<p><strong>ನವದೆಹಲಿ:</strong> ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಭಾನುವಾರ ಇಲ್ಲಿ ನಡೆದ ಮಹಿಳ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 1 ರನ್ನಿಂದ ರೋಚಕ ಜಯ ಸಾಧಿಸಿತು. ಇದರೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿ ಪ್ಲೇಆಫ್ಗೆ ಲಗ್ಗೆ ಇಟ್ಟಿತು.</p><p>ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಡೆಲ್ಲಿ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 181 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಆರ್ಸಿಬಿ ತಂಡಕ್ಕೆ ರಿಚಾ ಘೋಷ್ (51; 29ಎ, 4X4, 6X3) ಮತ್ತು ಎಲಿಸ್ ಪೆರಿ (49 ರನ್) ತಿರುಗೇಟು ನೀಡಿದರು. ಕೊನೆಯ ಎಸೆತದವರೆಗೂ ರೋಚಕತೆ ಕೆರಳಿಸಿದ್ದ ಪಂದ್ಯದಲ್ಲಿ ಡೆಲ್ಲಿ ಮೇಲುಗೈ ಸಾಧಿಸಿತು.</p><p>ಜೆಮಿಮಾ ಅರ್ಧಶತಕ: ಡೆಲ್ಲಿ ತಂಡಕ್ಕೆ ಮೆಗ್ ಲ್ಯಾನಿಂಗ್ (29; 26ಎ) ಮತ್ತು ಶಫಾಲಿ ವರ್ಮಾ (23; 18ಎ) ಮೊದಲ ಪವರ್ಪ್ಲೇನಲ್ಲಿ 54 ರನ್ ಗಳಿಸಿ ಉತ್ತಮ ಆರಂಭ ನೀಡಿದರು.</p><p>ನಂತರ ಜೆಮಿಮಾ (58; 36ಎ, 4X8, 6X1) ಮತ್ತು ಕ್ಯಾಪ್ಸಿ (48; 32ಎ, 4X8) ಮೂರನೇ ವಿಕೆಟ್ ಜೊತೆಯಾಟದಲ್ಲಿ 97 ರನ್ ಸೇರಿಸಿದರು. ಜಿಮಿಮಾ ಅವರ ಆಟವು ಆಕರ್ಷಕವಾಗಿತ್ತು. ಫ್ರಂಟ್ಫುಟ್ ಡ್ರೈವ್, ಸ್ವೀಪ್ ಮತ್ತು ಪಂಚ್ಗಳು ಗಮನ ಸೆಳೆದವು. ಇನಿಂಗ್ಸ್ನ ಕೊನೆಯ ಓವರ್ ಬೌಲಿಂಗ್ ಮಾಡಿದ ಶ್ರೇಯಾಂಕಾ ಎರಡು ವಿಕೆಟ್ ಪಡೆದರು.</p><p><strong>ಸಂಕ್ಷಿಪ್ತ ಸ್ಕೋರು</strong>: ಡೆಲ್ಲಿ ಕ್ಯಾಪಿಟಲ್ಸ್: 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 181 (ಮೆಗ್ ಲ್ಯಾನಿಂಗ್ 29, ಶಫಾಲಿ ವರ್ಮಾ 23, ಜೆಮಿಮಾ ರಾಡ್ರಿಗಸ್ 58, ಅಲೈಸ್ ಕ್ಯಾಪ್ಸಿ 48, ಮೆರಿಝಾನೆ ಕಾಪ್ ಔಟಾಗದೆ 12, ಶ್ರೇಯಾಂಕಾ ಪಾಟೀಲ 26ಕ್ಕೆ4)</p><p><strong>ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 180 (ಸೋಫಿ ಮಾಲಿನ್ 33, ಎಲಿಸ್ ಪೆರಿ 49, ರಿಚಾ ಘೋಷ್ 51, ಸೋಫಿ ಡಿವೈನ್ 26, ಅಲಿಸ್ ಕ್ಯಾಪ್ಸಿ 5ಕ್ಕೆ1, ಶಿಖಾ ಪಾಂಡೆ 34ಕ್ಕೆ1) ಪಂದ್ಯ ಫಲಿತಾಂಶ: ಡೆಲ್ಲಿ ಕ್ಯಾಪಿಟಲ್ಸ್ಗೆ 1 ರನ್ ಜಯ, ಪಂದ್ಯದ ಆಟಗಾರ್ತಿ:ಜೆಮಿಮಾ ರಾಡಿಗ್ರಸ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಭಾನುವಾರ ಇಲ್ಲಿ ನಡೆದ ಮಹಿಳ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 1 ರನ್ನಿಂದ ರೋಚಕ ಜಯ ಸಾಧಿಸಿತು. ಇದರೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿ ಪ್ಲೇಆಫ್ಗೆ ಲಗ್ಗೆ ಇಟ್ಟಿತು.</p><p>ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಡೆಲ್ಲಿ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 181 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಆರ್ಸಿಬಿ ತಂಡಕ್ಕೆ ರಿಚಾ ಘೋಷ್ (51; 29ಎ, 4X4, 6X3) ಮತ್ತು ಎಲಿಸ್ ಪೆರಿ (49 ರನ್) ತಿರುಗೇಟು ನೀಡಿದರು. ಕೊನೆಯ ಎಸೆತದವರೆಗೂ ರೋಚಕತೆ ಕೆರಳಿಸಿದ್ದ ಪಂದ್ಯದಲ್ಲಿ ಡೆಲ್ಲಿ ಮೇಲುಗೈ ಸಾಧಿಸಿತು.</p><p>ಜೆಮಿಮಾ ಅರ್ಧಶತಕ: ಡೆಲ್ಲಿ ತಂಡಕ್ಕೆ ಮೆಗ್ ಲ್ಯಾನಿಂಗ್ (29; 26ಎ) ಮತ್ತು ಶಫಾಲಿ ವರ್ಮಾ (23; 18ಎ) ಮೊದಲ ಪವರ್ಪ್ಲೇನಲ್ಲಿ 54 ರನ್ ಗಳಿಸಿ ಉತ್ತಮ ಆರಂಭ ನೀಡಿದರು.</p><p>ನಂತರ ಜೆಮಿಮಾ (58; 36ಎ, 4X8, 6X1) ಮತ್ತು ಕ್ಯಾಪ್ಸಿ (48; 32ಎ, 4X8) ಮೂರನೇ ವಿಕೆಟ್ ಜೊತೆಯಾಟದಲ್ಲಿ 97 ರನ್ ಸೇರಿಸಿದರು. ಜಿಮಿಮಾ ಅವರ ಆಟವು ಆಕರ್ಷಕವಾಗಿತ್ತು. ಫ್ರಂಟ್ಫುಟ್ ಡ್ರೈವ್, ಸ್ವೀಪ್ ಮತ್ತು ಪಂಚ್ಗಳು ಗಮನ ಸೆಳೆದವು. ಇನಿಂಗ್ಸ್ನ ಕೊನೆಯ ಓವರ್ ಬೌಲಿಂಗ್ ಮಾಡಿದ ಶ್ರೇಯಾಂಕಾ ಎರಡು ವಿಕೆಟ್ ಪಡೆದರು.</p><p><strong>ಸಂಕ್ಷಿಪ್ತ ಸ್ಕೋರು</strong>: ಡೆಲ್ಲಿ ಕ್ಯಾಪಿಟಲ್ಸ್: 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 181 (ಮೆಗ್ ಲ್ಯಾನಿಂಗ್ 29, ಶಫಾಲಿ ವರ್ಮಾ 23, ಜೆಮಿಮಾ ರಾಡ್ರಿಗಸ್ 58, ಅಲೈಸ್ ಕ್ಯಾಪ್ಸಿ 48, ಮೆರಿಝಾನೆ ಕಾಪ್ ಔಟಾಗದೆ 12, ಶ್ರೇಯಾಂಕಾ ಪಾಟೀಲ 26ಕ್ಕೆ4)</p><p><strong>ರಾಯಲ್ ಚಾಲೆಂಜರ್ಸ್ ಬೆಂಗಳೂರು:</strong> 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 180 (ಸೋಫಿ ಮಾಲಿನ್ 33, ಎಲಿಸ್ ಪೆರಿ 49, ರಿಚಾ ಘೋಷ್ 51, ಸೋಫಿ ಡಿವೈನ್ 26, ಅಲಿಸ್ ಕ್ಯಾಪ್ಸಿ 5ಕ್ಕೆ1, ಶಿಖಾ ಪಾಂಡೆ 34ಕ್ಕೆ1) ಪಂದ್ಯ ಫಲಿತಾಂಶ: ಡೆಲ್ಲಿ ಕ್ಯಾಪಿಟಲ್ಸ್ಗೆ 1 ರನ್ ಜಯ, ಪಂದ್ಯದ ಆಟಗಾರ್ತಿ:ಜೆಮಿಮಾ ರಾಡಿಗ್ರಸ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>