<p><strong>ಬ್ರಿಜ್ಟೌನ್, ಬಾರ್ಬಡೋಸ್ (ಪಿಟಿಐ):</strong> ಎಂಟು ಸಿಕ್ಸರ್ ಸಿಡಿಸಿದ ಶಾಯ್ ಹೋಪ್ ಸಿಡಿಲಬ್ಬರದ ಬ್ಯಾಟಿಂಗ್ ಬಲದಿಂದ ವೆಸ್ಟ್ ಇಂಡೀಸ್ ತಂಡವು ಅಮೆರಿಕ ಎದುರು ಜಯಭೇರಿ ಬಾರಿಸಿತು. </p>.<p>ಕೆನ್ಸಿಂಗ್ಟನ್ ಓವಲ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಸೂಪರ್ 8ರ ಹಂತದ 2ನೇ ಗುಂಪಿನ ಪಂದ್ಯದಲ್ಲಿ ಆತಿಥೇಯ ತಂಡವು 9 ವಿಕೆಟ್ಗಳಿಂದ ಜಯಿಸಿತು. </p>.<p>ಟಾಸ್ ಗೆದ್ದ ವಿಂಡೀಸ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆ್ಯಂಡ್ರೆ ರಸೆಲ್ (31ಕ್ಕೆ3) ಮತ್ತು ರಾಸ್ಟನ್ ಚೇಸ್ (19ಕ್ಕೆ3) ಅವರಿಬ್ಬರ ಪರಿಣಾಮಕಾರಿ ದಾಳಿಯಿಂದ ಅಮೆರಿಕ ತಂಡವು 128 ರನ್ ಗಳಿಸಿ ಎಲ್ಲ ವಿಕೆಟ್ ಕಳೆದುಕೊಂಡಿತು. </p>.<p>ಗುರಿ ಬೆನ್ನಟ್ಟಿದ ವಿಂಡೀಸ್ ತಂಡವು ಕೇವಲ 65 ಎಸೆತಗಳಲ್ಲಿ 130 ರನ್ ಗಳಿಸಿ ಜಯಭೇರಿ ಬಾರಿಸಿತು. ಸಿಡಿ ಶಾಯ್ ಹೋಪ್ ಅಮೆರಿಕದ ಬೌಲರ್ಗಳನ್ನು ಕಾಡಿದರು. </p>.<p>ಹೋಪ್ ಮತ್ತು ಜಾನ್ಸನ್ ಚಾರ್ಲ್ಸ್ (15; 14ಎ) ಅವರಿಬ್ಬರೂ ಮೊದಲ ವಿಕೆಟ್ ಜೊತೆಯಾಟದಲ್ಲಿ ಏಳು ಓವರ್ಗಳಲ್ಲಿ 67 ರನ್ ದಾಖಲಿಸಿದರು. ಹರಮೀತ್ ಸಿಂಗ್ ಬೌಲಿಂಗ್ನಲ್ಲಿ ಜಾನ್ಸನ್ ಕ್ಯಾಚ್ ಪಡೆದ ಮಿಲಿಂದ್ ಕುಮಾರ್ ಸಂತಸಪಟ್ಟರು. </p>.<p>ಆದರೆ ಇದಾದ ನಂತರದ ಆಟದಲ್ಲಿ ಅಮೆರಿಕದವರಿಗೆ ಸಂಭ್ರಮಿಸುವ ಅವಕಾಶವನ್ನು ಹೋಪ್ ಮತ್ತು ಪೂರನ್ ನೀಡಲಿಲ್ಲ. 225ರ ಸ್ಟ್ರೈಕ್ರೇಟ್ನಲ್ಲಿ 27 ರನ್ ಗಳಿಸಿದ ಪೂರನ್ ಆಟದಲ್ಲಿ 3 ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿದರು. </p>.<p>ಹೋಪ್ ಮತ್ತು ಪೂರನ್ ಮುರಿಯದ ಎರಡನೇ ವಿಕೆಟ್ ಜೊತೆಯಾಟದಲ್ಲಿ 50 ರನ್ ಸೇರಿಸಿ, ತಂಡವನ್ನು ಗೆಲುವಿನ ದಡ ಸೇರಿಸಿದರು. </p>.<p>ಅಮೆರಿಕ ತಂಡದ ಎಡಗೈ ಮಧ್ಯಮವೇಗಿ ಸೌರಭ್ ನೇತ್ರಾವಳ್ಕರ್, ಕನ್ನಡಿಗ, ಸ್ಪಿನ್ನರ್ ನಾಸ್ತುಷ್ ಕೆಂಜಿಗೆ ಹಾಗೂ ಶ್ಯಾಂಡ್ಲಿ ಆ್ಯನ್ ಅವರು ದುಬಾರಿಯಾದರು. ಎಂಟರ ಘಟ್ಟದಲ್ಲಿ ವಿಂಡೀಸ್ ತಂಡಕ್ಕೆ ಇದು ಎರಡನೇ ಪಂದ್ಯ ಮತ್ತು ಮೊದಲ ಗೆಲುವು. </p>.<p><strong>ಸಂಕ್ಷಿಪ್ತ ಸ್ಕೋರು:</strong></p><p><strong> ಅಮೆರಿಕ:</strong> 19.5 ಓವರ್ಗಳಲ್ಲಿ 128 (ಆಂಡ್ರೀಸ್ ಗೌಸ್ 29, ನಿತೀಶ್ ಕುಮಾರ್ 20, ಮಿಲಿಂದ್ ಕುಮಾರ್ 19, ವ್ಯಾನ್ ಶೈಕಾವಿಕ್ 18, ಅಲಿ ಖಾನ್ ಔಟಾಗದೆ 14, ಆ್ಯಂಡ್ರೆ ರಸೆಲ್ 31ಕ್ಕೆ3, ಅಲ್ಝರಿ ಜೋಸೆಫ್ 31ಕ್ಕೆ2, ರೊಸ್ಟನ್ ಚೇಸ್ 19ಕ್ಕೆ3) </p><p><strong>ವೆಸ್ಟ್ ಇಂಡೀಸ್:</strong> 10.5 ಓವರ್ಗಳಲ್ಲಿ 1 ವಿಕೆಟ್ಗೆ 130 (ಶಾಯ್ ಹೋಪ್ ಔಟಾಗದೆ 82, ಜಾನ್ಸನ್ ಚಾರ್ಲ್ಸ್ 15, ನಿಕೊಲಸ್ ಪೂರನ್ ಔಟಾಗದೆ 27, ಹರಮೀತ್ ಸಿಂಗ್ 18ಕ್ಕೆ1) ಫಲಿತಾಂಶ: ವೆಸ್ಟ್ ಇಂಡೀಸ್ ತಂಡಕ್ಕೆ 9 ವಿಕೆಟ್ಗಳ ಜಯ. ಪಂದ್ಯಶ್ರೇಷ್ಠ: ರಾಸ್ಟನ್ ಚೇಸ್. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ರಿಜ್ಟೌನ್, ಬಾರ್ಬಡೋಸ್ (ಪಿಟಿಐ):</strong> ಎಂಟು ಸಿಕ್ಸರ್ ಸಿಡಿಸಿದ ಶಾಯ್ ಹೋಪ್ ಸಿಡಿಲಬ್ಬರದ ಬ್ಯಾಟಿಂಗ್ ಬಲದಿಂದ ವೆಸ್ಟ್ ಇಂಡೀಸ್ ತಂಡವು ಅಮೆರಿಕ ಎದುರು ಜಯಭೇರಿ ಬಾರಿಸಿತು. </p>.<p>ಕೆನ್ಸಿಂಗ್ಟನ್ ಓವಲ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಸೂಪರ್ 8ರ ಹಂತದ 2ನೇ ಗುಂಪಿನ ಪಂದ್ಯದಲ್ಲಿ ಆತಿಥೇಯ ತಂಡವು 9 ವಿಕೆಟ್ಗಳಿಂದ ಜಯಿಸಿತು. </p>.<p>ಟಾಸ್ ಗೆದ್ದ ವಿಂಡೀಸ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆ್ಯಂಡ್ರೆ ರಸೆಲ್ (31ಕ್ಕೆ3) ಮತ್ತು ರಾಸ್ಟನ್ ಚೇಸ್ (19ಕ್ಕೆ3) ಅವರಿಬ್ಬರ ಪರಿಣಾಮಕಾರಿ ದಾಳಿಯಿಂದ ಅಮೆರಿಕ ತಂಡವು 128 ರನ್ ಗಳಿಸಿ ಎಲ್ಲ ವಿಕೆಟ್ ಕಳೆದುಕೊಂಡಿತು. </p>.<p>ಗುರಿ ಬೆನ್ನಟ್ಟಿದ ವಿಂಡೀಸ್ ತಂಡವು ಕೇವಲ 65 ಎಸೆತಗಳಲ್ಲಿ 130 ರನ್ ಗಳಿಸಿ ಜಯಭೇರಿ ಬಾರಿಸಿತು. ಸಿಡಿ ಶಾಯ್ ಹೋಪ್ ಅಮೆರಿಕದ ಬೌಲರ್ಗಳನ್ನು ಕಾಡಿದರು. </p>.<p>ಹೋಪ್ ಮತ್ತು ಜಾನ್ಸನ್ ಚಾರ್ಲ್ಸ್ (15; 14ಎ) ಅವರಿಬ್ಬರೂ ಮೊದಲ ವಿಕೆಟ್ ಜೊತೆಯಾಟದಲ್ಲಿ ಏಳು ಓವರ್ಗಳಲ್ಲಿ 67 ರನ್ ದಾಖಲಿಸಿದರು. ಹರಮೀತ್ ಸಿಂಗ್ ಬೌಲಿಂಗ್ನಲ್ಲಿ ಜಾನ್ಸನ್ ಕ್ಯಾಚ್ ಪಡೆದ ಮಿಲಿಂದ್ ಕುಮಾರ್ ಸಂತಸಪಟ್ಟರು. </p>.<p>ಆದರೆ ಇದಾದ ನಂತರದ ಆಟದಲ್ಲಿ ಅಮೆರಿಕದವರಿಗೆ ಸಂಭ್ರಮಿಸುವ ಅವಕಾಶವನ್ನು ಹೋಪ್ ಮತ್ತು ಪೂರನ್ ನೀಡಲಿಲ್ಲ. 225ರ ಸ್ಟ್ರೈಕ್ರೇಟ್ನಲ್ಲಿ 27 ರನ್ ಗಳಿಸಿದ ಪೂರನ್ ಆಟದಲ್ಲಿ 3 ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿದರು. </p>.<p>ಹೋಪ್ ಮತ್ತು ಪೂರನ್ ಮುರಿಯದ ಎರಡನೇ ವಿಕೆಟ್ ಜೊತೆಯಾಟದಲ್ಲಿ 50 ರನ್ ಸೇರಿಸಿ, ತಂಡವನ್ನು ಗೆಲುವಿನ ದಡ ಸೇರಿಸಿದರು. </p>.<p>ಅಮೆರಿಕ ತಂಡದ ಎಡಗೈ ಮಧ್ಯಮವೇಗಿ ಸೌರಭ್ ನೇತ್ರಾವಳ್ಕರ್, ಕನ್ನಡಿಗ, ಸ್ಪಿನ್ನರ್ ನಾಸ್ತುಷ್ ಕೆಂಜಿಗೆ ಹಾಗೂ ಶ್ಯಾಂಡ್ಲಿ ಆ್ಯನ್ ಅವರು ದುಬಾರಿಯಾದರು. ಎಂಟರ ಘಟ್ಟದಲ್ಲಿ ವಿಂಡೀಸ್ ತಂಡಕ್ಕೆ ಇದು ಎರಡನೇ ಪಂದ್ಯ ಮತ್ತು ಮೊದಲ ಗೆಲುವು. </p>.<p><strong>ಸಂಕ್ಷಿಪ್ತ ಸ್ಕೋರು:</strong></p><p><strong> ಅಮೆರಿಕ:</strong> 19.5 ಓವರ್ಗಳಲ್ಲಿ 128 (ಆಂಡ್ರೀಸ್ ಗೌಸ್ 29, ನಿತೀಶ್ ಕುಮಾರ್ 20, ಮಿಲಿಂದ್ ಕುಮಾರ್ 19, ವ್ಯಾನ್ ಶೈಕಾವಿಕ್ 18, ಅಲಿ ಖಾನ್ ಔಟಾಗದೆ 14, ಆ್ಯಂಡ್ರೆ ರಸೆಲ್ 31ಕ್ಕೆ3, ಅಲ್ಝರಿ ಜೋಸೆಫ್ 31ಕ್ಕೆ2, ರೊಸ್ಟನ್ ಚೇಸ್ 19ಕ್ಕೆ3) </p><p><strong>ವೆಸ್ಟ್ ಇಂಡೀಸ್:</strong> 10.5 ಓವರ್ಗಳಲ್ಲಿ 1 ವಿಕೆಟ್ಗೆ 130 (ಶಾಯ್ ಹೋಪ್ ಔಟಾಗದೆ 82, ಜಾನ್ಸನ್ ಚಾರ್ಲ್ಸ್ 15, ನಿಕೊಲಸ್ ಪೂರನ್ ಔಟಾಗದೆ 27, ಹರಮೀತ್ ಸಿಂಗ್ 18ಕ್ಕೆ1) ಫಲಿತಾಂಶ: ವೆಸ್ಟ್ ಇಂಡೀಸ್ ತಂಡಕ್ಕೆ 9 ವಿಕೆಟ್ಗಳ ಜಯ. ಪಂದ್ಯಶ್ರೇಷ್ಠ: ರಾಸ್ಟನ್ ಚೇಸ್. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
