<p><strong>ನವದೆಹಲಿ:</strong> ಭಾರತದ ಪುರುಷರ ಮತ್ತು ಮಹಿಳಾ ತಂಡಗಳು ಪೆರುನಲ್ಲಿ ನಡೆಯುತ್ತಿರುವ ಐಎಸ್ಎಸ್ಎಫ್ ಜೂನಿಯರ್ ವಿಶ್ವ ಚಾಂಪಿಯನ್ಷಿಪ್ನ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಗಳಲ್ಲಿ ಚಿನ್ನದ ಸಾಧನೆ ಮಾಡಿದವು.</p>.<p>ಉಮೇಶ್ ಚೌಧರಿ, ಪ್ರದ್ಯುಮ್ನ ಸಿಂಗ್ ಮತ್ತು ಮುಖೇಶ್ ನೆಲವಳ್ಳಿ ಅವರನ್ನು ಒಳಗೊಂಡ ಪುರುಷರ ತಂಡವು 1726 ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದರೆ, ಅದಕ್ಕಿಂತ 10 ಅಂಕ ಕಡಿಮೆ ಪಡೆದ ರೊಮೇನಿಯಾ ಬೆಳ್ಳಿ ಗೆದ್ದಿತು. ಇಟಲಿ (1707) ಕಂಚಿನ ಪದಕವನ್ನು ತನ್ನದಾಗಿಸಿಕೊಂಡಿತು.</p>.<p>ಉಮೇಶ್ ಚೌಧರಿ ಅವರು ಫೈನಲ್ಗೆ ತಡವಾಗಿ ವರದಿ ಮಾಡಿದ್ದಕ್ಕಾಗಿ ಎರಡು ಅಂಕಗಳನ್ನು ದಂಡದ ರೂಪದಲ್ಲಿ ಕಳೆದುಕೊಂಡರು. ಹೀಗಾಗಿ, ಪದಕದ ಅವಕಾಶ ಕೈತಪ್ಪಿತು.</p>.<p>ಚೌಧರಿ ಮತ್ತು ಪ್ರದ್ಯುಮ್ನ ಅವರು ಅರ್ಹತಾ ಸುತ್ತಿನಲ್ಲಿ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನ ಗಳಿಸಿ ಫೈನಲ್ಗೆ ಪ್ರವೇಶಿಸಿದ್ದರು. ಅಲ್ಲಿ ಚೌಧರಿ ಆರನೇ ಮತ್ತು ಪ್ರದ್ಯುಮ್ನ ಎಂಟನೇ ಸ್ಥಾನ ಗಳಿಸಿದರು. ರೊಮೇನಿಯಾದ ಲುಕಾ ಜೊಲ್ಡಿಯಾ ಚಿನ್ನ ಗೆದ್ದರೆ, ಚೀನಾ ತೈಪೆಯ ಹ್ಸಿಯಾಂಗ್-ಚೆನ್ ಬೆಳ್ಳಿ ಗೆದ್ದರು. </p>.<p>ಕನಿಷ್ಕಾ ದಾಗರ್, ಲಕ್ಷಿತಾ ಮತ್ತು ಅಂಜಲಿ ಚೌಧರಿ ಅವರ ಸಂಯೋಜನೆಯ ಮಹಿಳಾ ತಂಡ 1708 ಪಾಯಿಂಟ್ಸ್ ಗಳಿಸಿತು. ಭಾರತಕ್ಕಿಂತ 1 ಅಂಕ ಕಡಿಮೆ ಪಡೆದ ಅಜರ್ಬೈಜಾನ್ ಬೆಳ್ಳಿ ಮತ್ತು ಉಕ್ರೇನ್ ಕಂಚು ಗೆದ್ದಿತು.</p>.<p>ಮಹಿಳೆಯರ ವೈಯಕ್ತಿಕ ಸ್ಪರ್ಧೆಯಲ್ಲಿ ಕನಕ್ 217.6 ಅಂಕಗಳೊಂದಿಗೆ ಕಂಚು ಗೆದ್ದರೆ, ಕನಿಷ್ಕಾ ದಾಗರ್ ಎಂಟನೇ ಸ್ಥಾನ ಪಡೆದರು. ಚೀನಾ ತೈಪೆಯ ಚೆನ್ ಯು-ಚುನ್ ಚಿನ್ನ ಗೆದ್ದರೆ, ಸ್ಲೋವಾಕಿಯಾದ ಮಾಂಜಾ ಸ್ಲಾಕ್ ಬೆಳ್ಳಿ ಪಡೆಯಿತು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತದ ಪುರುಷರ ಮತ್ತು ಮಹಿಳಾ ತಂಡಗಳು ಪೆರುನಲ್ಲಿ ನಡೆಯುತ್ತಿರುವ ಐಎಸ್ಎಸ್ಎಫ್ ಜೂನಿಯರ್ ವಿಶ್ವ ಚಾಂಪಿಯನ್ಷಿಪ್ನ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಗಳಲ್ಲಿ ಚಿನ್ನದ ಸಾಧನೆ ಮಾಡಿದವು.</p>.<p>ಉಮೇಶ್ ಚೌಧರಿ, ಪ್ರದ್ಯುಮ್ನ ಸಿಂಗ್ ಮತ್ತು ಮುಖೇಶ್ ನೆಲವಳ್ಳಿ ಅವರನ್ನು ಒಳಗೊಂಡ ಪುರುಷರ ತಂಡವು 1726 ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದರೆ, ಅದಕ್ಕಿಂತ 10 ಅಂಕ ಕಡಿಮೆ ಪಡೆದ ರೊಮೇನಿಯಾ ಬೆಳ್ಳಿ ಗೆದ್ದಿತು. ಇಟಲಿ (1707) ಕಂಚಿನ ಪದಕವನ್ನು ತನ್ನದಾಗಿಸಿಕೊಂಡಿತು.</p>.<p>ಉಮೇಶ್ ಚೌಧರಿ ಅವರು ಫೈನಲ್ಗೆ ತಡವಾಗಿ ವರದಿ ಮಾಡಿದ್ದಕ್ಕಾಗಿ ಎರಡು ಅಂಕಗಳನ್ನು ದಂಡದ ರೂಪದಲ್ಲಿ ಕಳೆದುಕೊಂಡರು. ಹೀಗಾಗಿ, ಪದಕದ ಅವಕಾಶ ಕೈತಪ್ಪಿತು.</p>.<p>ಚೌಧರಿ ಮತ್ತು ಪ್ರದ್ಯುಮ್ನ ಅವರು ಅರ್ಹತಾ ಸುತ್ತಿನಲ್ಲಿ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನ ಗಳಿಸಿ ಫೈನಲ್ಗೆ ಪ್ರವೇಶಿಸಿದ್ದರು. ಅಲ್ಲಿ ಚೌಧರಿ ಆರನೇ ಮತ್ತು ಪ್ರದ್ಯುಮ್ನ ಎಂಟನೇ ಸ್ಥಾನ ಗಳಿಸಿದರು. ರೊಮೇನಿಯಾದ ಲುಕಾ ಜೊಲ್ಡಿಯಾ ಚಿನ್ನ ಗೆದ್ದರೆ, ಚೀನಾ ತೈಪೆಯ ಹ್ಸಿಯಾಂಗ್-ಚೆನ್ ಬೆಳ್ಳಿ ಗೆದ್ದರು. </p>.<p>ಕನಿಷ್ಕಾ ದಾಗರ್, ಲಕ್ಷಿತಾ ಮತ್ತು ಅಂಜಲಿ ಚೌಧರಿ ಅವರ ಸಂಯೋಜನೆಯ ಮಹಿಳಾ ತಂಡ 1708 ಪಾಯಿಂಟ್ಸ್ ಗಳಿಸಿತು. ಭಾರತಕ್ಕಿಂತ 1 ಅಂಕ ಕಡಿಮೆ ಪಡೆದ ಅಜರ್ಬೈಜಾನ್ ಬೆಳ್ಳಿ ಮತ್ತು ಉಕ್ರೇನ್ ಕಂಚು ಗೆದ್ದಿತು.</p>.<p>ಮಹಿಳೆಯರ ವೈಯಕ್ತಿಕ ಸ್ಪರ್ಧೆಯಲ್ಲಿ ಕನಕ್ 217.6 ಅಂಕಗಳೊಂದಿಗೆ ಕಂಚು ಗೆದ್ದರೆ, ಕನಿಷ್ಕಾ ದಾಗರ್ ಎಂಟನೇ ಸ್ಥಾನ ಪಡೆದರು. ಚೀನಾ ತೈಪೆಯ ಚೆನ್ ಯು-ಚುನ್ ಚಿನ್ನ ಗೆದ್ದರೆ, ಸ್ಲೋವಾಕಿಯಾದ ಮಾಂಜಾ ಸ್ಲಾಕ್ ಬೆಳ್ಳಿ ಪಡೆಯಿತು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
