<p><strong>ಕೋಲ್ಕತ್ತ</strong>: ಬೌಲರ್ಗಳ ಬಿಗು ದಾಳಿಯ ನಂತರ ಆರಂಭ ಆಟಗಾರ ಫಿಲ್ ಸಾಲ್ಟ್ (68; 33ಎ) ಅವರ ಆಕ್ರಮಣಕಾರಿ ಅರ್ಧಶತಕದ ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡ ಸೋಮವಾರ ನಡೆದ ಐಪಿಎಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಏಳು ವಿಕೆಟ್ಗಳಿಂದ ಸೋಲಿಸಿ ಪ್ಲೇ ಆಫ್ ಹಾದಿಯತ್ತ ಹೆಜ್ಜೆಯಿಟ್ಟಿತು.</p><p>ಇದು ಕೋಲ್ಕತ್ತ ತಂಡಕ್ಕೆ ಒಂಬತ್ತು ಪಂದ್ಯಗಳಿಂದ ಆರನೇ ಗೆಲುವಾಗಿದ್ದು, ಒಟ್ಟು 12 ಅಂಕ ಸಂಪಾದಿಸಿದೆ. ಡೆಲ್ಲಿ ತಂಡವು 11 ಪಂದ್ಯಗಳಿಂದ 10 ಪಾಯಿಂಟ್ಸ್ ಸಂಗ್ರಹಿಸಿದ್ದು, ಪ್ಲೇ ಆಫ್ ಹಾದಿ ಕಠಿಣವಾಗಿದೆ.</p><p>ಈಡನ್ ಗಾರ್ಡನ್ನಲ್ಲಿ ಟಾಸ್ ಗೆದ್ದು ಬ್ಯಾಟ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 9 ವಿಕೆಟ್ಗೆ 153 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದಕ್ಕೆ ಉತ್ತರವಾಗಿ ಕೋಲ್ಕತ್ತ ತಂಡವು ಇನ್ನೂ 21 ಎಸೆತ ಬಾಕಿ ಇರುವಂತೆ<br>3 ವಿಕೆಟ್ಗಳಿಗೆ 157 ರನ್ ಗಳಿಸಿತು.</p><p>ಸಾಲ್ಟ್ ಮೊದಲ ವಿಕೆಟ್ಗೆ ಸುನಿಲ್ ನಾರಾಯಣ್ ಜತೆ 6.1 ಓವರ್ಗಳಲ್ಲೇ<br>79 ರನ್ ಸೇರಿಸಿ ಭದ್ರ ಬುನಾದಿ ಹಾಕಿದರು. ಇದರಲ್ಲಿ ಸುನಿಲ್ ಪಾಲು 15 ರನ್.<br>ಮಿಂಚಿನ ಬ್ಯಾಟಿಂಗ್ ನಡೆಸಿದ ಸಾಲ್ಟ್ 7 ಬೌಂಡರಿ ಮತ್ತು ಐದು ಸಿಕ್ಸರ್ ಸಿಡಿಸಿದರು. ತಂಡವು ನೂರರ ಸಮೀಪ ಸಾಗುತ್ತಿದ್ದಾಗ ಸಾಲ್ಟ್ ಅವರು ಅಕ್ಷರ್ ಪಟೇಲ್ ಅವರಿಗೆ ವಿಕೆಟ್ ಒಪ್ಪಿಸಿದರು. ಆದರೆ, ಈ ಪಂದ್ಯದಲ್ಲೂ ರಿಂಕು ಸಿಂಗ್ (11) ನಿರಾಸೆ ಮೂಡಿಸಿದರು.</p><p>ನಂತರ ನಾಯಕ ಶ್ರೇಯಸ್ ಅಯ್ಯರ್ (ಔಟಾಗದೇ 33) ಮತ್ತು ವೆಂಕಟೇಶ್ |<br>ಅಯ್ಯರ್ (ಔಟಾಗದೇ 26) ಗೆಲುವಿನ ಔಪಚಾರಿಕತೆಯನ್ನು ಪೂರೈಸಿದರು. ಅವರು ನಾಲ್ಕನೇ ವಿಕೆಟ್ಗೆ ಮುರಿಯದ 57 ರನ್ (43 ಎ) ಸೇರಿಸಿದರು. ಇದೇ ವೇಳೆ ಶ್ರೇಯಸ್ ಐಪಿಎಲ್ನಲ್ಲಿ 3 ಸಾವಿರ ರನ್ ಗಡಿ ದಾಟಿದರು. ಅವರು 110 ಇನ್ನಿಂಗ್ಸ್ ಗಳಲ್ಲಿ ಈ<br>ಸಾಧನೆ ಮಾಡಿದರು.</p><p>ಇದಕ್ಕೂ ಮೊದಲು ಕೋಲ್ಕತ್ತ ತಂಡದ ವೇಗದ ಬೌಲರ್ಗಳಾದ ವೈಭವ್ ಆರೋರಾ (29ಕ್ಕೆ2) ಮತ್ತು ಹರ್ಷಿತ್ ರಾಣಾ (28ಕ್ಕೆ 2) ಅವರು ಆರಂಭದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಲಗಾಮು ಹಾಕಿದರು. ಮಧ್ಯಮ ಹಂತದ ಓವರುಗಳಲ್ಲಿ ವರುಣ್ ಚಕ್ರವರ್ತಿ (16ಕ್ಕೆ3) ಎದುರಾಳಿಗಳು<br>ಚೇತರಿಸಿಕೊಳ್ಳದಂತೆ ನೋಡಿಕೊಂಡರು.</p><p>ಆರೋರಾ ಪವರ್ ಪ್ಲೇ ಅವಧಿಯೊಳಗೆ ಎರಡು ವಿಕೆಟ್ ಪಡೆದರು. 9ನೇ ಓವರ್ನಲ್ಲಿ ದಾಳಿಗಿಳಿದ ಚಕ್ರವರ್ತಿ<br>ಸತತ ನಾಲ್ಕು ಓವರ್ಗಳ ಸ್ಪಿನ್ ದಾಳಿಯಲ್ಲಿ ಪ್ರಮುಖ ಬ್ಯಾಟರ್ಗಳಾದ ರಿಷಭ್ ಪಂತ್<br>(27, 20ಎ), ಟ್ರಿಸ್ಟನ್ ಸ್ಟಬ್ಸ್ ಮತ್ತು<br>ಇಂಪ್ಯಾಕ್ಟ್ ಸಬ್ ಆದ ಕುಮಾರ್ ಕುಶಾಗ್ರ ಅವರ ವಿಕೆಟ್ಗಳನ್ನು ಪಡೆದು ಪೆಟ್ಟು<br>ಕೊಟ್ಟರು. ಆದರೆ, ಪ್ರಮುಖ ಬೌಲರ್<br>ಮಿಚೆಲ್ ಸ್ಟಾರ್ಕ್ ಮತ್ತೊಮ್ಮೆ ದುಬಾರಿ ಎನಿಸಿ ಮೂರು ಓವರುಗಳಲ್ಲಿ 43 ರನ್ ತೆತ್ತರು. ಒತ್ತಡದಲ್ಲಿ ದೆಹಲಿಯ ಬ್ಯಾಟರ್ಗಳು ಆಕ್ರಮಣಕಾರಿ ಆಟವಾಡಲು<br>ವಿಫಲರಾದರು.</p><p>ದೆಹಲಿ ಕ್ಯಾಪಿಟಲ್ಸ್ ಪರ ಕುಲದೀಪ್ ಯಾದವ್ ಕೊನೆಯಲ್ಲಿ ಸ್ವಲ್ಪ ಪ್ರತಿರೋಧ ತೋರಿದರು. ಅವರೇ ಅತಿ ಹೆಚ್ಚು ರನ್ (ಔಟಾಗದೇ 35, 26ಎ) ಗಳಿಸಿದರಲ್ಲದೇ, ತಂಡ 150ರ ಗಡಿ ದಾಟಲು ನೆರವಾದರು. ಒಂದು ಹಂತದಲ್ಲಿ 15 ಓವರುಗಳ ಒಳಗೆ 115 ರನ್ಗಳಿಗೆ 8 ವಿಕೆಟ್ ಕಳೆದುಕೊಂಡಿದ್ದ ಡೆಲ್ಲಿ ತಂಡವನ್ನು ಆಲೌಟ್ ಮಾಡಲಾಗದ<br>ನಿರಾಸೆ ಮಾತ್ರ ಕೋಲ್ಕತ್ತವನ್ನು ಕಾಡಿತು. ಕುಲದೀಪ್ ತಮ್ಮ ಮಾಜಿ ಫ್ರಾಂಚೈಸಿ<br>ತಂಡವನ್ನು ಕಾಡಿದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ</strong>: ಬೌಲರ್ಗಳ ಬಿಗು ದಾಳಿಯ ನಂತರ ಆರಂಭ ಆಟಗಾರ ಫಿಲ್ ಸಾಲ್ಟ್ (68; 33ಎ) ಅವರ ಆಕ್ರಮಣಕಾರಿ ಅರ್ಧಶತಕದ ನೆರವಿನಿಂದ ಕೋಲ್ಕತ್ತ ನೈಟ್ ರೈಡರ್ಸ್ ತಂಡ ಸೋಮವಾರ ನಡೆದ ಐಪಿಎಲ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಏಳು ವಿಕೆಟ್ಗಳಿಂದ ಸೋಲಿಸಿ ಪ್ಲೇ ಆಫ್ ಹಾದಿಯತ್ತ ಹೆಜ್ಜೆಯಿಟ್ಟಿತು.</p><p>ಇದು ಕೋಲ್ಕತ್ತ ತಂಡಕ್ಕೆ ಒಂಬತ್ತು ಪಂದ್ಯಗಳಿಂದ ಆರನೇ ಗೆಲುವಾಗಿದ್ದು, ಒಟ್ಟು 12 ಅಂಕ ಸಂಪಾದಿಸಿದೆ. ಡೆಲ್ಲಿ ತಂಡವು 11 ಪಂದ್ಯಗಳಿಂದ 10 ಪಾಯಿಂಟ್ಸ್ ಸಂಗ್ರಹಿಸಿದ್ದು, ಪ್ಲೇ ಆಫ್ ಹಾದಿ ಕಠಿಣವಾಗಿದೆ.</p><p>ಈಡನ್ ಗಾರ್ಡನ್ನಲ್ಲಿ ಟಾಸ್ ಗೆದ್ದು ಬ್ಯಾಟ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 9 ವಿಕೆಟ್ಗೆ 153 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದಕ್ಕೆ ಉತ್ತರವಾಗಿ ಕೋಲ್ಕತ್ತ ತಂಡವು ಇನ್ನೂ 21 ಎಸೆತ ಬಾಕಿ ಇರುವಂತೆ<br>3 ವಿಕೆಟ್ಗಳಿಗೆ 157 ರನ್ ಗಳಿಸಿತು.</p><p>ಸಾಲ್ಟ್ ಮೊದಲ ವಿಕೆಟ್ಗೆ ಸುನಿಲ್ ನಾರಾಯಣ್ ಜತೆ 6.1 ಓವರ್ಗಳಲ್ಲೇ<br>79 ರನ್ ಸೇರಿಸಿ ಭದ್ರ ಬುನಾದಿ ಹಾಕಿದರು. ಇದರಲ್ಲಿ ಸುನಿಲ್ ಪಾಲು 15 ರನ್.<br>ಮಿಂಚಿನ ಬ್ಯಾಟಿಂಗ್ ನಡೆಸಿದ ಸಾಲ್ಟ್ 7 ಬೌಂಡರಿ ಮತ್ತು ಐದು ಸಿಕ್ಸರ್ ಸಿಡಿಸಿದರು. ತಂಡವು ನೂರರ ಸಮೀಪ ಸಾಗುತ್ತಿದ್ದಾಗ ಸಾಲ್ಟ್ ಅವರು ಅಕ್ಷರ್ ಪಟೇಲ್ ಅವರಿಗೆ ವಿಕೆಟ್ ಒಪ್ಪಿಸಿದರು. ಆದರೆ, ಈ ಪಂದ್ಯದಲ್ಲೂ ರಿಂಕು ಸಿಂಗ್ (11) ನಿರಾಸೆ ಮೂಡಿಸಿದರು.</p><p>ನಂತರ ನಾಯಕ ಶ್ರೇಯಸ್ ಅಯ್ಯರ್ (ಔಟಾಗದೇ 33) ಮತ್ತು ವೆಂಕಟೇಶ್ |<br>ಅಯ್ಯರ್ (ಔಟಾಗದೇ 26) ಗೆಲುವಿನ ಔಪಚಾರಿಕತೆಯನ್ನು ಪೂರೈಸಿದರು. ಅವರು ನಾಲ್ಕನೇ ವಿಕೆಟ್ಗೆ ಮುರಿಯದ 57 ರನ್ (43 ಎ) ಸೇರಿಸಿದರು. ಇದೇ ವೇಳೆ ಶ್ರೇಯಸ್ ಐಪಿಎಲ್ನಲ್ಲಿ 3 ಸಾವಿರ ರನ್ ಗಡಿ ದಾಟಿದರು. ಅವರು 110 ಇನ್ನಿಂಗ್ಸ್ ಗಳಲ್ಲಿ ಈ<br>ಸಾಧನೆ ಮಾಡಿದರು.</p><p>ಇದಕ್ಕೂ ಮೊದಲು ಕೋಲ್ಕತ್ತ ತಂಡದ ವೇಗದ ಬೌಲರ್ಗಳಾದ ವೈಭವ್ ಆರೋರಾ (29ಕ್ಕೆ2) ಮತ್ತು ಹರ್ಷಿತ್ ರಾಣಾ (28ಕ್ಕೆ 2) ಅವರು ಆರಂಭದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಲಗಾಮು ಹಾಕಿದರು. ಮಧ್ಯಮ ಹಂತದ ಓವರುಗಳಲ್ಲಿ ವರುಣ್ ಚಕ್ರವರ್ತಿ (16ಕ್ಕೆ3) ಎದುರಾಳಿಗಳು<br>ಚೇತರಿಸಿಕೊಳ್ಳದಂತೆ ನೋಡಿಕೊಂಡರು.</p><p>ಆರೋರಾ ಪವರ್ ಪ್ಲೇ ಅವಧಿಯೊಳಗೆ ಎರಡು ವಿಕೆಟ್ ಪಡೆದರು. 9ನೇ ಓವರ್ನಲ್ಲಿ ದಾಳಿಗಿಳಿದ ಚಕ್ರವರ್ತಿ<br>ಸತತ ನಾಲ್ಕು ಓವರ್ಗಳ ಸ್ಪಿನ್ ದಾಳಿಯಲ್ಲಿ ಪ್ರಮುಖ ಬ್ಯಾಟರ್ಗಳಾದ ರಿಷಭ್ ಪಂತ್<br>(27, 20ಎ), ಟ್ರಿಸ್ಟನ್ ಸ್ಟಬ್ಸ್ ಮತ್ತು<br>ಇಂಪ್ಯಾಕ್ಟ್ ಸಬ್ ಆದ ಕುಮಾರ್ ಕುಶಾಗ್ರ ಅವರ ವಿಕೆಟ್ಗಳನ್ನು ಪಡೆದು ಪೆಟ್ಟು<br>ಕೊಟ್ಟರು. ಆದರೆ, ಪ್ರಮುಖ ಬೌಲರ್<br>ಮಿಚೆಲ್ ಸ್ಟಾರ್ಕ್ ಮತ್ತೊಮ್ಮೆ ದುಬಾರಿ ಎನಿಸಿ ಮೂರು ಓವರುಗಳಲ್ಲಿ 43 ರನ್ ತೆತ್ತರು. ಒತ್ತಡದಲ್ಲಿ ದೆಹಲಿಯ ಬ್ಯಾಟರ್ಗಳು ಆಕ್ರಮಣಕಾರಿ ಆಟವಾಡಲು<br>ವಿಫಲರಾದರು.</p><p>ದೆಹಲಿ ಕ್ಯಾಪಿಟಲ್ಸ್ ಪರ ಕುಲದೀಪ್ ಯಾದವ್ ಕೊನೆಯಲ್ಲಿ ಸ್ವಲ್ಪ ಪ್ರತಿರೋಧ ತೋರಿದರು. ಅವರೇ ಅತಿ ಹೆಚ್ಚು ರನ್ (ಔಟಾಗದೇ 35, 26ಎ) ಗಳಿಸಿದರಲ್ಲದೇ, ತಂಡ 150ರ ಗಡಿ ದಾಟಲು ನೆರವಾದರು. ಒಂದು ಹಂತದಲ್ಲಿ 15 ಓವರುಗಳ ಒಳಗೆ 115 ರನ್ಗಳಿಗೆ 8 ವಿಕೆಟ್ ಕಳೆದುಕೊಂಡಿದ್ದ ಡೆಲ್ಲಿ ತಂಡವನ್ನು ಆಲೌಟ್ ಮಾಡಲಾಗದ<br>ನಿರಾಸೆ ಮಾತ್ರ ಕೋಲ್ಕತ್ತವನ್ನು ಕಾಡಿತು. ಕುಲದೀಪ್ ತಮ್ಮ ಮಾಜಿ ಫ್ರಾಂಚೈಸಿ<br>ತಂಡವನ್ನು ಕಾಡಿದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
