<p><strong>ಚಾಂಗ್ವಾನ್, ದಕ್ಷಿಣ ಕೊರಿಯಾ: </strong>ಭಾರತದ ಉದಯೋನ್ಮುಖ ಶೂಟರ್ ಸೌರಭ್ ಚೌಧರಿ ಅವರು ಐಎಸ್ಎಸ್ಎಫ್ ವಿಶ್ವ ಶೂಟಿಂಗ್ ಚಾಂಪಿಯನ್ಷಿಪ್ನ ಜೂನಿಯರ್ ವಿಭಾಗದಲ್ಲಿ ದಾಖಲೆಯೊಂದಿಗೆ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ.</p>.<p>ಗುರುವಾರ ನಡೆದ 10 ಮೀಟರ್ಸ್ ಏರ್ ಪಿಸ್ತೂಲ್ ವಿಭಾಗದ ಫೈನಲ್ನಲ್ಲಿ ಸೌರಭ್ 245.5 ಸ್ಕೋರ್ ಕಲೆಹಾಕಿದರು. ಇದರೊಂದಿಗೆ ತಮ್ಮದೇ ಹೆಸರಿನಲ್ಲಿದ್ದ ವಿಶ್ವ ದಾಖಲೆಯನ್ನು ಉತ್ತಮಪಡಿಸಿಕೊಂಡರು. ಜೂನ್ನಲ್ಲಿ ನಡೆದಿದ್ದ ಜೂನಿಯರ್ ವಿಶ್ವಕಪ್ನಲ್ಲಿ ಅವರು ದಾಖಲೆ ನಿರ್ಮಿಸಿದ್ದರು.</p>.<p>ಅರ್ಜುನ್ ಸಿಂಗ್ ಚೀಮಾ ಈ ವಿಭಾಗದ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು. ಫೈನಲ್ನಲ್ಲಿ ಅವರು 218 ಸ್ಕೋರ್ ಸಂಗ್ರಹಿಸಿದರು. ದಕ್ಷಿಣ ಕೊರಿಯಾದ ಹೊಜಿನ್ ಲಿಮ್ ಬೆಳ್ಳಿಯ ಪದಕ ಪಡೆದರು. ಅವರು 243.1 ಸ್ಕೋರ್ ಗಳಿಸಿದರು.</p>.<p>ಅರ್ಹತಾ ಸುತ್ತಿನಲ್ಲಿ 581 ಸ್ಕೋರ್ ಗಳಿಸಿದ್ದ ಸೌರಭ್, ಮೂರನೆಯವರಾಗಿ ಫೈನಲ್ ಪ್ರವೇಶಿಸಿದ್ದರು. 16 ವರ್ಷ ವಯಸ್ಸಿನ ಈ ಶೂಟರ್ ಇತ್ತೀಚೆಗೆ ಮುಗಿದಿದ್ದ ಏಷ್ಯನ್ ಕ್ರೀಡಾಕೂಟದಲ್ಲೂ ದಾಖಲೆಯೊಂದಿಗೆ ಚಿನ್ನದ ಪದಕ ಜಯಿಸಿದ್ದರು.</p>.<p>ತಂಡ ವಿಭಾಗದಲ್ಲಿ ಬೆಳ್ಳಿ: 10 ಮೀಟರ್ಸ್ ಏರ್ ಪಿಸ್ತೂಲ್ ತಂಡ ವಿಭಾಗದಲ್ಲಿ ಸೌರಭ್, ಅರ್ಜುನ್ ಸಿಂಗ್ ಮತ್ತು ಅನಮೋಲ್ ಅವರು ಬೆಳ್ಳಿಯ ಪದಕ ಜಯಿಸಿದರು.</p>.<p>ಫೈನಲ್ನಲ್ಲಿ ಭಾರತ ತಂಡ ಒಟ್ಟು 1730 ಸ್ಕೋರ್ ಕಲೆಹಾಕಿತು.</p>.<p>ಈ ವಿಭಾಗದ ಚಿನ್ನ ಮತ್ತು ಕಂಚಿನ ಪದಕಗಳು ಕ್ರಮವಾಗಿ ದಕ್ಷಿಣ ಕೊರಿಯಾ (1732 ಸ್ಕೋರ್) ಮತ್ತು ರಷ್ಯಾ (1711 ಸ್ಕೋರ್) ತಂಡಗಳ ಪಾಲಾದವು.</p>.<p>ಜೂನಿಯರ್ ಬಾಲಕರ ಟ್ರ್ಯಾಪ್ ತಂಡ ವಿಭಾಗದಲ್ಲಿ ಭಾರತ ಬೆಳ್ಳಿಯ ಪದಕ ಗೆದ್ದಿತು.</p>.<p>ಅಮನ್ ಅಲಿ ಎಲಾಹಿ, ವಿವಾನ್ ಕಪೂರ್ ಮತ್ತು ಮಾನವಾದಿತ್ಯ ಸಿಂಗ್ ರಾಥೋಡ್ ಅವರಿದ್ದ ತಂಡ ಫೈನಲ್ನಲ್ಲಿ 348 ಸ್ಕೋರ್ ಕಲೆಹಾಕಿತು. ಆಸ್ಟ್ರೇಲಿಯಾ ತಂಡ ಈ ವಿಭಾಗದ ಚಿನ್ನದ ಪದಕ ಜಯಿಸಿತು.</p>.<p>ಜೂನಿಯರ್ ಟ್ರ್ಯಾಪ್ ವೈಯಕ್ತಿಕ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದ ಅಮನ್ ಅಲಿ (108 ಸ್ಕೋರ್) ಆರನೇ ಸ್ಥಾನಕ್ಕೆ ತೃಪ್ತಿಪಟ್ಟರು.</p>.<p><strong>ಅಭಿಷೇಕ್ಗೆ ಎಂಟನೇ ಸ್ಥಾನ:</strong> ಸೀನಿಯರ್ ವಿಭಾಗದ 10 ಮೀಟರ್ಸ್ ಏರ್ ಪಿಸ್ತೂಲ್ ವಿಭಾಗದಲ್ಲಿ ಕಣದಲ್ಲಿದ್ದ ಅಭಿಷೇಕ್ ವರ್ಮಾ ಎಂಟನೇ ಸ್ಥಾನದೊಂದಿಗೆ ಹೋರಾಟ ಮುಗಿಸಿದರು.</p>.<p>ಫೈನಲ್ನಲ್ಲಿ ಅಭಿಷೇಕ್ ಅವರು 118 ಸ್ಕೋರ್ ಕಲೆಹಾಕಲಷ್ಟೇ ಶಕ್ತರಾದರು.</p>.<p>ದಕ್ಷಿಣ ಕೊರಿಯಾದ ಜೊಂಗೊಹ್ ಮತ್ತು ರಷ್ಯಾದ ಆರ್ಟೆಮ್ ಚೆರ್ನೌಸೊವ್ ಅವರು ಕ್ರಮವಾಗಿ ಚಿನ್ನ ಮತ್ತು ಬೆಳ್ಳಿಯ ಪದಕಗಳನ್ನು ಗೆದ್ದರು.</p>.<p>10 ಮೀಟರ್ಸ್ ಏರ್ ಪಿಸ್ತೂಲ್ ತಂಡ ವಿಭಾಗದಲ್ಲಿ ಭಾರತಕ್ಕೆ ಬೆಳ್ಳಿಯ ಪದಕ ಒಲಿಯಿತು. ಅಭಿಷೇಕ್, ಓಂ ಪ್ರಕಾಶ್ ಮಿಥರ್ವಾಲ್ ಮತ್ತು ಶಹಜಾರ್ ರಿಜ್ವಿ ಅವರನ್ನೊಳಗೊಂಡ ತಂಡ ಫೈನಲ್ನಲ್ಲಿ ಒಟ್ಟು 1738 ಸ್ಕೋರ್ ಗಳಿಸಿತು.</p>.<p><strong>ಶ್ರೇಯಸಿಗೆ ನಿರಾಸೆ:</strong> ಮಹಿಳೆಯರ ಟ್ರ್ಯಾಪ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಶ್ರೇಯಸಿ ಸಿಂಗ್ 34ನೇ ಸ್ಥಾನ ಗಳಿಸಿದರು. ಅವರು 110 ಸ್ಕೋರ್ ಕಲೆಹಾಕಿದರು.</p>.<p>ಸೀಮಾ ತೋಮರ್ (108) ಮತ್ತು ವರ್ಷಾ ವರ್ಮನ್ (107) ಅವರು ಕ್ರಮವಾಗಿ 41 ಮತ್ತು 42ನೇ ಸ್ಥಾನಗಳಲ್ಲಿ ಕಾಣಿಸಿಕೊಂಡರು.</p>.<p>ತಂಡ ವಿಭಾಗದಲ್ಲಿ ಭಾರತ ಎಂಟನೇ ಸ್ಥಾನ ಪಡೆಯಿತು. ಸೀಮಾ, ವರ್ಷಾ ಮತ್ತು ಶ್ರೇಯಸಿ ಅವರಿದ್ದ ತಂಡ ಫೈನಲ್ನಲ್ಲಿ 325 ಸ್ಕೋರ್ ಗಳಿಸಿತು.</p>.<p>ಗುರುವಾರದ ಅಂತ್ಯಕ್ಕೆ ಭಾರತ ಒಟ್ಟು 14 ಪದಕಗಳನ್ನು ಗೆದ್ದು ಪದಕ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಇದರಲ್ಲಿ ನಾಲ್ಕು ಚಿನ್ನ, ಆರು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳಿವೆ.</p>.<p>ದಕ್ಷಿಣ ಕೊರಿಯಾ ಪಟ್ಟಿಯಲ್ಲಿ ಅಗ್ರಸ್ಥಾನ ಹೊಂದಿದ್ದು, ರಷ್ಯಾ ನಂತರದ ಸ್ಥಾನದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಂಗ್ವಾನ್, ದಕ್ಷಿಣ ಕೊರಿಯಾ: </strong>ಭಾರತದ ಉದಯೋನ್ಮುಖ ಶೂಟರ್ ಸೌರಭ್ ಚೌಧರಿ ಅವರು ಐಎಸ್ಎಸ್ಎಫ್ ವಿಶ್ವ ಶೂಟಿಂಗ್ ಚಾಂಪಿಯನ್ಷಿಪ್ನ ಜೂನಿಯರ್ ವಿಭಾಗದಲ್ಲಿ ದಾಖಲೆಯೊಂದಿಗೆ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ.</p>.<p>ಗುರುವಾರ ನಡೆದ 10 ಮೀಟರ್ಸ್ ಏರ್ ಪಿಸ್ತೂಲ್ ವಿಭಾಗದ ಫೈನಲ್ನಲ್ಲಿ ಸೌರಭ್ 245.5 ಸ್ಕೋರ್ ಕಲೆಹಾಕಿದರು. ಇದರೊಂದಿಗೆ ತಮ್ಮದೇ ಹೆಸರಿನಲ್ಲಿದ್ದ ವಿಶ್ವ ದಾಖಲೆಯನ್ನು ಉತ್ತಮಪಡಿಸಿಕೊಂಡರು. ಜೂನ್ನಲ್ಲಿ ನಡೆದಿದ್ದ ಜೂನಿಯರ್ ವಿಶ್ವಕಪ್ನಲ್ಲಿ ಅವರು ದಾಖಲೆ ನಿರ್ಮಿಸಿದ್ದರು.</p>.<p>ಅರ್ಜುನ್ ಸಿಂಗ್ ಚೀಮಾ ಈ ವಿಭಾಗದ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು. ಫೈನಲ್ನಲ್ಲಿ ಅವರು 218 ಸ್ಕೋರ್ ಸಂಗ್ರಹಿಸಿದರು. ದಕ್ಷಿಣ ಕೊರಿಯಾದ ಹೊಜಿನ್ ಲಿಮ್ ಬೆಳ್ಳಿಯ ಪದಕ ಪಡೆದರು. ಅವರು 243.1 ಸ್ಕೋರ್ ಗಳಿಸಿದರು.</p>.<p>ಅರ್ಹತಾ ಸುತ್ತಿನಲ್ಲಿ 581 ಸ್ಕೋರ್ ಗಳಿಸಿದ್ದ ಸೌರಭ್, ಮೂರನೆಯವರಾಗಿ ಫೈನಲ್ ಪ್ರವೇಶಿಸಿದ್ದರು. 16 ವರ್ಷ ವಯಸ್ಸಿನ ಈ ಶೂಟರ್ ಇತ್ತೀಚೆಗೆ ಮುಗಿದಿದ್ದ ಏಷ್ಯನ್ ಕ್ರೀಡಾಕೂಟದಲ್ಲೂ ದಾಖಲೆಯೊಂದಿಗೆ ಚಿನ್ನದ ಪದಕ ಜಯಿಸಿದ್ದರು.</p>.<p>ತಂಡ ವಿಭಾಗದಲ್ಲಿ ಬೆಳ್ಳಿ: 10 ಮೀಟರ್ಸ್ ಏರ್ ಪಿಸ್ತೂಲ್ ತಂಡ ವಿಭಾಗದಲ್ಲಿ ಸೌರಭ್, ಅರ್ಜುನ್ ಸಿಂಗ್ ಮತ್ತು ಅನಮೋಲ್ ಅವರು ಬೆಳ್ಳಿಯ ಪದಕ ಜಯಿಸಿದರು.</p>.<p>ಫೈನಲ್ನಲ್ಲಿ ಭಾರತ ತಂಡ ಒಟ್ಟು 1730 ಸ್ಕೋರ್ ಕಲೆಹಾಕಿತು.</p>.<p>ಈ ವಿಭಾಗದ ಚಿನ್ನ ಮತ್ತು ಕಂಚಿನ ಪದಕಗಳು ಕ್ರಮವಾಗಿ ದಕ್ಷಿಣ ಕೊರಿಯಾ (1732 ಸ್ಕೋರ್) ಮತ್ತು ರಷ್ಯಾ (1711 ಸ್ಕೋರ್) ತಂಡಗಳ ಪಾಲಾದವು.</p>.<p>ಜೂನಿಯರ್ ಬಾಲಕರ ಟ್ರ್ಯಾಪ್ ತಂಡ ವಿಭಾಗದಲ್ಲಿ ಭಾರತ ಬೆಳ್ಳಿಯ ಪದಕ ಗೆದ್ದಿತು.</p>.<p>ಅಮನ್ ಅಲಿ ಎಲಾಹಿ, ವಿವಾನ್ ಕಪೂರ್ ಮತ್ತು ಮಾನವಾದಿತ್ಯ ಸಿಂಗ್ ರಾಥೋಡ್ ಅವರಿದ್ದ ತಂಡ ಫೈನಲ್ನಲ್ಲಿ 348 ಸ್ಕೋರ್ ಕಲೆಹಾಕಿತು. ಆಸ್ಟ್ರೇಲಿಯಾ ತಂಡ ಈ ವಿಭಾಗದ ಚಿನ್ನದ ಪದಕ ಜಯಿಸಿತು.</p>.<p>ಜೂನಿಯರ್ ಟ್ರ್ಯಾಪ್ ವೈಯಕ್ತಿಕ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದ ಅಮನ್ ಅಲಿ (108 ಸ್ಕೋರ್) ಆರನೇ ಸ್ಥಾನಕ್ಕೆ ತೃಪ್ತಿಪಟ್ಟರು.</p>.<p><strong>ಅಭಿಷೇಕ್ಗೆ ಎಂಟನೇ ಸ್ಥಾನ:</strong> ಸೀನಿಯರ್ ವಿಭಾಗದ 10 ಮೀಟರ್ಸ್ ಏರ್ ಪಿಸ್ತೂಲ್ ವಿಭಾಗದಲ್ಲಿ ಕಣದಲ್ಲಿದ್ದ ಅಭಿಷೇಕ್ ವರ್ಮಾ ಎಂಟನೇ ಸ್ಥಾನದೊಂದಿಗೆ ಹೋರಾಟ ಮುಗಿಸಿದರು.</p>.<p>ಫೈನಲ್ನಲ್ಲಿ ಅಭಿಷೇಕ್ ಅವರು 118 ಸ್ಕೋರ್ ಕಲೆಹಾಕಲಷ್ಟೇ ಶಕ್ತರಾದರು.</p>.<p>ದಕ್ಷಿಣ ಕೊರಿಯಾದ ಜೊಂಗೊಹ್ ಮತ್ತು ರಷ್ಯಾದ ಆರ್ಟೆಮ್ ಚೆರ್ನೌಸೊವ್ ಅವರು ಕ್ರಮವಾಗಿ ಚಿನ್ನ ಮತ್ತು ಬೆಳ್ಳಿಯ ಪದಕಗಳನ್ನು ಗೆದ್ದರು.</p>.<p>10 ಮೀಟರ್ಸ್ ಏರ್ ಪಿಸ್ತೂಲ್ ತಂಡ ವಿಭಾಗದಲ್ಲಿ ಭಾರತಕ್ಕೆ ಬೆಳ್ಳಿಯ ಪದಕ ಒಲಿಯಿತು. ಅಭಿಷೇಕ್, ಓಂ ಪ್ರಕಾಶ್ ಮಿಥರ್ವಾಲ್ ಮತ್ತು ಶಹಜಾರ್ ರಿಜ್ವಿ ಅವರನ್ನೊಳಗೊಂಡ ತಂಡ ಫೈನಲ್ನಲ್ಲಿ ಒಟ್ಟು 1738 ಸ್ಕೋರ್ ಗಳಿಸಿತು.</p>.<p><strong>ಶ್ರೇಯಸಿಗೆ ನಿರಾಸೆ:</strong> ಮಹಿಳೆಯರ ಟ್ರ್ಯಾಪ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಶ್ರೇಯಸಿ ಸಿಂಗ್ 34ನೇ ಸ್ಥಾನ ಗಳಿಸಿದರು. ಅವರು 110 ಸ್ಕೋರ್ ಕಲೆಹಾಕಿದರು.</p>.<p>ಸೀಮಾ ತೋಮರ್ (108) ಮತ್ತು ವರ್ಷಾ ವರ್ಮನ್ (107) ಅವರು ಕ್ರಮವಾಗಿ 41 ಮತ್ತು 42ನೇ ಸ್ಥಾನಗಳಲ್ಲಿ ಕಾಣಿಸಿಕೊಂಡರು.</p>.<p>ತಂಡ ವಿಭಾಗದಲ್ಲಿ ಭಾರತ ಎಂಟನೇ ಸ್ಥಾನ ಪಡೆಯಿತು. ಸೀಮಾ, ವರ್ಷಾ ಮತ್ತು ಶ್ರೇಯಸಿ ಅವರಿದ್ದ ತಂಡ ಫೈನಲ್ನಲ್ಲಿ 325 ಸ್ಕೋರ್ ಗಳಿಸಿತು.</p>.<p>ಗುರುವಾರದ ಅಂತ್ಯಕ್ಕೆ ಭಾರತ ಒಟ್ಟು 14 ಪದಕಗಳನ್ನು ಗೆದ್ದು ಪದಕ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಇದರಲ್ಲಿ ನಾಲ್ಕು ಚಿನ್ನ, ಆರು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳಿವೆ.</p>.<p>ದಕ್ಷಿಣ ಕೊರಿಯಾ ಪಟ್ಟಿಯಲ್ಲಿ ಅಗ್ರಸ್ಥಾನ ಹೊಂದಿದ್ದು, ರಷ್ಯಾ ನಂತರದ ಸ್ಥಾನದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
