<p><strong>ಬ್ಯಾಂಕಾಕ್: </strong>ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಜಪಾನ್ನ ಅಕಾನೆ ಯಾಮಗುಚಿ ವಿರುದ್ಧ ಅಮೋಘ ಆಟವಾಡಿದ ಭಾರತದ ಪಿ.ವಿ.ಸಿಂಧು ಥಾಯ್ಲೆಂಡ್ ಓಪನ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಒಲಿಂಪಿಕ್ಸ್ನಲ್ಲಿ ಎರಡು ಪದಕ ಗೆದ್ದುಕೊಂಡಿರುವ ಸಿಂಧು ಶುಕ್ರವಾರ ನಡೆದ ರೋಚಕ ಹಣಾಹಣಿಯಲ್ಲಿ ಎದುರಾಳಿಯನ್ನು21-15, 20-22, 21-13ರಲ್ಲಿ ಮಣಿಸಿದರು. ಎರಡನೇ ಶ್ರೇಯಾಂಕದ ಜಪಾನ್ ಆಟಗಾರ್ತಿಯನ್ನು ಮಣಿಸಲು ಅರನೇ ಶ್ರೇಯಾಂಕದ ಸಿಂಧು 51 ನಿಮಿಷ ತೆಗೆದುಕೊಂಡರು. ಫೈನಲ್ನಲ್ಲಿ ಅವರು ಒಲಿಂಪಿಕ್ ಚಾಂಪಿಯನ್, ಚೀನಾದ ಚೆನ್ ಯು ಫೀ ವಿರುದ್ಧ ಸೆಣಸುವರು.</p>.<p>ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್ಷಿಪ್ನ ಸೆಮಿಫೈನಲ್ನಲ್ಲಿ ಸಿಂಧು ಮತ್ತು ಅಕಾನೆ ಮುಕಾಮುಖಿಯಾಗಿದ್ದರು. ಆ ಪಂದ್ಯದಲ್ಲಿ ಸರ್ವ್ ಮಾಡಲು ತಡ ಮಾಡಿದರು ಎಂದು ಆರೋಪಿಸಿ ಸಿಂಧು ಮೇಲೆ ಅಂಪೈರ್ ದಂಡ ಹೇರಿದ್ದರು. ಅವರ ಒಂದು ಪಾಯಿಂಟ್ ಕಡಿತಗೊಳಿಸಲಾಗಿತ್ತು.</p>.<p>ಈ ಮೊದಲು ಅಕಾನೆ ವಿರುದ್ಧ ಒಟ್ಟು 22 ಪಂದ್ಯಗಳನ್ನು ಆಡಿದ್ದ ಸಿಂಧು 13ರಲ್ಲಿ ಜಯ ಗಳಿಸಿದ್ದರು. ಶುಕ್ರವಾರ ಮತ್ತೊಮ್ಮೆ ಮಿಂಚಿದ ಸಿಂಧು ಕ್ರಾಸ್ ಕೋರ್ಟ್ ಹೊಡೆತ, ಡ್ರಾಪ್ಗಳು ಮತ್ತು ಸ್ಲೈಜ್ಗಳ ಮೂಲಕ ವಿಶ್ವ ಚಾಂಪಿಯನ್ ಆಟಗಾರ್ತಿಯನ್ನು ಕಾಡಿದರು.</p>.<p>ಪಂದ್ಯದ ಆರಂಭದಲ್ಲಿ ಉಭಯ ಆಟಗಾರ್ತಿಯರು ಸಮಬಲದ ಪೈಪೋಟಿ ನೀಡಿದರು. ಕ್ರಮೇಣ ಆಧಿಪತ್ಯ ಸ್ಥಾಪಿಸಿದ ಸಿಂಧು ವಿರಾಮದ ವೇಳೆ 11–9ರ ಮುನ್ನಡೆ ಸಾಧಿಸಿದರು. ನಂತರ ಮುನ್ನಡೆಯನ್ನು 19–14ಕ್ಕೆ ಹಿಗ್ಗಿಸಿ ಗೇಮ್ ಗೆದ್ದುಕೊಂಡರು.</p>.<p>ಎರಡನೇ ಗೇಮ್ನಲ್ಲಿ ಸತತ 10 ಪಾಯಿಂಟ್ ಕಲೆ ಹಾಕಿದ ಸಿಂಧು 11–5ರ ಮುನ್ನಡೆ ಗಳಿಸಿದರು. ವಿರಾಮದ ನಂತರ ಸರ್ವಿಸ್ನಲ್ಲಿ ತಪ್ಪೆಸಗಿದ ಸಿಂಧು ಎದುರಾಳಿಗೆ ಪಾಯಿಂಟ್ ಬಿಟ್ಟುಕೊಟ್ಟರು. ಈ ಅವಕಾಶದ ನಂತರ ಭರ್ಜರಿ ತಿರುಗೇಟು ನೀಡಿದ ಅಕಾನೆ ಸತತ 8 ಪಾಯಿಂಟ್ ಗಳಿಸಿ ಮುನ್ನಡೆದರು. ಗೇಮ್ 16–16ರಲ್ಲಿ ಸಮ ಆದಾಗ ಕುತೂಹಲ ಹೆಚ್ಚಾಯಿತು. ಆದರೆ ಗೇಮ್ ಜಪಾನ್ ಆಟಗಾರ್ತಿಯ ಪಾಲಾಯಿತು.</p>.<p>ನಿರ್ಣಾಯಕ ಮೂರನೇ ಗೇಮ್ನ ಆರಂಭದಲ್ಲಿ 6 ಪಾಯಿಂಟ್ಗಳ ಮುನ್ನಡೆ ಗಳಿಸಿದ ಸಿಂಧು ಎದುರು ಅಕಾನೆ ಪರದಾಡಿದರು. ಬೆನ್ನು ನೋವು ಕಾಡಿದ್ದರಿಂದ ಬಲವಾದ ಹೊಡೆತಗಳಿಗೆ ಅವರು ಮುಂದಾಗಲಿಲ್ಲ. ಸಿಂಧು 15–11ರ ಮುನ್ನಡೆಯಲ್ಲಿದ್ದಾಗ ಅಕಾನೆ ನಿರಂತರ ತಪ್ಪುಗಳನ್ನು ಎಸಗಿದರು. ಈ ಸಂದರ್ಭವನ್ನು ಸಮರ್ಥವಾಗಿ ಬಳಸಿಕೊಂಡ ಭಾರತದ ಆಟಗಾರ್ತಿ ಸ್ಮ್ಯಾಷ್ಗಳನ್ನು ಸಿಡಿಸಿ ಗೇಮ್ ಮತ್ತು ಪಂದ್ಯ ಗೆದ್ದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯಾಂಕಾಕ್: </strong>ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಜಪಾನ್ನ ಅಕಾನೆ ಯಾಮಗುಚಿ ವಿರುದ್ಧ ಅಮೋಘ ಆಟವಾಡಿದ ಭಾರತದ ಪಿ.ವಿ.ಸಿಂಧು ಥಾಯ್ಲೆಂಡ್ ಓಪನ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಒಲಿಂಪಿಕ್ಸ್ನಲ್ಲಿ ಎರಡು ಪದಕ ಗೆದ್ದುಕೊಂಡಿರುವ ಸಿಂಧು ಶುಕ್ರವಾರ ನಡೆದ ರೋಚಕ ಹಣಾಹಣಿಯಲ್ಲಿ ಎದುರಾಳಿಯನ್ನು21-15, 20-22, 21-13ರಲ್ಲಿ ಮಣಿಸಿದರು. ಎರಡನೇ ಶ್ರೇಯಾಂಕದ ಜಪಾನ್ ಆಟಗಾರ್ತಿಯನ್ನು ಮಣಿಸಲು ಅರನೇ ಶ್ರೇಯಾಂಕದ ಸಿಂಧು 51 ನಿಮಿಷ ತೆಗೆದುಕೊಂಡರು. ಫೈನಲ್ನಲ್ಲಿ ಅವರು ಒಲಿಂಪಿಕ್ ಚಾಂಪಿಯನ್, ಚೀನಾದ ಚೆನ್ ಯು ಫೀ ವಿರುದ್ಧ ಸೆಣಸುವರು.</p>.<p>ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್ಷಿಪ್ನ ಸೆಮಿಫೈನಲ್ನಲ್ಲಿ ಸಿಂಧು ಮತ್ತು ಅಕಾನೆ ಮುಕಾಮುಖಿಯಾಗಿದ್ದರು. ಆ ಪಂದ್ಯದಲ್ಲಿ ಸರ್ವ್ ಮಾಡಲು ತಡ ಮಾಡಿದರು ಎಂದು ಆರೋಪಿಸಿ ಸಿಂಧು ಮೇಲೆ ಅಂಪೈರ್ ದಂಡ ಹೇರಿದ್ದರು. ಅವರ ಒಂದು ಪಾಯಿಂಟ್ ಕಡಿತಗೊಳಿಸಲಾಗಿತ್ತು.</p>.<p>ಈ ಮೊದಲು ಅಕಾನೆ ವಿರುದ್ಧ ಒಟ್ಟು 22 ಪಂದ್ಯಗಳನ್ನು ಆಡಿದ್ದ ಸಿಂಧು 13ರಲ್ಲಿ ಜಯ ಗಳಿಸಿದ್ದರು. ಶುಕ್ರವಾರ ಮತ್ತೊಮ್ಮೆ ಮಿಂಚಿದ ಸಿಂಧು ಕ್ರಾಸ್ ಕೋರ್ಟ್ ಹೊಡೆತ, ಡ್ರಾಪ್ಗಳು ಮತ್ತು ಸ್ಲೈಜ್ಗಳ ಮೂಲಕ ವಿಶ್ವ ಚಾಂಪಿಯನ್ ಆಟಗಾರ್ತಿಯನ್ನು ಕಾಡಿದರು.</p>.<p>ಪಂದ್ಯದ ಆರಂಭದಲ್ಲಿ ಉಭಯ ಆಟಗಾರ್ತಿಯರು ಸಮಬಲದ ಪೈಪೋಟಿ ನೀಡಿದರು. ಕ್ರಮೇಣ ಆಧಿಪತ್ಯ ಸ್ಥಾಪಿಸಿದ ಸಿಂಧು ವಿರಾಮದ ವೇಳೆ 11–9ರ ಮುನ್ನಡೆ ಸಾಧಿಸಿದರು. ನಂತರ ಮುನ್ನಡೆಯನ್ನು 19–14ಕ್ಕೆ ಹಿಗ್ಗಿಸಿ ಗೇಮ್ ಗೆದ್ದುಕೊಂಡರು.</p>.<p>ಎರಡನೇ ಗೇಮ್ನಲ್ಲಿ ಸತತ 10 ಪಾಯಿಂಟ್ ಕಲೆ ಹಾಕಿದ ಸಿಂಧು 11–5ರ ಮುನ್ನಡೆ ಗಳಿಸಿದರು. ವಿರಾಮದ ನಂತರ ಸರ್ವಿಸ್ನಲ್ಲಿ ತಪ್ಪೆಸಗಿದ ಸಿಂಧು ಎದುರಾಳಿಗೆ ಪಾಯಿಂಟ್ ಬಿಟ್ಟುಕೊಟ್ಟರು. ಈ ಅವಕಾಶದ ನಂತರ ಭರ್ಜರಿ ತಿರುಗೇಟು ನೀಡಿದ ಅಕಾನೆ ಸತತ 8 ಪಾಯಿಂಟ್ ಗಳಿಸಿ ಮುನ್ನಡೆದರು. ಗೇಮ್ 16–16ರಲ್ಲಿ ಸಮ ಆದಾಗ ಕುತೂಹಲ ಹೆಚ್ಚಾಯಿತು. ಆದರೆ ಗೇಮ್ ಜಪಾನ್ ಆಟಗಾರ್ತಿಯ ಪಾಲಾಯಿತು.</p>.<p>ನಿರ್ಣಾಯಕ ಮೂರನೇ ಗೇಮ್ನ ಆರಂಭದಲ್ಲಿ 6 ಪಾಯಿಂಟ್ಗಳ ಮುನ್ನಡೆ ಗಳಿಸಿದ ಸಿಂಧು ಎದುರು ಅಕಾನೆ ಪರದಾಡಿದರು. ಬೆನ್ನು ನೋವು ಕಾಡಿದ್ದರಿಂದ ಬಲವಾದ ಹೊಡೆತಗಳಿಗೆ ಅವರು ಮುಂದಾಗಲಿಲ್ಲ. ಸಿಂಧು 15–11ರ ಮುನ್ನಡೆಯಲ್ಲಿದ್ದಾಗ ಅಕಾನೆ ನಿರಂತರ ತಪ್ಪುಗಳನ್ನು ಎಸಗಿದರು. ಈ ಸಂದರ್ಭವನ್ನು ಸಮರ್ಥವಾಗಿ ಬಳಸಿಕೊಂಡ ಭಾರತದ ಆಟಗಾರ್ತಿ ಸ್ಮ್ಯಾಷ್ಗಳನ್ನು ಸಿಡಿಸಿ ಗೇಮ್ ಮತ್ತು ಪಂದ್ಯ ಗೆದ್ದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
