<p><strong>ಕೋಪೆನ್ಹೇಗನ್</strong>: ಭಾರತದ ಸ್ಟಾರ್ ಡಬಲ್ ಜೋಡಿಯಾದ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ನಲ್ಲಿ ಮತ್ತೆ ಪದಕ ಗೆಲ್ಲುವ ಹಾದಿಯಲ್ಲಿ ಹೆಜ್ಜೆಯಿಟ್ಟರು. ಗುರುವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅವರು ಇಂಡೊನೇಷ್ಯಾದ ಲಿಯೊ ರೋಲಿ ಕಾರ್ನಂಡೊ – ಡೇನಿಯಲ್ ಮಾರ್ಟಿನ್ ಜೋಡಿಯನ್ನು ಸೋಲಿಸಿದರು.</p>.<p>ಆದರೆ ಮಹಿಳಾ ಡಬಲ್ಸ್ನಲ್ಲಿ ಟ್ರಿಸಾ ಜೋಲಿ– ಗಾಯತ್ರಿ ಗೋಪಿಚಂದ್ ಸವಾಲು ಅಂತ್ಯಗೊಂಡಿತು.</p>.<p>ವಿಶ್ವದ ಎರಡನೇ ಕ್ರಮಾಂಕದ ಜೋಡಿಯಾದ ಸಾತ್ವಿಕ್–ಚಿರಾಗ್ 21–15, 19–21, 21–9 ರಿಂದ 10ನೇ ಕ್ರಮಾಂಕದ ಎದುರಾಳಿಗಳ ವಿರುದ್ಧ ಗೆಲ್ಲಲು ಸುಮಾರು ಒಂದು ಗಂಟೆ ತೆಗೆದುಕೊಂಡರು. ಭಾರತದ ಆಟಗಾರರು ಈ ಹಿಂದಿನ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮೊದಲ ಬಾರಿ ಕಂಚಿನ ಪದಕ ಗಳಿಸಿದ್ದರು.</p>.<p>ಈ ಋತುವಿನಲ್ಲಿ ನಾಲ್ಕು ಪ್ರಶಸ್ತಿಗಳನ್ನು ಗೆದ್ದು ಉತ್ತಮ ಲಯದಲ್ಲಿರುವ ಸಾತ್ವಿಕ್–ಚಿರಾಗ್ ಕ್ವಾರ್ಟರ್ಫೈನಲ್ನಲ್ಲಿ ಡೆನ್ಮಾರ್ಕ್ನ ಕಿಮ್ ಅಸ್ಟ್ರುಪ್– ಆ್ಯಂಡ4ರ್ಸ್ ಸ್ಕಾರುಪ್ ರಸ್ಮುನ್ಸೆನ್ ಜೋಡಿಯನ್ನು ಎದುರಿಸಲಿದ್ದಾರೆ. 11ನೇ ಶ್ರೇಯಾಂಕದ ಈ ಜೋಡಿ 21–15, 21–10ರಿಂದ ಏಳನೇ ಶ್ರೇಯಾಂಕದ ಒಂಗ್ ಯೆ ಸಿನ್– ಟಿಯೊ ಇ ಯಿ (ಮಲೇಷ್ಯಾ) ಜೋಡಿಯನ್ನು ಸೋಲಿಸಿತು.</p>.<p>ಇದಕ್ಕೆ ಮೊದಲು ನಡೆದ ಮಹಿಳೆಯರ ಡಬಲ್ಸ್ನಲ್ಲಿ ಟ್ರಿಸಾ ಜೋಲಿ 14–21, 9–21 ರಿಂದ ಅಗ್ರ ಶ್ರೇಯಾಂಕದ ಚೆನ್ ಕ್ವಿಂಗ್ ಚೆನ್– ಜಿಯಾ ಯಿ ಫಾನ್ ಜೋಡಿಯನ್ನು ಸೋಲಿಸಿತು. ಚೀನಾದ ಈ ಜೋಡಿ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮೂರನೇ ಬಾರಿ ಚಿನ್ನದ ಪದಕದ ಗೆಲ್ಲುವ ಹುಮ್ಮಸ್ಸಿನಲ್ಲಿದೆ. ಈ ಋತುವಿನಲ್ಲಿ ಮೂರು ಪ್ರಶಸ್ತಿಗಳನ್ನು ಮತ್ತು ಮೂರು ಬಾರಿ ರನ್ನರ್ ಅಪ್ ಸ್ಥಾನ ಪಡೆದು ಸಕತ್ ಲಯದಲ್ಲಿದೆ.</p>.<p>ಚೀನಾದ ಈ ಜೋಡಿ ಎದುರು ಇದು ಭಾರತದ ಆಟಗಾರ್ತಿಯರಿಗೆ ಎರಡನೇ ಸೋಲು. ಈ ಹಿಂದೆ ಜರ್ಮನ್ ಓಪನ್ನಲ್ಲೂ ಅಗ್ರ ಕ್ರಮಾಂಕದ ಜೋಡಿ ಜಯಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಪೆನ್ಹೇಗನ್</strong>: ಭಾರತದ ಸ್ಟಾರ್ ಡಬಲ್ ಜೋಡಿಯಾದ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ನಲ್ಲಿ ಮತ್ತೆ ಪದಕ ಗೆಲ್ಲುವ ಹಾದಿಯಲ್ಲಿ ಹೆಜ್ಜೆಯಿಟ್ಟರು. ಗುರುವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅವರು ಇಂಡೊನೇಷ್ಯಾದ ಲಿಯೊ ರೋಲಿ ಕಾರ್ನಂಡೊ – ಡೇನಿಯಲ್ ಮಾರ್ಟಿನ್ ಜೋಡಿಯನ್ನು ಸೋಲಿಸಿದರು.</p>.<p>ಆದರೆ ಮಹಿಳಾ ಡಬಲ್ಸ್ನಲ್ಲಿ ಟ್ರಿಸಾ ಜೋಲಿ– ಗಾಯತ್ರಿ ಗೋಪಿಚಂದ್ ಸವಾಲು ಅಂತ್ಯಗೊಂಡಿತು.</p>.<p>ವಿಶ್ವದ ಎರಡನೇ ಕ್ರಮಾಂಕದ ಜೋಡಿಯಾದ ಸಾತ್ವಿಕ್–ಚಿರಾಗ್ 21–15, 19–21, 21–9 ರಿಂದ 10ನೇ ಕ್ರಮಾಂಕದ ಎದುರಾಳಿಗಳ ವಿರುದ್ಧ ಗೆಲ್ಲಲು ಸುಮಾರು ಒಂದು ಗಂಟೆ ತೆಗೆದುಕೊಂಡರು. ಭಾರತದ ಆಟಗಾರರು ಈ ಹಿಂದಿನ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮೊದಲ ಬಾರಿ ಕಂಚಿನ ಪದಕ ಗಳಿಸಿದ್ದರು.</p>.<p>ಈ ಋತುವಿನಲ್ಲಿ ನಾಲ್ಕು ಪ್ರಶಸ್ತಿಗಳನ್ನು ಗೆದ್ದು ಉತ್ತಮ ಲಯದಲ್ಲಿರುವ ಸಾತ್ವಿಕ್–ಚಿರಾಗ್ ಕ್ವಾರ್ಟರ್ಫೈನಲ್ನಲ್ಲಿ ಡೆನ್ಮಾರ್ಕ್ನ ಕಿಮ್ ಅಸ್ಟ್ರುಪ್– ಆ್ಯಂಡ4ರ್ಸ್ ಸ್ಕಾರುಪ್ ರಸ್ಮುನ್ಸೆನ್ ಜೋಡಿಯನ್ನು ಎದುರಿಸಲಿದ್ದಾರೆ. 11ನೇ ಶ್ರೇಯಾಂಕದ ಈ ಜೋಡಿ 21–15, 21–10ರಿಂದ ಏಳನೇ ಶ್ರೇಯಾಂಕದ ಒಂಗ್ ಯೆ ಸಿನ್– ಟಿಯೊ ಇ ಯಿ (ಮಲೇಷ್ಯಾ) ಜೋಡಿಯನ್ನು ಸೋಲಿಸಿತು.</p>.<p>ಇದಕ್ಕೆ ಮೊದಲು ನಡೆದ ಮಹಿಳೆಯರ ಡಬಲ್ಸ್ನಲ್ಲಿ ಟ್ರಿಸಾ ಜೋಲಿ 14–21, 9–21 ರಿಂದ ಅಗ್ರ ಶ್ರೇಯಾಂಕದ ಚೆನ್ ಕ್ವಿಂಗ್ ಚೆನ್– ಜಿಯಾ ಯಿ ಫಾನ್ ಜೋಡಿಯನ್ನು ಸೋಲಿಸಿತು. ಚೀನಾದ ಈ ಜೋಡಿ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮೂರನೇ ಬಾರಿ ಚಿನ್ನದ ಪದಕದ ಗೆಲ್ಲುವ ಹುಮ್ಮಸ್ಸಿನಲ್ಲಿದೆ. ಈ ಋತುವಿನಲ್ಲಿ ಮೂರು ಪ್ರಶಸ್ತಿಗಳನ್ನು ಮತ್ತು ಮೂರು ಬಾರಿ ರನ್ನರ್ ಅಪ್ ಸ್ಥಾನ ಪಡೆದು ಸಕತ್ ಲಯದಲ್ಲಿದೆ.</p>.<p>ಚೀನಾದ ಈ ಜೋಡಿ ಎದುರು ಇದು ಭಾರತದ ಆಟಗಾರ್ತಿಯರಿಗೆ ಎರಡನೇ ಸೋಲು. ಈ ಹಿಂದೆ ಜರ್ಮನ್ ಓಪನ್ನಲ್ಲೂ ಅಗ್ರ ಕ್ರಮಾಂಕದ ಜೋಡಿ ಜಯಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
