<p><strong>ಬ್ಯಾಂಬೊಲಿಮ್, ಗೋವಾ:</strong> ಎರಡು ಬಾರಿಯ ಚಾಂಪಿಯನ್ ಚೆನ್ನೈಯಿನ್ ಎಫ್ಸಿ ತಂಡಕ್ಕೆ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಏಳನೇ ಆವೃತ್ತಿಯ ಪ್ಲೇ ಆಫ್ ಹಂತಕ್ಕೆ ಪ್ರವೇಶಿಸಲು ಕೊನೆಯ ಅವಕಾಶವೊಂದು ಉಳಿದಿದೆ. ಲೀಗ್ ಹಂತದಲ್ಲಿ ತಂಡಕ್ಕೆ ಇನ್ನು ಮೂರು ಪಂದ್ಯಗಳು ಉಳಿದಿದ್ದು ಆ ಮೂರು ಪಂದ್ಯಗಳಲ್ಲಿ ಗೆದ್ದರೆ ಕನಸು ನನಸಾಗಲಿದೆ. ಇದಕ್ಕೆ ಶನಿವಾರ ನಾಂದಿ ಹಾಡಬೇಕಾಗಿದೆ.</p>.<p>ಜಿಎಂಸಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ ಪಂದ್ಯದಲ್ಲಿ ತಂಡ ಆತಿಥೇಯ ಎಫ್ಸಿ ಗೋವಾವವನ್ನು ಎದುರಿಸಲಿದ್ದು ಸೋತರೆ ಟೂರ್ನಿಯಿಂದ ಹೊರಬೀಳಲಿದೆ.</p>.<p>ಈ ಬಾರಿ ಇಲ್ಲಿಯ ವರೆಗೆ ಗುರಿಯತ್ತ ಚೆಂಡನ್ನು ಕೊಂಡೊಯ್ಯುವುದರಲ್ಲಿ ಮತ್ತು ಅವಕಾಶಗಳನ್ನು ಸೃಷ್ಟಿಸುವಲ್ಲಿ ಚೆನ್ನೈಯಿನ್ ಹೆಚ್ಚು ವೈಫಲ್ಯ ಕಂಡಿಲ್ಲ. ಅಂಕಿ ಅಂಶಗಳ ಮೇಲೆ ಕಣ್ಣಾಡಿಸಿದರೆ ಈ ಎರಡು ವಿಭಾಗಗಳಲ್ಲಿ ತಂಡ ಎರಡನೇ ಸ್ಥಾನದಲ್ಲಿದೆ. ಆದರೆ ಗೋಲು ಗಳಿಕೆಯಲ್ಲಿ ತಂಡ ಹಿಂದುಳಿದಿದೆ. ಆಡಿರುವ 17 ಪಂದ್ಯಗಳ ಪೈಕಿ 10ರಲ್ಲಿ ಚೆಂಡನ್ನು ಗುರಿ ಮುಟ್ಟಿಸಲು ಅದಕ್ಕೆ ಸಾಧ್ಯವಾಗಲಿಲ್ಲ.</p>.<p>ಗೋವಾ ಈ ಪಂದ್ಯದಲ್ಲಿ ಜಯ ಗಳಿಸಿದರೆ ಪ್ಲೇ ಆಫ್ ಹಂತದಲ್ಲಿ ಸ್ಥಾನ ಭದ್ರಪಡಿಸಿಕೊಳ್ಳಲಿದೆ. ತಂಡ ಈ ಆವೃತ್ತಿಯಲ್ಲಿ ಕೇವಲ ಎರಡು ಪಂದ್ಯಗಳಲ್ಲಿ ಕ್ಲೀನ್ಶೀಟ್ ಸಾಧನೆ ಮಾಡಿದೆ. ಆದ್ದರಿಂದ ಚೆನ್ನೈಯಿನ್ಗೆ ಗೋಲು ಬಿಟ್ಟುಕೊಡದೇ ಇರಲು ಪ್ರಯತ್ನಿಸುವ ಸವಾಲು ತಂಡಕ್ಕೆ ಇದೆ.</p>.<p>‘ಚೆನ್ನೈಯಿನ್ ತಂಡದಲ್ಲಿ ಸಮಸ್ಯೆಗಳು ಇವೆ. ಆದರೂ ಅದನ್ನು ಹಗುರವಾಗಿ ಪರಿಗಣಿಸುವುದಿಲ್ಲ. ಮೊದಲ ಲೆಗ್ನಲ್ಲಿ ಮುಖಾಮುಖಿಯಾದಾಗ ಅದು ಚೆನ್ನಾಗಿ ಆಡಿತ್ತು. ಆದ್ದರಿಂದ ನಮ್ಮ ಆಟಗಾರರು ಶನಿವಾರ ಎಚ್ಚರಿಕೆಯ ಆಟವಾಡಲಿದ್ದಾರೆ’ ಎಂದು ಗೋವಾ ಕೋಚ್ ಜುವಾನ್ ಫೆರಾಂಡೊ ಹೇಳಿದರು.</p>.<p>‘ಹಿಂದಿನ ಪಂದ್ಯದಲ್ಲಿ ಜೆಮ್ಶೆಡ್ಪುರ ಎಫ್ಸಿ ವಿರುದ್ಧ 0–1 ಅಂತರದಲ್ಲಿ ತಂಡ ಸೋತಿದೆ. ಆ ಪಂದ್ಯದಲ್ಲಿ ಜಯ ಗಳಿಸಲು ಸಾಕಷ್ಟು ಅವಕಾಶಗಳಿದ್ದವು. ಆದರೆ ಉಡುಗೊರೆ ಗೋಲು ನೀಡಿ ತಂಡ ಹಿನ್ನಡೆ ಅನುಭವಿಸಿತು. ಅದು ನೋವಿನ ವಿಷಯ. ಆದರೂ ಸೋಲಿನ ಕಹಿಯನ್ನು ಮರೆತು ಮುಂದಿನ ಹಣಾಹಣಿಗೆ ಸಜ್ಜಾಗಿದ್ದೇವೆ’ ಎಂದು ಚೆನ್ನೈಯಿನ್ ಕೋಚ್ ಕ್ಸಾಬಾ ಲಾಜೆಲೊ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯಾಂಬೊಲಿಮ್, ಗೋವಾ:</strong> ಎರಡು ಬಾರಿಯ ಚಾಂಪಿಯನ್ ಚೆನ್ನೈಯಿನ್ ಎಫ್ಸಿ ತಂಡಕ್ಕೆ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯ ಏಳನೇ ಆವೃತ್ತಿಯ ಪ್ಲೇ ಆಫ್ ಹಂತಕ್ಕೆ ಪ್ರವೇಶಿಸಲು ಕೊನೆಯ ಅವಕಾಶವೊಂದು ಉಳಿದಿದೆ. ಲೀಗ್ ಹಂತದಲ್ಲಿ ತಂಡಕ್ಕೆ ಇನ್ನು ಮೂರು ಪಂದ್ಯಗಳು ಉಳಿದಿದ್ದು ಆ ಮೂರು ಪಂದ್ಯಗಳಲ್ಲಿ ಗೆದ್ದರೆ ಕನಸು ನನಸಾಗಲಿದೆ. ಇದಕ್ಕೆ ಶನಿವಾರ ನಾಂದಿ ಹಾಡಬೇಕಾಗಿದೆ.</p>.<p>ಜಿಎಂಸಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ ಪಂದ್ಯದಲ್ಲಿ ತಂಡ ಆತಿಥೇಯ ಎಫ್ಸಿ ಗೋವಾವವನ್ನು ಎದುರಿಸಲಿದ್ದು ಸೋತರೆ ಟೂರ್ನಿಯಿಂದ ಹೊರಬೀಳಲಿದೆ.</p>.<p>ಈ ಬಾರಿ ಇಲ್ಲಿಯ ವರೆಗೆ ಗುರಿಯತ್ತ ಚೆಂಡನ್ನು ಕೊಂಡೊಯ್ಯುವುದರಲ್ಲಿ ಮತ್ತು ಅವಕಾಶಗಳನ್ನು ಸೃಷ್ಟಿಸುವಲ್ಲಿ ಚೆನ್ನೈಯಿನ್ ಹೆಚ್ಚು ವೈಫಲ್ಯ ಕಂಡಿಲ್ಲ. ಅಂಕಿ ಅಂಶಗಳ ಮೇಲೆ ಕಣ್ಣಾಡಿಸಿದರೆ ಈ ಎರಡು ವಿಭಾಗಗಳಲ್ಲಿ ತಂಡ ಎರಡನೇ ಸ್ಥಾನದಲ್ಲಿದೆ. ಆದರೆ ಗೋಲು ಗಳಿಕೆಯಲ್ಲಿ ತಂಡ ಹಿಂದುಳಿದಿದೆ. ಆಡಿರುವ 17 ಪಂದ್ಯಗಳ ಪೈಕಿ 10ರಲ್ಲಿ ಚೆಂಡನ್ನು ಗುರಿ ಮುಟ್ಟಿಸಲು ಅದಕ್ಕೆ ಸಾಧ್ಯವಾಗಲಿಲ್ಲ.</p>.<p>ಗೋವಾ ಈ ಪಂದ್ಯದಲ್ಲಿ ಜಯ ಗಳಿಸಿದರೆ ಪ್ಲೇ ಆಫ್ ಹಂತದಲ್ಲಿ ಸ್ಥಾನ ಭದ್ರಪಡಿಸಿಕೊಳ್ಳಲಿದೆ. ತಂಡ ಈ ಆವೃತ್ತಿಯಲ್ಲಿ ಕೇವಲ ಎರಡು ಪಂದ್ಯಗಳಲ್ಲಿ ಕ್ಲೀನ್ಶೀಟ್ ಸಾಧನೆ ಮಾಡಿದೆ. ಆದ್ದರಿಂದ ಚೆನ್ನೈಯಿನ್ಗೆ ಗೋಲು ಬಿಟ್ಟುಕೊಡದೇ ಇರಲು ಪ್ರಯತ್ನಿಸುವ ಸವಾಲು ತಂಡಕ್ಕೆ ಇದೆ.</p>.<p>‘ಚೆನ್ನೈಯಿನ್ ತಂಡದಲ್ಲಿ ಸಮಸ್ಯೆಗಳು ಇವೆ. ಆದರೂ ಅದನ್ನು ಹಗುರವಾಗಿ ಪರಿಗಣಿಸುವುದಿಲ್ಲ. ಮೊದಲ ಲೆಗ್ನಲ್ಲಿ ಮುಖಾಮುಖಿಯಾದಾಗ ಅದು ಚೆನ್ನಾಗಿ ಆಡಿತ್ತು. ಆದ್ದರಿಂದ ನಮ್ಮ ಆಟಗಾರರು ಶನಿವಾರ ಎಚ್ಚರಿಕೆಯ ಆಟವಾಡಲಿದ್ದಾರೆ’ ಎಂದು ಗೋವಾ ಕೋಚ್ ಜುವಾನ್ ಫೆರಾಂಡೊ ಹೇಳಿದರು.</p>.<p>‘ಹಿಂದಿನ ಪಂದ್ಯದಲ್ಲಿ ಜೆಮ್ಶೆಡ್ಪುರ ಎಫ್ಸಿ ವಿರುದ್ಧ 0–1 ಅಂತರದಲ್ಲಿ ತಂಡ ಸೋತಿದೆ. ಆ ಪಂದ್ಯದಲ್ಲಿ ಜಯ ಗಳಿಸಲು ಸಾಕಷ್ಟು ಅವಕಾಶಗಳಿದ್ದವು. ಆದರೆ ಉಡುಗೊರೆ ಗೋಲು ನೀಡಿ ತಂಡ ಹಿನ್ನಡೆ ಅನುಭವಿಸಿತು. ಅದು ನೋವಿನ ವಿಷಯ. ಆದರೂ ಸೋಲಿನ ಕಹಿಯನ್ನು ಮರೆತು ಮುಂದಿನ ಹಣಾಹಣಿಗೆ ಸಜ್ಜಾಗಿದ್ದೇವೆ’ ಎಂದು ಚೆನ್ನೈಯಿನ್ ಕೋಚ್ ಕ್ಸಾಬಾ ಲಾಜೆಲೊ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
