ಏಷ್ಯನ್ ರಿಲೇ ಚಾಂಪಿಯನ್‌ಷಿಪ್‌ | ಭಾರತದ ಪುರುಷರ, ಮಹಿಳೆಯರ ತಂಡಕ್ಕೆ ಬೆಳ್ಳಿ

ಬ್ಯಾಂಕಾಕ್ : ಪ್ಯಾರಿಸ್ ಒಲಿಂಪಿಕ್ಸ್ಗೆ ಅರ್ಹತೆ ಪಡೆದಿರುವ ಭಾರತ ಪುರುಷರ ಮತ್ತು ಮಹಿಳೆಯರ 4x400 ಮೀ. ರಿಲೇ ತಂಡಗಳು ಮಂಗಳವಾರ ಏಷ್ಯನ್ ರಿಲೇ ಚಾಂಪಿಯನ್ಷಿಪ್ನಲ್ಲಿ ಬೆಳ್ಳಿ ಪದಕ ಗೆದ್ದವು.

. ಸುಫಾಚಲಸಾಯ್ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮಳೆಯ ನಡುವೆ ನಡೆದ ಮಹಿಳೆಯರ ಫೈನಲ್ನಲ್ಲಿ ವಿದ್ಯಾ ರಾಮರಾಜ್, ಕರ್ನಾಟಕದ ಎಂ.ಆರ್. ಪೂವಮ್ಮ, ಪ್ರಾಚಿ ಚೌಧರಿ ಮತ್ತು ರೂಪಲ್ ಚೌಧರಿ ಅವರನ್ನು ಒಳಗೊಂಡ ತಂಡವು 3 ನಿಮಿಷ 33.55 ಸೆಕೆಂಡ್ಗಳಲ್ಲಿ ಗುರಿ ತಲುಪಿತು. ವಿಯೆಟ್ನಾಂ (3 ನಿ.30.81 ಸೆ) ಮತ್ತು ಜಪಾನ್ (3 ನಿ.35.45ಸೆ) ಕ್ರಮವಾಗಿ ಚಿನ್ನ ಮತ್ತು ಕಂಚಿನ ಪದಕವನ್ನು ಗೆದ್ದುಕೊಂಡಿತು.

. ಈ ತಿಂಗಳ ಆರಂಭದಲ್ಲಿ ಬಹಾಮಾಸ್ನ ನಾಸೌನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ರಿಲೇ ಕೂಟದಲ್ಲಿ ಭಾರತದ ಮಹಿಳೆಯರ ತಂಡವು 3 ನಿಮಿಷ 29.35 ಸೆಕೆಂಡ್ನಲ್ಲು ಗುರಿ ತಲುಪಿ ಒಲಿಂಪಿಕ್ಸ್ಗೆ ಟಿಕೆಟ್ ಪಡೆದಿತ್ತು. ವಿದ್ಯಾ ಮತ್ತು ಪ್ರಾಚಿ ಆ ತಂಡದಲ್ಲಿ ಇರಲಿಲ್ಲ. ಅಲ್ಲಿ ಪೂವಮ್ಮ ಮತ್ತು ರೂಪಲ್ ಅವರೊಂದಿಗೆ ಜ್ಯೋತಿಕಾ ಶ್ರೀ ದಂಡಿ ಮತ್ತು ಶುಭಾ ವೆಂಕಟೇಶನ್ ತಂಡದಲ್ಲಿದ್ದರು.

. ಮುಹಮ್ಮದ್ ಅನಾಸ್ ಯಾಹ್ಯಾ, ಸಂತೋಷ್ ಕುಮಾರ್, ಮಿಜೋ ಚಾಕೊ ಕುರಿಯನ್ ಮತ್ತು ಅರೋಕ್ಯ ರಾಜೀವ್ ಅವರನ್ನು ಒಳಗೊಂಡ ಪುರುಷರ ತಂಡವು ಕೂದಲೆಳೆಯ ಅಂತರದಲ್ಲಿ ಚಿನ್ನವನ್ನು ತಪ್ಪಿಸಿಕೊಂಡಿತು. ಭಾರತ ತಂಡವು 3 ನಿಮಿಷ 5.76 ಸೆಕೆಂಡ್ನಲ್ಲಿ ಗುರಿ ತಲುಪಿದರೆ, ಶ್ರೀಲಂಕಾ (3 ನಿ. 4.48ಸೆ) ಚಿನ್ನವನ್ನು ತನ್ನದಾಗಿಸಿಕೊಂಡಿತು. ವಿಯೆಟ್ನಾಂ ತಂಡ (3 ನಿ. 7.37ಸೆ) ಕಂಚು ಗೆದ್ದಿತು.

. ಮೊದಲ ಲೆಗ್ನ ನಂತರ ಶ್ರೀಲಂಕಾ ತಂಡವು ಮುನ್ನಡೆಯಲ್ಲಿತ್ತು. ಎರಡನೇ ಲೆಗ್ನಲ್ಲಿ ಸಂತೋಷ್ ಭಾರತಕ್ಕೆ ಮುನ್ನಡೆ ಒದಗಿಸಿದರು. ಮೂರನೇ ಲೆಗ್ನಲ್ಲಿ ಚಾಕೊ ಮುನ್ನಡೆಯನ್ನು ಕಾಯ್ದುಕೊಂಡರು. ಆದರೆ, ಶ್ರೀಲಂಕಾದ ಆ್ಯಂಕರ್ ಓಟಗಾರ ಹೇವಾ ಕಳಿಂಗ ಕುಮಾರಗೆ ಅಂತಿಮ ಹಂತದಲ್ಲಿ ಅರೋಕ್ಯ ಅವರನ್ನು ಹಿಂದಿಕ್ಕಿದರು.

. ಈ ತಿಂಗಳ ಆರಂಭದಲ್ಲಿ ಬಹಾಮಾಸ್ನಲ್ಲಿ ಪುರುಷರ ತಂಡವು 3 ನಿಮಿಷ 3.23 ಸೆಕೆಂಡ್ನಲ್ಲಿ ಗುರಿ ತಲುಪಿ ಒಲಿಂಪಿಕ್ಸ್ ಕೋಟಾವನ್ನು ಕಾಯ್ದಿರಿಸಿತ್ತು. ಸಂತೋಷ್ ಮತ್ತು ಚಾಕೊ ಆ ತಂಡದ ಭಾಗವಾಗಿರಲಿಲ್ಲ. ಆ ತಂಡದಲ್ಲಿ ಯಾಹ್ಯಾ, ಅರೋಕ್ಯ ಅವರೊಂದಿಗೆ ಮುಹಮ್ಮದ್ ಅಜ್ಮಲ್, ಅಮೋಜ್ ಜೇಕಬ್ ಇದ್ದರು.

. ಸೋಮವಾರ ಭಾರತದ 4x400 ಮೀಟರ್ ಮಿಶ್ರ ರಿಲೇ ತಂಡವು ರಾಷ್ಟ್ರೀಯ ದಾಖಲೆಯೊಂದಿಗೆ ಇಲ್ಲಿ ಚಿನ್ನ ಗೆದ್ದಿತ್ತು. ಆ ತಂಡದಲ್ಲಿ ಅಜ್ಮಲ್, ಜೇಕಬ್, ಜ್ಯೋತಿಕಾ ಮತ್ತು ಶುಭಾ ಸ್ಪರ್ಧಿಸಿದ್ದರು. ಹೀಗಾಗಿ ಅವರು ಮಂಗಳವಾರ ಫೀಲ್ಡ್ಗೆ ಇಳಿಯಲಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏಷ್ಯನ್ ರಿಲೇ ಚಾಂಪಿಯನ್‌ಷಿಪ್‌ | ಭಾರತದ ಪುರುಷರ, ಮಹಿಳೆಯರ ತಂಡಕ್ಕೆ ಬೆಳ್ಳಿ

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ಉದ್ಯಮಿ ಸಂತೋಷ ದುಂಡಪ್ಪ ಪದ್ಮಣ್ಣವರ ಕೊಲೆ: ಪತ್ನಿ ಸೇರಿ ಮೂವರ ಬಂಧನ

IND vs NZ 1st Test | ಹಿಟ್‌ಮ್ಯಾನ್ ಬಳಗ 46ಕ್ಕೆ ಆಲೌಟ್‌

ಪ್ರೊ ಕಬಡ್ಡಿ ಲೀಗ್‌ ಇಂದಿನಿಂದ: ಮುತ್ತಿನ ನಗರಿಯಲ್ಲಿ ಇಂದು ‘ದಕ್ಷಿಣ ಡರ್ಬಿ’

IND vs NZ Test | ಟಿಕೆಟ್ ಇದ್ದರೂ ಪ್ರವೇಶ ಸಿಗದೆ ಪರದಾಡಿದ ಪ್ರೇಕ್ಷಕರು

ರಣಜಿ ಟ್ರೋಫಿ: ಕರ್ನಾಟಕಕ್ಕೆ ಇಂದಿನಿಂದ ಕೇರಳ ಸವಾಲು

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಒಳನೋಟ: ‘ಅಡವಿ‘ಗೆ ಸೋಲಿಗರೇ ಮಾಲೀಕರು

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ಉದ್ಯಮಿ ಸಂತೋಷ ದುಂಡಪ್ಪ ಪದ್ಮಣ್ಣವರ ಕೊಲೆ: ಪತ್ನಿ ಸೇರಿ ಮೂವರ ಬಂಧನ