<p><strong>ಹೊ ಚಿ ಮಿನ್ ಸಿಟಿ</strong>: ಭಾರತದ ಅಜಯ್ ಜಯರಾಮ್ ಹಾಗೂ ಮಿಥುನ್ ಮಂಜುನಾಥ್ ಅವರು ಇಲ್ಲಿ ನಡೆಯುತ್ತಿರುವ ವಿಯೆಟ್ನಾಂ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಸೆಮಿಫೈನಲ್ ಹಂತ ಪ್ರವೇಶಿಸಿದ್ದಾರೆ.</p>.<p>ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 13ನೇ ಸ್ಥಾನದಲ್ಲಿರುವ ಅಜಯ್, 26–24, 21–17ರಿಂದ ಕೆನಡಾದ ಶೆಂಗ್ ಕ್ಸಿಯೊಡಂಗ್ ಅವರನ್ನು ಮಣಿಸಿದರು.</p>.<p>ನಾಲ್ಕರ ಘಟ್ಟದ ಹಣಾಹಣಿಯಲ್ಲಿ ಭಾರತದ ಆಟಗಾರ ಜಪಾನ್ನ ಏಳನೇ ಶ್ರೇಯಾಂಕಿತ ಯು ಇಗರಾಶಿ ಅವರನ್ನು ಎದುರಿಸಲಿದ್ದಾರೆ.</p>.<p>ತೀವ್ರ ಪೈಪೋಟಿಯಿಂದ ಕೂಡಿದ್ದ ಪಂದ್ಯವುಅನೇಕ ರೋಚಕ ಕ್ಷಣಗಳಿಗೆ ಸಾಕ್ಷಿಯಾಯಿತು. ಪಂದ್ಯದ ಆರಂಭದಿಂದಲೂ ಪ್ರಾಬಲ್ಯ ಮೆರೆದ ಅಜಯ್, ಮೊದಲನೇ ಗೇಮ್ನಲ್ಲಿ 5–0ಯ ಮುನ್ನಡೆ ಗಳಿಸಿದರು. ಆದರೆ, ಕೂಡಲೇ ಎಚ್ಚೆತ್ತಿಕೊಂಡ ಶೆಂಗ್ ಅವರು ತಿರುಗೇಟು ನೀಡಿದರು. ಮುಂದಿನ ಕೆಲಹೊತ್ತು ಸಮಬಲದ ಹೋರಾಟ ಕಂಡುಬಂತು. ಈ ವೇಳೆ ಕೆಲವು ತಪ್ಪುಗಳನ್ನು ಎಸಗಿದ ಭಾರತದ ಆಟಗಾರ ಪಾಯಿಂಟ್ಸ್ ಕಳೆದುಕೊಂಡರು. ಆಗ, 17–14ರಲ್ಲಿ ಶೆಂಗ್ ಅವರು ಮುನ್ನಡೆ ಹೊಂದಿದ್ದರು.</p>.<p>ಆದರೆ, ಎದುರಾಳಿ ತಂತ್ರಗಳಿಗೆ ಪ್ರತಿತಂತ್ರ ಹೆಣೆದ ಅವರು ಪಾಯಿಂಟ್ಸ್ ಗಳಿಸಿದರು. ಅವರ ಸವಾಲನ್ನು ಮೀರಲು ವಿಫಲರಾದ ಕೆನಡಾದ ಆಟಗಾರ ಗೇಮ್ ಸೋತರು.</p>.<p>ಎರಡನೇ ಗೇಮ್ನಲ್ಲಿ ಕೆಲಹೊತ್ತು ಸಮಬಲದ ಹೋರಾಟ ಕಂಡುಬಂತು. ಆದರೆ, ಅಜಯ್ ಅವರು ಮನಮೋಹಕ ಸ್ಮ್ಯಾಷ್ ಹಾಗೂ ಧೀರ್ಘ ರ್ಯಾಲಿಗಳಿಂದ ಎದುರಾಳಿಯನ್ನು ಕಟ್ಟಿಹಾಕಿ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.</p>.<p>ಇನ್ನೊಂದು ಕ್ವಾರ್ಟರ್ಫೈನಲ್ ಪೈಪೋಟಿಯಲ್ಲಿ ಮಿಥುನ್, 17–21, 21–19, 21–11ರಿಂದ ಚೀನಾದ ಜು ಜೆಕಿ ಅವರ ಎದುರು ಗೆದ್ದರು. ಈ ಪಂದ್ಯವು 56 ನಿಮಿಷಗಳ ಕಾಲ ನಡೆಯಿತು.</p>.<p>ಮುಂದಿನ ಪಂದ್ಯದಲ್ಲಿ ಅವರು ಇಂಡೊನೇಷ್ಯಾದ ಶೆಸಾರ್ ಹಿರೇನ್ ಋತ್ಸಾವಿಟೊ ಅವರೊಂದಿಗೆ ಸೆಣಸಲಿದ್ದಾರೆ.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಭಾರತದ ರಿತುಪರ್ಣಾ ದಾಸ್, 19–21, 14–21ರಿಂದ ಥಾಯ್ಲೆಂಡ್ನ ಫಿಟ್ಟ್ಯಾಪರ್ನ್ ಚೈವಾನ್ ಅವರ ಎದುರು ಪರಾಭವಗೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೊ ಚಿ ಮಿನ್ ಸಿಟಿ</strong>: ಭಾರತದ ಅಜಯ್ ಜಯರಾಮ್ ಹಾಗೂ ಮಿಥುನ್ ಮಂಜುನಾಥ್ ಅವರು ಇಲ್ಲಿ ನಡೆಯುತ್ತಿರುವ ವಿಯೆಟ್ನಾಂ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಸೆಮಿಫೈನಲ್ ಹಂತ ಪ್ರವೇಶಿಸಿದ್ದಾರೆ.</p>.<p>ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 13ನೇ ಸ್ಥಾನದಲ್ಲಿರುವ ಅಜಯ್, 26–24, 21–17ರಿಂದ ಕೆನಡಾದ ಶೆಂಗ್ ಕ್ಸಿಯೊಡಂಗ್ ಅವರನ್ನು ಮಣಿಸಿದರು.</p>.<p>ನಾಲ್ಕರ ಘಟ್ಟದ ಹಣಾಹಣಿಯಲ್ಲಿ ಭಾರತದ ಆಟಗಾರ ಜಪಾನ್ನ ಏಳನೇ ಶ್ರೇಯಾಂಕಿತ ಯು ಇಗರಾಶಿ ಅವರನ್ನು ಎದುರಿಸಲಿದ್ದಾರೆ.</p>.<p>ತೀವ್ರ ಪೈಪೋಟಿಯಿಂದ ಕೂಡಿದ್ದ ಪಂದ್ಯವುಅನೇಕ ರೋಚಕ ಕ್ಷಣಗಳಿಗೆ ಸಾಕ್ಷಿಯಾಯಿತು. ಪಂದ್ಯದ ಆರಂಭದಿಂದಲೂ ಪ್ರಾಬಲ್ಯ ಮೆರೆದ ಅಜಯ್, ಮೊದಲನೇ ಗೇಮ್ನಲ್ಲಿ 5–0ಯ ಮುನ್ನಡೆ ಗಳಿಸಿದರು. ಆದರೆ, ಕೂಡಲೇ ಎಚ್ಚೆತ್ತಿಕೊಂಡ ಶೆಂಗ್ ಅವರು ತಿರುಗೇಟು ನೀಡಿದರು. ಮುಂದಿನ ಕೆಲಹೊತ್ತು ಸಮಬಲದ ಹೋರಾಟ ಕಂಡುಬಂತು. ಈ ವೇಳೆ ಕೆಲವು ತಪ್ಪುಗಳನ್ನು ಎಸಗಿದ ಭಾರತದ ಆಟಗಾರ ಪಾಯಿಂಟ್ಸ್ ಕಳೆದುಕೊಂಡರು. ಆಗ, 17–14ರಲ್ಲಿ ಶೆಂಗ್ ಅವರು ಮುನ್ನಡೆ ಹೊಂದಿದ್ದರು.</p>.<p>ಆದರೆ, ಎದುರಾಳಿ ತಂತ್ರಗಳಿಗೆ ಪ್ರತಿತಂತ್ರ ಹೆಣೆದ ಅವರು ಪಾಯಿಂಟ್ಸ್ ಗಳಿಸಿದರು. ಅವರ ಸವಾಲನ್ನು ಮೀರಲು ವಿಫಲರಾದ ಕೆನಡಾದ ಆಟಗಾರ ಗೇಮ್ ಸೋತರು.</p>.<p>ಎರಡನೇ ಗೇಮ್ನಲ್ಲಿ ಕೆಲಹೊತ್ತು ಸಮಬಲದ ಹೋರಾಟ ಕಂಡುಬಂತು. ಆದರೆ, ಅಜಯ್ ಅವರು ಮನಮೋಹಕ ಸ್ಮ್ಯಾಷ್ ಹಾಗೂ ಧೀರ್ಘ ರ್ಯಾಲಿಗಳಿಂದ ಎದುರಾಳಿಯನ್ನು ಕಟ್ಟಿಹಾಕಿ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.</p>.<p>ಇನ್ನೊಂದು ಕ್ವಾರ್ಟರ್ಫೈನಲ್ ಪೈಪೋಟಿಯಲ್ಲಿ ಮಿಥುನ್, 17–21, 21–19, 21–11ರಿಂದ ಚೀನಾದ ಜು ಜೆಕಿ ಅವರ ಎದುರು ಗೆದ್ದರು. ಈ ಪಂದ್ಯವು 56 ನಿಮಿಷಗಳ ಕಾಲ ನಡೆಯಿತು.</p>.<p>ಮುಂದಿನ ಪಂದ್ಯದಲ್ಲಿ ಅವರು ಇಂಡೊನೇಷ್ಯಾದ ಶೆಸಾರ್ ಹಿರೇನ್ ಋತ್ಸಾವಿಟೊ ಅವರೊಂದಿಗೆ ಸೆಣಸಲಿದ್ದಾರೆ.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಭಾರತದ ರಿತುಪರ್ಣಾ ದಾಸ್, 19–21, 14–21ರಿಂದ ಥಾಯ್ಲೆಂಡ್ನ ಫಿಟ್ಟ್ಯಾಪರ್ನ್ ಚೈವಾನ್ ಅವರ ಎದುರು ಪರಾಭವಗೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
