<p><strong>ದಂಬುಲಾ</strong>: ಹಾಲಿ ಚಾಂಪಿಯನ್ ಭಾರತ ಮಹಿಳೆಯರ ಕ್ರಿಕೆಟ್ ತಂಡವು ಏಷ್ಯಾ ಕಪ್ ಟಿ20 ಕ್ರಿಕೆಟ್ ಟೂರ್ನಿಯ ನಾಲ್ಕರ ಘಟ್ಟದ ಪ್ರವೇಶವನ್ನು ಖಚಿತಪಡಿಸಿಕೊಂಡಿದೆ. </p><p>ಭಾನುವಾರ ಇಲ್ಲಿ ನಡೆದ ಎ ಗುಂಪಿನ ಎರಡನೇ ಪಂದ್ಯದಲ್ಲಿ ಭಾರತ ತಂಡವು 78 ರನ್ಗಳಿಂದ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ವಿರುದ್ಧ ಗೆದ್ದಿತು. </p><p>ಟಾಸ್ ಗೆದ್ದ ಯುಎಇ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ನಾಯಕಿ ಹರ್ಮನ್ ಪ್ರೀತ್ ಕೌರ್ (66; 47ಎ, 4ಷ7, 6X1) ಮತ್ತು ರಿಚಾ ಘೋಷ್ (ಔಟಾಗದೆ 64; 29ಎ, 4X12, 6X1) ಅವರ ಅರ್ಧಶತಕಗಳ ಬಲದಿಂದ ಭಾರತ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 201 ರನ್ ಗಳಿಸಿತು. </p><p>ಗುರಿ ಬೆನ್ನಟ್ಟಿದ ಯುಎಇ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 123 ರನ್ ಗಳಿಸಿತು. ತಂಡದ ಕವೀಶಾ ಎಗೊಡಗೆ (ಔಟಾಗದೆ 40; 32ಎ, 4X3, 6X1) ಅವರ ಆಲ್ರೌಂಡ್ ಆಟವು ಗಮನ ಸೆಳೆಯಿತು. </p><p>ಭಾರತದ ಸ್ಪಿನ್ನರ್ ದೀಪ್ತಿ ಶರ್ಮಾ (23ಕ್ಕೆ2) ತಮ್ಮ ಉತ್ತಮ ಬೌಲಿಂಗ್ನಿಂದ ಯುಎಇ ತಂಡವನ್ನು ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. </p><p>ಮೊದಲ ಪಂದ್ಯದಲ್ಲಿ ಪಾಕಿಸ್ತಾನದ ಎದುರು ಮಿಂಚಿದ್ದ ಆರಂಭಿಕ ಜೋಡಿ ಶಫಾಲಿ ವರ್ಮಾ ಮತ್ತು ಸ್ಮೃತಿ ಮಂದಾನ ಅವರಿಂದ ದೊಡ್ಡ ಜೊತೆಯಾಟ ದಾಖಲಾಗಲಿಲ್ಲ. 3ನೇ ಓವರ್ನಲ್ಲಿ ಕವೀಶಾ ಎಸೆತದಲ್ಲಿ ಸ್ಮೃತಿ ಮಂದಾನ ಔಟಾದರು. ಮೊದಲ ವಿಕೆಟ್ ಜೊತೆಯಾಟದಲ್ಲಿ ಕೇವಲ 23 ರನ್ಗಳು ಗಳಿಕೆಯಾದವು. </p><p>6ನೇ ಓವರ್ ಮುಗಿಯುವ ಮುನ್ನವೇ ಶಫಾಲಿ ವರ್ಮಾ ಮತ್ತು ಹೇಮಲತಾ ದಯಾಳನ್ ಕೂಡ ಪೆವಿಲಿಯನ್ ಸೇರಿದರು. ಆಗ ತಂಡದ ಮೊತ್ತವು (3ಕ್ಕೆ52) ಅರ್ಧಶತಕ ದಾಟಿತ್ತಷ್ಟೇ. ಈ ಹಂತದಲ್ಲಿ ಜವಾಬ್ದಾರಿಯುತ ಆಟವಾಡಿದ ಕೌರ್ ಅವರು ಜೆಮಿಮಾ ರಾಡ್ರಿಗಸ್ (14; 13ಎ) ಅವರೊಂದಿಗೆ ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 54 ರನ್ ಸೇರಿಸಿದರು. ಇದರೊಂದಿಗೆ ತಂಡವು ಶತಕದ ಗಡಿ ದಾಟಿತು. </p><p>ಮತ್ತೆ ಮಿಂಚಿದ ಕವೀಶಾ ಎಸೆತದಲ್ಲಿ ಜೆಮಿಮಾ ಔಟಾದರು. ಇದರೊಂದಿಗೆ ಜೊತೆಯಾಟ ಮುರಿಯಿತು. ಯುಎಇ ಆಟಗಾರ್ತಿಯರ ಸಂಭ್ರಮಿಸಿದರು. ಆದರೆ ಕ್ರೀಸ್ನಲ್ಲಿದ್ದ ಕೌರ್ ಅವರೊಂದಿಗೆ ರಿಚಾ ಘೋಷ್ ಜೊತೆಯಾತ ನಂತರ ಯುಎಗೆ ಸಂಭ್ರಮಿಸುವ ಅವಕಾಶ ಸಿಗಲಿಲ್ಲ. ಕೌರ್ ಮತ್ತು ರಿಚಾ (ಔಟಾಗದೆ 64; 29ಎ, 4X12, 6X1) ಐದನೇ ವಿಕೆಟ್ ಜೊತೆಯಾಟದಲ್ಲಿ 75 ರನ್ ಸೇರಿಸಿದರು. ಕೊನೆಯ ಓವರ್ನಲ್ಲಿ ಹರ್ಮನ್ ರನೌಟ್ ಆಗುವುದರೊಂದಿಗೆ ಈ ಜೊತೆಯಾಟ ಮುರಿದುಬಿತ್ತು. </p><p>ಭಾರತ ತಂಡವು ಎ ಗುಂಪಿನಲ್ಲಿ ಆಡಿರುವ ಎರಡೂ ಪಂದ್ಯಗಳಲ್ಲಿ ಜಯಿಸಿದೆ. ಒಟ್ಟು 4 ಅಂಕ ಮತ್ತು +3.298 ನೆಟ್ ರನ್ರೇಟ್ ಗಳಿಸಿದೆ. ತನ್ನ ಪಾಲಿನ ಇನ್ನೊಂದು ಮತ್ತು ಕೊನೆಯ ಪಂದ್ಯದಲ್ಲಿ ಭಾರತವು ನೇಪಾಳದ ವಿರುದ್ಧ ಮಂಗಳವಾರ ಆಡಲಿದೆ. </p><p><strong>ಸಂಕ್ಷಿಪ್ತ ಸ್ಕೋರು</strong>: </p><p>ಭಾರತ: 20 ಓವರ್ಗಳಲ್ಲಿ 5ಕ್ಕೆ 201 (ಶಫಾಲಿ ವರ್ಮಾ 37, ಹರ್ಮನ್‌ಪ್ರೀತ್ ಕೌರ್ 66, ರಿಚಾ ಘೋಷ್ ಔಟಾಗದೆ 64, ಕವೀಶಾ ಎಗೊಡಗೆ 36ಕ್ಕೆ2) </p><p>ಯುಎಇ: 20 ಓವರ್ಗಳಲ್ಲಿ 7ಕ್ಕೆ123 (ಇಶಾ ರೋಹಿತ್ ಒಝಾ 38, ಕವೀಶಾ ಎಗೊಡಗೆ ಔಟಾಗದೆ 40, ದೀಪ್ತಿ ಶರ್ಮಾ 23ಕ್ಕೆ2) ಫಲಿತಾಂಶ: ಭಾರತ ತಂಡಕ್ಕೆ 78 ರನ್ಗಳ ಜಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಂಬುಲಾ</strong>: ಹಾಲಿ ಚಾಂಪಿಯನ್ ಭಾರತ ಮಹಿಳೆಯರ ಕ್ರಿಕೆಟ್ ತಂಡವು ಏಷ್ಯಾ ಕಪ್ ಟಿ20 ಕ್ರಿಕೆಟ್ ಟೂರ್ನಿಯ ನಾಲ್ಕರ ಘಟ್ಟದ ಪ್ರವೇಶವನ್ನು ಖಚಿತಪಡಿಸಿಕೊಂಡಿದೆ. </p><p>ಭಾನುವಾರ ಇಲ್ಲಿ ನಡೆದ ಎ ಗುಂಪಿನ ಎರಡನೇ ಪಂದ್ಯದಲ್ಲಿ ಭಾರತ ತಂಡವು 78 ರನ್ಗಳಿಂದ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ವಿರುದ್ಧ ಗೆದ್ದಿತು. </p><p>ಟಾಸ್ ಗೆದ್ದ ಯುಎಇ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ನಾಯಕಿ ಹರ್ಮನ್ ಪ್ರೀತ್ ಕೌರ್ (66; 47ಎ, 4ಷ7, 6X1) ಮತ್ತು ರಿಚಾ ಘೋಷ್ (ಔಟಾಗದೆ 64; 29ಎ, 4X12, 6X1) ಅವರ ಅರ್ಧಶತಕಗಳ ಬಲದಿಂದ ಭಾರತ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 201 ರನ್ ಗಳಿಸಿತು. </p><p>ಗುರಿ ಬೆನ್ನಟ್ಟಿದ ಯುಎಇ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 123 ರನ್ ಗಳಿಸಿತು. ತಂಡದ ಕವೀಶಾ ಎಗೊಡಗೆ (ಔಟಾಗದೆ 40; 32ಎ, 4X3, 6X1) ಅವರ ಆಲ್ರೌಂಡ್ ಆಟವು ಗಮನ ಸೆಳೆಯಿತು. </p><p>ಭಾರತದ ಸ್ಪಿನ್ನರ್ ದೀಪ್ತಿ ಶರ್ಮಾ (23ಕ್ಕೆ2) ತಮ್ಮ ಉತ್ತಮ ಬೌಲಿಂಗ್ನಿಂದ ಯುಎಇ ತಂಡವನ್ನು ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. </p><p>ಮೊದಲ ಪಂದ್ಯದಲ್ಲಿ ಪಾಕಿಸ್ತಾನದ ಎದುರು ಮಿಂಚಿದ್ದ ಆರಂಭಿಕ ಜೋಡಿ ಶಫಾಲಿ ವರ್ಮಾ ಮತ್ತು ಸ್ಮೃತಿ ಮಂದಾನ ಅವರಿಂದ ದೊಡ್ಡ ಜೊತೆಯಾಟ ದಾಖಲಾಗಲಿಲ್ಲ. 3ನೇ ಓವರ್ನಲ್ಲಿ ಕವೀಶಾ ಎಸೆತದಲ್ಲಿ ಸ್ಮೃತಿ ಮಂದಾನ ಔಟಾದರು. ಮೊದಲ ವಿಕೆಟ್ ಜೊತೆಯಾಟದಲ್ಲಿ ಕೇವಲ 23 ರನ್ಗಳು ಗಳಿಕೆಯಾದವು. </p><p>6ನೇ ಓವರ್ ಮುಗಿಯುವ ಮುನ್ನವೇ ಶಫಾಲಿ ವರ್ಮಾ ಮತ್ತು ಹೇಮಲತಾ ದಯಾಳನ್ ಕೂಡ ಪೆವಿಲಿಯನ್ ಸೇರಿದರು. ಆಗ ತಂಡದ ಮೊತ್ತವು (3ಕ್ಕೆ52) ಅರ್ಧಶತಕ ದಾಟಿತ್ತಷ್ಟೇ. ಈ ಹಂತದಲ್ಲಿ ಜವಾಬ್ದಾರಿಯುತ ಆಟವಾಡಿದ ಕೌರ್ ಅವರು ಜೆಮಿಮಾ ರಾಡ್ರಿಗಸ್ (14; 13ಎ) ಅವರೊಂದಿಗೆ ನಾಲ್ಕನೇ ವಿಕೆಟ್ ಜೊತೆಯಾಟದಲ್ಲಿ 54 ರನ್ ಸೇರಿಸಿದರು. ಇದರೊಂದಿಗೆ ತಂಡವು ಶತಕದ ಗಡಿ ದಾಟಿತು. </p><p>ಮತ್ತೆ ಮಿಂಚಿದ ಕವೀಶಾ ಎಸೆತದಲ್ಲಿ ಜೆಮಿಮಾ ಔಟಾದರು. ಇದರೊಂದಿಗೆ ಜೊತೆಯಾಟ ಮುರಿಯಿತು. ಯುಎಇ ಆಟಗಾರ್ತಿಯರ ಸಂಭ್ರಮಿಸಿದರು. ಆದರೆ ಕ್ರೀಸ್ನಲ್ಲಿದ್ದ ಕೌರ್ ಅವರೊಂದಿಗೆ ರಿಚಾ ಘೋಷ್ ಜೊತೆಯಾತ ನಂತರ ಯುಎಗೆ ಸಂಭ್ರಮಿಸುವ ಅವಕಾಶ ಸಿಗಲಿಲ್ಲ. ಕೌರ್ ಮತ್ತು ರಿಚಾ (ಔಟಾಗದೆ 64; 29ಎ, 4X12, 6X1) ಐದನೇ ವಿಕೆಟ್ ಜೊತೆಯಾಟದಲ್ಲಿ 75 ರನ್ ಸೇರಿಸಿದರು. ಕೊನೆಯ ಓವರ್ನಲ್ಲಿ ಹರ್ಮನ್ ರನೌಟ್ ಆಗುವುದರೊಂದಿಗೆ ಈ ಜೊತೆಯಾಟ ಮುರಿದುಬಿತ್ತು. </p><p>ಭಾರತ ತಂಡವು ಎ ಗುಂಪಿನಲ್ಲಿ ಆಡಿರುವ ಎರಡೂ ಪಂದ್ಯಗಳಲ್ಲಿ ಜಯಿಸಿದೆ. ಒಟ್ಟು 4 ಅಂಕ ಮತ್ತು +3.298 ನೆಟ್ ರನ್ರೇಟ್ ಗಳಿಸಿದೆ. ತನ್ನ ಪಾಲಿನ ಇನ್ನೊಂದು ಮತ್ತು ಕೊನೆಯ ಪಂದ್ಯದಲ್ಲಿ ಭಾರತವು ನೇಪಾಳದ ವಿರುದ್ಧ ಮಂಗಳವಾರ ಆಡಲಿದೆ. </p><p><strong>ಸಂಕ್ಷಿಪ್ತ ಸ್ಕೋರು</strong>: </p><p>ಭಾರತ: 20 ಓವರ್ಗಳಲ್ಲಿ 5ಕ್ಕೆ 201 (ಶಫಾಲಿ ವರ್ಮಾ 37, ಹರ್ಮನ್‌ಪ್ರೀತ್ ಕೌರ್ 66, ರಿಚಾ ಘೋಷ್ ಔಟಾಗದೆ 64, ಕವೀಶಾ ಎಗೊಡಗೆ 36ಕ್ಕೆ2) </p><p>ಯುಎಇ: 20 ಓವರ್ಗಳಲ್ಲಿ 7ಕ್ಕೆ123 (ಇಶಾ ರೋಹಿತ್ ಒಝಾ 38, ಕವೀಶಾ ಎಗೊಡಗೆ ಔಟಾಗದೆ 40, ದೀಪ್ತಿ ಶರ್ಮಾ 23ಕ್ಕೆ2) ಫಲಿತಾಂಶ: ಭಾರತ ತಂಡಕ್ಕೆ 78 ರನ್ಗಳ ಜಯ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
