ಬೆಂಗಳೂರು: ಟಿ. ಸಚಿನ್‌ ಮತ್ತು ಮೊಹಮ್ಮದ್ ಹಮ್ಜಾ ಅವರ ಶತಕದ ಬಲದಿಂದ ಪ್ಯಾಂಥರ್ಸ್‌ ಕ್ರಿಕೆಟ್‌ ಅಕಾಡೆಮಿಯು ಟೈಗರ್‌ ಕಪ್‌ 12 ವರ್ಷದೊಳಗಿನವರ ಕ್ರಿಕೆಟ್‌ ಟೂರ್ನಿಯ ಪಂದ್ಯದಲ್ಲಿ ಮ್ಯಾಕ್ಸ್‌ ಮುಲ್ಲರ್‌ ತಂಡವನ್ನು 94 ರನ್‌ಗಳಿಂದ ಮಣಿಸಿತು.
ಟೂರ್ನಿಯ 13ನೇ ದಿನವಾದ ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಪ್ಯಾಂಥರ್ಸ್‌ ತಂಡವು 30 ಓವರ್‌ಗಳಲ್ಲಿ ಎರಡು ವಿಕೆಟ್‌ಗೆ 287 ರನ್‌ ಗಳಿಸಿತು. ಇದಕ್ಕೆ ಉತ್ತರವಾಗಿ ಮ್ಯಾಕ್ಸ್‌ ಮುಲ್ಲರ್‌ ತಂಡವು 30 ಓವರ್‌ಗಳಲ್ಲಿ 8 ವಿಕೆಟ್‌ಗೆ 193 ರನ್‌ ಗಳಿಸಲಷ್ಟೇ ಶಕ್ತವಾಯಿತು.
ಸಂಕ್ಷಿಪ್ತ ಸ್ಕೋರ್‌: ಪ್ಯಾಂಥರ್ಸ್‌ ಕ್ರಿಕೆಟ್‌ ಅಕಾಡೆಮಿ: 30 ಓವರ್‌ಗಳಲ್ಲಿ 2 ವಿಕೆಟ್‌ಗೆ 287 ( ಟಿ.ಸಚಿನ್‌ 124, ಮೊಹಮ್ಮದ್ ಹಮ್ಜಾ 114). ಮ್ಯಾಕ್ಸ್‌ ಮುಲ್ಲರ್‌: 30 ಓವರ್‌ಗಳಲ್ಲಿ 8 ವಿಕೆಟ್‌ಗೆ 193 (ಲಿಖಿತ್‌ ಸಿ.ಕೆ. 66; ವಿಷ್ಣು ಸಾತ್ವಿಕ್ 41ಕ್ಕೆ 3). ಫಲಿತಾಂಶ: ಪ್ಯಾಂಥರ್ಸ್‌ ಕ್ರಿಕೆಟ್‌ ಅಕಾಡೆಮಿಗೆ 94 ರನ್‌ಗಳ ಜಯ.
