<p><strong>ಅಮಾನ್, ಜೋರ್ಡಾನ್:</strong> ಮಿಂಚಿನ ಪಂಚ್ಗಳ ಮೂಲಕ ಎದುರಾಳಿಗಳನ್ನು ತಬ್ಬಿಬ್ಬುಗೊಳಿಸಿದ ಭಾರತದ ವಿಕಾಸ್ ಕೃಷ್ಣನ್ ಮತ್ತು ಸಿಮ್ರನ್ಜಿತ್ ಕೌರ್ ಅವರು ಏಷ್ಯನ್ ಒಲಿಂಪಿಕ್ಸ್ ಅರ್ಹತಾ ಬಾಕ್ಸಿಂಗ್ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.</p>.<p>ಎಂ.ಸಿ. ಮೇರಿ ಕೋಮ್, ಅಮಿತ್ ಪಂಗಲ್, ಪೂಜಾ ರಾಣಿ ಮತ್ತು ಲವ್ಲಿನಾ ಬೊರ್ಗೊಹೆನ್ ಅವರು ಕಂಚಿನ ಪದಕಗಳೊಂದಿಗೆ ಅಭಿಯಾನ ಮುಗಿಸಿ ದ್ದಾರೆ. ಈ ಆರು ಮಂದಿ ಬಾಕ್ಸರ್ಗಳು ಇಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದರು.</p>.<p>ಮಂಗಳವಾರ ನಡೆದ ಪುರುಷರ 69 ಕೆ.ಜಿ.ವಿಭಾಗದ ನಾಲ್ಕರ ಘಟ್ಟದ ಪೈಪೋಟಿಯಲ್ಲಿ ವಿಕಾಸ್, ಎರಡನೇ ಶ್ರೇಯಾಂಕದ ಬಾಕ್ಸರ್ ಅಬ್ಲೈಖಾನ್ ಜುಸ್ಸುಪೊವ್ಗೆ ಆಘಾತ ನೀಡಿದರು.</p>.<p>ಕಜಕಸ್ತಾನದ ಜುಸ್ಸುಪೊವ್ ಅವರು ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಜಯಿಸಿದ್ದರು. ಹೀಗಾಗಿ ಭಾರತದ 28 ವರ್ಷ ವಯಸ್ಸಿನ ಬಾಕ್ಸರ್, ಮೊದಲ ಮೂರು ನಿಮಿಷಗಳಲ್ಲಿ ಎಚ್ಚರಿಕೆಯಿಂದ ಸೆಣಸಿದರು.</p>.<p>ಎರಡನೇ ಸುತ್ತಿನಲ್ಲಿ ವಿಕಾಸ್, ಆಕ್ರಮಣಕಾರಿ ತಂತ್ರಕ್ಕೆ ಒತ್ತು ನೀಡಿದರು. ಎದುರಾಳಿಯ ತಲೆ ಹಾಗೂ ದವಡೆಗೆ ರಭಸದ ಪಂಚ್ಗಳನ್ನು ಮಾಡಿ ಪಾಯಿಂಟ್ಸ್ ಕಲೆಹಾಕಿದರು. ಪಂದ್ಯದ ವೇಳೆ ಎಡ ಹುಬ್ಬಿಗೆ ಪೆಟ್ಟಾದರೂ ಎದೆಗುಂದದ ವಿಕಾಸ್, ಛಲದಿಂದ ಹೋರಾಡಿ ಗಮನ ಸೆಳೆದರು.</p>.<p>ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿರುವ ವಿಕಾಸ್ ಅವರು ಫೈನಲ್ನಲ್ಲಿ ಜೋರ್ಡಾನ್ನ ಇಶಾಹ್ ಹುಸೇನ್ ಸವಾಲು ಎದುರಿಸಲಿದ್ದಾರೆ.</p>.<p>ಮತ್ತೊಂದು ಸೆಮಿಫೈನಲ್ನಲ್ಲಿ ಹುಸೇನ್ ಅವರು ಅಗ್ರಶ್ರೇಯಾಂಕದ ಬಾಕ್ಸರ್ ಉಸ್ಮಾನ್ ಬಟುರೋವ್ಗೆ ಆಘಾತ ನೀಡಿದರು. ಉಸ್ಮಾನ್ ಅವರು ಏಷ್ಯನ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಜಯಿಸಿದ್ದರು.</p>.<p><strong>ಪಂಗಲ್ಗೆ ಕಂಚು: </strong>ಪುರುಷರ 52 ಕೆ.ಜಿ. ವಿಭಾಗದಲ್ಲಿ ಭಾರತದ ಭರವಸೆಯಾಗಿದ್ದ ಅಮಿತ್ ಪಂಗಲ್, ಕಂಚಿನ ಪದಕ ಪಡೆದರು.</p>.<p>ಟೂರ್ನಿಯಲ್ಲಿ ಅಗ್ರಶ್ರೇಯಾಂಕ ಪಡೆದಿದ್ದ ಅಮಿತ್, ಸೆಮಿಫೈನಲ್ನಲ್ಲಿ 2–3 ಪಾಯಿಂಟ್ಸ್ನಿಂದ ಚೀನಾದ ಜಿಯಾಂಗ್ವುನ್ ಹು ವಿರುದ್ಧ ಪರಾಭವಗೊಂಡರು.</p>.<p>ಹೋದ ವರ್ಷ ನಡೆದಿದ್ದ ಏಷ್ಯನ್ ಚಾಂಪಿಯನ್ಷಿಪ್ನ ಸೆಮಿಫೈನಲ್ನಲ್ಲಿ ಜಿಯಾಂಗ್ವುನ್ ಅವರು ಪಂಗಲ್ಗೆ ಶರಣಾಗಿದ್ದರು. ಒಲಿಂಪಿಕ್ಸ್ ಮತ್ತು ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕಗಳನ್ನು ಗೆದ್ದಿರುವ ಚೀನಾದ ಆಟಗಾರ, ಹಿಂದಿನ ಸೋಲಿಗೆ ಮುಯ್ಯಿ ತೀರಿಸಿಕೊಂಡರು.</p>.<p><strong>ಕೌರ್ ಮಿಂಚು:</strong> ಮಹಿಳೆಯರ 60 ಕೆ.ಜಿ.ವಿಭಾಗದ ಸೆಮಿಫೈನಲ್ನಲ್ಲಿ ಸಿಮ್ರನ್ಜಿತ್ , ತೈವಾನ್ನ ಶೀಹ್ ಯೀ ವು ಅವರನ್ನು ಮಣಿಸಿದರು. ಮೊದಲ ಸುತ್ತಿನಲ್ಲಿ ಹಿನ್ನಡೆ ಕಂಡಿದ್ದ ಕೌರ್, ಎರಡನೇ ಸುತ್ತಿನಲ್ಲಿ ಮಿಂಚಿದರು.</p>.<p>ಬುಧವಾರ ನಡೆಯುವ ಫೈನಲ್ನಲ್ಲಿ ಕೌರ್, ದಕ್ಷಿಣ ಕೊರಿಯಾದ ಒಹ್ ಯೆವೊಂಜಿ ಎದುರು ಸೆಣಸಲಿದ್ದಾರೆ.</p>.<p><strong>ಮೇರಿಗೆ ಆಘಾತ:</strong> 51 ಕೆ.ಜಿ.ವಿಭಾಗದಲ್ಲಿ ಮೇರಿ ಆಘಾತ ಕಂಡರು. ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಆರು ಚಿನ್ನ ಗೆದ್ದಿರುವ ಮೇರಿ, ಚೀನಾದ ಚಾಂಗ್ ಯುವನ್ ಎದುರು ಸೋತರು.</p>.<p>69 ಕೆ.ಜಿ.ವಿಭಾಗದಲ್ಲಿ ಸ್ಪರ್ಧಿಸಿದ್ದ ಲವ್ಲಿನಾ ಕೂಡ ಸೆಮಿಫೈನಲ್ನಲ್ಲಿ ಮುಗ್ಗರಿಸಿದರು. ಎರಡನೇ ಶ್ರೇಯಾಂಕ ಹೊಂದಿದ್ದ ಭಾರತದ ಬಾಕ್ಸರ್ 0–5 ಪಾಯಿಂಟ್ಸ್ನಿಂದ ಚೀನಾದ ಮೂರನೇ ಶ್ರೇಯಾಂಕದ ಬಾಕ್ಸರ್ ಹಾಂಗ್ ಗು ಎದುರು ಆಘಾತ ಕಂಡರು.</p>.<p>30 ವರ್ಷ ವಯಸ್ಸಿನ ಲವ್ಲಿನಾ, ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಗೆದ್ದಿದ್ದರು.</p>.<p>75 ಕೆ.ಜಿ.ವಿಭಾಗದಲ್ಲಿ ರಿಂಗ್ಗೆ ಇಳಿದಿದ್ದ ಪೂಜಾ ರಾಣಿ ಕೂಡ ಫೈನಲ್ ಪ್ರವೇಶಿಸಲು ವಿಫಲರಾದರು.</p>.<p>ಸೆಮಿಫೈನಲ್ನಲ್ಲಿ ಪೂಜಾ, ಲೀ ಕ್ವಿಯಾನ್ಗೆ ಶರಣಾದರು. ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಸಾಧನೆ ಮಾಡಿರುವ ಕ್ವಿಯಾನ್, ಇಲ್ಲಿ ಅಗ್ರಶ್ರೇಯಾಂಕ ಹೊಂದಿದ್ದಾರೆ..</p>.<p><strong>ಸಚಿನ್ಗೆ ಗೆಲುವು: </strong>ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸುವತ್ತ ಚಿತ್ತ ನೆಟ್ಟಿರುವ ಸಚಿನ್ ಕುಮಾರ್ ಈ ಹಾದಿಯಲ್ಲಿ ಇನ್ನೊಂದು ಹೆಜ್ಜೆ ಇಡಬೇಕಿದೆ.</p>.<p>81 ಕೆ.ಜಿ.ವಿಭಾಗದ ಮೊದಲ ‘ಬಾಕ್ಸ್ ಆಫ್’ ಪಂದ್ಯದಲ್ಲಿ ಸಚಿನ್ 4–1 ಪಾಯಿಂಟ್ಸ್ನಿಂದ ಮಾನ್ ಕ್ವುವೊಂಗ್ ಗುಯೆನ್ ಅವರನ್ನು ಸೋಲಿಸಿದರು.</p>.<p>ಬುಧವಾರ ನಡೆಯುವ ಎರಡನೇ ‘ಬಾಕ್ಸ್ ಆಫ್’ ಪಂದ್ಯದಲ್ಲಿ ಸಚಿನ್ ಅವರು ತಾಜಿಕಿಸ್ತಾನದ ಶಬ್ಬೊಸ್ ನೆಗಮಟುಲ್ಲೊವ್ ವಿರುದ್ಧ ಸೆಣಸಲಿದ್ದಾರೆ. ಈ ಪಂದ್ಯದಲ್ಲಿ ಗೆದ್ದರೆ ಭಾರತದ ಬಾಕ್ಸರ್ಗೆ ಟೋಕಿಯೊ ಟಿಕೆಟ್ ಸಿಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಮಾನ್, ಜೋರ್ಡಾನ್:</strong> ಮಿಂಚಿನ ಪಂಚ್ಗಳ ಮೂಲಕ ಎದುರಾಳಿಗಳನ್ನು ತಬ್ಬಿಬ್ಬುಗೊಳಿಸಿದ ಭಾರತದ ವಿಕಾಸ್ ಕೃಷ್ಣನ್ ಮತ್ತು ಸಿಮ್ರನ್ಜಿತ್ ಕೌರ್ ಅವರು ಏಷ್ಯನ್ ಒಲಿಂಪಿಕ್ಸ್ ಅರ್ಹತಾ ಬಾಕ್ಸಿಂಗ್ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.</p>.<p>ಎಂ.ಸಿ. ಮೇರಿ ಕೋಮ್, ಅಮಿತ್ ಪಂಗಲ್, ಪೂಜಾ ರಾಣಿ ಮತ್ತು ಲವ್ಲಿನಾ ಬೊರ್ಗೊಹೆನ್ ಅವರು ಕಂಚಿನ ಪದಕಗಳೊಂದಿಗೆ ಅಭಿಯಾನ ಮುಗಿಸಿ ದ್ದಾರೆ. ಈ ಆರು ಮಂದಿ ಬಾಕ್ಸರ್ಗಳು ಇಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದರು.</p>.<p>ಮಂಗಳವಾರ ನಡೆದ ಪುರುಷರ 69 ಕೆ.ಜಿ.ವಿಭಾಗದ ನಾಲ್ಕರ ಘಟ್ಟದ ಪೈಪೋಟಿಯಲ್ಲಿ ವಿಕಾಸ್, ಎರಡನೇ ಶ್ರೇಯಾಂಕದ ಬಾಕ್ಸರ್ ಅಬ್ಲೈಖಾನ್ ಜುಸ್ಸುಪೊವ್ಗೆ ಆಘಾತ ನೀಡಿದರು.</p>.<p>ಕಜಕಸ್ತಾನದ ಜುಸ್ಸುಪೊವ್ ಅವರು ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಜಯಿಸಿದ್ದರು. ಹೀಗಾಗಿ ಭಾರತದ 28 ವರ್ಷ ವಯಸ್ಸಿನ ಬಾಕ್ಸರ್, ಮೊದಲ ಮೂರು ನಿಮಿಷಗಳಲ್ಲಿ ಎಚ್ಚರಿಕೆಯಿಂದ ಸೆಣಸಿದರು.</p>.<p>ಎರಡನೇ ಸುತ್ತಿನಲ್ಲಿ ವಿಕಾಸ್, ಆಕ್ರಮಣಕಾರಿ ತಂತ್ರಕ್ಕೆ ಒತ್ತು ನೀಡಿದರು. ಎದುರಾಳಿಯ ತಲೆ ಹಾಗೂ ದವಡೆಗೆ ರಭಸದ ಪಂಚ್ಗಳನ್ನು ಮಾಡಿ ಪಾಯಿಂಟ್ಸ್ ಕಲೆಹಾಕಿದರು. ಪಂದ್ಯದ ವೇಳೆ ಎಡ ಹುಬ್ಬಿಗೆ ಪೆಟ್ಟಾದರೂ ಎದೆಗುಂದದ ವಿಕಾಸ್, ಛಲದಿಂದ ಹೋರಾಡಿ ಗಮನ ಸೆಳೆದರು.</p>.<p>ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿರುವ ವಿಕಾಸ್ ಅವರು ಫೈನಲ್ನಲ್ಲಿ ಜೋರ್ಡಾನ್ನ ಇಶಾಹ್ ಹುಸೇನ್ ಸವಾಲು ಎದುರಿಸಲಿದ್ದಾರೆ.</p>.<p>ಮತ್ತೊಂದು ಸೆಮಿಫೈನಲ್ನಲ್ಲಿ ಹುಸೇನ್ ಅವರು ಅಗ್ರಶ್ರೇಯಾಂಕದ ಬಾಕ್ಸರ್ ಉಸ್ಮಾನ್ ಬಟುರೋವ್ಗೆ ಆಘಾತ ನೀಡಿದರು. ಉಸ್ಮಾನ್ ಅವರು ಏಷ್ಯನ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಜಯಿಸಿದ್ದರು.</p>.<p><strong>ಪಂಗಲ್ಗೆ ಕಂಚು: </strong>ಪುರುಷರ 52 ಕೆ.ಜಿ. ವಿಭಾಗದಲ್ಲಿ ಭಾರತದ ಭರವಸೆಯಾಗಿದ್ದ ಅಮಿತ್ ಪಂಗಲ್, ಕಂಚಿನ ಪದಕ ಪಡೆದರು.</p>.<p>ಟೂರ್ನಿಯಲ್ಲಿ ಅಗ್ರಶ್ರೇಯಾಂಕ ಪಡೆದಿದ್ದ ಅಮಿತ್, ಸೆಮಿಫೈನಲ್ನಲ್ಲಿ 2–3 ಪಾಯಿಂಟ್ಸ್ನಿಂದ ಚೀನಾದ ಜಿಯಾಂಗ್ವುನ್ ಹು ವಿರುದ್ಧ ಪರಾಭವಗೊಂಡರು.</p>.<p>ಹೋದ ವರ್ಷ ನಡೆದಿದ್ದ ಏಷ್ಯನ್ ಚಾಂಪಿಯನ್ಷಿಪ್ನ ಸೆಮಿಫೈನಲ್ನಲ್ಲಿ ಜಿಯಾಂಗ್ವುನ್ ಅವರು ಪಂಗಲ್ಗೆ ಶರಣಾಗಿದ್ದರು. ಒಲಿಂಪಿಕ್ಸ್ ಮತ್ತು ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕಗಳನ್ನು ಗೆದ್ದಿರುವ ಚೀನಾದ ಆಟಗಾರ, ಹಿಂದಿನ ಸೋಲಿಗೆ ಮುಯ್ಯಿ ತೀರಿಸಿಕೊಂಡರು.</p>.<p><strong>ಕೌರ್ ಮಿಂಚು:</strong> ಮಹಿಳೆಯರ 60 ಕೆ.ಜಿ.ವಿಭಾಗದ ಸೆಮಿಫೈನಲ್ನಲ್ಲಿ ಸಿಮ್ರನ್ಜಿತ್ , ತೈವಾನ್ನ ಶೀಹ್ ಯೀ ವು ಅವರನ್ನು ಮಣಿಸಿದರು. ಮೊದಲ ಸುತ್ತಿನಲ್ಲಿ ಹಿನ್ನಡೆ ಕಂಡಿದ್ದ ಕೌರ್, ಎರಡನೇ ಸುತ್ತಿನಲ್ಲಿ ಮಿಂಚಿದರು.</p>.<p>ಬುಧವಾರ ನಡೆಯುವ ಫೈನಲ್ನಲ್ಲಿ ಕೌರ್, ದಕ್ಷಿಣ ಕೊರಿಯಾದ ಒಹ್ ಯೆವೊಂಜಿ ಎದುರು ಸೆಣಸಲಿದ್ದಾರೆ.</p>.<p><strong>ಮೇರಿಗೆ ಆಘಾತ:</strong> 51 ಕೆ.ಜಿ.ವಿಭಾಗದಲ್ಲಿ ಮೇರಿ ಆಘಾತ ಕಂಡರು. ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಆರು ಚಿನ್ನ ಗೆದ್ದಿರುವ ಮೇರಿ, ಚೀನಾದ ಚಾಂಗ್ ಯುವನ್ ಎದುರು ಸೋತರು.</p>.<p>69 ಕೆ.ಜಿ.ವಿಭಾಗದಲ್ಲಿ ಸ್ಪರ್ಧಿಸಿದ್ದ ಲವ್ಲಿನಾ ಕೂಡ ಸೆಮಿಫೈನಲ್ನಲ್ಲಿ ಮುಗ್ಗರಿಸಿದರು. ಎರಡನೇ ಶ್ರೇಯಾಂಕ ಹೊಂದಿದ್ದ ಭಾರತದ ಬಾಕ್ಸರ್ 0–5 ಪಾಯಿಂಟ್ಸ್ನಿಂದ ಚೀನಾದ ಮೂರನೇ ಶ್ರೇಯಾಂಕದ ಬಾಕ್ಸರ್ ಹಾಂಗ್ ಗು ಎದುರು ಆಘಾತ ಕಂಡರು.</p>.<p>30 ವರ್ಷ ವಯಸ್ಸಿನ ಲವ್ಲಿನಾ, ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಎರಡು ಕಂಚಿನ ಪದಕಗಳನ್ನು ಗೆದ್ದಿದ್ದರು.</p>.<p>75 ಕೆ.ಜಿ.ವಿಭಾಗದಲ್ಲಿ ರಿಂಗ್ಗೆ ಇಳಿದಿದ್ದ ಪೂಜಾ ರಾಣಿ ಕೂಡ ಫೈನಲ್ ಪ್ರವೇಶಿಸಲು ವಿಫಲರಾದರು.</p>.<p>ಸೆಮಿಫೈನಲ್ನಲ್ಲಿ ಪೂಜಾ, ಲೀ ಕ್ವಿಯಾನ್ಗೆ ಶರಣಾದರು. ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಸಾಧನೆ ಮಾಡಿರುವ ಕ್ವಿಯಾನ್, ಇಲ್ಲಿ ಅಗ್ರಶ್ರೇಯಾಂಕ ಹೊಂದಿದ್ದಾರೆ..</p>.<p><strong>ಸಚಿನ್ಗೆ ಗೆಲುವು: </strong>ಟೋಕಿಯೊ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸುವತ್ತ ಚಿತ್ತ ನೆಟ್ಟಿರುವ ಸಚಿನ್ ಕುಮಾರ್ ಈ ಹಾದಿಯಲ್ಲಿ ಇನ್ನೊಂದು ಹೆಜ್ಜೆ ಇಡಬೇಕಿದೆ.</p>.<p>81 ಕೆ.ಜಿ.ವಿಭಾಗದ ಮೊದಲ ‘ಬಾಕ್ಸ್ ಆಫ್’ ಪಂದ್ಯದಲ್ಲಿ ಸಚಿನ್ 4–1 ಪಾಯಿಂಟ್ಸ್ನಿಂದ ಮಾನ್ ಕ್ವುವೊಂಗ್ ಗುಯೆನ್ ಅವರನ್ನು ಸೋಲಿಸಿದರು.</p>.<p>ಬುಧವಾರ ನಡೆಯುವ ಎರಡನೇ ‘ಬಾಕ್ಸ್ ಆಫ್’ ಪಂದ್ಯದಲ್ಲಿ ಸಚಿನ್ ಅವರು ತಾಜಿಕಿಸ್ತಾನದ ಶಬ್ಬೊಸ್ ನೆಗಮಟುಲ್ಲೊವ್ ವಿರುದ್ಧ ಸೆಣಸಲಿದ್ದಾರೆ. ಈ ಪಂದ್ಯದಲ್ಲಿ ಗೆದ್ದರೆ ಭಾರತದ ಬಾಕ್ಸರ್ಗೆ ಟೋಕಿಯೊ ಟಿಕೆಟ್ ಸಿಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
