Ranji Trophy: ಕರ್ನಾಟಕ 366ಕ್ಕೆ ಆಲೌಟ್; 2ನೇ ದಿನದಂತ್ಯಕ್ಕೆ ತಮಿಳುನಾಡು 129/7

ಚೆನ್ನೈ: ಆತಿಥೇಯ ತಮಿಳುನಾಡು ತಂಡದಲ್ಲಿ ಬಲಿಷ್ಠ ಬ್ಯಾಟಿಂಗ್ ಪಡೆ ಇರುವುದು ದಿಟ. ಆದರೆ ಕರ್ನಾಟಕದ ಬೌಲರ್ಗಳ ಮುಂದೆ ಅವರ ಆಟ ನಡೆಯಲಿಲ್ಲ.

ಹೌದು; ಚೆಪಾಕ್ನಲ್ಲಿ ನಡೆಯುತ್ತಿರುವ ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಸಿ ಗುಂಪಿನ ಪಂದ್ಯದಲ್ಲಿ ಕರ್ನಾಟಕದ ಬೌಲರ್ಗಳು ಪ್ರತಾಪ ಮೆರೆದರು. ಅದರಲ್ಲೂ ನವಪ್ರತಿಭೆ ಕೆ.ಶಶಿಕುಮಾರ್ (41ಕ್ಕೆ3) ಸ್ಪಿನ್ ಮೋಡಿಯು ರಂಗೇರಿತು. 17 ವರ್ಷದ ಹಾರ್ದಿಕ್ ರಾಜ್ (51; 96ಎ, 4X8 ಮತ್ತು 47ಕ್ಕೆ2) ಆಲ್ರೌಂಡ್ ಆಟವೂ ಗಮನ ಸೆಳೆಯಿತು. ಇಬ್ಬರಿಗೂ ಇದು ಚೊಚ್ಚಲ ರಣಜಿ ಟೂರ್ನಿಯಾಗಿದೆ.

ಕರ್ನಾಟಕವು ಪ್ರಥಮ ಇನಿಂಗ್ಸ್ನಲ್ಲಿ 119.4 ಓವರ್ಗಳಲ್ಲಿ ಗಳಿಸಿದ್ದ 366 ರನ್ಗಳಿಗೆ ಉತ್ತರವಾಗಿ ಆತಿಥೇಯ ತಂಡವು ಎರಡನೇ ದಿನದಾಟದ ಮುಕ್ತಾಯಕ್ಕೆ 56 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 129 ರನ್ ಗಳಿಸಿತು. ಇನಿಂಗ್ಸ್ ಹಿನ್ನಡೆ ತಪ್ಪಿಸಿಕೊಳ್ಳಬೇಕಾದರೆ ಇನ್ನೂ 237 ರನ್ ಗಳಿಸಬೇಕು. ಬಾಬಾ ಇಂದ್ರಜೀತ್ (ಬ್ಯಾಟಿಂಗ್ 35) ಮತ್ತು ಎಂ. ಮೊಹಮ್ಮದ್ (ಬ್ಯಾಟಿಂಗ್ 3) ಕ್ರೀಸ್ನಲ್ಲಿದ್ದಾರೆ. ಭಾನುವಾರ ಬೆಳಗಿನ ಅವಧಿಯಲ್ಲಿ ಬೇಗನೆ ಮೂರು ವಿಕೆಟ್ಗಳನ್ನು ಉರುಳಿಸುವಲ್ಲಿ ಕರ್ನಾಟಕ ಬೌಲರ್ಗಳು ಸಫಲರಾದರೆ ಮಯಂಕ್ ಉತ್ತಮ ಮುನ್ನಡೆ ಲಭಿಸುವುದು ಖಚಿತ.

ತಮಿಳುನಾಡು ತಂಡದ ಆರಂಭಿಕ ಬ್ಯಾಟರ್ ಜಗದೀಶನ್ (40; 56ಎ), ಪ್ರದೋಷ್ ಪಾಲ್ ಮತ್ತು ಮಧ್ಯಮಕ್ರಮಾಂಕದ ಬ್ಯಾಟರ್ ಭೂಪತಿ ಕುಮಾರ್ ಅವರ ವಿಕೆಟ್ಗಳನ್ನು ಶಶಿಕುಮಾರ್ ತಮ್ಮದಾಗಿಸಿಕೊಂಡರು. ಶಶಿಗೆ ಇದು ಎರಡನೇ ಪಂದ್ಯವಾಗಿದೆ. ವೇಗಿ ವಿದ್ವತ್ ಕಾವೇರಪ್ಪ ಮತ್ತು ವೈಶಾಖ ವಿಜಯಕುಮಾರ್ ಅವರೂ ತಲಾ ಒಂದು ವಿಕೆಟ್ ಗಳಿಸಿ ಆತಿಥೇಯರಿಗೆ ಪೆಟ್ಟುಕೊಟ್ಟರು.

ಕರ್ನಾಟಕದ ಫೀಲ್ಡಿಂಗ್ನಲ್ಲಿ ಕೆಲವು ಲೋಪಗಳು ಇದ್ದವು. ಆದರೆ ನಂತರ ಸಾವರಿಸಿಕೊಂಡ ತಂಡವು ಎದುರಾಳಿಗಳಿಗೆ ಕಠಿಣ ಸವಾಲೊಡ್ಡಿತು. ಇದರಿಂದಾಗಿ ತಮಿಳುನಾಡು ತಂಡದ ಮೊತ್ತವು 100ರ ಗಡಿ ಮುಟ್ಟುವ ಮುನ್ನವೇ ಐದು ವಿಕೆಟ್ಗಳು ಪತನಗೊಂಡವು.

ಹಾರ್ದಿಕ್ ಚೊಚ್ಚಲ ಅರ್ಧಶತಕ

ಬೆಂಗಳೂರಿನ ಹಾರ್ದಿಕ್ ರಾಜ್ ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡರು. ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ತಮ್ಮ ಮೊದಲ ಅರ್ಧಶತಕ ಗಳಿಸುವಲ್ಲಿ ಯಶಸ್ವಿಯಾದರು.

ಮೊದಲ ದಿನದಾಟದಲ್ಲಿ 35 ರನ್ ಗಳಿಸಿದ್ದ ಅವರು ದೇವದತ್ತ ಪಡಿಕ್ಕಲ್ ಅವರೊಂದಿಗೆ ಮುರಿಯದ ಆರನೇ ವಿಕೆಟ್ ಜೊತೆಯಾಟದಲ್ಲಿ 54 ರನ್ ಸೇರಿಸಿ ಕ್ರೀಸ್ನಲ್ಲಿದ್ದರು.

216 ಎಸೆತಗಳಲ್ಲಿ 151 ರನ್ ಗಳಿಸಿದ್ದ ದೇವದತ್ತ ಅವರು ಶನಿವಾರ ಬೆಳಿಗ್ಗೆ ತಮ್ಮ ಖಾತೆಗೆ ಒಂದೂ ರನ್ ಸೇರಿಸದೇ ಔಟಾದರು. ಆಗ ಇನಿಂಗ್ಸ್ ಕಟ್ಟುವ ಹೊಣೆಯನ್ನು ಹೊತ್ತುಕೊಂಡ ಹಾರ್ದಿಕ್ ಅವರಿಗೆ ಶರತ್ ಶ್ರೀನಿವಾಸ್ (45; 83ಎ) ಜೊತೆ ನೀಡಿದರು. ಏಳನೇ ವಿಕೆಟ್ ಜೊತೆಯಾಟದಲ್ಲಿ 41 ರನ್ ಸೇರಿಸಿದರು. ನಂತರ ಬೌಲಿಂಗ್ನಲ್ಲಿಯೂ ಮಿಂಚಿದರು.

ಶಶಿಕುಮಾರ್ ಅವರು ಬ್ಯಾಟಿಂಗ್ನಲ್ಲಿಯೂ ಗಮನಸೆಳೆದರು. ಕೇವಲ 9 ರನ್ ಗಳಿಸಿದರೂ 58 ಎಸೆತಗಳನ್ನು ಎದುರಿಸಿದರು. ಒಂದು ಬೌಂಡರಿ ಬಾರಿಸಿದರು. 9ನೇ ವಿಕೆಟ್ ಜೊತೆಯಾಟದಲ್ಲಿ ಅವರು ಶರತ್ ಜೊತೆಗೆ 32 ರನ್ ಸೇರಿಸಲು ನೆರವಾದರು. ಶರತ್ ಅರ್ಧಶತಕದ ಸನಿಹ ಎಡವಿದರು.

ಒಂದೇ ದಿನ ಪತನವಾದ 13 ವಿಕೆಟ್ಗಳು ತಮಿಳುನಾಡಿನ ಅಜಿತ್ ರಾಮ್ಗೆ ನಾಲ್ಕು ವಿಕೆಟ್ ಹಾರ್ದಿಕ್ ರಾಜ್ ಚೊಚ್ಚಲ ಅರ್ಧಶತಕ

.PHOTOS | Ranji Trophy: ದೇವದತ್ತ ಪಡಿಕ್ಕಲ್ ಶತಕದ ಸೊಬಗು.Ranji Trophy: ತಮಿಳುನಾಡು ವಿರುದ್ಧ ದೇವದತ್ತ ಪಡಿಕ್ಕಲ್ ಅಮೋಘ ಶತಕ ಸಾಧನೆ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Ranji Trophy: ಕರ್ನಾಟಕ 366ಕ್ಕೆ ಆಲೌಟ್; 2ನೇ ದಿನದಂತ್ಯಕ್ಕೆ ತಮಿಳುನಾಡು 129/7

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ಚುರುಮುರಿ | ಸವಾಲ್– ಜವಾಬ್

ರಣಜಿ ಕ್ರಿಕೆಟ್’ ಮುಂಬೈ ಕ್ರಿಕೆಟ್ ತಂಡಕ್ಕೆ ಮರಳಿದ ಶ್ರೇಯಸ್

ಫುಟ್‌ಬಾಲ್‌ ಸಂಭಾವ್ಯ ತಂಡದಲ್ಲಿ ಸಂದೇಶ್‌ ಜಿಂಗಾನ್‌ಗೆ ಸ್ಥಾನ

ನೆಟ್ಟಕಲ್ಲಪ್ಪ ರಾಷ್ಟ್ರಮಟ್ಟದ ಈಜು: ಕಣಕ್ಕಿಳಿಯಲಿರುವ 300 ಈಜುಪಟುಗಳು

ಏಷ್ಯನ್‌ ಪಿಕಲ್‌ಬಾಲ್‌: ಭಾರತಕ್ಕೆ 14 ಪದಕ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ಚುರುಮುರಿ | ಸವಾಲ್– ಜವಾಬ್