ವಿಶ್ವಕಪ್ ಫೈನಲ್‌ನಲ್ಲಿ ಗಪ್ಟಿಲ್ ರನೌಟ್‌: ಈ ವರ್ಷದ ಶ್ರೇಷ್ಠ ಕ್ರೀಡಾ ಕ್ಷಣ

ನವದೆಹಲಿ: ವಿಶ್ವಕಪ್ ಕ್ರಿಕೆಟ್ ಪೈನಲ್ ಪಂದ್ಯದ ಸೂಪರ್ ಓವರ್ನಲ್ಲಿ ನ್ಯೂಜಿಲೆಂಡ್ ತಂಡದ ಬ್ಯಾಟ್ಸ್ಮನ್ ಮಾರ್ಟಿನ್ ಗಪ್ಟಿಲ್ ರನೌಟ್ ಆದ ಕ್ಷಣವು ಬಿಬಿಸಿಯವರ್ಷದ ಶ್ರೇಷ್ಠ ಕ್ರೀಡಾ ಕ್ಷಣ ಎನಿಸಿದೆ. ಇಂಗ್ಲೆಂಡ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಅವರು ವರ್ಷದ ಕ್ರೀಡಾಪಟು ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

. ಈ ವರ್ಷ ಇಂಗ್ಲೆಂಡ್ನಲ್ಲಿ ನಡೆದ ವಿಶ್ವಕಪ್ನಲ್ಲಿ ಅಮೋಘವಾಗಿ ಆಡಿದ್ದ ಸ್ಟೋಕ್ಸ್, ಫೈನಲ್ ಪಂದ್ಯದಲ್ಲಿ ತಮ್ಮ ತಂಡಕ್ಕೆ ಚೊಚ್ಚಲ ವಿಶ್ವಕಪ್ ಗೆದ್ದುಕೊಡುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದ್ದರು.ಇದರೊಂದಿಗೆ ಅವರು ಈ ಪ್ರಶಸ್ತಿ ಸ್ವೀಕರಿಸಿದ ಐದನೇ ಕ್ರಿಕೆಟಿಗ ಎನಿಸಿದರು.

. ಈ ಹಿಂದೆ, ಇಯಾನ್ ಬಾಥಮ್, ಜಿಮ್ ಲೇಕರ್, ಡೇವಿಡ್ ಸ್ಟೀಲೆ ಹಾಗೂ ಆ್ಯಂಡ್ರೋ ಫ್ಲಿಂಟಾಫ್ ಪ್ರಶಸ್ತಿ ಸ್ವೀಕರಿಸಿದ್ದರು.

. ಇದನ್ನೂ ಓದಿ: ಸೂಪರ್ ಓವರ್ ಟೈ ಆದರೂ ಇಂಗ್ಲೆಂಡ್ ಗೆದ್ದಿದ್ದು ಹೇಗೆ?

. ಫಾರ್ಮುಲಾ ಒನ್ ರೇಸರ್ ಲೆವಿಸ್ ಹ್ಯಾಮಿಲ್ಟನ್ ಹಾಗೂ ಅಥ್ಲೀಟ್ ದಿನಾ ಆಷ್ಯರ್ ಸ್ಮಿತ್ ಅವರೂ ವರ್ಷದ ಕ್ರೀಡಾಪಟು ಪ್ರಶಸ್ತಿ ರೇಸ್ನಲ್ಲಿದ್ದರು. ಅವರು ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನಕ್ಕೆ ತೃಪ್ತರಾಗಿದ್ದಾರೆ. ಸ್ಟೋಕ್ಸ್, ಹ್ಯಾಮಿಲ್ಟನ್ ಮತ್ತುಆಷ್ಯರ್ ಅವರಿಗಿಂತಹೆಚ್ಚು ಮತ ಪಡೆದು ಪ್ರಶಸ್ತಿ ಪಡೆದಿದ್ದಾರೆ.

. ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದನ್ಯೂಜಿಲೆಂಡ್ ನಿಗದಿತ 50 ಓವರ್ಗಳಲ್ಲಿ ಎಂಟು ವಿಕೆಟ್ ಕಳೆದುಕೊಂಡು 241 ರನ್ ಗಳಿಸಿತ್ತು. ಈ ಮೊತ್ತ ಬೆನ್ನತ್ತಿದ್ದ ಆತಿಥೇಯ ಇಂಗ್ಲೆಂಡ್ 241 ರನ್ ಗಳಿಸಿ ಆಲೌಟ್ ಆಗಿತ್ತು. ಔಟಾಗದೆ 84 ರನ್ ಗಳಿಸಿದ್ದ ಸ್ಟೋಕ್ಸ್ ಪಂದ್ಯದ ಮೊತ್ತ ಸಮಬಲಗೊಳಿಸಿದ್ದರು. ಹೀಗಾಗಿ ಸೂಪರ್ ಓವರ್ ಮೊರೆ ಹೋಗಲಾಗಿತ್ತು.

. ಇದನ್ನೂ ಓದಿ: ಪಶ್ಚಾತ್ತಾಪ ಪಟ್ಟ ಬೆನ್ ಸ್ಟೋಕ್ಸ್

. ಸೂಪರ್ ಓವರ್ನಲ್ಲಿ ಮೊದಲು ಬ್ಯಾಟ್ ಮಾಡಿದ ಇಂಗ್ಲೆಂಡ್ 15 ರನ್ ಗಳಿಸಿತ್ತು. ಸ್ಟೋಕ್ಸ್ ಮೂರು ಎಸೆತಗಳಲ್ಲಿ ಎಂಟು ರನ್ ಮತ್ತು ಜಾಸ್ ಬಟ್ಲರ್ ಮೂರು ಎಸೆತಗಳಲ್ಲಿ 7 ರನ್ ಗಳಿಸಿದ್ದರು. ಮೊತ್ತ ಬೆನ್ನತ್ತಿದ್ದ ನ್ಯೂಜಿಲೆಂಡ್ ಮೊದಲ ಐದು ಎಸೆತಗಳಲ್ಲಿ 14 ರನ್ ಗಳಿಸಿತ್ತು. ಕೊನೆಯ ಎಸೆತದಲ್ಲಿ ಎರಡು ರನ್ ಗಳಿಸಬೇಕಿತ್ತು.

. ಬ್ಯಾಟಿಂಗ್ ಮಾಡುತ್ತಿದ್ದಮಾರ್ಟಿನ್ ಗಪ್ಟಿಲ್ಎರಡು ರನ್ಗಾಗಿ ಓಡುವ ವೇಳೆ ರನೌಟ್ ಆಗಿದ್ದರು. ಹೀಗಾಗಿ ಪಂದ್ಯವು ಎರಡೆರಡು ಬಾರಿ ಡ್ರಾ ಆದಂತಾಯಿತು. ವಿಕೆಟ್ ಕೀಪರ್ ಜಾಸ್ ಬಟ್ಲರ್ ಮಾಡಿದ ಆ ರನೌಟ್ ಸಂದರ್ಭವನ್ನು ವರ್ಷದ ಶ್ರೇಷ್ಠ ಕ್ರೀಡಾಕ್ಷಣ ಎಂದು ಗುರುತಿಸಲಾಗಿದೆ.

. ಇದನ್ನೂ ಓದಿ: ಆಗ ಬಾಥಂ, ಈಗ ಬೆನ್ ಸ್ಟೋಕ್ಸ್....

. ಬಳಿಕ ಉಭಯ ಇನಿಂಗ್ಸ್ಗಳಲ್ಲಿ ದಾಖಲಾದ ಒಟ್ಟು ಬೌಂಡರಿ ಮತ್ತು ಸಿಕ್ಸರ್ಗಳನ್ನು ಪರಿಗಣಿಸಿ ಇಂಗ್ಲೆಂಡ್ ವಿಜಯಿ ಎಂದು ಘೋಷಿಸಲಾಗಿತ್ತು. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲೆಂಡ್ ಇನಿಂಗ್ಸ್ನಲ್ಲಿ 14 ಬೌಂಡರಿ ಮತ್ತು 2 ಸಿಕ್ಸರ್ ದಾಖಲಾಗಿದ್ದರೆ,ಇಂಗ್ಲೆಂಡ್ 22 ಬೌಂಡರಿ ಮತ್ತು 2 ಸಿಕ್ಸರ್ ಬಂದಿದ್ದವು.

. ಬಿಬಿಸಿಯ ಇತರೆ ಪ್ರಶಸ್ತಿಗಳು ಹೆಲೆನ್ ರೊಲ್ಲಾಸನ್ ಅವಾರ್ಡ್: ಡೊಡ್ಡೀ ವಿಯರ್ (ರಗ್ಬಿ ಆಟಗಾರ) ವರ್ಷದ ಯುವ ಕ್ರೀಡಾಪಟು: ಕರೋಲಿನ್ ಡುಬೊಯಿಸ್ (ಮಹಿಳಾ ಬಾಕ್ಸರ್) ಜೀವಮಾನದ ಸಾಧನೆ: ತಾನ್ನಿ ಗ್ರೇ ಥಾಂಪ್ಸನ್ ವರ್ಷದ ಕೋಚ್: ಜಾನ್ ಬ್ಲೇಕಿ (ದೋಹಾದಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕ ಗೆದ್ದಿದ್ದ 200 ಮೀ. ಓಟಗಾರ್ತಿದಿನಾ ಆಷ್ಯರ್ ಸ್ಮಿತ್ ಕೋಚ್) ವರ್ಷದ ತಂಡ: ವಿಶ್ವಕಪ್ ಗೆದ್ದ ಇಂಗ್ಲೆಂಡ್ ಕ್ರಿಕೆಟ್ ತಂಡ ವಿಶ್ವ ಕ್ರೀಡಾ ತಾರೆ: ಎಲಿಯುದ್ ಕಿಪ್ಚೋಗೆ (ಮ್ಯಾರಥಾನ್ ಓಟಗಾರ, ಕೀನ್ಯಾ) ರೋಮಾಂಚಿತ ಕ್ಷಣ: ವಿಶ್ವಕಪ್ ಕ್ರಿಕೆಟ್ನ ಫೈನಲ್ ಪಂದ್ಯದ ಸೂಪರ್ ಓವರ್ ವೇಳೆ ನ್ಯೂಜಿಲೆಂಡ್ನ ಮಾರ್ಟಿನ್ ಗಪ್ಟಿಲ್ ಅವರನ್ನು ಇಂಗ್ಲೆಂಡ್ನ ಜಾಸ್ ಬಟ್ಲರ್ ರನೌಟ್ ಮಾಡಿದ್ದು ತೆರೆಮರೆಯ ಹೀರೋ : ಕೀರನ್ಥಾಂಪ್ಸನ್ (ಸಾಮಾಜಿಕ ಕಾರ್ಯಕರ್ತ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವಕಪ್ ಫೈನಲ್‌ನಲ್ಲಿ ಗಪ್ಟಿಲ್ ರನೌಟ್‌: ಈ ವರ್ಷದ ಶ್ರೇಷ್ಠ ಕ್ರೀಡಾ ಕ್ಷಣ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ಏಕದಿನ ಪಂದ್ಯ: ಜಿಂಬಾಬ್ವೆಗೆ ಮಣಿದ ಪಾಕಿಸ್ತಾನ

IPL Auction | ರಿಷಭ್ ಪಂತ್ ದಾಖಲೆ ವೀರ : ₹27 ಕೋಟಿಗೆ ಲಖನೌ ಪಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಚಿನಕುರುಳಿ | ಭಾನುವಾರ, ನವೆಂಬರ್ 24 2024