<p><strong>ಮೆಲ್ಬರ್ನ್:</strong> ಟೆನಿಸ್ ಪ್ರಿಯರ ‘ಕಣ್ಮಣಿ’ಗಳಾಗಿರುವ ನೊವಾಕ್ ಜೊಕೊವಿಚ್ ಮತ್ತು ರೋಜರ್ ಫೆಡರರ್ ಅವರು ಮೆಲ್ಬರ್ನ್ ಪಾರ್ಕ್ನಲ್ಲಿ ಮತ್ತೊಮ್ಮೆ ಮಿನುಗಿದರು.</p>.<p>ಈ ಋತುವಿನ ಮೊದಲ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯಾಗಿರುವ ಆಸ್ಟ್ರೇಲಿಯಾ ಓಪನ್ನಲ್ಲಿ ಇವರು ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇಟ್ಟರು.</p>.<p>ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಹದಿನಾರರ ಹಂತದ ಹಣಾಹಣಿಯಲ್ಲಿ ಸರ್ಬಿಯಾದ ಜೊಕೊವಿಚ್ 6–3, 6–4, 6–4ರಲ್ಲಿ ಅರ್ಜೆಂಟೀನಾದ ಡೀಗೊ ಸ್ವಾರ್ಟ್ಜ್ಮನ್ ಅವರನ್ನು ಮಣಿಸಿದರು. ಇದರೊಂದಿಗೆ ಟೂರ್ನಿಯಲ್ಲಿ 11ನೇ ಬಾರಿ ಎಂಟರ ಘಟ್ಟ ಪ್ರವೇಶಿಸಿದ ಸಾಧನೆ ಮಾಡಿದರು.</p>.<p>ಎಂಟನೇ ಪ್ರಶಸ್ತಿಯ ನಿರೀಕ್ಷೆಯಲ್ಲಿರುವ ಜೊಕೊವಿಚ್, ಶರವೇಗದ ಸರ್ವ್ ಮತ್ತು ಬಲಿಷ್ಠ ಕ್ರಾಸ್ಕೋರ್ಟ್ ಸ್ಮ್ಯಾಷ್ಗಳ ಮೂಲಕ ಮೂರೂ ಸೆಟ್ಗಳಲ್ಲೂ ಸ್ವಾರ್ಟ್ಜ್ಮನ್ ಅವರನ್ನು ಕಂಗೆಡಿಸಿದರು.</p>.<p>ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಜೊಕೊವಿಚ್ ಮುಂದಿನ ಸುತ್ತಿನಲ್ಲಿ ಕೆನಡಾದ ಮಿಲೊಸ್ ರಾನಿಕ್ ವಿರುದ್ಧ ಸೆಣಸಲಿದ್ದಾರೆ. ಇನ್ನೊಂದು ಪಂದ್ಯದಲ್ಲಿ ರಾನಿಕ್ 6–4, 6–3, 7–5ರಲ್ಲಿ ಮರಿನ್ ಸಿಲಿಕ್ ಅವರನ್ನು ಸೋಲಿಸಿದರು.</p>.<p>ಗ್ರ್ಯಾನ್ಸ್ಲಾಮ್ನಲ್ಲಿ 20 ಪ್ರಶಸ್ತಿಗಳನ್ನು ಗೆದ್ದ ಹಿರಿಮೆ ಹೊಂದಿರುವ ಫೆಡರರ್ 4–6, 6–1, 6–2, 6–2ರಲ್ಲಿ ಹಂಗರಿಯ ಮಾರ್ಟನ್ ಫುಕ್ಸೊವಿಕ್ಸ್ ಅವರನ್ನು ಪರಾಭವಗೊಳಿಸಿದರು.</p>.<p>ಶುಕ್ರವಾರ ನಡೆದಿದ್ದ ‘ಮ್ಯಾರಥಾನ್’ ಹೋರಾಟದಲ್ಲಿ ಆತಿಥೇಯ ಆಟಗಾರ ಜಾನ್ ಮಿಲ್ಮನ್ ಅವರನ್ನು ಮಣಿಸಿ ಅಭಿಮಾನಿಗಳ ಮನ ಗೆದ್ದಿದ್ದ 38 ವರ್ಷ ವಯಸ್ಸಿನ ಫೆಡರರ್ ಅವರು ಫುಕ್ಸೊವಿಕ್ಸ್ ಎದುರಿನ ಹಣಾಹಣಿಯಲ್ಲಿ ಮೊದಲ ಸೆಟ್ ಸೋತರು.</p>.<p>ಇದರಿಂದ ಕಿಂಚಿತ್ತೂ ವಿಚಲಿತರಾಗದ ಸ್ವಿಟ್ಜರ್ಲೆಂಡ್ನ ಆಟಗಾರ ನಂತರದ ಮೂರು ಸೆಟ್ಗಳಲ್ಲೂ ಮೋಡಿ ಮಾಡಿ ಗೆಲುವಿನ ತೋರಣ ಕಟ್ಟಿದರು. ಇದರೊಂದಿಗೆ ಟೂರ್ನಿಯಲ್ಲಿ 15ನೇ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ದಾಖಲೆ ನಿರ್ಮಿಸಿದರು.</p>.<p>ಮುಂದಿನ ಸುತ್ತಿನಲ್ಲಿ ಫೆಡರರ್ಗೆ ಅಮೆರಿಕದ ಟೆನ್ನಿಸ್ ಸ್ಯಾಂಡ್ಗ್ರೆನ್ ಸವಾಲು ಎದುರಾಗಲಿದೆ. ಶ್ರೇಯಾಂಕ ರಹಿತ ಆಟಗಾರ ಸ್ಯಾಂಡ್ಗ್ರೆನ್ 7–6, 7–5, 6–7, 6–4ರಲ್ಲಿ 12ನೇ ಶ್ರೇಯಾಂಕದ ಆಟಗಾರ ಫಾಬಿಯೊ ಫಾಗ್ನಿನಿಗೆ ಆಘಾತ ನೀಡಿದರು.</p>.<p>ಬಾರ್ಟಿ ಮಿಂಚು: ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಆಸ್ಟ್ರೇಲಿಯಾದ ಭರವಸೆಯಾಗಿರುವ ಆ್ಯಷ್ಲೆ ಬಾರ್ಟಿ ಅವರು ಎಂಟರ ಘಟ್ಟಕ್ಕೆ ಮುನ್ನಡೆದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ ಅಗ್ರಪಟ್ಟ ಅಲಂಕರಿಸಿರುವ ಬಾರ್ಟಿ 6–3, 1–6, 6–4ರಲ್ಲಿ ಅಮೆರಿಕದ ಅಲಿಸನ್ ರಿಸ್ಕೆ ಎದುರು ಜಯಿಸಿದರು.</p>.<p>ಎರಡು ಬಾರಿಯ ಚಾಂಪಿಯನ್ ಪೆಟ್ರಾ ಕ್ವಿಟೋವಾ 6–7, 6–3, 6–2ರಲ್ಲಿ ಮರಿಯಾ ಸಕ್ಕಾರಿ ಅವರನ್ನು ಮಣಿಸಿದರು.</p>.<p><strong>ಕೊಕೊ ಸವಾಲು ಅಂತ್ಯ</strong></p>.<p>ಅಮೆರಿಕದ ವೀನಸ್ ವಿಲಿಯಮ್ಸ್ ಮತ್ತು ಜಪಾನ್ನ ನವೊಮಿ ಒಸಾಕ ಅವರನ್ನು ಮಣಿಸಿ ಅಚ್ಚರಿ ಮೂಡಿಸಿದ್ದ 15 ವರ್ಷ ವಯಸ್ಸಿನ ಕೊಕೊ ಗಾಫ್ ಹದಿನಾರರ ಘಟ್ಟದಲ್ಲಿ ಎಡವಿದರು.</p>.<p>ಅಮೆರಿಕದ ಸೋಫಿಯಾ ಕೆನಿನ್ 6–7, 6–3, 6–0ರಲ್ಲಿ ತಮ್ಮದೇ ದೇಶದ ಗಾಫ್ ಎದುರು ಗೆದ್ದು ಮೊದಲ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದರು. ಕೆನಿನ್ಗಿಂತಲೂ ಹೆಚ್ಚು (39)<br />ವಿನ್ನರ್ಗಳನ್ನು ಸಿಡಿಸಿದ ಗಾಫ್, 26 ಬಾರಿ ಸ್ವಯಂಕೃತ ತಪ್ಪುಗಳನ್ನು ಮಾಡಿ ಕೈಸುಟ್ಟುಕೊಂಡರು.</p>.<p>ಇನ್ನೊಂದು ಪೈಪೋಟಿಯಲ್ಲಿ ಒನ್ಸ್ ಜಬೆವುರ್ 7–6, 6–1ರಲ್ಲಿ ಚೀನಾದ ವಾಂಗ್ ಕ್ವಿಯಾಂಗ್ ಅವರನ್ನು ಮಣಿಸಿದರು. ಇದರೊಂದಿಗೆ ಆಸ್ಟ್ರೇಲಿಯಾ ಓಪನ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಟ್ಯುನಿಷಿಯಾದ ಮೊದಲ ಆಟಗಾರ್ತಿ ಎಂಬ ಹಿರಿಮೆಗೆ ಪಾತ್ರರಾದರು.</p>.<p><strong>ಕ್ವಾರ್ಟರ್ಗೆ ಬೋಪಣ್ಣ ಜೋಡಿ</strong></p>.<p>ಭಾರತದ ರೋಹನ್ ಬೋಪಣ್ಣ ಮತ್ತು ಉಕ್ರೇನ್ನ ನಾದಿಯಾ ಕಿಚೆನೊಕ್ ಅವರು ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ಎರಡನೇ ಸುತ್ತಿನ ಪೈಪೋಟಿಯಲ್ಲಿ ಬೋಪಣ್ಣ ಮತ್ತು ನಾದಿಯಾ 6–4, 7–6ರಲ್ಲಿ ನಿಕೊಲಾ ಮೆಲಿಚರ್ ಮತ್ತು ಬ್ರೂನೊ ಸೋರೆಸ್ ಅವರನ್ನು ಸೋಲಿಸಿದರು.</p>.<p>ಭಾರತದ ಲಿಯಾಂಡರ್ ಪೇಸ್ ಮತ್ತು ಜೆಲೆನಾ ಒಸ್ತಾಪೆಂಕೊ ಅವರು 6–7, 6–3, 10–6ರಲ್ಲಿ ಸ್ಟಾರ್ಮ್ ಸ್ಯಾಂಡರ್ಸ್ ಮತ್ತು ಮಾರ್ಕ್ ಪೋಲಮನ್ಸ್ ವಿರುದ್ಧ ಗೆದ್ದು ಎರಡನೇ ಸುತ್ತಿಗೆ ಮುನ್ನಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್:</strong> ಟೆನಿಸ್ ಪ್ರಿಯರ ‘ಕಣ್ಮಣಿ’ಗಳಾಗಿರುವ ನೊವಾಕ್ ಜೊಕೊವಿಚ್ ಮತ್ತು ರೋಜರ್ ಫೆಡರರ್ ಅವರು ಮೆಲ್ಬರ್ನ್ ಪಾರ್ಕ್ನಲ್ಲಿ ಮತ್ತೊಮ್ಮೆ ಮಿನುಗಿದರು.</p>.<p>ಈ ಋತುವಿನ ಮೊದಲ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯಾಗಿರುವ ಆಸ್ಟ್ರೇಲಿಯಾ ಓಪನ್ನಲ್ಲಿ ಇವರು ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇಟ್ಟರು.</p>.<p>ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಹದಿನಾರರ ಹಂತದ ಹಣಾಹಣಿಯಲ್ಲಿ ಸರ್ಬಿಯಾದ ಜೊಕೊವಿಚ್ 6–3, 6–4, 6–4ರಲ್ಲಿ ಅರ್ಜೆಂಟೀನಾದ ಡೀಗೊ ಸ್ವಾರ್ಟ್ಜ್ಮನ್ ಅವರನ್ನು ಮಣಿಸಿದರು. ಇದರೊಂದಿಗೆ ಟೂರ್ನಿಯಲ್ಲಿ 11ನೇ ಬಾರಿ ಎಂಟರ ಘಟ್ಟ ಪ್ರವೇಶಿಸಿದ ಸಾಧನೆ ಮಾಡಿದರು.</p>.<p>ಎಂಟನೇ ಪ್ರಶಸ್ತಿಯ ನಿರೀಕ್ಷೆಯಲ್ಲಿರುವ ಜೊಕೊವಿಚ್, ಶರವೇಗದ ಸರ್ವ್ ಮತ್ತು ಬಲಿಷ್ಠ ಕ್ರಾಸ್ಕೋರ್ಟ್ ಸ್ಮ್ಯಾಷ್ಗಳ ಮೂಲಕ ಮೂರೂ ಸೆಟ್ಗಳಲ್ಲೂ ಸ್ವಾರ್ಟ್ಜ್ಮನ್ ಅವರನ್ನು ಕಂಗೆಡಿಸಿದರು.</p>.<p>ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಜೊಕೊವಿಚ್ ಮುಂದಿನ ಸುತ್ತಿನಲ್ಲಿ ಕೆನಡಾದ ಮಿಲೊಸ್ ರಾನಿಕ್ ವಿರುದ್ಧ ಸೆಣಸಲಿದ್ದಾರೆ. ಇನ್ನೊಂದು ಪಂದ್ಯದಲ್ಲಿ ರಾನಿಕ್ 6–4, 6–3, 7–5ರಲ್ಲಿ ಮರಿನ್ ಸಿಲಿಕ್ ಅವರನ್ನು ಸೋಲಿಸಿದರು.</p>.<p>ಗ್ರ್ಯಾನ್ಸ್ಲಾಮ್ನಲ್ಲಿ 20 ಪ್ರಶಸ್ತಿಗಳನ್ನು ಗೆದ್ದ ಹಿರಿಮೆ ಹೊಂದಿರುವ ಫೆಡರರ್ 4–6, 6–1, 6–2, 6–2ರಲ್ಲಿ ಹಂಗರಿಯ ಮಾರ್ಟನ್ ಫುಕ್ಸೊವಿಕ್ಸ್ ಅವರನ್ನು ಪರಾಭವಗೊಳಿಸಿದರು.</p>.<p>ಶುಕ್ರವಾರ ನಡೆದಿದ್ದ ‘ಮ್ಯಾರಥಾನ್’ ಹೋರಾಟದಲ್ಲಿ ಆತಿಥೇಯ ಆಟಗಾರ ಜಾನ್ ಮಿಲ್ಮನ್ ಅವರನ್ನು ಮಣಿಸಿ ಅಭಿಮಾನಿಗಳ ಮನ ಗೆದ್ದಿದ್ದ 38 ವರ್ಷ ವಯಸ್ಸಿನ ಫೆಡರರ್ ಅವರು ಫುಕ್ಸೊವಿಕ್ಸ್ ಎದುರಿನ ಹಣಾಹಣಿಯಲ್ಲಿ ಮೊದಲ ಸೆಟ್ ಸೋತರು.</p>.<p>ಇದರಿಂದ ಕಿಂಚಿತ್ತೂ ವಿಚಲಿತರಾಗದ ಸ್ವಿಟ್ಜರ್ಲೆಂಡ್ನ ಆಟಗಾರ ನಂತರದ ಮೂರು ಸೆಟ್ಗಳಲ್ಲೂ ಮೋಡಿ ಮಾಡಿ ಗೆಲುವಿನ ತೋರಣ ಕಟ್ಟಿದರು. ಇದರೊಂದಿಗೆ ಟೂರ್ನಿಯಲ್ಲಿ 15ನೇ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ದಾಖಲೆ ನಿರ್ಮಿಸಿದರು.</p>.<p>ಮುಂದಿನ ಸುತ್ತಿನಲ್ಲಿ ಫೆಡರರ್ಗೆ ಅಮೆರಿಕದ ಟೆನ್ನಿಸ್ ಸ್ಯಾಂಡ್ಗ್ರೆನ್ ಸವಾಲು ಎದುರಾಗಲಿದೆ. ಶ್ರೇಯಾಂಕ ರಹಿತ ಆಟಗಾರ ಸ್ಯಾಂಡ್ಗ್ರೆನ್ 7–6, 7–5, 6–7, 6–4ರಲ್ಲಿ 12ನೇ ಶ್ರೇಯಾಂಕದ ಆಟಗಾರ ಫಾಬಿಯೊ ಫಾಗ್ನಿನಿಗೆ ಆಘಾತ ನೀಡಿದರು.</p>.<p>ಬಾರ್ಟಿ ಮಿಂಚು: ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಆಸ್ಟ್ರೇಲಿಯಾದ ಭರವಸೆಯಾಗಿರುವ ಆ್ಯಷ್ಲೆ ಬಾರ್ಟಿ ಅವರು ಎಂಟರ ಘಟ್ಟಕ್ಕೆ ಮುನ್ನಡೆದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ ಅಗ್ರಪಟ್ಟ ಅಲಂಕರಿಸಿರುವ ಬಾರ್ಟಿ 6–3, 1–6, 6–4ರಲ್ಲಿ ಅಮೆರಿಕದ ಅಲಿಸನ್ ರಿಸ್ಕೆ ಎದುರು ಜಯಿಸಿದರು.</p>.<p>ಎರಡು ಬಾರಿಯ ಚಾಂಪಿಯನ್ ಪೆಟ್ರಾ ಕ್ವಿಟೋವಾ 6–7, 6–3, 6–2ರಲ್ಲಿ ಮರಿಯಾ ಸಕ್ಕಾರಿ ಅವರನ್ನು ಮಣಿಸಿದರು.</p>.<p><strong>ಕೊಕೊ ಸವಾಲು ಅಂತ್ಯ</strong></p>.<p>ಅಮೆರಿಕದ ವೀನಸ್ ವಿಲಿಯಮ್ಸ್ ಮತ್ತು ಜಪಾನ್ನ ನವೊಮಿ ಒಸಾಕ ಅವರನ್ನು ಮಣಿಸಿ ಅಚ್ಚರಿ ಮೂಡಿಸಿದ್ದ 15 ವರ್ಷ ವಯಸ್ಸಿನ ಕೊಕೊ ಗಾಫ್ ಹದಿನಾರರ ಘಟ್ಟದಲ್ಲಿ ಎಡವಿದರು.</p>.<p>ಅಮೆರಿಕದ ಸೋಫಿಯಾ ಕೆನಿನ್ 6–7, 6–3, 6–0ರಲ್ಲಿ ತಮ್ಮದೇ ದೇಶದ ಗಾಫ್ ಎದುರು ಗೆದ್ದು ಮೊದಲ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದರು. ಕೆನಿನ್ಗಿಂತಲೂ ಹೆಚ್ಚು (39)<br />ವಿನ್ನರ್ಗಳನ್ನು ಸಿಡಿಸಿದ ಗಾಫ್, 26 ಬಾರಿ ಸ್ವಯಂಕೃತ ತಪ್ಪುಗಳನ್ನು ಮಾಡಿ ಕೈಸುಟ್ಟುಕೊಂಡರು.</p>.<p>ಇನ್ನೊಂದು ಪೈಪೋಟಿಯಲ್ಲಿ ಒನ್ಸ್ ಜಬೆವುರ್ 7–6, 6–1ರಲ್ಲಿ ಚೀನಾದ ವಾಂಗ್ ಕ್ವಿಯಾಂಗ್ ಅವರನ್ನು ಮಣಿಸಿದರು. ಇದರೊಂದಿಗೆ ಆಸ್ಟ್ರೇಲಿಯಾ ಓಪನ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಟ್ಯುನಿಷಿಯಾದ ಮೊದಲ ಆಟಗಾರ್ತಿ ಎಂಬ ಹಿರಿಮೆಗೆ ಪಾತ್ರರಾದರು.</p>.<p><strong>ಕ್ವಾರ್ಟರ್ಗೆ ಬೋಪಣ್ಣ ಜೋಡಿ</strong></p>.<p>ಭಾರತದ ರೋಹನ್ ಬೋಪಣ್ಣ ಮತ್ತು ಉಕ್ರೇನ್ನ ನಾದಿಯಾ ಕಿಚೆನೊಕ್ ಅವರು ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ಎರಡನೇ ಸುತ್ತಿನ ಪೈಪೋಟಿಯಲ್ಲಿ ಬೋಪಣ್ಣ ಮತ್ತು ನಾದಿಯಾ 6–4, 7–6ರಲ್ಲಿ ನಿಕೊಲಾ ಮೆಲಿಚರ್ ಮತ್ತು ಬ್ರೂನೊ ಸೋರೆಸ್ ಅವರನ್ನು ಸೋಲಿಸಿದರು.</p>.<p>ಭಾರತದ ಲಿಯಾಂಡರ್ ಪೇಸ್ ಮತ್ತು ಜೆಲೆನಾ ಒಸ್ತಾಪೆಂಕೊ ಅವರು 6–7, 6–3, 10–6ರಲ್ಲಿ ಸ್ಟಾರ್ಮ್ ಸ್ಯಾಂಡರ್ಸ್ ಮತ್ತು ಮಾರ್ಕ್ ಪೋಲಮನ್ಸ್ ವಿರುದ್ಧ ಗೆದ್ದು ಎರಡನೇ ಸುತ್ತಿಗೆ ಮುನ್ನಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
