<p><strong>ಡಲ್ಲಾಸ್</strong>: ಆತಿಥೇಯ ಅಮೆರಿಕ ತಂಡವು ಆ್ಯರನ್ ಜೋನ್ಸ್ ಅವರ ಅಮೋಘ ಬ್ಯಾಟಿಂಗ್ ಬಲದಿಂದ ಭಾನುವಾರ ಆರಂಭವಾದ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಚೊಚ್ಚಲ ಪಂದ್ಯದಲ್ಲಿ ಜಯಭೇರಿ ಬಾರಿಸಿತು. </p>.<p>ಗ್ರ್ಯಾಂಡ್ ಪ್ರಯರಿ ಕ್ರೀಡಾಂಗಣದಲ್ಲಿ ನಡೆದ ಎ ಗುಂಪಿನ ಪಂದ್ಯದಲ್ಲಿ ಅಮೆರಿಕ ತಂಡವು 7 ವಿಕೆಟ್ಗಳಿಂದ ಗೆದ್ದು 2 ಅಂಕಗಳನ್ನು ತನ್ನದಾಗಿಸಿಕೊಂಡಿತು. </p>.<p>ಟಾಸ್ ಗೆದ್ದ ಅಮೆರಿಕ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಕೆನಡಾ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 194 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಅಮೆರಿಕ ತಂಡವು ಆ್ಯರನ್ ಜೋನ್ಸ್ (ಔಟಾಗದೆ 94; 40ಎಸೆತ) ಅವರ ಬಲದಿಂದ ಇನಿಂಗ್ಸ್ನಲ್ಲಿ ಇನ್ನೂ 14 ಎಸೆತಗಳು ಬಾಕಿ ಇರುವಾಗಲೇ 3 ವಿಕೆಟ್ಗಳಿಗೆ 197 ರನ್ ಹೊಡೆದು ಜಯಿಸಿತು. </p>.<p>ಸ್ಥಳೀಯ ಹೀರೊ ಆ್ಯರನ್ ಜೋನ್ಸ್ ಬ್ಯಾಟಿಂಗ್ ಗಮನ ಸೆಳೆಯಿತು. ಕ್ವೀನ್ಸ್ನಲ್ಲಿ ಜನಿಸಿ ನ್ಯೂಯಾರ್ಕ್ನಲ್ಲಿ ಬೆಳೆದ ಆಟಗಾರ ಅ್ಯರನ್ ಕೆನಡಾ ಬೌಲರ್ಗಳಿಗೆ ಬಿಸಿ ಮುಟ್ಟಿಸಿದರು. 10 ಸಿಕ್ಸರ್ ಹಾಗೂ 4 ಬೌಂಡರಿ ಸಿಡಿಸಿದ ಅವರು ಮಿಂಚಿದರು. </p>.<p>ಅವರೊಂದಿಗೆ ಆ್ಡಂಡ್ರಿಸ್ ಗೌಸ್ ಕೂಡ ವಿಜೃಂಭಿಸಿದರು. ಅವರು 46 ಎಸೆತಗಳಲ್ಲಿ 65 ರನ್ ಗಳಿಸಿದರು. ಅವರ ಆಟದಲ್ಲಿ ಏಳು ಬೌಂಡರಿ ಮತ್ತು ಮೂರು ಸಿಕ್ಸರ್ಗಳಿದ್ದವು. </p>.<p>42 ರನ್ಗಳಿಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ಅಮೆರಿಕ ತಂಡ ಸಂಕಷ್ಟದಲ್ಲಿತ್ತು. ಕೆನಡಾದ ಖಲೀಂ ಸನಾ ಅವರು ಅಮೆರಿಕದ ಬ್ಯಾಟರ್ ಸ್ಟೀವ್ ಟೇಲರ್ ವಿಕೆಟ್ ಕಬಳಿಸಿದರು. ಟೇಲರ್ ಖಾತೆ ತೆರೆಯಲಿಲ್ಲ. </p>.<p>16 ರನ್ ಗಳಿಸಿದ್ದ ನಾಯಕ ಮೊನಾಂಕ್ ಪಟೇಲ್ ಅವರ ವಿಕೆಟ್ ಗಳಿಸಿದ ದಿಲೊನ್ ಹೆಲಿಗರ್ ಮಿಂಚಿದರು. ಈ ಹಂತದಲ್ಲಿ ಜೊತೆಗೂಡಿದ ಜೋನ್ಸ್ ಮತ್ತು ಗೌಸ್ ಅವರು ಮೂರನೇ ವಿಕೆಟ್ ಜೊತೆಯಾಟದಲ್ಲಿ 131 ರನ್ ಸೇರಿಸಿ ತಂಡದ ಗೆಲುವಿಗೆ ನೆರವಾದರು. </p>.<p>ಕೆನಡಾ ತಂಡದ ಬ್ಯಾಟಿಂಗ್ ಚೆನ್ನಾಗಿತ್ತು. ಆ್ಯರನ್ ಜಾನ್ಸನ್ (23; 16ಎ) ಹಾಗೂ ನವನೀತ್ ಧಲಿವಾಲ್ (61; 44ಎ) ಮೊದಲ ವಿಕೆಟ್ ಜೊತೆಯಾಟದಲ್ಲಿ 43 ರನ್ ಸೇರಿಸಿ ಉತ್ತಮ ಆರಂಭ ನೀಡಿದರು. </p>.<p>ಮಧ್ಯಮ ಕ್ರಮಾಂಕದಲ್ಲಿ ನಿಕೊಲಸ್ ಕಿರ್ಟನ್ (51; 31ಎ) ಹಾಗೂ ಕನ್ನಡಿಗ ಶ್ರೇಯಸ್ ಮೊವ್ವಾ (32; 16ಎ) ತಂಡದ ಮೊತ್ತ ಹೆಚ್ಚಿಸಿದರು. </p>.<p>ಸಂಕ್ಷಿಪ್ತ ಸ್ಕೋರು: ಕೆನಡಾ: 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 194 (ಆ್ಯರನ್ ಜಾನ್ಸನ್ 23, ನವನೀತ್ ಧಲಿವಾಲ್ 61, ನಿಕೊಲಸ್ ಕಿರ್ಟನ್ 51, ಶ್ರೇಯಸ್ ಮೊವ್ವಾ ಔಟಾಗದೆ 32, ಅಲಿ ಖಾನ್ 41ಕ್ಕೆ1, ಹರ್ಮೀತ್ ಸಿಂಗ್ 27ಕ್ಕೆ1, ಕೋರಿ ಆ್ಯಂಡರ್ಸನ್ 29ಕ್ಕೆ1) ಅಮೆರಿಕ: 17.4 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 197 (ಆ್ಯಂಡ್ರಿಸ್ ಗೌಸ್ 65, ಆ್ಯರನ್ ಜೋನ್ಸ್ ಔಟಾಗದೆ 94, ಖಲೀಂ ಸನಾ 34ಕ್ಕೆ1, ದಿಲೊನ್ ಹೆಲಿಗರ್ 19ಕ್ಕೆ1) ಫಲಿತಾಂಶ: ಅಮೆರಿಕ ತಂಡಕ್ಕೆ 7 ವಿಕೆಟ್ಗಳ ಜಯ. ಪಂದ್ಯಶ್ರೇಷ್ಠ: ಆ್ಯರನ್ ಜೋನ್ಸ್. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡಲ್ಲಾಸ್</strong>: ಆತಿಥೇಯ ಅಮೆರಿಕ ತಂಡವು ಆ್ಯರನ್ ಜೋನ್ಸ್ ಅವರ ಅಮೋಘ ಬ್ಯಾಟಿಂಗ್ ಬಲದಿಂದ ಭಾನುವಾರ ಆರಂಭವಾದ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಚೊಚ್ಚಲ ಪಂದ್ಯದಲ್ಲಿ ಜಯಭೇರಿ ಬಾರಿಸಿತು. </p>.<p>ಗ್ರ್ಯಾಂಡ್ ಪ್ರಯರಿ ಕ್ರೀಡಾಂಗಣದಲ್ಲಿ ನಡೆದ ಎ ಗುಂಪಿನ ಪಂದ್ಯದಲ್ಲಿ ಅಮೆರಿಕ ತಂಡವು 7 ವಿಕೆಟ್ಗಳಿಂದ ಗೆದ್ದು 2 ಅಂಕಗಳನ್ನು ತನ್ನದಾಗಿಸಿಕೊಂಡಿತು. </p>.<p>ಟಾಸ್ ಗೆದ್ದ ಅಮೆರಿಕ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಕೆನಡಾ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 194 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಅಮೆರಿಕ ತಂಡವು ಆ್ಯರನ್ ಜೋನ್ಸ್ (ಔಟಾಗದೆ 94; 40ಎಸೆತ) ಅವರ ಬಲದಿಂದ ಇನಿಂಗ್ಸ್ನಲ್ಲಿ ಇನ್ನೂ 14 ಎಸೆತಗಳು ಬಾಕಿ ಇರುವಾಗಲೇ 3 ವಿಕೆಟ್ಗಳಿಗೆ 197 ರನ್ ಹೊಡೆದು ಜಯಿಸಿತು. </p>.<p>ಸ್ಥಳೀಯ ಹೀರೊ ಆ್ಯರನ್ ಜೋನ್ಸ್ ಬ್ಯಾಟಿಂಗ್ ಗಮನ ಸೆಳೆಯಿತು. ಕ್ವೀನ್ಸ್ನಲ್ಲಿ ಜನಿಸಿ ನ್ಯೂಯಾರ್ಕ್ನಲ್ಲಿ ಬೆಳೆದ ಆಟಗಾರ ಅ್ಯರನ್ ಕೆನಡಾ ಬೌಲರ್ಗಳಿಗೆ ಬಿಸಿ ಮುಟ್ಟಿಸಿದರು. 10 ಸಿಕ್ಸರ್ ಹಾಗೂ 4 ಬೌಂಡರಿ ಸಿಡಿಸಿದ ಅವರು ಮಿಂಚಿದರು. </p>.<p>ಅವರೊಂದಿಗೆ ಆ್ಡಂಡ್ರಿಸ್ ಗೌಸ್ ಕೂಡ ವಿಜೃಂಭಿಸಿದರು. ಅವರು 46 ಎಸೆತಗಳಲ್ಲಿ 65 ರನ್ ಗಳಿಸಿದರು. ಅವರ ಆಟದಲ್ಲಿ ಏಳು ಬೌಂಡರಿ ಮತ್ತು ಮೂರು ಸಿಕ್ಸರ್ಗಳಿದ್ದವು. </p>.<p>42 ರನ್ಗಳಿಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ಅಮೆರಿಕ ತಂಡ ಸಂಕಷ್ಟದಲ್ಲಿತ್ತು. ಕೆನಡಾದ ಖಲೀಂ ಸನಾ ಅವರು ಅಮೆರಿಕದ ಬ್ಯಾಟರ್ ಸ್ಟೀವ್ ಟೇಲರ್ ವಿಕೆಟ್ ಕಬಳಿಸಿದರು. ಟೇಲರ್ ಖಾತೆ ತೆರೆಯಲಿಲ್ಲ. </p>.<p>16 ರನ್ ಗಳಿಸಿದ್ದ ನಾಯಕ ಮೊನಾಂಕ್ ಪಟೇಲ್ ಅವರ ವಿಕೆಟ್ ಗಳಿಸಿದ ದಿಲೊನ್ ಹೆಲಿಗರ್ ಮಿಂಚಿದರು. ಈ ಹಂತದಲ್ಲಿ ಜೊತೆಗೂಡಿದ ಜೋನ್ಸ್ ಮತ್ತು ಗೌಸ್ ಅವರು ಮೂರನೇ ವಿಕೆಟ್ ಜೊತೆಯಾಟದಲ್ಲಿ 131 ರನ್ ಸೇರಿಸಿ ತಂಡದ ಗೆಲುವಿಗೆ ನೆರವಾದರು. </p>.<p>ಕೆನಡಾ ತಂಡದ ಬ್ಯಾಟಿಂಗ್ ಚೆನ್ನಾಗಿತ್ತು. ಆ್ಯರನ್ ಜಾನ್ಸನ್ (23; 16ಎ) ಹಾಗೂ ನವನೀತ್ ಧಲಿವಾಲ್ (61; 44ಎ) ಮೊದಲ ವಿಕೆಟ್ ಜೊತೆಯಾಟದಲ್ಲಿ 43 ರನ್ ಸೇರಿಸಿ ಉತ್ತಮ ಆರಂಭ ನೀಡಿದರು. </p>.<p>ಮಧ್ಯಮ ಕ್ರಮಾಂಕದಲ್ಲಿ ನಿಕೊಲಸ್ ಕಿರ್ಟನ್ (51; 31ಎ) ಹಾಗೂ ಕನ್ನಡಿಗ ಶ್ರೇಯಸ್ ಮೊವ್ವಾ (32; 16ಎ) ತಂಡದ ಮೊತ್ತ ಹೆಚ್ಚಿಸಿದರು. </p>.<p>ಸಂಕ್ಷಿಪ್ತ ಸ್ಕೋರು: ಕೆನಡಾ: 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 194 (ಆ್ಯರನ್ ಜಾನ್ಸನ್ 23, ನವನೀತ್ ಧಲಿವಾಲ್ 61, ನಿಕೊಲಸ್ ಕಿರ್ಟನ್ 51, ಶ್ರೇಯಸ್ ಮೊವ್ವಾ ಔಟಾಗದೆ 32, ಅಲಿ ಖಾನ್ 41ಕ್ಕೆ1, ಹರ್ಮೀತ್ ಸಿಂಗ್ 27ಕ್ಕೆ1, ಕೋರಿ ಆ್ಯಂಡರ್ಸನ್ 29ಕ್ಕೆ1) ಅಮೆರಿಕ: 17.4 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 197 (ಆ್ಯಂಡ್ರಿಸ್ ಗೌಸ್ 65, ಆ್ಯರನ್ ಜೋನ್ಸ್ ಔಟಾಗದೆ 94, ಖಲೀಂ ಸನಾ 34ಕ್ಕೆ1, ದಿಲೊನ್ ಹೆಲಿಗರ್ 19ಕ್ಕೆ1) ಫಲಿತಾಂಶ: ಅಮೆರಿಕ ತಂಡಕ್ಕೆ 7 ವಿಕೆಟ್ಗಳ ಜಯ. ಪಂದ್ಯಶ್ರೇಷ್ಠ: ಆ್ಯರನ್ ಜೋನ್ಸ್. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>