<p><strong>ನವದೆಹಲಿ (ಪಿಟಿಐ):</strong> ರಾಂಚಿಯಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ನಿರಾಶಾದಾಯಕ ನಿರ್ವಹಣೆಯಿಂದ ಓಲಿ ರಾಬಿನ್ಸನ್ ಅವರ ಭವಿಷ್ಯ ಡೋಲಾಯಮನವಾಗಿದೆ. ಆದರೆ ತಮ್ಮ ನೂರನೇ ಟೆಸ್ಟ್ ಪಂದ್ಯವನ್ನು ಧರ್ಮಶಾಲಾದಲ್ಲಿ ಆಡಲಿರುವ ಜಾನಿ ಬೆಸ್ಟೊ ಅವರಿಗೆ ಮುಖ್ಯ ಕೋಚ್ ಬ್ರೆಂಡನ್ ಮೆಕ್ಕಲಂ ಬೆಂಬಲವಾಗಿ ನಿಂತಿದ್ದಾರೆ.</p>.<p>ಬೇಸ್ಟೊ ಕೊನೆಯ ಟೆಸ್ಟ್ನಲ್ಲಿ ಉತ್ತಮ ಇನಿಂಗ್ಸ್ ಆಡಬಹುದೆಂಬ ನಿರೀಕ್ಷೆ ಅವರದು. ಈ ಸರಣಿಯಲ್ಲಿ ಬೆಸ್ಟೊ ಮಾತ್ರ ಹೇಳಿಕೊಳ್ಳುವಂಥ ಒಂದೂ ಇನಿಂಗ್ಸ್ ಆಡಿಲ್ಲ. ಇದುವರೆಗಿನ ಎಂಟು ಇನಿಂಗ್ಸ್ಗಳಲ್ಲಿ ಅವರ ಗರಿಷ್ಠ 38. ಅದೂ ರಾಂಚಿಯ ಮೊದಲ ಇನಿಂಗ್ಸ್ನಲ್ಲಿ.</p>.<p>‘ಈ ಟೆಸ್ಟ್ ಅವರಿಗೆ ಭಾವನಾತ್ಮಕ ಎನ್ನುವುದರಲ್ಲಿ ಸಂದೇಹವಿಲ್ಲ. ಎಲ್ಲರಿಗೂ ಅವರ ಕಥೆ ಗೊತ್ತಿದೆ. ಅವರೊಬ್ಬ ಭಾವಜೀವಿ. ಮೈಲಿಗಲ್ಲಿನಂಥ ಆ ಸಂದರ್ಭ ಅವರಿಗೆ ಬಹಳ ಮಹತ್ವದ್ದಾಗಲಿದೆ’ ಎಂದು ಬೆಸ್ಟೊ ಅವರ ಮೈಲಿಗಲ್ಲು ಪಂದ್ಯಕ್ಕೆ ಸಂಬಂಧಿಸಿದ ಪ್ರಶ್ನೆಗೆ ಉತ್ತರಿಸಿದರು. ಅವರು ಇಂಗ್ಲೆಂಡ್ನ ಮಾಧ್ಯಮದವರ ಜೊತೆ ಸಂವಾದದಲ್ಲಿ ಪಾಲ್ಗೊಂಡಿದ್ದರು.</p>.<p>ರಾಬಿನ್ಸನ್ ವಿಫಲರಾಗಿರುವುದು ಅವರಿಗಷ್ಟೇ ಎಲ್ಲ, ತಂಡದ ಎಲ್ಲರಿಗೂ ನಿರಾಶೆ ಮೂಡಿಸಿದೆ ಎಂದರು. ಅವರು ಬೌಲ್ ಮಾಡಿದ 12 ಓವರುಗಳಲ್ಲಿ ವಿಕೆಟ್ ಪಡೆದಿರಲಿಲ್ಲ. ಎರಡನೇ ಇನಿಂಗ್ಸ್ನಲ್ಲಿ ಅವರಿಗೆ ಬೌಲಿಂಗ್ ನೀಡಿರಲಿಲ್ಲ.</p>.<p>ಬಾಝ್ಬಾಲ್ ಯುಗ ಆರಂಭವಾದ ಮೇಲೆ ಇಂಗ್ಲೆಂಡ್ ತಂಡ, ಮೊದಲ ಬಾರಿ ಭಾರತ ಕೈಲಿ ಸರಣಿ ಸೋತಿದೆ. ಐದು ಪಂದ್ಯಗಳ ಸರಣಿ ಈಗ 3–1ರಲ್ಲಿ ಭಾರತದ ವಶವಾಗಿದೆ.</p>.<p>ಎತ್ತರದ ಸ್ಪಿನ್ನರ್ಗಳಾದ ಟಾಮ್ ಹಾರ್ಟ್ಲಿ ಮತ್ತು ಶೋಯೆಬ್ ಬಷೀರ್ ಅವರ ಬಗ್ಗೆ ಕೋಚ್ ಮೆಚ್ಚುಗೆಯ ನುಡಿಗಳನ್ನಾಡಿದರು. ಇವರಿಬ್ಬರು ನಾಲ್ಕು ಟೆಸ್ಟ್ಗಳಲ್ಲಿ 32 ವಿಕೆಟ್ ಬಾಚಿಕೊಂಡಿದ್ದಾರೆ. ಹಾರ್ಟ್ಲಿ ಸರಣಿಯಲ್ಲಿ ಅತ್ಯಧಿಕ ವಿಕೆಟ್ (20) ಪಡೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ರಾಂಚಿಯಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ನಿರಾಶಾದಾಯಕ ನಿರ್ವಹಣೆಯಿಂದ ಓಲಿ ರಾಬಿನ್ಸನ್ ಅವರ ಭವಿಷ್ಯ ಡೋಲಾಯಮನವಾಗಿದೆ. ಆದರೆ ತಮ್ಮ ನೂರನೇ ಟೆಸ್ಟ್ ಪಂದ್ಯವನ್ನು ಧರ್ಮಶಾಲಾದಲ್ಲಿ ಆಡಲಿರುವ ಜಾನಿ ಬೆಸ್ಟೊ ಅವರಿಗೆ ಮುಖ್ಯ ಕೋಚ್ ಬ್ರೆಂಡನ್ ಮೆಕ್ಕಲಂ ಬೆಂಬಲವಾಗಿ ನಿಂತಿದ್ದಾರೆ.</p>.<p>ಬೇಸ್ಟೊ ಕೊನೆಯ ಟೆಸ್ಟ್ನಲ್ಲಿ ಉತ್ತಮ ಇನಿಂಗ್ಸ್ ಆಡಬಹುದೆಂಬ ನಿರೀಕ್ಷೆ ಅವರದು. ಈ ಸರಣಿಯಲ್ಲಿ ಬೆಸ್ಟೊ ಮಾತ್ರ ಹೇಳಿಕೊಳ್ಳುವಂಥ ಒಂದೂ ಇನಿಂಗ್ಸ್ ಆಡಿಲ್ಲ. ಇದುವರೆಗಿನ ಎಂಟು ಇನಿಂಗ್ಸ್ಗಳಲ್ಲಿ ಅವರ ಗರಿಷ್ಠ 38. ಅದೂ ರಾಂಚಿಯ ಮೊದಲ ಇನಿಂಗ್ಸ್ನಲ್ಲಿ.</p>.<p>‘ಈ ಟೆಸ್ಟ್ ಅವರಿಗೆ ಭಾವನಾತ್ಮಕ ಎನ್ನುವುದರಲ್ಲಿ ಸಂದೇಹವಿಲ್ಲ. ಎಲ್ಲರಿಗೂ ಅವರ ಕಥೆ ಗೊತ್ತಿದೆ. ಅವರೊಬ್ಬ ಭಾವಜೀವಿ. ಮೈಲಿಗಲ್ಲಿನಂಥ ಆ ಸಂದರ್ಭ ಅವರಿಗೆ ಬಹಳ ಮಹತ್ವದ್ದಾಗಲಿದೆ’ ಎಂದು ಬೆಸ್ಟೊ ಅವರ ಮೈಲಿಗಲ್ಲು ಪಂದ್ಯಕ್ಕೆ ಸಂಬಂಧಿಸಿದ ಪ್ರಶ್ನೆಗೆ ಉತ್ತರಿಸಿದರು. ಅವರು ಇಂಗ್ಲೆಂಡ್ನ ಮಾಧ್ಯಮದವರ ಜೊತೆ ಸಂವಾದದಲ್ಲಿ ಪಾಲ್ಗೊಂಡಿದ್ದರು.</p>.<p>ರಾಬಿನ್ಸನ್ ವಿಫಲರಾಗಿರುವುದು ಅವರಿಗಷ್ಟೇ ಎಲ್ಲ, ತಂಡದ ಎಲ್ಲರಿಗೂ ನಿರಾಶೆ ಮೂಡಿಸಿದೆ ಎಂದರು. ಅವರು ಬೌಲ್ ಮಾಡಿದ 12 ಓವರುಗಳಲ್ಲಿ ವಿಕೆಟ್ ಪಡೆದಿರಲಿಲ್ಲ. ಎರಡನೇ ಇನಿಂಗ್ಸ್ನಲ್ಲಿ ಅವರಿಗೆ ಬೌಲಿಂಗ್ ನೀಡಿರಲಿಲ್ಲ.</p>.<p>ಬಾಝ್ಬಾಲ್ ಯುಗ ಆರಂಭವಾದ ಮೇಲೆ ಇಂಗ್ಲೆಂಡ್ ತಂಡ, ಮೊದಲ ಬಾರಿ ಭಾರತ ಕೈಲಿ ಸರಣಿ ಸೋತಿದೆ. ಐದು ಪಂದ್ಯಗಳ ಸರಣಿ ಈಗ 3–1ರಲ್ಲಿ ಭಾರತದ ವಶವಾಗಿದೆ.</p>.<p>ಎತ್ತರದ ಸ್ಪಿನ್ನರ್ಗಳಾದ ಟಾಮ್ ಹಾರ್ಟ್ಲಿ ಮತ್ತು ಶೋಯೆಬ್ ಬಷೀರ್ ಅವರ ಬಗ್ಗೆ ಕೋಚ್ ಮೆಚ್ಚುಗೆಯ ನುಡಿಗಳನ್ನಾಡಿದರು. ಇವರಿಬ್ಬರು ನಾಲ್ಕು ಟೆಸ್ಟ್ಗಳಲ್ಲಿ 32 ವಿಕೆಟ್ ಬಾಚಿಕೊಂಡಿದ್ದಾರೆ. ಹಾರ್ಟ್ಲಿ ಸರಣಿಯಲ್ಲಿ ಅತ್ಯಧಿಕ ವಿಕೆಟ್ (20) ಪಡೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>