<p><strong>ಮಡಗಾಂವ್: </strong>ಋತುವಿನಲ್ಲಿ ಮೊದಲ ಜಯದ ನಿರೀಕ್ಷೆಯಲ್ಲಿರುವ ಎಫ್ಸಿ ಗೋವಾ ತಂಡವು ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಸೋಮವಾರ ನಾರ್ತ್ ಈಸ್ಟ್ ಯುನೈಟೆಡ್ ಎಫ್ಸಿ ಎದುರು ಸೆಣಸಲಿದೆ.</p>.<p>ಟೂರ್ನಿಯ ಮೊದಲ ಪಂದ್ಯದಲ್ಲಿ ಬೆಂಗಳೂರು ಎಫ್ಸಿ ಎದುರು 2–2ರ ಡ್ರಾ ಮಾಡಿಕೊಂಡಿದ್ದ ಗೋವಾ, ಎರಡನೇ ಹಣಾಹಣಿಯಲ್ಲಿ ಮುಂಬೈ ಸಿಟಿ ಎಫ್ಸಿ ಎದುರು ಮುಗ್ಗರಿಸಿತ್ತು.</p>.<p>ಈ ಪಂದ್ಯದಲ್ಲಿ ಪೂರ್ಣ ಮೂರು ಪಾಯಿಂಟ್ಸ್ ಗಳಿಸಿ, ಉಳಿದ ಪಂದ್ಯಗಳಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವ ಅಪೇಕ್ಷೆಯಲ್ಲಿ ಗೋವಾ ತಂಡದ ಕೋಚ್ ಜುವಾನ್ ಫೆರಾಂಡೊ ಇದ್ದಾರೆ. ಬಿಎಫ್ಸಿ ಎದುರು ಎರಡು ಗೋಲು ಗಳಿಸಿ, ಪಂದ್ಯ ಡ್ರಾ ಮಾಡಿಕೊಳ್ಳುವಲ್ಲಿ ನೆರವಾಗಿದ್ದ ಸ್ಪೇನ್ ಸ್ಟ್ರೈಕರ್ ಇಗೊರ್ ಅಂಗುಲೊ ಮೇಲೆ ಆ ತಂಡ ಹೆಚ್ಚು ಭರವಸೆ ಇಟ್ಟುಕೊಂಡಿದೆ.</p>.<p>ಅಂಗುಲೊ ಮತ್ತೊಮ್ಮೆ ಕಾಲ್ಚಳಕ ತೋರಲು ಸಜ್ಜಾಗಿದ್ದಾರೆ. ಆದರೆ ಅವರಿಗೆ ಆರೆನ್ ಡಿಸಿಲ್ವಾ, ದೇವೇಂದ್ರ ಮುರ್ಗಾಂವಕರ್, ಇಶಾನ್ ಪಂಡಿತ್ ಹಾಗೂ ಮಕನ್ ಛೋಟೆ ಅವರು ನೆರವು ನೀಡಬೇಕಿದೆ.</p>.<p>ಗೋವಾದ ಡಿಫೆನ್ಸ್ ವಿಭಾಗವು ಇವಾನ್ ಗೊಂಜಾಲೆಜ್, ಜೇಮ್ಸ್ ಡೊನಾಚಿ ಅವರನ್ನು ಹೆಚ್ಚು ಅವಲಂಬಿಸಿದೆ.</p>.<p>ಗೋವಾ ತಂಡದಷ್ಟೇ ಬಲಿಷ್ಠ ಆಟಗಾರರನ್ನು ಹೊಂದಿರುವ ನಾರ್ತ್ ಈಸ್ಟ್ ಯುನೈಟೆಡ್ ಎಫ್ಸಿ ಕೂಡ ಗೆಲುವಿನ ಲಯಕ್ಕೆ ಮರಳುವ ವಿಶ್ವಾಸದಲ್ಲಿದೆ. ಮುಂಬೈ ಸಿಟಿ ಎಫ್ಸಿಯನ್ನು 1–0ಯಿಂದ ಮಣಿಸುವ ಮೂಲಕ ಶುಭಾರಂಭ ಮಾಡಿದ್ದ ಆ ತಂಡವು ಎರಡನೇ ಪಂದ್ಯದಲ್ಲಿ ಕೇರಳ ಬ್ಲಾಸ್ಟರ್ಸ್ ಎದುರು 2–2 ಗೋಲುಗಳ ಡ್ರಾಕ್ಕೆ ತೃಪ್ತಿಪಟ್ಟುಕೊಂಡಿತ್ತು.</p>.<p>ಕೇರಳ ಎದುರಿನ ಹಣಾಹಣಿಯಲ್ಲಿ ತಂಡ ತೋರಿದ ಸಾಮರ್ಥ್ಯದ ಬಗ್ಗೆ ಗೋವಾ ತಂಡದ ಮುಖ್ಯ ಕೋಚ್ ಗೆರಾರ್ಡ್ ನೂಸ್ ಖುಷಿಯಾಗಿದ್ದಾರೆ.</p>.<p>ತಂಡದ ಆಟಗಾರರಾದ ಇದ್ರಿಸ್ಸಾ ಸಿಲ್ಲಾ ಹಾಗೂ ಘಾನಾದ ಕ್ವೇಸಿ ಅಪ್ಪೆ ಅವರ ಮೇಲೆ ಗೆರಾರ್ಡ್ ವಿಶ್ವಾಸ ಇರಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಡಗಾಂವ್: </strong>ಋತುವಿನಲ್ಲಿ ಮೊದಲ ಜಯದ ನಿರೀಕ್ಷೆಯಲ್ಲಿರುವ ಎಫ್ಸಿ ಗೋವಾ ತಂಡವು ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಟೂರ್ನಿಯಲ್ಲಿ ಸೋಮವಾರ ನಾರ್ತ್ ಈಸ್ಟ್ ಯುನೈಟೆಡ್ ಎಫ್ಸಿ ಎದುರು ಸೆಣಸಲಿದೆ.</p>.<p>ಟೂರ್ನಿಯ ಮೊದಲ ಪಂದ್ಯದಲ್ಲಿ ಬೆಂಗಳೂರು ಎಫ್ಸಿ ಎದುರು 2–2ರ ಡ್ರಾ ಮಾಡಿಕೊಂಡಿದ್ದ ಗೋವಾ, ಎರಡನೇ ಹಣಾಹಣಿಯಲ್ಲಿ ಮುಂಬೈ ಸಿಟಿ ಎಫ್ಸಿ ಎದುರು ಮುಗ್ಗರಿಸಿತ್ತು.</p>.<p>ಈ ಪಂದ್ಯದಲ್ಲಿ ಪೂರ್ಣ ಮೂರು ಪಾಯಿಂಟ್ಸ್ ಗಳಿಸಿ, ಉಳಿದ ಪಂದ್ಯಗಳಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವ ಅಪೇಕ್ಷೆಯಲ್ಲಿ ಗೋವಾ ತಂಡದ ಕೋಚ್ ಜುವಾನ್ ಫೆರಾಂಡೊ ಇದ್ದಾರೆ. ಬಿಎಫ್ಸಿ ಎದುರು ಎರಡು ಗೋಲು ಗಳಿಸಿ, ಪಂದ್ಯ ಡ್ರಾ ಮಾಡಿಕೊಳ್ಳುವಲ್ಲಿ ನೆರವಾಗಿದ್ದ ಸ್ಪೇನ್ ಸ್ಟ್ರೈಕರ್ ಇಗೊರ್ ಅಂಗುಲೊ ಮೇಲೆ ಆ ತಂಡ ಹೆಚ್ಚು ಭರವಸೆ ಇಟ್ಟುಕೊಂಡಿದೆ.</p>.<p>ಅಂಗುಲೊ ಮತ್ತೊಮ್ಮೆ ಕಾಲ್ಚಳಕ ತೋರಲು ಸಜ್ಜಾಗಿದ್ದಾರೆ. ಆದರೆ ಅವರಿಗೆ ಆರೆನ್ ಡಿಸಿಲ್ವಾ, ದೇವೇಂದ್ರ ಮುರ್ಗಾಂವಕರ್, ಇಶಾನ್ ಪಂಡಿತ್ ಹಾಗೂ ಮಕನ್ ಛೋಟೆ ಅವರು ನೆರವು ನೀಡಬೇಕಿದೆ.</p>.<p>ಗೋವಾದ ಡಿಫೆನ್ಸ್ ವಿಭಾಗವು ಇವಾನ್ ಗೊಂಜಾಲೆಜ್, ಜೇಮ್ಸ್ ಡೊನಾಚಿ ಅವರನ್ನು ಹೆಚ್ಚು ಅವಲಂಬಿಸಿದೆ.</p>.<p>ಗೋವಾ ತಂಡದಷ್ಟೇ ಬಲಿಷ್ಠ ಆಟಗಾರರನ್ನು ಹೊಂದಿರುವ ನಾರ್ತ್ ಈಸ್ಟ್ ಯುನೈಟೆಡ್ ಎಫ್ಸಿ ಕೂಡ ಗೆಲುವಿನ ಲಯಕ್ಕೆ ಮರಳುವ ವಿಶ್ವಾಸದಲ್ಲಿದೆ. ಮುಂಬೈ ಸಿಟಿ ಎಫ್ಸಿಯನ್ನು 1–0ಯಿಂದ ಮಣಿಸುವ ಮೂಲಕ ಶುಭಾರಂಭ ಮಾಡಿದ್ದ ಆ ತಂಡವು ಎರಡನೇ ಪಂದ್ಯದಲ್ಲಿ ಕೇರಳ ಬ್ಲಾಸ್ಟರ್ಸ್ ಎದುರು 2–2 ಗೋಲುಗಳ ಡ್ರಾಕ್ಕೆ ತೃಪ್ತಿಪಟ್ಟುಕೊಂಡಿತ್ತು.</p>.<p>ಕೇರಳ ಎದುರಿನ ಹಣಾಹಣಿಯಲ್ಲಿ ತಂಡ ತೋರಿದ ಸಾಮರ್ಥ್ಯದ ಬಗ್ಗೆ ಗೋವಾ ತಂಡದ ಮುಖ್ಯ ಕೋಚ್ ಗೆರಾರ್ಡ್ ನೂಸ್ ಖುಷಿಯಾಗಿದ್ದಾರೆ.</p>.<p>ತಂಡದ ಆಟಗಾರರಾದ ಇದ್ರಿಸ್ಸಾ ಸಿಲ್ಲಾ ಹಾಗೂ ಘಾನಾದ ಕ್ವೇಸಿ ಅಪ್ಪೆ ಅವರ ಮೇಲೆ ಗೆರಾರ್ಡ್ ವಿಶ್ವಾಸ ಇರಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
