ಶ್ವಾಂಟೆಕ್‌, ಸಿನ್ನರ್‌ಗೆ ನಿರಾಯಾಸ ಗೆಲುವು

ಪ್ಯಾರಿಸ್ : ಸತತ ಮೂರನೇ ಫ್ರೆಂಚ್ ಓಪನ್ ಗೆಲುವಿನ ಯತ್ನದಲ್ಲಿರುವ ಪೋಲೆಂಡ್ನ ಇಗಾ ಶ್ವಾಂಟೆಕ್ ಸೋಮವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಲಿಯೊಲಿಯಾ ಜೀನ್ಜೀನ್ ಅವರನ್ನು ಸೋಲಿಸಿದರು. ಇದು ಅವರಿಗೆ ಇಲ್ಲಿ ಸತತ 15ನೇ ಗೆಲುವು.

. 2022ರ ಏಪ್ರಿಲ್ನಿಂದ ರ್ಯಾಂಕಿಂಗ್ನಲ್ಲಿ ಬಹುತೇಕ ಅಗ್ರಪಟ್ಟ ಉಳಿಸಿಕೊಂಡಿರುವ ಶ್ವಾಂಟೆಕ್, ಫಿಲಿಪ್ ಶಾಟಿಯೆ ಕೋರ್ಟ್ನಲ್ಲಿ ನಡೆದ ಪಂದ್ಯವನ್ನು 6–1, 6–2 ರಿಂದ ಸುಲಭವಾಗಿ ಗೆದ್ದುಕೊಂಡರು. ಪಂದ್ಯ ಸುಮಾರು ಒಂದು ಗಂಟೆಯಲ್ಲಿ ಮುಗಿಯಿತು.

. ಎರಡನೇ ಸೆಟ್ನ ಆರಂಭದ ಎರಡು ಗೇಮ್ಗಳಲ್ಲಿ 9 ತಪ್ಪುಗಳನ್ನು ಎಸಗಿದ್ದು ಬಿಟ್ಟರೆ ಶ್ವಾಂಟೆಕ್ ಹಿಡಿತ ಸಾಧಿಸಿದ್ದರು. ಅಗ್ರ ಶ್ರೇಯಾಂಕದ ಆಟಗಾರ್ತಿ ಇಲ್ಲಿ 2020, 2022 ಮತ್ತು 2023ರಲ್ಲಿ ಜಯಶಾಲಿಯಾಗಿದ್ದಾರೆ. ಬೆಲ್ಜಿಯಮ್ನ ಜಸ್ಟಿನ್ ಹೆನಿನ್ (2005–07) ಅವರು ಇಲ್ಲಿ ಸತತ ಮೂರು ಬಾರಿ ಚಾಂಪಿಯನ್ ಆದ ಕೊನೆಯ ಆಟಗಾರ್ತಿ.

. ಅವರ ಮುಂದಿನ ಎದುರಾಳಿ ನಾಲ್ಕು ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಗೆದ್ದಿರುವ ನವೊಮಿ ಒಸಾಕಾ. ‘ಇದು ನನ್ನ ತವರೆಂದು ಭಾಸವಾಗುತ್ತಿದೆ. ನನ್ನಿಂದ ಒಳ್ಳೆಯ ಆಟ ಬರುತ್ತಿದೆ’ ಎಂದು ಶ್ವಾಂಟೆಕ್ ಪ್ರತಿಕ್ರಿಯಿಸಿದರು.

. ವಿಂಬಲ್ಡನ್ ಚಾಂಪಿಯನ್ ಮರ್ಕೆತಾ ವೊಂದ್ರುಸೋವಾ 6–1, 6–3 ರಿಂದ ರೆಬೆಕಾ ಮಸರೋವಾ ಅವರನ್ನು ಹಿಮ್ಮೆಟ್ಟಿಸಿದರೆ, ಎರಡು ಬಾರಿ ಗ್ರ್ಯಾನ್ಸ್ಲಾಮ್ ಟೂರ್ನಿಗಳ ಫೈನಲ್ ತಲುಪಿರುವ ಆನ್ಸ್ ಜೇಬರ್ (ಟ್ಯುನೀಷಿಯಾ) 6–3, 6–2 ರಿಂದ ಅಮೆರಿಕದ ಸಚಿಯಾ ವಿಕೆರಿ ಅವರನ್ನು ಪರಾಭವಗೊಳಿಸಿದರು.

. ಗಾಫ್ ಮುನ್ನಡೆ: ಮೂರನೇ ಶ್ರೇಯಾಂಕದ ಕೊಕೊ ಗಾಫ್ ಮೊದಲ ಸುತ್ತಿನಲ್ಲಿ ರಷ್ಯಾದ ಕ್ವಾಲಿಫೈಯರ್ ಜೂಲಿಯಾ ಅವ್ಡೀವಾ ಅವರನ್ನು 6–1, 6–1 ರಿಂದ ಸೋಲಿಸಲು ತೆಗೆದುಕೊಂಡಿದ್ದು 52 ನಿಮಿಷಗಳನ್ನಷ್ಟೇ. ಇದು ಗ್ರ್ಯಾನ್ಸ್ಲಾಮ್ ಟೂರ್ನಿಗಳಲ್ಲಿ ಕೊಕೊ ಅವರಿಗೆ 50ನೇ ಜಯವಾಯಿತು. ಜೂಲಿಯಾ ವಿಶ್ವಕ್ರಮಾಂಕದಲ್ಲಿ 208ನೇ ಸ್ಥಾನದಲ್ಲಿದ್ದಾರೆ.

. ಅಮೆರಿಕ ಓಪನ್ ಚಾಂಪಿಯನ್ ಆಗಿರುವ ಗಾಫ್, 2022ರಲ್ಲಿ ಈ ಟೂರ್ನಿಯಲ್ಲಿ ಇಗಾ ಎದುರು ಫೈನಲ್ನಲ್ಲಿ ಸೋತಿದ್ದರು.

. ಸಿನ್ನರ್ಗೆ ಸುಲಭ ಜಯ

. ಪುರುಷರ ಸಿಂಗಲ್ಸ್ನಲ್ಲಿ, ಆಸ್ಟ್ರೇಲಿಯನ್ ಓಪನ್ ಚಾಂಪಿಯನ್ ಯಾನಿಕ್ ಸಿನ್ನರ್ 6–3, 6–3, 6–4 ರಿಂದ ಕ್ರಿಸ್ ಯುಬ್ಯಾಂಕ್ಸ್ ಅವರನ್ನು ಮಣಿಸಿದರು. ಸಿನ್ನರ್ ಪಂದ್ಯದುದ್ದಕ್ಕೂ ಮೇಲುಗೈ ಸಾಧಿಸಿದರು. 10 ಬ್ರೇಕ್ಪಾಯಿಂಟ್ಗಳಲ್ಲಿ 5 ಅನ್ನು ಪರಿವರ್ತಿಸಿದರು. ಒಂದು ಬಾರಿ ಮಾತ್ರ ಸರ್ವ್ ಕಳೆದುಕೊಂಡರು.

. 9ನೇ ಶ್ರೇಯಾಂಕದ ಆಟಗಾರ ಸ್ಟಿಫಾನೊಸ್ ಸಿಸಿಪಸ್ (ಗ್ರೀಸ್) ಅವರೂ 7–6 (9–7), 6–4, 6–1 ರಿಂದ ಹಂಗೆರಿಯ ಮಾರ್ಟನ್ ಫುಸ್ಕೊವಿಸ್ ಅವರನ್ನು ಸೋಲಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶ್ವಾಂಟೆಕ್‌, ಸಿನ್ನರ್‌ಗೆ ನಿರಾಯಾಸ ಗೆಲುವು

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ