ISL: ಬಿಎಫ್‌ಸಿಗೆ ಇಂದು ಗೋವಾ ಎದುರಾಳಿ, ಮೈಲಿಗಲ್ಲು ಬಳಿ ಗುರುಪ್ರೀತ್ ಸಂಧು

ಮಡಗಾಂವ್ : ಮಾಜಿ ಚಾಂಪಿಯನ್ನರಾದ ಬೆಂಗಳೂರು ಎಫ್ಸಿ ಮತ್ತು ಗೋವಾ ಎಫ್ಸಿ ತಂಡಗಳೂ ಶನಿವಾರ ಇಲ್ಲಿ ಇಂಡಿಯುನ್ ಸೂಪರ್ ಲೀಗ್ (ಐಎಸ್ಎಲ್) ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಉಭಯ ತಂಡಗಳಲ್ಲಿ ಪ್ರತಿಭಾನ್ವಿತ ಆಟಗಾರರಿದ್ದು ಉತ್ತಮ ಹೋರಾಟ ನಿರೀಕ್ಷಿಸಲಾಗಿದೆ.

. ಆದರೆ ಗೋವಾ ತಂಡಕ್ಕೆಹೋಲಿಸಿದರೆ, ಹಾಲಿ ಲೀಗ್ನಲ್ಲಿ ಅಗ್ರಸ್ಥಾನದಲ್ಲಿರುವ ಬೆಂಗಳೂರು ಎಫ್ಸಿ ಉತ್ತಮ ಲಯದಲ್ಲಿದೆ. ಗೋವಾ ತವರಿನಲ್ಲಿ ಆಡಿದ ಪಂದ್ಯಗಳಲ್ಲಿ ಮೂರು ಪಂದ್ಯಗಳಲ್ಲಿ ಜಯಗಳಿಸಲು ವಿಫಲವಾಗಿದೆ.

. ಈ ಬಾರಿ ಬಿಎಫ್ಸಿ ಲೀಗ್ನಲ್ಲಿ ಅಮೋಘ ಆರಂಭ ಮಾಡಿದ್ದು 6 ಪಂದ್ಯಗಳಿಂದ 16 ಪಾಯಿಂಟ್ಸ್ ಗಳಿಸಿ ಅಗ್ರಸ್ಥಾನದಲ್ಲಿದೆ. ಇವುಗಳಲ್ಲಿ ಐದು ಗೆಲುವು, ಒಂದು ಡ್ರಾ ಸೇರಿವೆ. ಇದುವರೆಗೆ ಎದುರಾಳಿಗೆ ಬಿಟ್ಟುಕೊಟ್ಟಿರುವುದು ಒಂದೇ ಗೋಲು ಎಂಬುದೂ ಗಮನಾರ್ಹ. ಇನ್ನೊಂದೆಡೆ ಗೋವಾ ತಂಡ ಆರು ಪಂದ್ಯಗಳಿಂದ (1 ಜಯ, 3 ಡ್ರಾ, 2 ಸೋಲು) ಆರು ಪಾಯಿಂಟ್ಸ್ ಗಳಿಸಿ ಹತ್ತನೇ ಸ್ಥಾನದಲ್ಲಿದೆ.

. ಉತ್ತಮ ಪಾಸ್ ಪರ್ಸಂಟೇಜ್, ಎದುರಾಳಿಗಳ ರಕ್ಷಣಾ ಕೋಟೆಯ ಮೇಲೆ ಒತ್ತಡ ಹೇರಿ ಅವಕಾಶಗಳನ್ನು ಸೃಷ್ಟಿಸಿಕೊಳ್ಳುವುದರಲ್ಲಿ ತಂಡ ಯಶ ಕಂಡಿದೆ. ಮುನ್ಪಡೆ ಕೂಡ ಅವಕಾಶಗಳನ್ನು ಬಳಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

. ಈ ಎರಡು ತಂಡಗಳು ಐಎಸ್ಎಲ್ನಲ್ಲಿ 15 ಬಾರಿ ಮುಖಾಮುಖಿಯಾಗಿವೆ. ಬಿಎಫ್ಸಿ ಏಳು ಬಾರಿ ಜಯಗಳಿಸಿದರೆ, ನಾಲ್ಕು ಬಾರಿ ಗೋವಾ ತಂಡ ವಿಜಯಿಯಾಗಿದೆ. ನಾಲ್ಕು ಪಂದ್ಯಗಳು ಡ್ರಾ ಆಗಿವೆ.

. ಆದರೆ ಗೋವಾಕ್ಕೆ ಇರುವ ಸಮಾಧಾನವೆಂದರೆ ಕೋಚ್ ಮನೊಲೊ ಮಾರ್ಕ್ವೆಝ್ ಅವರು ಬಿಎಫ್ಸಿ ಎದುರು ಉತ್ತಮ ದಾಖಲೆ ಹೊಂದಿದ್ದಾರೆ. ಎಂಟು ಪಂದ್ಯಗಳಲ್ಲಿ ಅವರು ಒಂದೂ ಸೋತಿಲ್ಲ.

. ‘ಈ ಸಲ ನಾವು ಕೆಟ್ಟದಾಗಿ ಆಡಿದ್ದು ಮೋಹನ್ ಬಾಗನ್ ವಿರುದ್ಧ ಮಾತ್ರ. ಮುಂಬೈ ವಿರುದ್ಧ ನಮ್ಮ ಪಂದ್ಯ ಹೋರಾಟದಿಂದ ಕೂಡಿತ್ತು. ಉಳಿದ ಪಂದ್ಯಗಳು ಸಮಬಲವಾಗಿದ್ದವು. ನಮ್ಮ ದಾಳಿ ಈಗ ಉತ್ತಮವಾಗಿದೆ’ ಎಂದು ಮಾರ್ಕ್ವೆಝ್ ಹೇಳಿದರು.

. ಬಿಎಫ್ಸಿ ಹೆಡ್ ಕೋಚ್ ಜೆರಾಲ್ಡ್ ಝಾರ್ಗೊಜಾ ಅವರು ತಮ್ಮ ರಕ್ಷಣಾ ತಂತ್ರದ ಯೋಜನೆಯು ಯಶಸ್ಸಿಗೆ ಕಾರಣವೆನ್ನುತ್ತಾರೆ. ಇದರಿಂದ ಎದುರಾಳಿಗೆ ಗೋಲು ಗಳಿಸಲು ಅವಕಾಶವಾಗಿಲ್ಲ ಎನ್ನುವುದು ಅವರ ಅಭಿಮತ.

. ‘ನಮ್ಮ ಗೋಲಿನ ಬಾಕ್ಸ್ನತ್ತ ಚೆಂಡು ಬರುವುದನ್ನು ತಡೆಯಲು ಶ್ರಮ ಹಾಕುತ್ತಿದ್ದೇವೆ. ನಮ್ಮ ಗೋಲು ರಕ್ಷಿಸುವುದು, ಗುರುಪ್ರೀತ್ (ಗೋಲ್ ಕೀಪರ್) ಅವರನ್ನು ರಕ್ಷಿಸುವುದು ತಂತ್ರ’ ಎನ್ನುತ್ತಾರೆ.

. ಗುರುಪ್ರೀತ್ ಸಂಧು ಅವರು 50 ಪಂದ್ಯಗಳಲ್ಲಿ (ಈ ಋತುವಿನಲ್ಲಿ ಐದು ಪಂದ್ಯ ಸೇರಿ) ಗೋಲುಗಳನ್ನು ಬಿಟ್ಟುಕೊಡದ ಐಎಸ್ಎಲ್ನ ಮೊದಲ ಗೋಲ್ಕೀಪರ್ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗುವ ಹಾದಿಯಲ್ಲಿದ್ದಾರೆ. ಈವರೆಗೆ 49 ಐಎಸ್ಎಲ್ ಪಂದ್ಯಗಳಲ್ಲಿ ಎದುರಾಳಿಗೆ ಗೋಲುಬಿಟ್ಟುಕೊಟ್ಟಿಲ್ಲ.

. ಪಂದ್ಯ ಆರಂಭ: ರಾತ್ರಿ 7.30.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ISL: ಬಿಎಫ್‌ಸಿಗೆ ಇಂದು ಗೋವಾ ಎದುರಾಳಿ, ಮೈಲಿಗಲ್ಲು ಬಳಿ ಗುರುಪ್ರೀತ್ ಸಂಧು

ಚಿನಕುರುಳಿ: ಶುಕ್ರವಾರ 01, ನವೆಂಬರ್ 2024

ಉಪಚುನಾವಣೆ: ಸಂಡೂರಿನಲ್ಲಿ ಲೆಕ್ಕಕಷ್ಟೇ ಮೈತ್ರಿ!

ಕಲ್ಯಾಣ ಕರ್ನಾಟಕ | ಪ್ರತ್ಯೇಕ ರಾಜ್ಯ ಧ್ವಜಾರೋಹಣಕ್ಕೆ ಯತ್ನ: ಹಲವರು ವಶಕ್ಕೆ

Photos | 'ನಾನು ಧನ್ಯ' .. ಭಾವಿ ಪತ್ನಿ ಧನ್ಯತಾ ಜತೆ ಡಾಲಿ ಧನಂಜಯ