<p><strong>ಸಿಡ್ನಿ</strong>: ಪಿಂಕ್ಬಾಲ್ ಅಭ್ಯಾಸ ಪಂದ್ಯದಲ್ಲಿ ಜಯ ಸಾಧಿಸುವ ಭಾರತ ತಂಡದ ಆಸೆಗೆ ಆಸ್ಟ್ರೇಲಿಯಾ ಎ ತಂಡದ ಬೆನ್ ಮ್ಯಾಕ್ಡರ್ಮಾಟ್ ಮತ್ತು ಜ್ಯಾಕ್ ವೈಲ್ಡರ್ಮುತ್ ಅಡ್ಡಿಯಾದರು.</p>.<p>ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಭಾನುವಾರ ಮುಕ್ತಾಯವಾದ ಅಭ್ಯಾಸ ಪಂದ್ಯವು ಡ್ರಾ ಆಯಿತು.</p>.<p>ಶನಿವಾರ ಹನುಮವಿಹಾರಿ ಮತ್ತು ರಿಷಭ್ ಪಂತ್ ಅವರ ಶತಕಗಳ ನೆರವಿನಿಂದ ಭಾರತವು 472 ರನ್ಗಳ ಗೆಲುವಿನ ಗುರಿಯನ್ನು ನೀಡಿತ್ತು. ಕೊನೆಯ ದಿನದಾಟದ ಬೆಳಿಗ್ಗೆ ಬೌಲರ್ಗಳು ಉತ್ತಮ ಆರಂಭ ಮಾಡಿದರು. ಆದರೆ ಮಧ್ಯಮ ಕ್ರಮಾಂಕದಲ್ಲಿ ಆಡಿದ ಮ್ಯಾಕ್ ಡರ್ಮಾಟ್ (107; 167ಎಸೆತ) ಮತ್ತು ಜ್ಯಾಕ್ ವೈಲ್ಡರ್ಮುತ್ (111; 119ಎಸೆತ) ಅವರ ಆಟದಿಂದ ಆಸ್ಟ್ರೇಲಿಯಾ ಎ ಸೋಲು ತಪ್ಪಿಸಿಕೊಳ್ಳಲು ಸಾಧ್ಯವಾಯಿತು. ತಂಡವು 4 ವಿಕೆಟ್ಗಳಿಗೆ 307 ರನ್ ಗಳಿಸಿತು. ಅವರಿಬ್ಬರೂ ಮುರಿಯದ ಐದನೇ ವಿಕೆಟ್ ಜೊತೆಯಾಟದಲ್ಲಿ 167 ರನ್ ಸೇರಿಸಿದರು.</p>.<p>ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಕ್ರೇಗ್ ಮ್ಯಾಕ್ಡರ್ಮಾಟ್ ಅವರ ಮಗ ಬೆನ್, ಅಲೆಕ್ಸ್ ಕ್ಯಾರಿ ಜೊತೆ ಉಪಯುಕ್ತ ಪಾಲುದಾರಿಕೆ ಆಟವಾಡಿದರು. ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 117 ರನ್ ಸೇರಿಸಿದರು. ಕ್ಯಾರಿ 111 ಎಸೆತಗಳಲ್ಲಿ 58 ರನ್ ಹೊಡೆದರು.</p>.<p>ಭಾರತದ ಮಧ್ಯಮವೇಗಿ ಮೊಹಮ್ಮದ್ ಶಮಿ ಎರಡು, ಮೊಹಮ್ಮದ್ ಸಿರಾಜ್ ಒಂದು ಮತ್ತು ಹನುಮವಿಹಾರಿ ಒಂದು ವಿಕೆಟ್ ಗಳಿಸಿದರು. ಮಯಂಕ್ ಅಗರವಾಲ್, ಪೃಥ್ವಿ ಶಾ ಕೂಡ ಬೌಲಿಂಗ್ ಮಾಡಿದರು. ಅದರೆ ವಿಕೆಟ್ ಗಳಿಸಲಿಲ್ಲ.</p>.<p>ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಮತ್ತು ಮುಖ್ಯ ಕೋಚ್ ರವಿಶಾಸ್ತ್ರಿ ಅವರು ಇಡೀ ಪಂದ್ಯವನ್ನು ವೀಕ್ಷಿಸಿದರು. ಡಿಸೆಂಬರ್ 17ರಂದು ಅಡಿಲೇಡ್ನಲ್ಲಿ ಪಿಂಕ್ ಬಾಲ್ ಟೆಸ್ಟ್ ಆರಂಭವಾಗಲಿದೆ.</p>.<p><strong>ಸಂಕ್ಷಿಪ್ತ ಸ್ಕೋರು<br />ಮೊದಲ ಇನಿಂಗ್ಸ್<br />ಭಾರತ </strong>194<br /><strong>ಆಸ್ಟ್ರೇಲಿಯಾ ಎ: </strong>108</p>.<p><strong>ಎರಡನೇ ಇನಿಂಗ್ಸ್<br />ಭಾರತ:</strong> 90 ಓವರ್ಗಳಲ್ಲಿ 4ಕ್ಕೆ386 ಡಿಕ್ಲೇರ್ಡ್<br /><strong>ಆಸ್ಟ್ರೇಲಿಯಾ ಎ</strong>: 75 ಓವರ್ಗಳಲ್ಲಿ 4ಕ್ಕೆ307 (ಬೆನ್ ಮ್ಯಾಕ್ಡರ್ಮಾಟ್ ಔಟಾಗದೆ 107, ಅಲೆಕ್ಸ್ ಕ್ಯಾರಿ 58, ಜ್ಯಾಕ್ ವೈಲ್ಡರ್ಮುತ್ ಔಟಾಗದೆ 111, ಮೊಹಮ್ಮದ್ ಶಮಿ 58ಕ್ಕೆ2)</p>.<p><strong>ಫಲಿತಾಂಶ:</strong> ಡ್ರಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಡ್ನಿ</strong>: ಪಿಂಕ್ಬಾಲ್ ಅಭ್ಯಾಸ ಪಂದ್ಯದಲ್ಲಿ ಜಯ ಸಾಧಿಸುವ ಭಾರತ ತಂಡದ ಆಸೆಗೆ ಆಸ್ಟ್ರೇಲಿಯಾ ಎ ತಂಡದ ಬೆನ್ ಮ್ಯಾಕ್ಡರ್ಮಾಟ್ ಮತ್ತು ಜ್ಯಾಕ್ ವೈಲ್ಡರ್ಮುತ್ ಅಡ್ಡಿಯಾದರು.</p>.<p>ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಭಾನುವಾರ ಮುಕ್ತಾಯವಾದ ಅಭ್ಯಾಸ ಪಂದ್ಯವು ಡ್ರಾ ಆಯಿತು.</p>.<p>ಶನಿವಾರ ಹನುಮವಿಹಾರಿ ಮತ್ತು ರಿಷಭ್ ಪಂತ್ ಅವರ ಶತಕಗಳ ನೆರವಿನಿಂದ ಭಾರತವು 472 ರನ್ಗಳ ಗೆಲುವಿನ ಗುರಿಯನ್ನು ನೀಡಿತ್ತು. ಕೊನೆಯ ದಿನದಾಟದ ಬೆಳಿಗ್ಗೆ ಬೌಲರ್ಗಳು ಉತ್ತಮ ಆರಂಭ ಮಾಡಿದರು. ಆದರೆ ಮಧ್ಯಮ ಕ್ರಮಾಂಕದಲ್ಲಿ ಆಡಿದ ಮ್ಯಾಕ್ ಡರ್ಮಾಟ್ (107; 167ಎಸೆತ) ಮತ್ತು ಜ್ಯಾಕ್ ವೈಲ್ಡರ್ಮುತ್ (111; 119ಎಸೆತ) ಅವರ ಆಟದಿಂದ ಆಸ್ಟ್ರೇಲಿಯಾ ಎ ಸೋಲು ತಪ್ಪಿಸಿಕೊಳ್ಳಲು ಸಾಧ್ಯವಾಯಿತು. ತಂಡವು 4 ವಿಕೆಟ್ಗಳಿಗೆ 307 ರನ್ ಗಳಿಸಿತು. ಅವರಿಬ್ಬರೂ ಮುರಿಯದ ಐದನೇ ವಿಕೆಟ್ ಜೊತೆಯಾಟದಲ್ಲಿ 167 ರನ್ ಸೇರಿಸಿದರು.</p>.<p>ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಕ್ರೇಗ್ ಮ್ಯಾಕ್ಡರ್ಮಾಟ್ ಅವರ ಮಗ ಬೆನ್, ಅಲೆಕ್ಸ್ ಕ್ಯಾರಿ ಜೊತೆ ಉಪಯುಕ್ತ ಪಾಲುದಾರಿಕೆ ಆಟವಾಡಿದರು. ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 117 ರನ್ ಸೇರಿಸಿದರು. ಕ್ಯಾರಿ 111 ಎಸೆತಗಳಲ್ಲಿ 58 ರನ್ ಹೊಡೆದರು.</p>.<p>ಭಾರತದ ಮಧ್ಯಮವೇಗಿ ಮೊಹಮ್ಮದ್ ಶಮಿ ಎರಡು, ಮೊಹಮ್ಮದ್ ಸಿರಾಜ್ ಒಂದು ಮತ್ತು ಹನುಮವಿಹಾರಿ ಒಂದು ವಿಕೆಟ್ ಗಳಿಸಿದರು. ಮಯಂಕ್ ಅಗರವಾಲ್, ಪೃಥ್ವಿ ಶಾ ಕೂಡ ಬೌಲಿಂಗ್ ಮಾಡಿದರು. ಅದರೆ ವಿಕೆಟ್ ಗಳಿಸಲಿಲ್ಲ.</p>.<p>ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಮತ್ತು ಮುಖ್ಯ ಕೋಚ್ ರವಿಶಾಸ್ತ್ರಿ ಅವರು ಇಡೀ ಪಂದ್ಯವನ್ನು ವೀಕ್ಷಿಸಿದರು. ಡಿಸೆಂಬರ್ 17ರಂದು ಅಡಿಲೇಡ್ನಲ್ಲಿ ಪಿಂಕ್ ಬಾಲ್ ಟೆಸ್ಟ್ ಆರಂಭವಾಗಲಿದೆ.</p>.<p><strong>ಸಂಕ್ಷಿಪ್ತ ಸ್ಕೋರು<br />ಮೊದಲ ಇನಿಂಗ್ಸ್<br />ಭಾರತ </strong>194<br /><strong>ಆಸ್ಟ್ರೇಲಿಯಾ ಎ: </strong>108</p>.<p><strong>ಎರಡನೇ ಇನಿಂಗ್ಸ್<br />ಭಾರತ:</strong> 90 ಓವರ್ಗಳಲ್ಲಿ 4ಕ್ಕೆ386 ಡಿಕ್ಲೇರ್ಡ್<br /><strong>ಆಸ್ಟ್ರೇಲಿಯಾ ಎ</strong>: 75 ಓವರ್ಗಳಲ್ಲಿ 4ಕ್ಕೆ307 (ಬೆನ್ ಮ್ಯಾಕ್ಡರ್ಮಾಟ್ ಔಟಾಗದೆ 107, ಅಲೆಕ್ಸ್ ಕ್ಯಾರಿ 58, ಜ್ಯಾಕ್ ವೈಲ್ಡರ್ಮುತ್ ಔಟಾಗದೆ 111, ಮೊಹಮ್ಮದ್ ಶಮಿ 58ಕ್ಕೆ2)</p>.<p><strong>ಫಲಿತಾಂಶ:</strong> ಡ್ರಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
