<p>ನವದೆಹಲಿ: ದಿಟ್ಟ ಆಟ ಆಡಿದ ಭಾರತದ ಅಶ್ವಿನಿ ಪೊನ್ನಪ್ಪ ಮತ್ತು ಎನ್.ಸಿಕ್ಕಿ ರೆಡ್ಡಿ ಅವರು ಇಂಡಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.</p>.<p>ಕೆ.ಡಿ.ಜಾಧವ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಮಹಿಳಾ ಡಬಲ್ಸ್ ವಿಭಾಗದ ಹಣಾಹಣಿಯಲ್ಲಿ ಕರ್ನಾಟಕದ ಅಶ್ವಿನಿ ಮತ್ತು ಹೈದರಾಬಾದ್ನ ಸಿಕ್ಕಿ 22–20, 21–19ರಲ್ಲಿ ಚೀನಾದ ಲೀ ವೆನ್ಮೀ ಮತ್ತು ಜೆಂಗ್ ಯೂ ಎದುರು ವಿಜಯಿಯಾದರು. ಈ ಹೋರಾಟ 47 ನಿಮಿಷ ನಡೆಯಿತು.</p>.<p>ಪುರುಷರ ಡಬಲ್ಸ್ ವಿಭಾಗದ ಆರಂಭಿಕ ಸುತ್ತಿನ ಹೋರಾಟದಲ್ಲಿ ಅನಿರುದ್ಧ್ ಮಯೇಕರ್ ಮತ್ತು ವಿನಯ್ ಕುಮಾರ್ ಸಿಂಗ್ 21–15, 14–21, 21–13ರಲ್ಲಿ ಇಶಾನ್ ಕುನ್ವರ್ ಮತ್ತು ಚಂದ್ರಭೂಷಣ್ ತ್ರಿಪಾಠಿ ಅವರನ್ನು ಮಣಿಸಿದರು.</p>.<p>ಕೇತನ್ ಚಾಹಲ್ ಮತ್ತು ಸತೀಂದರ್ ಮಲಿಕ್ 14–21, 14–21ರಲ್ಲಿ ಒವು ಕ್ಸುವಾನ್ಯಿ ಮತ್ತು ರೆನ್ ಕ್ಸಿಯಾಂಗ್ಯು ಎದುರು ಸೋತರು.</p>.<p>ಅರ್ಹತಾ ಸುತ್ತಿನಲ್ಲಿ ಆತಿಥೇಯ ಸ್ಪರ್ಧಿಗಳು ಪ್ರಾಬಲ್ಯ ಮೆರೆದರು. ಸಿಂಗಲ್ಸ್ ವಿಭಾಗದಲ್ಲಿ ಎಂಟು ಮಂದಿ ಮತ್ತು ಡಬಲ್ಸ್ ವಿಭಾಗದ ಹತ್ತು ಜೋಡಿ ಮುಖ್ಯ ಸುತ್ತಿಗೆ ಲಗ್ಗೆ ಇಟ್ಟಿತು.</p>.<p>ಪುರುಷರ ಸಿಂಗಲ್ಸ್ನಲ್ಲಿ ರಾಹುಲ್ ಯಾದವ್ ಚಿತ್ತಾಬೋಯಿನಾ, ಸಿದ್ದಾರ್ಥ್ ಠಾಕೂರ್, ಕಾರ್ತಿಕ್ ಜಿಂದಾಲ್ ಮತ್ತು ಕಾರ್ತಿಕೇಯ ಗುಲ್ಶನ್ ಕುಮಾರ್ ಪ್ರಧಾನ ಹಂತಕ್ಕೇರಿದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ 257ನೇ ಸ್ಥಾನದಲ್ಲಿರುವ ಕಾರ್ತಿಕ್ ಜಿಂದಾಲ್ ಮೊದಲ ಸುತ್ತಿನಲ್ಲಿ ಪವೆಲ್ ಕೊಟ್ಸಾರೆಂಕೊ ಎದುರು ಗೆದ್ದರು.</p>.<p>ಎರಡನೇ ಸುತ್ತಿನಲ್ಲಿ ಜಿಂದಾಲ್ 21–12, 21–23, 21–19ರಲ್ಲಿ ಶರತ್ ದುನ್ನಾ ಅವರನ್ನು ಪರಾಭವಗೊಳಿಸಿದರು. ರಾಹುಲ್ ಯಾದವ್ 21–14, 21–15ರಲ್ಲಿ ಅನಂತ ಶಿವಂ ಜಿಂದಾಲ್ ವಿರುದ್ಧ ವಿಜಯಿಯಾದರು.</p>.<p>ಸಿದ್ದಾರ್ಥ್ ಠಾಕೂರ್ 21–11, 21–12ರಲ್ಲಿ ಅನೀತ್ ಕುಮಾರ್ ಹಾಗೂ 21–6, 21–13ರಲ್ಲಿ ಗುರುಪ್ರತಾಪ್ ಸಿಂಗ್ ಧಲಿವಾಲ್ ಅವರನ್ನು ಮಣಿಸಿದರು.</p>.<p>ಗುಲ್ಶನ್ ಕುಮಾರ್ 21–7, 21–5ರಲ್ಲಿ ಸತೀಂದರ್ ಮಲಿಕ್ ಹಾಗೂ 21–16, 21–13ರಲ್ಲಿ ಸಿದ್ದಾರ್ಥ್ ಅವರನ್ನು ಸೋಲಿಸಿದರು. ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ರಿತಿಕಾ ಥಾಕರ್, ಪ್ರಾಶಿ ಜೋಶಿ, ರಿಯಾ ಮುಖರ್ಜಿ ಮತ್ತು ವೈದೇಹಿ ಚೌಧರಿ ಮುಖ್ಯ ಸುತ್ತು ಪ್ರವೇಶಿಸಿದರು.</p>.<p>ರಿತಿಕಾ 21–6, 21–6ರಲ್ಲಿ ಹೇನಿ ದೋಹಾ ಎದುರು ಗೆದ್ದರು. ಪ್ರಾಶಿ 21–14, 21–17ರಲ್ಲಿ ಶ್ರುತಿ ಮುಂಡಾದ ಅವರನ್ನು ಪರಾಭವಗೊಳಿಸಿದರು. ವೈದೇಹಿ ಮತ್ತು ರಿಯಾ ಅವರಿಗೆ ‘ವಾಕ್ ಓವರ್’ ಲಭಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ದಿಟ್ಟ ಆಟ ಆಡಿದ ಭಾರತದ ಅಶ್ವಿನಿ ಪೊನ್ನಪ್ಪ ಮತ್ತು ಎನ್.ಸಿಕ್ಕಿ ರೆಡ್ಡಿ ಅವರು ಇಂಡಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.</p>.<p>ಕೆ.ಡಿ.ಜಾಧವ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಮಹಿಳಾ ಡಬಲ್ಸ್ ವಿಭಾಗದ ಹಣಾಹಣಿಯಲ್ಲಿ ಕರ್ನಾಟಕದ ಅಶ್ವಿನಿ ಮತ್ತು ಹೈದರಾಬಾದ್ನ ಸಿಕ್ಕಿ 22–20, 21–19ರಲ್ಲಿ ಚೀನಾದ ಲೀ ವೆನ್ಮೀ ಮತ್ತು ಜೆಂಗ್ ಯೂ ಎದುರು ವಿಜಯಿಯಾದರು. ಈ ಹೋರಾಟ 47 ನಿಮಿಷ ನಡೆಯಿತು.</p>.<p>ಪುರುಷರ ಡಬಲ್ಸ್ ವಿಭಾಗದ ಆರಂಭಿಕ ಸುತ್ತಿನ ಹೋರಾಟದಲ್ಲಿ ಅನಿರುದ್ಧ್ ಮಯೇಕರ್ ಮತ್ತು ವಿನಯ್ ಕುಮಾರ್ ಸಿಂಗ್ 21–15, 14–21, 21–13ರಲ್ಲಿ ಇಶಾನ್ ಕುನ್ವರ್ ಮತ್ತು ಚಂದ್ರಭೂಷಣ್ ತ್ರಿಪಾಠಿ ಅವರನ್ನು ಮಣಿಸಿದರು.</p>.<p>ಕೇತನ್ ಚಾಹಲ್ ಮತ್ತು ಸತೀಂದರ್ ಮಲಿಕ್ 14–21, 14–21ರಲ್ಲಿ ಒವು ಕ್ಸುವಾನ್ಯಿ ಮತ್ತು ರೆನ್ ಕ್ಸಿಯಾಂಗ್ಯು ಎದುರು ಸೋತರು.</p>.<p>ಅರ್ಹತಾ ಸುತ್ತಿನಲ್ಲಿ ಆತಿಥೇಯ ಸ್ಪರ್ಧಿಗಳು ಪ್ರಾಬಲ್ಯ ಮೆರೆದರು. ಸಿಂಗಲ್ಸ್ ವಿಭಾಗದಲ್ಲಿ ಎಂಟು ಮಂದಿ ಮತ್ತು ಡಬಲ್ಸ್ ವಿಭಾಗದ ಹತ್ತು ಜೋಡಿ ಮುಖ್ಯ ಸುತ್ತಿಗೆ ಲಗ್ಗೆ ಇಟ್ಟಿತು.</p>.<p>ಪುರುಷರ ಸಿಂಗಲ್ಸ್ನಲ್ಲಿ ರಾಹುಲ್ ಯಾದವ್ ಚಿತ್ತಾಬೋಯಿನಾ, ಸಿದ್ದಾರ್ಥ್ ಠಾಕೂರ್, ಕಾರ್ತಿಕ್ ಜಿಂದಾಲ್ ಮತ್ತು ಕಾರ್ತಿಕೇಯ ಗುಲ್ಶನ್ ಕುಮಾರ್ ಪ್ರಧಾನ ಹಂತಕ್ಕೇರಿದರು.</p>.<p>ವಿಶ್ವ ರ್ಯಾಂಕಿಂಗ್ನಲ್ಲಿ 257ನೇ ಸ್ಥಾನದಲ್ಲಿರುವ ಕಾರ್ತಿಕ್ ಜಿಂದಾಲ್ ಮೊದಲ ಸುತ್ತಿನಲ್ಲಿ ಪವೆಲ್ ಕೊಟ್ಸಾರೆಂಕೊ ಎದುರು ಗೆದ್ದರು.</p>.<p>ಎರಡನೇ ಸುತ್ತಿನಲ್ಲಿ ಜಿಂದಾಲ್ 21–12, 21–23, 21–19ರಲ್ಲಿ ಶರತ್ ದುನ್ನಾ ಅವರನ್ನು ಪರಾಭವಗೊಳಿಸಿದರು. ರಾಹುಲ್ ಯಾದವ್ 21–14, 21–15ರಲ್ಲಿ ಅನಂತ ಶಿವಂ ಜಿಂದಾಲ್ ವಿರುದ್ಧ ವಿಜಯಿಯಾದರು.</p>.<p>ಸಿದ್ದಾರ್ಥ್ ಠಾಕೂರ್ 21–11, 21–12ರಲ್ಲಿ ಅನೀತ್ ಕುಮಾರ್ ಹಾಗೂ 21–6, 21–13ರಲ್ಲಿ ಗುರುಪ್ರತಾಪ್ ಸಿಂಗ್ ಧಲಿವಾಲ್ ಅವರನ್ನು ಮಣಿಸಿದರು.</p>.<p>ಗುಲ್ಶನ್ ಕುಮಾರ್ 21–7, 21–5ರಲ್ಲಿ ಸತೀಂದರ್ ಮಲಿಕ್ ಹಾಗೂ 21–16, 21–13ರಲ್ಲಿ ಸಿದ್ದಾರ್ಥ್ ಅವರನ್ನು ಸೋಲಿಸಿದರು. ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ರಿತಿಕಾ ಥಾಕರ್, ಪ್ರಾಶಿ ಜೋಶಿ, ರಿಯಾ ಮುಖರ್ಜಿ ಮತ್ತು ವೈದೇಹಿ ಚೌಧರಿ ಮುಖ್ಯ ಸುತ್ತು ಪ್ರವೇಶಿಸಿದರು.</p>.<p>ರಿತಿಕಾ 21–6, 21–6ರಲ್ಲಿ ಹೇನಿ ದೋಹಾ ಎದುರು ಗೆದ್ದರು. ಪ್ರಾಶಿ 21–14, 21–17ರಲ್ಲಿ ಶ್ರುತಿ ಮುಂಡಾದ ಅವರನ್ನು ಪರಾಭವಗೊಳಿಸಿದರು. ವೈದೇಹಿ ಮತ್ತು ರಿಯಾ ಅವರಿಗೆ ‘ವಾಕ್ ಓವರ್’ ಲಭಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
