ಮಹಿಳಾ ಟಿ20 ವಿಶ್ವಕಪ್‌ ಸೆಮಿಫೈನಲ್| ಹರಿಣಗಳ ವಿರುದ್ಧ ಆಸ್ಟ್ರೇಲಿಯಾ ನೆಚ್ಚಿನ ತಂಡ

ದುಬೈ : ಆಸ್ಟ್ರೇಲಿಯಾ ತಂಡ, ಗುರುವಾರ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯಲಿರುವ ಮಹಿಳೆಯರ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್ ಪಂದ್ಯದಲ್ಲಿ ಗೆಲ್ಲುವ ನೆಚ್ಚಿನ ತಂಡವೆನಿಸಿದೆ. ಹಾಲಿ ವಿಶ್ವಕಪ್ನಲ್ಲಿ ಈ ಬಾರಿಯೂ ಉತ್ತಮ ಪ್ರದರ್ಶನ ನೀಡಿರುವ ಆಸ್ಟ್ರೇಲಿಯಾ ವನಿತೆಯರು ಅಭೂತಪೂರ್ವ ಎಂಟನೇ ಬಾರಿ ಫೈನಲ್ ತಲುಪುವ ಯತ್ನದಲ್ಲಿದ್ದಾರೆ.

. 2009 ರಲ್ಲಿ ಆರಂಭವಾಗಿ ಇದುವರೆಗೆ ನಡೆದಿರುವ ಒಂಬತ್ತು ವಿಶ್ವಕಪ್ಗಳಲ್ಲೂ ಆಸ್ಟ್ರೇಲಿಯಾ ಅಂತಿಮ ನಾಲ್ಕರ ಘಟ್ಟ ತಲುಪಿದೆ. ಇದರಲ್ಲಿ ಆರು ಬಾರಿ ಚಾಂಪಿಯನ್ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ. 2023ರ ವಿಶ್ವಕಪ್ನಲ್ಲಿ ಇವೆರಡು ತಂಡಗಳು ಫೈನಲ್ ತಲುಪಿದ್ದು, ಆಸ್ಟ್ರೇಲಯಾ 19 ರನ್ಗಳಿಂದ ಜಯಗಳಿಸಿತ್ತು.

. ಇದುವರೆಗಿನ ಅಂಕಿ ಅಂಶಗಳನ್ನು ಗಣನೆಗೆ ತೆಗೆದುಕೊಂಡರೆ ಆಸ್ಟ್ರೇಲಿಯಾಕ್ಕೆ, ಹರಿಣಗಳ ಪಡೆ ಸಾಟಿಯೇ ಆಗಿಲ್ಲ.

. ಒಟ್ಟಾರೆ ಇವೆರಡು ತಂಡಗಳ ನಡುವೆ ಮಹಿಳೆಯರ ಟಿ20 ಪಂದ್ಯಗಳ 10 ಮುಖಾಮುಖಿಯಲ್ಲಿ ಆಸ್ಟ್ರೇಲಿಯಾ ಒಂಬತ್ತರಲ್ಲಿ ಜಯಗಳಿಸಿದೆ. ದಕ್ಷಿಣ ಆಫ್ರಿಕಾದ ಏಕೈಕ ವಿಜಯ ಈ ವರ್ಷದ ಜನವರಿಯಲ್ಲಿ ದಾಖಲಾಗಿತ್ತು.

. ಇನ್ನು ಟಿ20 ವಿಶ್ವಕಪ್ನಲ್ಲಂತೂ ಏಳು ಬಾರಿ ಎದುರಾದಾಗಲೂ ಆಸ್ಟ್ರೇಲಿಯಾ ತಂಡವೇ ವಿಜಯಿಯಾಗಿದೆ. ಆಸ್ಟ್ರೇಲಿಯಾ ತಂಡ ಅನುಭವಿಗಳಿಂದ ಕೂಡಿದ್ದು, ಈ ಹಿಂದಿನ ತಂಡದಿಂದ ಮೆಗ್ ಲ್ಯಾನಿಂಗ್ ಮಾತ್ರ ನಿವೃತ್ತಿ ಪಡೆದಿದ್ದಾರೆ. ಉಳಿದ 10 ಮಂದಿ ಹಾಲಿ ತಂಡದಲ್ಲಿದ್ದಾರೆ. ಅಲಿಸಾ ಹೀಲಿ, ಬೆತ್ ಮೂನಿ, ಎಲಿಸ್ ಪೆರ್ರಿ, ಮೇಗನ್ ಶೂಟ್, ಆ್ಯಶ್ಲೆ ಗಾರ್ಡನರ್ ತಂಡದ ಆಧಾರಸ್ಥಂಭಗಳಾಗಿದ್ದಾರೆ.

. ಬ್ಯಾಟಿಂಗ್ ಆಳ ಆಸ್ಟ್ರೇಲಿಯಾ ತಂಡದ ಸಾಮರ್ಥ್ಯ. ಇದು ನಿಧಾನಗತಿಯ ದುಬೈ ಟ್ರ್ಯಾಕ್ನಲ್ಲಿ ಆ ತಂಡಕ್ಕೆ ನೆರವಾಗಬಲ್ಲ ಅಂಶ. ಫೋಬಿ ಲಿಚ್ಫೀಲ್ಡ್ ಮತ್ತು ಅನ್ನಾಬೆಲ್ ಸುದರ್ಲ್ಯಾಂಡ್ ಯಾವುದೇ ದಾಳಿಯನ್ನು ಹೊಡೆದಟ್ಟಬಲ್ಲ ಸಮರ್ಥರು.

. ದಕ್ಷಿಣ ಆಫ್ರಿಕ ತಂಡದ ಪ್ರಮುಖ ಅಸ್ತ್ರವೆಂದರೆ ಎಡಗೈ ಸ್ಪಿನ್ನರ್ ನೊನ್ಕುಲುಲೆಕೊ ಮ್ಲಾಬಾ. ಅವರು ಗುಂಪು ಹಂತದ ನಾಲ್ಕು ಪಂದ್ಯಗಳಲ್ಲಿ 10 ವಿಕೆಟ್ ಬಾಚಿಕೊಂಡಿದ್ದಾರೆ.

. ನಾಯಕಿ ಲಾರಾ ವೊಲ್ವಾರ್ಟ್, ಅವರ ಆರಂಭಿಕ ಜೊತೆಗಾತಿ ತಾಝ್ನಿಮ್ ಬ್ರಿಟ್ಸ್ ಮತ್ತು ಅನುಭವಿ ಮರಿಝಾನ್ ಕಾಪ್ ಮಿಂಚಿದರೆ ಉತ್ತಮ ಹೋರಾಟ ಕಂಡುಬರಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಹಿಳಾ ಟಿ20 ವಿಶ್ವಕಪ್‌ ಸೆಮಿಫೈನಲ್| ಹರಿಣಗಳ ವಿರುದ್ಧ ಆಸ್ಟ್ರೇಲಿಯಾ ನೆಚ್ಚಿನ ತಂಡ

ಚಿನಕುರುಳಿ: ಬುಧವಾರ, 16 ಅಕ್ಟೋಬರ್‌ 2024

ಚುರುಮುರಿ | ಸಮ್ಮೇಳನ ಸಂಕಟ

ಚನ್ನಪಟ್ಟಣ ಉಪಚುನಾವಣೆ | BJP ಸಭೆಯಲ್ಲಿ ಬಾಡೂಟದ ನಿರೀಕ್ಷೆಯಲ್ಲಿದ್ದವರಿಗೆ ನಿರಾಸೆ

ಜನರ ಶೋಷಣೆಗೆ ಪಣ ತೊಟ್ಟ ಕರ್ನಾಟಕ ಸರ್ಕಾರ: ಸುಪ್ರೀಂ ಕೋರ್ಟ್ ಕಿಡಿ

ಪ್ರೊ ಕಬಡ್ಡಿ ಲೀಗ್‌ನ ಸೀಸನ್‌ 11: ಬುಲ್ಸ್ ಪ್ರೋತ್ಸಾಹಿಸಿದ ನಟ ಸುದೀಪ್

ಪದವಿಪೂರ್ವ ಕಾಲೇಜುಗಳ ರಾಜ್ಯಮಟ್ಟದ ಟೂರ್ನಿ | ಬ್ಯಾಡ್ಮಿಂಟನ್: ಬೆಂಗಳೂರು ಚಾಂಪಿಯನ್

ಭಾರತ–ನ್ಯೂಜಿಲೆಂಡ್ ಟೆಸ್ಟ್ | ಮಳೆಯ ಆಟ; ಅಭಿಮಾನಿಗಳ ನೋಟ!