ವಿಶ್ವ ದಾಖಲೆ ನಿರ್ಮಿಸಿದ ಮಹಿಳಾ ತಂಡ

ಚಾಂಗ್ವಾನ್, ದಕ್ಷಿಣ ಕೊರಿಯಾ: ವಿಶ್ವ ಶೂಟಿಂಗ್ ಚಾಂಪಿಯನ್ಷಿಪ್ನ ಜೂನಿಯರ್ ವಿಭಾಗದಲ್ಲಿ ಭಾರತದ ಶೂಟರ್ಗಳ ಪದಕಗಳ ಬೇಟೆ ಮುಂದುವರಿದಿದೆ.

. ಮಹಿಳೆಯರ 10 ಮೀಟರ್ಸ್ ಏರ್ ರೈಫಲ್ನಲ್ಲಿ ಭಾರತ ತಂಡ ವಿಶ್ವ ದಾಖಲೆಯೊಂದಿಗೆ ಚಿನ್ನಕ್ಕೆ ಮುತ್ತಿಕ್ಕಿದೆ. ಪುರುಷರ 10 ಮೀಟರ್ಸ್ ಏರ್ ರೈಫಲ್ ವೈಯಕ್ತಿಕ ವಿಭಾಗದಲ್ಲಿ ಹೃದಯ್ ಹಜಾರಿಕಾ ಚಿನ್ನಕ್ಕೆ ಗುರಿ ಇಟ್ಟಿದ್ದಾರೆ.

. ಶುಕ್ರವಾರ ನಡೆದ ತಂಡ ವಿಭಾಗದ ಫೈನಲ್ನಲ್ಲಿ ಭಾರತ ಒಟ್ಟು 1880.7 ಸ್ಕೋರ್ ಸಂಗ್ರಹಿಸಿ ಮೊದಲ ಸ್ಥಾನ ಗಳಿಸಿತು.

. ಎಲಾವೆನಿಲ್ ವಲಾರಿವನ್ (631 ಸ್ಕೋರ್), ಶ್ರೇಯಾ ಅಗರವಾಲ್ (628.5) ಮತ್ತು ಮಾನಿನಿ ಕೌಶಿಕ್ (621.2) ಅವರಿದ್ದ ತಂಡ ಅಮೋಘ ಸಾಮರ್ಥ್ಯ ತೋರಿತು.

. ವೈಯಕ್ತಿಕ ವಿಭಾಗದಲ್ಲಿ ಎಲಾವೆನಿಲ್ ಬೆಳ್ಳಿಯ ಪದಕ ಗೆದ್ದರು. ಫೈನಲ್ನಲ್ಲಿ ಅವರು 249.8 ಸ್ಕೋರ್ ಸಂಗ್ರಹಿಸಿದರು. ಈ ವಿಭಾಗದ ಕಂಚಿನ ಪದಕ ಭಾರತದ ಶ್ರೇಯಾ (228.4) ಅವರ ಪಾಲಾಯಿತು. ಚೀನಾದ ಶಿ ಮೆಂಗ್ಯಾವೊ (250.5) ಚಿನ್ನದ ಪದಕ ಪಡೆದರು.

. ಹಜಾರಿಕಾ ಮಿಂಚು: ಜೂನಿಯರ್ ಪುರುಷರ ವಿಭಾಗದಲ್ಲಿ ಹಜಾರಿಕಾ ಮಿಂಚಿದರು. ಅರ್ಹತಾ ಸುತ್ತಿನಲ್ಲಿ 627.3 ಸ್ಕೋರ್ ಗಳಿಸಿದ್ದ ಅವರು ಫೈನಲ್ನಲ್ಲೂ ಮೋಡಿ ಮಾಡಿದರು.

. 24 ಶಾಟ್ಗಳ ಫೈನಲ್ನಲ್ಲಿ ಹೃದಯ್ ಮತ್ತು ಇರಾನ್ನ ಮೊಹಮ್ಮದ್ ಅಮೀರ್ ನೆಕೌನಮ್ ಅವರು ತಲಾ 250.1 ಸ್ಕೋರ್ ಗಳಿಸಿದರು. ಹೀಗಾಗಿ ವಿಜೇತರನ್ನು ನಿರ್ಧರಿಸಲು ‘ಶೂಟ್ ಆಫ್’ ಮೊರೆ ಹೋಗಲಾಯಿತು. ಈ ಅವಕಾಶದಲ್ಲಿ 17 ವರ್ಷ ವಯಸ್ಸಿನ ಭಾರತದ ಶೂಟರ್ 10.3 ಸ್ಕೋರ್ ಗಳಿಸಿದರು. ನೆಕೌನಮ್ 10.2 ಸ್ಕೋರ್ ಕಲೆಹಾಕಲಷ್ಟೇ ಶಕ್ತರಾದರು.

. ರಷ್ಯಾದ ಗ್ರೆಗೊರಿಯಾ ಶಮಕೋವ್ (228.6 ಸ್ಕೋರ್) ಕಂಚಿನ ಪದಕ ಜಯಿಸಿದರು.

. ಪುರುಷರ ತಂಡ ವಿಭಾಗದಲ್ಲಿ ಭಾರತ (1872.3 ಸ್ಕೋರ್) ನಾಲ್ಕನೇ ಸ್ಥಾನ ಗಳಿಸಿತು.

. ಹೃದಯ್, ದಿವ್ಯಾಂಶ್ ಪನ್ವಾರ್ ಮತ್ತು ಅರ್ಜುನ್ ಬಬುತಾ ಅವರು ತಂಡದಲ್ಲಿದ್ದರು.

. ಸೀನಿಯರ್ ಪುರುಷರ 50 ಮೀಟರ್ಸ್ ರೈಫಲ್ ತ್ರಿ ಪೊಷಿಸನ್ ವಿಭಾಗದಲ್ಲಿ ಭಾರತ ನಿರಾಸೆ ಕಂಡಿತು.

. ಏಷ್ಯನ್ ಕ್ರೀಡಾಕೂಟದಲ್ಲಿ ಬೆಳ್ಳಿಯ ಪದಕ ಜಯಿಸಿದ್ದ ಸಂಜೀವ್ ರಜಪೂತ್, ಫೈನಲ್ ಪ್ರವೇಶಿಸಲು ವಿಫಲರಾದರು. ಅರ್ಹತಾ ಸುತ್ತಿನಲ್ಲಿ 1158 ಸ್ಕೋರ್ ಕಲೆಹಾಕಿದ ಅವರು 58ನೇ ಸ್ಥಾನ ಗಳಿಸಿದರು.

. ಅಖಿಲ್ ಶೆರಾನ್ (1167) ಮತ್ತು ಸ್ವಪ್ನಿಲ್ ಕುಶಾಲೆ (1161) ಅವರು ಕ್ರಮವಾಗಿ 44 ಮತ್ತು 55ನೇ ಸ್ಥಾನಗಳಲ್ಲಿ ಕಾಣಿಸಿಕೊಂಡರು.

. ಇದೇ ವಿಭಾಗದ ತಂಡ ಸ್ಪರ್ಧೆಯಲ್ಲಿ ಭಾರತ (3503 ಸ್ಕೋರ್) 11ನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು.

. ಮಹಿಳೆಯರ 25 ಮೀಟರ್ಸ್ ಪಿಸ್ತೂಲ್ ವಿಭಾಗದಲ್ಲಿ ಮನು ಭಾಕರ್ ಫೈನಲ್ ಪ್ರವೇಶಿಸಿದರು. ಅವರು ಅರ್ಹತಾ ಸುತ್ತಿನಲ್ಲಿ 294 ಸ್ಕೋರ್ ಸಂಗ್ರಹಿಸಿದರು.

. ಏಷ್ಯನ್ ಕೂಟದಲ್ಲಿ ಚಿನ್ನ ಜಯಿಸಿದ್ದ ರಾಹಿ ಸರ್ನೋಬತ್ ಮತ್ತು ಕಂಚು ಗೆದ್ದಿದ್ದ ಹೀನಾ ಸಿಧು ಕ್ರಮವಾಗಿ 27 ಮತ್ತು 61ನೇ ಸ್ಥಾನ ಪಡೆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ದಾಖಲೆ ನಿರ್ಮಿಸಿದ ಮಹಿಳಾ ತಂಡ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ