<p><strong>ಮಿಲಾನ್ (ಎಪಿ)</strong>: ಈ ಬಾರಿಯ ಸೀರಿ ‘ಎ’ ಫುಟ್ಬಾಲ್ ಲೀಗ್ ಚಾಂಪಿಯನ್ಷಿಪ್ನಲ್ಲಿ ಪೋರ್ಚುಗಲ್ನ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ಜಾದೂ ಮುಂದುವರಿದಿದೆ.</p>.<p>ರೊನಾಲ್ಡೊ ಕಾಲ್ಚಳಕದ ಬಲದಿಂದ ಯುವೆಂಟಸ್ ತಂಡ ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲಿ 2–1 ಗೋಲುಗಳಿಂದ ಸ್ಯಾಂಪ್ಡೋರಿಯಾ ತಂಡವನ್ನು ಮಣಿಸಿತು.</p>.<p>ಇದರೊಂದಿಗೆ ಒಟ್ಟು ಪಾಯಿಂಟ್ಸ್ ಅನ್ನು 42ಕ್ಕೆ ಹೆಚ್ಚಿಸಿಕೊಂಡು ಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿತು.</p>.<p>4–3–1–2 ಯೋಜನೆಯೊಂದಿಗೆ ಕಣಕ್ಕಿಳಿದಿದ್ದ ಯುವೆಂಟಸ್ ತಂಡ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಅಣಿಯಾಯಿತು.</p>.<p>19ನೇ ನಿಮಿಷದಲ್ಲಿ ಈ ತಂಡ ಖಾತೆ ತೆರೆಯಿತು. ಪಾಲೊ ಡಿಬಾಲಾ, ಚೆಂಡನ್ನು ಗುರಿ ಸೇರಿಸಿದರು.</p>.<p>ಈ ಖುಷಿ ಎದುರಾಳಿ ಪಾಳಯದಲ್ಲಿ ಹೆಚ್ಚು ಕಾಲ ಉಳಿಯಲು ಸ್ಯಾಂಪ್ಡೋರಿಯಾ ತಂಡದ ಜಿಯಾನ್ಲುಕಾ ಕ್ಯಾಪ್ರರಿ ಅವಕಾಶ ನೀಡಲಿಲ್ಲ.</p>.<p>35ನೇ ನಿಮಿಷದಲ್ಲಿ ಗೋಲು ಬಾರಿಸಿದ ಅವರು 1–1 ಸಮಬಲಕ್ಕೆ ಕಾರಣರಾರು.</p>.<p>ಮೊದಲಾರ್ಧದ ಆಟ ಮುಗಿಯಲು ಕೆಲವೇ ಸೆಕೆಂಡುಗಳು ಬಾಕಿ ಇದ್ದಾಗ ರೊನಾಲ್ಡೊ ಮೋಡಿ ಮಾಡಿದರು. ಅವರು 45ನೇ ನಿಮಿಷದಲ್ಲಿ ಗೋಲು ಬಾರಿಸಿದ್ದರಿಂದ ಯುವೆಂಟಸ್ ತಂಡ 2–1 ಮುನ್ನಡೆಯೊಂದಿಗೆ ವಿರಾಮಕ್ಕೆ ಹೋಯಿತು.</p>.<p>ಸಹ ಆಟಗಾರ ಅಲೆಕ್ಸ್ ಸ್ಯಾಂಡ್ರೊ, ಎದುರಾಳಿ ಆವರಣದ ಎಡಭಾಗದಿಂದ ಒದ್ದು ಕಳುಹಿಸಿದ ಚೆಂಡನ್ನು ರೊನಾಲ್ಡೊ ಅವರು ಮೇಲಕ್ಕೆ ಜಿಗಿದು ತಲೆತಾಗಿಸಿ ಗುರಿ ಮುಟ್ಟಿಸಿದ (ಹೆಡರ್) ರೀತಿ ಸೊಗಸಾಗಿತ್ತು. ಈ ಋತುವಿನಲ್ಲಿ ಅವರು ಬಾರಿಸಿದ ಆರನೇ ಗೋಲು ಇದಾಗಿದೆ.</p>.<p>ಇನ್ನೊಂದು ಪಂದ್ಯದಲ್ಲಿ ಸಸೌಲೊ 2–0 ಗೋಲುಗಳಿಂದ ಬ್ರೆಸಿಯಾ ತಂಡವನ್ನು ಮಣಿಸಿತು.</p>.<p>ವಿಜಯೀ ತಂಡದ ಹಮೆದ್ ಜೂನಿಯರ್ ಟ್ರಾವೊರ್ (25) ಮತ್ತು ಫ್ರಾನ್ಸೆಸ್ಕೊ ಕಾಪುಟೊ (71) ಅವರು ತಲಾ ಒಮ್ಮೆ ಗೋಲು ಬಾರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಿಲಾನ್ (ಎಪಿ)</strong>: ಈ ಬಾರಿಯ ಸೀರಿ ‘ಎ’ ಫುಟ್ಬಾಲ್ ಲೀಗ್ ಚಾಂಪಿಯನ್ಷಿಪ್ನಲ್ಲಿ ಪೋರ್ಚುಗಲ್ನ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ಜಾದೂ ಮುಂದುವರಿದಿದೆ.</p>.<p>ರೊನಾಲ್ಡೊ ಕಾಲ್ಚಳಕದ ಬಲದಿಂದ ಯುವೆಂಟಸ್ ತಂಡ ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲಿ 2–1 ಗೋಲುಗಳಿಂದ ಸ್ಯಾಂಪ್ಡೋರಿಯಾ ತಂಡವನ್ನು ಮಣಿಸಿತು.</p>.<p>ಇದರೊಂದಿಗೆ ಒಟ್ಟು ಪಾಯಿಂಟ್ಸ್ ಅನ್ನು 42ಕ್ಕೆ ಹೆಚ್ಚಿಸಿಕೊಂಡು ಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿತು.</p>.<p>4–3–1–2 ಯೋಜನೆಯೊಂದಿಗೆ ಕಣಕ್ಕಿಳಿದಿದ್ದ ಯುವೆಂಟಸ್ ತಂಡ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಅಣಿಯಾಯಿತು.</p>.<p>19ನೇ ನಿಮಿಷದಲ್ಲಿ ಈ ತಂಡ ಖಾತೆ ತೆರೆಯಿತು. ಪಾಲೊ ಡಿಬಾಲಾ, ಚೆಂಡನ್ನು ಗುರಿ ಸೇರಿಸಿದರು.</p>.<p>ಈ ಖುಷಿ ಎದುರಾಳಿ ಪಾಳಯದಲ್ಲಿ ಹೆಚ್ಚು ಕಾಲ ಉಳಿಯಲು ಸ್ಯಾಂಪ್ಡೋರಿಯಾ ತಂಡದ ಜಿಯಾನ್ಲುಕಾ ಕ್ಯಾಪ್ರರಿ ಅವಕಾಶ ನೀಡಲಿಲ್ಲ.</p>.<p>35ನೇ ನಿಮಿಷದಲ್ಲಿ ಗೋಲು ಬಾರಿಸಿದ ಅವರು 1–1 ಸಮಬಲಕ್ಕೆ ಕಾರಣರಾರು.</p>.<p>ಮೊದಲಾರ್ಧದ ಆಟ ಮುಗಿಯಲು ಕೆಲವೇ ಸೆಕೆಂಡುಗಳು ಬಾಕಿ ಇದ್ದಾಗ ರೊನಾಲ್ಡೊ ಮೋಡಿ ಮಾಡಿದರು. ಅವರು 45ನೇ ನಿಮಿಷದಲ್ಲಿ ಗೋಲು ಬಾರಿಸಿದ್ದರಿಂದ ಯುವೆಂಟಸ್ ತಂಡ 2–1 ಮುನ್ನಡೆಯೊಂದಿಗೆ ವಿರಾಮಕ್ಕೆ ಹೋಯಿತು.</p>.<p>ಸಹ ಆಟಗಾರ ಅಲೆಕ್ಸ್ ಸ್ಯಾಂಡ್ರೊ, ಎದುರಾಳಿ ಆವರಣದ ಎಡಭಾಗದಿಂದ ಒದ್ದು ಕಳುಹಿಸಿದ ಚೆಂಡನ್ನು ರೊನಾಲ್ಡೊ ಅವರು ಮೇಲಕ್ಕೆ ಜಿಗಿದು ತಲೆತಾಗಿಸಿ ಗುರಿ ಮುಟ್ಟಿಸಿದ (ಹೆಡರ್) ರೀತಿ ಸೊಗಸಾಗಿತ್ತು. ಈ ಋತುವಿನಲ್ಲಿ ಅವರು ಬಾರಿಸಿದ ಆರನೇ ಗೋಲು ಇದಾಗಿದೆ.</p>.<p>ಇನ್ನೊಂದು ಪಂದ್ಯದಲ್ಲಿ ಸಸೌಲೊ 2–0 ಗೋಲುಗಳಿಂದ ಬ್ರೆಸಿಯಾ ತಂಡವನ್ನು ಮಣಿಸಿತು.</p>.<p>ವಿಜಯೀ ತಂಡದ ಹಮೆದ್ ಜೂನಿಯರ್ ಟ್ರಾವೊರ್ (25) ಮತ್ತು ಫ್ರಾನ್ಸೆಸ್ಕೊ ಕಾಪುಟೊ (71) ಅವರು ತಲಾ ಒಮ್ಮೆ ಗೋಲು ಬಾರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
