮೇಲೆ ಇದು ಒತ್ತಡ ತರುತ್ತದೆ ಎಂಬುದರಲ್ಲಿ ಸಂಶಯವಿಲ್ಲ. ಆದರೆ ಹಿಂದಿನ ಐಪಿಎಲ್‌ ಅನುಭವ ನೆರವಿಗೆ ಬರಲಿದೆ’ ಎಂದು ಸ್ಟಾರ್ಕ್ ‘ಜಿಯೊ ಸಿನಿಮಾ’ಕ್ಕೆ ತಿಳಿಸಿದರು.