<p><strong>ರಾಂಚಿ:</strong> ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಯುವ ಭರವಸೆಯ ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಆಕರ್ಷಕ ಅರ್ಧಶತಕದ ಹೊರತಾಗಿಯೂ ಟೀಮ್ ಇಂಡಿಯಾ ಹಿನ್ನಡೆಗೊಳಗಾಗಿದೆ. </p><p>ಇಂಗ್ಲೆಂಡ್ ತಂಡದ 353 ರನ್ಗಳಿಗೆ ಉತ್ತರವಾಗಿ ಭಾರತ ತಂಡವು ಎರಡನೇ ದಿನದಾಟದ ಟೀ ವಿರಾಮದ ಹೊತ್ತಿಗೆ 38 ಓವರ್ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 131 ರನ್ ಗಳಿಸಿದೆ. </p><p>ಅಜೇಯ 54 ರನ್ ಗಳಿಸಿರುವ ಜೈಸ್ವಾಲ್ ಹಾಗೂ ಸರ್ಫರಾಜ್ ಖಾನ್ (1*) ಕ್ರೀಸಿನಲ್ಲಿದ್ದಾರೆ. ಇನಿಂಗ್ಸ್ ಮುನ್ನಡೆಗಿನ್ನು ಆರು ವಿಕೆಟ್ ಬಾಕಿ ಉಳಿದಿರುವಂತೆಯೇ 222 ರನ್ ಗಳಿಸಬೇಕಿದೆ. </p><p>ಭಾರತಕ್ಕೆ ನಾಯಕ ರೋಹಿತ್ ಶರ್ಮಾ (1) ವಿಕೆಟ್ ಬೇಗನೇ ನಷ್ಟವಾಯಿತು. ಎರಡನೇ ವಿಕೆಟ್ಗೆ ಜೈಸ್ವಾಲ್ ಹಾಗೂ ಶುಭಮನ್ ಗಿಲ್ 82 ರನ್ ಜೊತೆಯಾಟದಲ್ಲಿ ಭಾಗಿಯಾದರು. </p><p>ಆದರೆ ಗಿಲ್ ಔಟ್ ಆದ ಬೆನ್ನಲ್ಲೇ ಭಾರತ ದಿಢೀರ್ ಪತನವನ್ನು ಕಂಡಿತು. ರಜತ್ ಪಾಟೀದಾರ್ (17) ಹಾಗೂ ರವೀಂದ್ರ ಜಡೇಜ (12) ವೈಫಲ್ಯವನ್ನು ಅನುಭವಿಸಿದರು. </p><p>ಮತ್ತೊಂದೆಡೆ ಇದೇ ಸರಣಿಯಲ್ಲಿ ಸತತ ಎರಡು ದ್ವಿಶತಕಗಳ ಸಾಧನೆ ಮಾಡಿರುವ ಜೈಸ್ವಾಲ್, ಮಗದೊಂದು ಆಕರ್ಷಕ ಅರ್ಧಶತಕ ಗಳಿಸುವ ಮೂಲಕ ಗಮನ ಸೆಳೆದಿದ್ದಾರೆ. </p><p>ಇಂಗ್ಲೆಂಡ್ ಪರ ಬೌಲಿಂಗ್ನಲ್ಲಿ ಕೈಚಳಕ ತೋರಿದ 20ರ ಹರೆಯದ ಶೋಯಬ್ ಬಷೀರ್ ಮೂರು ವಿಕೆಟ್ ಕಬಳಿಸಿದರು. </p><p>ಈ ಮೊದಲು ಇಂಗ್ಲೆಂಡ್ 353ಕ್ಕೆ ತನ್ನೆಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತು. ಜೋ ರೂಟ್ 122 ರನ್ ಗಳಿಸಿ ಅಜೇಯರಾಗುಳಿದರು. ಓಲಿ ರಾಬಿನ್ಸನ್ 58 ರನ್ ಗಳಿಸಿ ಮಿಂಚಿದರು. </p><p>ಭಾರತದ ಪರ ರವೀಂದ್ರ ಜಡೇಜ ನಾಲ್ಕು, ಆಕಾಶ್ ದೀಪ್ ಮೂರು ಮತ್ತು ಮೊಹಮ್ಮದ್ ಸಿರಾಜ್ ಎರಡು ವಿಕೆಟ್ ಕಬಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಂಚಿ:</strong> ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಯುವ ಭರವಸೆಯ ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಆಕರ್ಷಕ ಅರ್ಧಶತಕದ ಹೊರತಾಗಿಯೂ ಟೀಮ್ ಇಂಡಿಯಾ ಹಿನ್ನಡೆಗೊಳಗಾಗಿದೆ. </p><p>ಇಂಗ್ಲೆಂಡ್ ತಂಡದ 353 ರನ್ಗಳಿಗೆ ಉತ್ತರವಾಗಿ ಭಾರತ ತಂಡವು ಎರಡನೇ ದಿನದಾಟದ ಟೀ ವಿರಾಮದ ಹೊತ್ತಿಗೆ 38 ಓವರ್ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 131 ರನ್ ಗಳಿಸಿದೆ. </p><p>ಅಜೇಯ 54 ರನ್ ಗಳಿಸಿರುವ ಜೈಸ್ವಾಲ್ ಹಾಗೂ ಸರ್ಫರಾಜ್ ಖಾನ್ (1*) ಕ್ರೀಸಿನಲ್ಲಿದ್ದಾರೆ. ಇನಿಂಗ್ಸ್ ಮುನ್ನಡೆಗಿನ್ನು ಆರು ವಿಕೆಟ್ ಬಾಕಿ ಉಳಿದಿರುವಂತೆಯೇ 222 ರನ್ ಗಳಿಸಬೇಕಿದೆ. </p><p>ಭಾರತಕ್ಕೆ ನಾಯಕ ರೋಹಿತ್ ಶರ್ಮಾ (1) ವಿಕೆಟ್ ಬೇಗನೇ ನಷ್ಟವಾಯಿತು. ಎರಡನೇ ವಿಕೆಟ್ಗೆ ಜೈಸ್ವಾಲ್ ಹಾಗೂ ಶುಭಮನ್ ಗಿಲ್ 82 ರನ್ ಜೊತೆಯಾಟದಲ್ಲಿ ಭಾಗಿಯಾದರು. </p><p>ಆದರೆ ಗಿಲ್ ಔಟ್ ಆದ ಬೆನ್ನಲ್ಲೇ ಭಾರತ ದಿಢೀರ್ ಪತನವನ್ನು ಕಂಡಿತು. ರಜತ್ ಪಾಟೀದಾರ್ (17) ಹಾಗೂ ರವೀಂದ್ರ ಜಡೇಜ (12) ವೈಫಲ್ಯವನ್ನು ಅನುಭವಿಸಿದರು. </p><p>ಮತ್ತೊಂದೆಡೆ ಇದೇ ಸರಣಿಯಲ್ಲಿ ಸತತ ಎರಡು ದ್ವಿಶತಕಗಳ ಸಾಧನೆ ಮಾಡಿರುವ ಜೈಸ್ವಾಲ್, ಮಗದೊಂದು ಆಕರ್ಷಕ ಅರ್ಧಶತಕ ಗಳಿಸುವ ಮೂಲಕ ಗಮನ ಸೆಳೆದಿದ್ದಾರೆ. </p><p>ಇಂಗ್ಲೆಂಡ್ ಪರ ಬೌಲಿಂಗ್ನಲ್ಲಿ ಕೈಚಳಕ ತೋರಿದ 20ರ ಹರೆಯದ ಶೋಯಬ್ ಬಷೀರ್ ಮೂರು ವಿಕೆಟ್ ಕಬಳಿಸಿದರು. </p><p>ಈ ಮೊದಲು ಇಂಗ್ಲೆಂಡ್ 353ಕ್ಕೆ ತನ್ನೆಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತು. ಜೋ ರೂಟ್ 122 ರನ್ ಗಳಿಸಿ ಅಜೇಯರಾಗುಳಿದರು. ಓಲಿ ರಾಬಿನ್ಸನ್ 58 ರನ್ ಗಳಿಸಿ ಮಿಂಚಿದರು. </p><p>ಭಾರತದ ಪರ ರವೀಂದ್ರ ಜಡೇಜ ನಾಲ್ಕು, ಆಕಾಶ್ ದೀಪ್ ಮೂರು ಮತ್ತು ಮೊಹಮ್ಮದ್ ಸಿರಾಜ್ ಎರಡು ವಿಕೆಟ್ ಕಬಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>