<p><strong>ಮ್ಯೂನಿಚ್</strong> : ಸ್ಪೇನ್ ತಂಡ ಮಂಗಳವಾರ ರಾತ್ರಿ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ 2–1 ಗೋಲುಗಳಿಂದ ಫ್ರಾನ್ಸ್ ತಂಡವನ್ನು ಸೋಲಿಸಿ ಯುರೊ 2024 ಫುಟ್ಬಾಲ್ ಟೂರ್ನಿಯ ಫೈನಲ್ ತಲುಪಿತು. 16 ವರ್ಷದ ಲಮೀನ್ ಯಮಾಲ್ ಅವರು ಈ ಟೂರ್ನಿಯ ಇತಿಹಾಸದಲ್ಲಿ ಗೋಲು ಗಳಿಸಿದ ಅತಿ ಕಿರಿಯ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು.</p><p>ಫ್ರಾನ್ಸ್ ಈ ಟೂರ್ನಿಯಲ್ಲಿ ಪ್ರಶಸ್ತಿಗೆ ನೆಚ್ಚಿನ ತಂಡಗಳಲ್ಲಿ ಒಂದಾಗಿತ್ತು. ಆ ತಂಡವನ್ನು ಸೋಲಿಸುವ ಮೂಲಕ ತಮ್ಮ ತಂಡ ಇನ್ನೂ ಸುಧಾರಿತ ಆಟವಾಡಬಹುದೆಂದು ಸ್ಪೇನ್ ಕೋಚ್ ಲೂಯಿಸ್ ಡಿ ಲಾ ಫುಂಟೆ ಅವರು ಫೈನಲ್ ಎದುರಾಳಿಗೆ (ಇಂಗ್ಲೆಂಡ್ ಅಥವಾ ನೆದರ್ಲೆಂಡ್) ಎಚ್ಚರಿಕೆ ನೀಡಿದ್ದಾರೆ.</p><p>ಮೊದಲ ಪಂದ್ಯದಲ್ಲಿ ಮುಖಕ್ಕೆ ಗಾಯಗಳಾದ ಕಾರಣ ಮಾಸ್ಕ್ ಧರಿಸಿ ಆಡುತ್ತಿದ್ದ ಕೀಲಿಯನ್ ಎಂಬಾಪೆ ಈ ಪಂದ್ಯದಲ್ಲಿ ಮಾಸ್ಕ್ ಧರಿಸಿರಲಿಲ್ಲ. 9ನೇ ನಿಮಿಷ ಅವರ ಕ್ರಾಸ್ನಲ್ಲಿ ರಾಂಡಾಲ್ ಕೊಲೊ ಮುಯಾನಿ ಚೆಂಡನ್ನು ಗೋಲಿನೊಳಕ್ಕೆ ಹೆಡ್ ಮಾಡಿ ಫ್ರಾನ್ಸ್ಗೆ ಮುನ್ನಡೆ ಒದಗಿಸಿದ್ದರು. ಆದರೆ 21ನೇ ನಿಮಿಷ ಯಮಾಲ್ ಅವರ ಗೋಲಿನಿಂದ ಸ್ಕೋರ್ ಸಮನಾಯಿತು.</p><p>ನಾಲ್ಕು ನಿಮಿಷಗಳ ನಂತರ ಸ್ಪೇನ್ ಮುನ್ನಡೆ ಪಡೆಯಿತು. ದಾನಿ ಒಲ್ಮೊ ಗಳಿಸಿದ ಗೋಲು ಇದಕ್ಕೆ ಕಾರಣವಾಯಿತು. ವಿರಾಮದ ನಂತರ ಫ್ರಾನ್ಸ್ ಸ್ವಲ್ಪ ಮೇಲುಗೈ ಪಡೆದಿದ್ದರೂ ಗೋಲು ಗಳಿಸಲಾಗಲಿಲ್ಲ.</p><p>‘ಆರಂಭದಲ್ಲೇ ಗೋಲುಬಿಟ್ಟುಕೊಟ್ಟ ಕಾರಣ ನಾವು ಸ್ವಲ್ಪ ಕಷ್ಟದಲ್ಲಿದ್ದೆವು. ಚೆಂಡು ದೊರೆತ ತಕ್ಷಣ ಗೋಲು ಗಳಿಸಲು ಅವಕಾಶ ಸಿಕ್ಕಿತು. ಸಂತಸವಾಗಿದೆ’ ಎಂದು ಯಮಾಲ್ ಹೇಳಿದರು. ಅವರು ಶನಿವಾರ 17ನೇ ವರ್ಷದ ಹುಟ್ಟುಹಬ್ಬ ಆಚರಿಸಲಿದ್ದಾರೆ.</p><p>ಸ್ಪೇನ್ ನಾಲ್ಕನೇ ಬಾರಿ ಯುರೋಪಿಯನ್ ಚಾಂಪಿಯನ್ಷಿಪ್ ಪ್ರಶಸ್ತಿಯ ನಿರೀಕ್ಷೆಯಲ್ಲಿದೆ. ಬರ್ಲಿನ್ನಲ್ಲಿ ಭಾನುವಾರ ನಡೆಯುವ ಫೈನಲ್ನಲ್ಲಿ ಈ ತಂಡ, ಇಂಗ್ಲೆಂಡ್– ನೆದರ್ಲೆಂಡ್ಸ್ ಸೆಮಿಫೈನಲ್ ಪಂದ್ಯದ ವಿಜೇತರನ್ನು ಎದುರಿಸಲಿದೆ</p><p>ಸ್ಪೇನ್ ಈ ಬಾರಿಯ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದು, ಎಲ್ಲ ಪಂದ್ಯಗಳನ್ನು ಗೆದ್ದ ಏಕೈಕ ತಂಡವೆನಿಸಿದೆ. 13 ಗೋಲುಗಳನ್ನು ಗಳಿಸಿದೆ. 1984ರಲ್ಲಿ ಫ್ರಾನ್ಸ್ ಸ್ಥಾಪಿಸಿದ್ದ ಸರ್ವಾಧಿಕ ಗೋಲುಗಳ ದಾಖಲೆ ಸರಿಗಟ್ಟಲು ಇನ್ನೊಂದು ಗೋಲಿನ ಅಗತ್ಯವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮ್ಯೂನಿಚ್</strong> : ಸ್ಪೇನ್ ತಂಡ ಮಂಗಳವಾರ ರಾತ್ರಿ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ 2–1 ಗೋಲುಗಳಿಂದ ಫ್ರಾನ್ಸ್ ತಂಡವನ್ನು ಸೋಲಿಸಿ ಯುರೊ 2024 ಫುಟ್ಬಾಲ್ ಟೂರ್ನಿಯ ಫೈನಲ್ ತಲುಪಿತು. 16 ವರ್ಷದ ಲಮೀನ್ ಯಮಾಲ್ ಅವರು ಈ ಟೂರ್ನಿಯ ಇತಿಹಾಸದಲ್ಲಿ ಗೋಲು ಗಳಿಸಿದ ಅತಿ ಕಿರಿಯ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು.</p><p>ಫ್ರಾನ್ಸ್ ಈ ಟೂರ್ನಿಯಲ್ಲಿ ಪ್ರಶಸ್ತಿಗೆ ನೆಚ್ಚಿನ ತಂಡಗಳಲ್ಲಿ ಒಂದಾಗಿತ್ತು. ಆ ತಂಡವನ್ನು ಸೋಲಿಸುವ ಮೂಲಕ ತಮ್ಮ ತಂಡ ಇನ್ನೂ ಸುಧಾರಿತ ಆಟವಾಡಬಹುದೆಂದು ಸ್ಪೇನ್ ಕೋಚ್ ಲೂಯಿಸ್ ಡಿ ಲಾ ಫುಂಟೆ ಅವರು ಫೈನಲ್ ಎದುರಾಳಿಗೆ (ಇಂಗ್ಲೆಂಡ್ ಅಥವಾ ನೆದರ್ಲೆಂಡ್) ಎಚ್ಚರಿಕೆ ನೀಡಿದ್ದಾರೆ.</p><p>ಮೊದಲ ಪಂದ್ಯದಲ್ಲಿ ಮುಖಕ್ಕೆ ಗಾಯಗಳಾದ ಕಾರಣ ಮಾಸ್ಕ್ ಧರಿಸಿ ಆಡುತ್ತಿದ್ದ ಕೀಲಿಯನ್ ಎಂಬಾಪೆ ಈ ಪಂದ್ಯದಲ್ಲಿ ಮಾಸ್ಕ್ ಧರಿಸಿರಲಿಲ್ಲ. 9ನೇ ನಿಮಿಷ ಅವರ ಕ್ರಾಸ್ನಲ್ಲಿ ರಾಂಡಾಲ್ ಕೊಲೊ ಮುಯಾನಿ ಚೆಂಡನ್ನು ಗೋಲಿನೊಳಕ್ಕೆ ಹೆಡ್ ಮಾಡಿ ಫ್ರಾನ್ಸ್ಗೆ ಮುನ್ನಡೆ ಒದಗಿಸಿದ್ದರು. ಆದರೆ 21ನೇ ನಿಮಿಷ ಯಮಾಲ್ ಅವರ ಗೋಲಿನಿಂದ ಸ್ಕೋರ್ ಸಮನಾಯಿತು.</p><p>ನಾಲ್ಕು ನಿಮಿಷಗಳ ನಂತರ ಸ್ಪೇನ್ ಮುನ್ನಡೆ ಪಡೆಯಿತು. ದಾನಿ ಒಲ್ಮೊ ಗಳಿಸಿದ ಗೋಲು ಇದಕ್ಕೆ ಕಾರಣವಾಯಿತು. ವಿರಾಮದ ನಂತರ ಫ್ರಾನ್ಸ್ ಸ್ವಲ್ಪ ಮೇಲುಗೈ ಪಡೆದಿದ್ದರೂ ಗೋಲು ಗಳಿಸಲಾಗಲಿಲ್ಲ.</p><p>‘ಆರಂಭದಲ್ಲೇ ಗೋಲುಬಿಟ್ಟುಕೊಟ್ಟ ಕಾರಣ ನಾವು ಸ್ವಲ್ಪ ಕಷ್ಟದಲ್ಲಿದ್ದೆವು. ಚೆಂಡು ದೊರೆತ ತಕ್ಷಣ ಗೋಲು ಗಳಿಸಲು ಅವಕಾಶ ಸಿಕ್ಕಿತು. ಸಂತಸವಾಗಿದೆ’ ಎಂದು ಯಮಾಲ್ ಹೇಳಿದರು. ಅವರು ಶನಿವಾರ 17ನೇ ವರ್ಷದ ಹುಟ್ಟುಹಬ್ಬ ಆಚರಿಸಲಿದ್ದಾರೆ.</p><p>ಸ್ಪೇನ್ ನಾಲ್ಕನೇ ಬಾರಿ ಯುರೋಪಿಯನ್ ಚಾಂಪಿಯನ್ಷಿಪ್ ಪ್ರಶಸ್ತಿಯ ನಿರೀಕ್ಷೆಯಲ್ಲಿದೆ. ಬರ್ಲಿನ್ನಲ್ಲಿ ಭಾನುವಾರ ನಡೆಯುವ ಫೈನಲ್ನಲ್ಲಿ ಈ ತಂಡ, ಇಂಗ್ಲೆಂಡ್– ನೆದರ್ಲೆಂಡ್ಸ್ ಸೆಮಿಫೈನಲ್ ಪಂದ್ಯದ ವಿಜೇತರನ್ನು ಎದುರಿಸಲಿದೆ</p><p>ಸ್ಪೇನ್ ಈ ಬಾರಿಯ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದು, ಎಲ್ಲ ಪಂದ್ಯಗಳನ್ನು ಗೆದ್ದ ಏಕೈಕ ತಂಡವೆನಿಸಿದೆ. 13 ಗೋಲುಗಳನ್ನು ಗಳಿಸಿದೆ. 1984ರಲ್ಲಿ ಫ್ರಾನ್ಸ್ ಸ್ಥಾಪಿಸಿದ್ದ ಸರ್ವಾಧಿಕ ಗೋಲುಗಳ ದಾಖಲೆ ಸರಿಗಟ್ಟಲು ಇನ್ನೊಂದು ಗೋಲಿನ ಅಗತ್ಯವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
