ಮೈಸೂರಿನ ‘ಚಿನ್ನದ ಮೀನು’ ತಾನ್ಯಾ

ಮೈಸೂರು: ‘ಈಜುಪಟುವಾಗುತ್ತೇನೆ ಅಂದುಕೊಂಡಿರಲಿಲ್ಲ. 6 ವರ್ಷದ ಹಿಂದೆ ಬೇಸಿಗೆ ಈಜು ಶಿಬಿರಕ್ಕೆ ಸೇರಿದೆ. 2017ರ ದಸರಾ ಕ್ರೀಡಾಕೂಟದಲ್ಲಿ ಸ್ಪರ್ಧಿಸಿದಾಗ ಬೆಳ್ಳಿ ಪದಕ ಸಿಕ್ಕಿದಾಗ ಅಪ್ಪ– ಅಮ್ಮ ಖುಷಿಪಟ್ಟರು. ಅಂದೇ ದೇಶ ಪ್ರತಿನಿಧಿಸಬೇಕೆನ್ನಿಸಿತು’.

. ಡಿ.29ರಂದು ಕೇರಳದ ತಿರುವನಂತಪುರದಲ್ಲಿ ಮುಕ್ತಾಯವಾದ ದಕ್ಷಿಣ ವಲಯ ಈಜು ಚಾಂಪಿಯನ್ಷಿಪ್ನಲ್ಲಿ 3 ಚಿನ್ನ ಹಾಗೂ 1 ಬೆಳ್ಳಿ ಗೆದ್ದಿರುವ ಮೈಸೂರಿನ ‘ಚಿನ್ನದ ಮೀನು’ ಎಸ್.ತಾನ್ಯಾ ಮಾತುಗಳಿವು.

. ದಟ್ಟಗಳ್ಳಿಯ ಶ್ರೀಶಾರದಾ ಪಬ್ಲಿಕ್ ಶಾಲೆಯಲ್ಲಿ 8ನೇ ತರಗತಿ ಓದುತ್ತಿರುವ ಎಸ್.ತಾನ್ಯಾ, ರಾಜ್ಯ ಮಟ್ಟದ ಈಜು ಸ್ಪರ್ಧೆಗಳಲ್ಲಿ 14 ಪದಕ, ದಕ್ಷಿಣ ವಲಯ ಮಟ್ಟದಲ್ಲಿ 5 ಪದಕ ಗೆದ್ದು (4 ಚಿನ್ನ, 1 ಬೆಳ್ಳಿ), ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

. ಕೂಟ ದಾಖಲೆ: ದಕ್ಷಿಣ ವಲಯ ಚಾಂಪಿಯನ್ಷಿಪ್ನಲ್ಲಿ 400 ಮೀ. ವೈಯಕ್ತಿಕ ಮೆಡ್ಲೆ ಸ್ಪರ್ಧೆಯಲ್ಲಿ 5.26.16 ನಿಮಿಷಗಳಲ್ಲಿ ಗುರಿ ಮುಟ್ಟಿದ ತಾನ್ಯಾ, ಕೂಟ ದಾಖಲೆ ಬರೆದರು. ಶ್ರದ್ಧಾ ಸುಧೀರ್ 2013ರಲ್ಲಿ (5.33.16 ನಿಮಿಷ) ನಿರ್ಮಿಸಿದ್ದ ದಾಖಲೆ ಮುರಿದರು.

. 50 ಮೀ. ಹಾಗೂ 100 ಮೀ ಬ್ರೆಸ್ಟ್ಸ್ಟ್ರೋಕ್ನಲ್ಲಿ ಚಿನ್ನ, 200 ಮೀ ಬ್ರೆಸ್ಟ್ ಸ್ಟ್ರೋಕ್ನಲ್ಲಿ ಬೆಳ್ಳಿ ಗೆಲ್ಲುವ ಮೂಲಕ 26 ಪಾಯಿಂಟ್ ಕಲೆಹಾಕಿ ವೈಯಕ್ತಿಕ ಚಾಂಪಿಯನ್ಷಿಪ್ ಅನ್ನು ತಮ್ಮದಾಗಿಸಿಕೊಂಡರು.

. ನಿತ್ಯ 4 ಗಂಟೆ ಅಭ್ಯಾಸ: ಜೆ.ಪಿ.ನಗರದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಈಜುಕೊಳದಲ್ಲಿ ಗ್ಲೋಬಲ್ ಸ್ಪೋರ್ಟ್ಸ್ ಅಸೋಸಿಯೇಷನ್ನಲ್ಲಿ ನಿತ್ಯ ಮುಂಜಾನೆ 5.45ರಿಂದ 7.45ರವರೆಗೆ ಹಾಗೂ ಸಂಜೆ 5ರಿಂದ 7ರವರೆಗೆ ಅಭ್ಯಾಸವನ್ನು ನಡೆಸುವ ಅವರಿಗೆ ಸಂಸ್ಥೆಯ ಮುಖ್ಯ ಕೋಚ್ ಪವನ್ ಕುಮಾರ್ ತರಬೇತಿ ನೀಡುತ್ತಿದ್ದಾರೆ.

. ಜೀವಾಂಶ್ಗೂ ಚಿನ್ನ: ಕಳೆದ ಒಂದೂವರೆ ವರ್ಷದಿಂದ ಗ್ಲೋಬಲ್ ಸ್ಪೋರ್ಟ್ಸ್ ಅಸೋಸಿಯೇಷನ್ನಲ್ಲೇ ಅಭ್ಯಾಸ ನಡೆಸುತ್ತಿರುವ ಜೀವಾಂಶ್ ಕೂಡ ದಕ್ಷಿಣ ವಲಯ ಚಾಂಪಿಯನ್ಷಿಪ್ನ 100 ಮೀ ಬಟರ್ಫ್ಲೈನಲ್ಲಿ ಚಿನ್ನ ಗೆದ್ದಿದ್ದಾರೆ.

. ನಾರಾಯಣ ಪಬ್ಲಿಕ್ ಶಾಲೆಯಲ್ಲಿ ಓದುತ್ತಿರುವ ಜೀವಾಂಶ್ ಮಂಡ್ಯದಲ್ಲಿ ನಡೆದ ರಾಜ್ಯಮಟ್ಟದ ಈಜುಸ್ಪರ್ಧೆಯಲ್ಲಿ 6 ಪದಕ ಗೆದ್ದು ದಕ್ಷಿಣ ವಲಯಕ್ಕೆ ಆಯ್ಕೆಯಾಗಿದ್ದರು. ಎಸ್.ತಾನ್ಯಾ ಕೂಡ ಇದೇ ಕೂಟದಲ್ಲಿ 6 ಪದಕಗಳಿಗೆ ಕೊರಳೊಡ್ಡಿದ್ದರು.

. ನಮಗಿನ್ನೇನು ಬೇಕು: ‘ನಮಗೆ ಈಜು ಬರುತ್ತಿರಲಿಲ್ಲ. ಮಗಳಾದರೂ ಕಲಿಯಲೆಂದು ಸೇರಿಸಿದೆ. ಅದರಲ್ಲೇ ಸಾಧನೆ ತೋರಿದ್ದಾಳೆ. ದಕ್ಷಿಣ ವಲಯ ಈಜು ಚಾಂಪಿಯನ್ಷಿಪ್ನಲ್ಲಿ 4 ಪದಕ ಗೆದ್ದಿದ್ದಾಳೆ. ನಮಗಿನ್ನೇನು ಬೇಕು’ ಎಂದು ತಾನ್ಯಾ ಪೋಷಕರಾದ ಎಸ್.ಪಿ.ಷಡಕ್ಷರಿ ಹಾಗೂ ಶ್ವೇತಾ ‘ಪ್ರಜಾವಾಣಿ’ ಜೊತೆ ಸಂತಸ ಹಂಚಿಕೊಂಡರು.

. 9 ತಿಂಗಳಲ್ಲಿ 183 ಪದಕ!

. ನಾಲ್ವಡಿ ಕೃಷ್ಣರಾಜ ಒಡೆಯರ್ ಈಜುಕೊಳದಲ್ಲಿನ ‘ಗ್ಲೋಬಲ್ ಸ್ಪೋರ್ಟ್ಸ್ ಅಸೋಸಿಯೇಷನ್’ನಲ್ಲಿ ಅಭ್ಯಾಸ ನಡೆಸಿರುವ ಸ್ಪರ್ಧಿಗಳು 2022ರ ಏಪ್ರಿಲ್ನಿಂದ ಡಿಸೆಂಬರ್ವರೆಗೆ ವಿವಿಧ ಈಜು ಸ್ಪರ್ಧೆಗಳಲ್ಲಿ ಭಾಗವಹಿಸಿ 69 ಚಿನ್ನ, 62 ಬೆಳ್ಳಿ, 52 ಕಂಚು ಸೇರಿದಂತೆ 183 ಪದಕ ಗೆದ್ದಿದ್ದಾರೆ.

. ‘ಸಂಸ್ಥೆಯ ಮಕ್ಕಳ ಪರಿಶ್ರಮ ಹಾಗೂ ಪೋಷಕರ ಪ್ರೋತ್ಸಾಹ ದೊಡ್ಡದು. ಎಸ್.ತಾನ್ಯಾ, ಜೀವಾಂಶ್, ಎಚ್.ಎನ್.ನೇಹಸಿರಿ ಹಾಗೂ ನಿತೇಶ್ ಸಿಂಗ್ ರಾಜ್ಯವನ್ನು ಪ್ರತಿನಿಧಿಸಿದ್ದಾರೆ’ ಎಂದು ಮುಖ್ಯ ಕೋಚ್ ಪವನ್ ಕುಮಾರ್ ಹೇಳಿದರು.

. ‘ಮೈಸೂರಿನ ಸ್ಪರ್ಧಿಗಳು ಏಷ್ಯನ್ ಗೇಮ್ಸ್, ಕಾಮನ್ವೆಲ್ತ್ ಹಾಗೂ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸುವಂತಾಗಬೇಕು. ಅದೇ ಕನಸು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೈಸೂರಿನ ‘ಚಿನ್ನದ ಮೀನು’ ತಾನ್ಯಾ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು