<p>ಮೋಟರ್ ಸ್ಪೋರ್ಟ್ಸ್ ನೋಡುಗರಲ್ಲಿ ರೋಮಾಂಚನ, ಆತಂಕ ಹುಟ್ಟಿಸುವಂತದ್ದು. ಮೈಕಲ್ ಶುಮಾಕರ್, ಸೆಬಾಸ್ಟಿಯನ್ ವೆಟೆಲ್ ಈ ಕ್ರೀಡೆಯಲ್ಲಿ ಖ್ಯಾತನಾಮರು. ಒಂಬತ್ತನೇ ವಯಸ್ಸಿನಲ್ಲೇ ಇಂತಹ ಸಾಹಸಮಯ ಕ್ರೀಡೆಯಲ್ಲಿ ಆಸಕ್ತಿ ಬೆಳೆಸಿಕೊಂಡಿರುವವರು ಬೆಂಗಳೂರಿನ ಪ್ರತಿಭೆ ಯಶ್ ಆರಾಧ್ಯ. ಸದ್ಯ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸೂರ್ಯನಂತೆ ಪ್ರಜ್ವಲಿಸುತ್ತಿದ್ದಾರೆ ಈ ಯುವ ರೇಸರ್. ಮೇ 12 ಹಾಗೂ 13ರಂದು ನಡೆಯುವ ಈಶಾನ್ಯ ಏಷ್ಯಾ ಅಂತರರಾಷ್ಟ್ರೀಯ ಫಾರ್ಮುಲಾ–4 ರೇಸಿಂಗ್ ಸರ್ಕೀಟ್ನಲ್ಲಿ ಅಂತರರಾಷ್ಟ್ರೀಯ ಮಟ್ಟಕ್ಕೆ ಪ್ರವೇಶಿಸಲು ಅವರು ಸಜ್ಜಾಗಿದ್ದಾರೆ. ಥಾಯ್ಲೆಂಡ್ನ ಬುರಿರಮ್ನಲ್ಲಿ ಈ ರೇಸ್ ನಡೆಯಲಿದೆ.</p>.<p>2012ರಲ್ಲಿ ಗೋ–ಕಾರ್ಟಿಂಗ್ ಮೂಲಕ ರೇಸಿಂಗ್ ಕ್ರೀಡೆಗೆ ಕಾಲಿಟ್ಟ ಯಶ್ ಆ ಬಳಿಕ ಹಿಂದಿರುಗಿ ನೋಡಿದ್ದೇ ಇಲ್ಲ. ಏಳು ವರ್ಷಗಳ ಅವಧಿಯಲ್ಲಿ 100ಕ್ಕೂ ಅಧಿಕ ರೇಸ್ಗಳಲ್ಲಿ ಭಾಗವಹಿಸಿರುವ ಅವರು 13 ರಾಷ್ಟ್ರೀಯ ಚಾಂಪಿಯನ್ಷಿಪ್ ಟ್ರೋಫಿಗಳನ್ನು ಬಗಲಿಗೆ ಹಾಕಿಕೊಂಡಿದ್ದಾರೆ. 59 ರೇಸ್ಗಳಲ್ಲಿ ಜಯದ ತೋರಣ ಕಟ್ಟಿದ್ದಾರೆ. 11 ಇತರ ಪ್ರಶಸ್ತಿಗಳಿಗೂ ಮುತ್ತಿಕ್ಕಿದ್ದಾರೆ.</p>.<p>2017ರಲ್ಲಿ ಫಾರ್ಮುಲಾ–4 ಭಾರತದ ಸರಣಿಗಳಲ್ಲಿ ಮೊದಲ ಬಾರಿ ರೇಸಿಂಗ್ ವಾಹನ ಚಲಾಯಿಸಿದ ಯಶ್, ಅಂತರರಾಷ್ಟ್ರೀಯ ಸರ್ಕೀಟ್ಗಳಲ್ಲಿ ಭಾರತವನ್ನು ಪ್ರತಿನಿಧಿಸಿದ ಮೊದಲ ರೇಸರ್ ಖ್ಯಾತಿಯ ಅಕ್ಬರ್ ಇಬ್ರಾಹಿಂ ಅವರ ಬಳಿ ತರಬೇತಿ ಪಡೆಯುತ್ತಿದ್ದಾರೆ. ರ್ಯಾನ್ ಫರ್ನಾಂಡೊ, ಅವರ ನ್ಯೂಟ್ರಿಷನಿಸ್ಟ್.</p>.<p>ತಮ್ಮ ಸಾಧನೆಯ ಕುರಿತು ‘ಪ್ರಜಾವಾಣಿ’ಯೊಂದಿಗೆ ಯಶ್ ಮಾತನಾಡಿದರು. ಯಶಸ್ಸಿಗೆ ತಂದೆ–ತಾಯಿಯ ಅಪಾರ ಪರಿಶ್ರಮ, ಪ್ರೋತ್ಸಾಹವನ್ನು ಸ್ಮರಿಸಿಕೊಂಡರು.</p>.<p>‘ನಿತ್ಯ ಅಭ್ಯಾಸವನ್ನೇನೂ ನಡೆಸುವುದಿಲ್ಲ. ರೇಸಿಂಗ್ ಟೂರ್ನಿ ಇರುವ ಎರಡು ದಿನಗಳ ಮುಂಚೆ ಒಂದಷ್ಟು ಹೊತ್ತು ಬೆವರು ಹರಿಸುತ್ತೇನೆ. ದೈಹಿಕ, ಮಾನಸಿಕ ಫಿಟ್ನೆಸ್ ಕಾಯ್ದುಕೊಳ್ಳಲು ಪ್ರತಿದಿನ ಜಿಮ್ ಅನಿವಾರ್ಯ’ ಎಂದು ಹೇಳಿದರು.</p>.<p>ಆಟಗೊಂದಿಗೆ ಪಾಠಕ್ಕೂ ಆದ್ಯತೆ ನೀಡಿರುವ ಯಶ್, ಇವೆರಡಕ್ಕೂ ಸಮಯ ಹೊಂದಿಸಿಕೊಳ್ಳುವುದು ಕಷ್ಟದ ಕೆಲಸ ಎನ್ನುತ್ತಾರೆ. ಆದರೂ ಈ ವರ್ಷದ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಪ್ರಥಮ ದರ್ಜೆಯೊಂದಿಗೆ (ಶೇ.74) ತೇರ್ಗಡೆ ಹೊಂದಿದ್ದಾರೆ. ಅಲ್ಪ ಶ್ರಮವಹಿಸಿದರೆ ಆಟ–ಓದಿನ ನಡುವೆ ಸಮತೋಲನ ಕಾಯ್ದುಕೊಳ್ಳಬಹುದು ಎಂಬುದು ಅವರ ಅಭಿಪ್ರಾಯ.</p>.<p><strong>ರೋಲ್ ಮಾಡೆಲ್ಗಳು: </strong>ರೆಡ್ ಬುಲ್ ರೇಸಿಂಗ್ ತಂಡದ ಬೆಲ್ಜಿಯಂನ ಮ್ಯಾಕ್ಸ್ ವೆಸ್ಟಾಪನ್ ಹಾಗೂ ಸ್ಕಡೆರಿಯಾ ಫೆರಾರಿ ತಂಡದ ಮೊನಾಕೊ ದೇಶದ ಚಾರ್ಲ್ಸ್ ಲೆಕ್ಲಾರ್ಕ್ ಅವರನ್ನು ಮಾದರಿಯಾಗಿಸಿಕೊಂಡಿದ್ದೇನೆ ಎನ್ನುತ್ತಾರೆ ಯಶ್.</p>.<p><strong>ಎಫ್ಐಎ ಫಾರ್ಮುಲಾ–4 ಈಶಾನ್ಯ ಏಷ್ಯಾ ಟೂರ್ನಿ ನಡೆಯುವ ರೀತಿ</strong><br />ಎಫ್ಐಎ ಫಾರ್ಮುಲಾ–4 ಈಶಾನ್ಯ ಏಷ್ಯಾ ಟೂರ್ನಿಯು ತಲಾ ನಾಲ್ಕು ರೇಸ್ಗಳ 10 ಸುತ್ತುಗಳನ್ನು ಒಳಗೊಂಡಿದ್ದು, ಒಟ್ಟು 40 ರೇಸ್ಗಳಿವೆ. ಥಾಯ್ಲೆಂಡ್,ಮಲೇಷ್ಯಾ, ಭಾರತ ಹಾಗೂ ಫಿಲಿಪ್ಪೀನ್ಸ್ ದೇಶಗಳಾದ್ಯಂತ ಆಯೋಜಿತವಾಗಿದೆ. 10ರ ಪೈಕಿ ಎಂಟು ಸುತ್ತುಗಳ ಅಂಕಗಳನ್ನು ಚಾಂಪಿಯನ್ಶಿಪ್ಗೆ ಲೆಕ್ಕಹಾಕಲಾಗುತ್ತದೆ.</p>.<p><strong>ಯಶ್ ಪ್ರಮುಖ ಸಾಧನೆಗಳು</strong><br />*2014ರಲ್ಲಿ ಭಾರತದ ವರ್ಷದ ಅತ್ಯುತ್ತಮ ಕಾರ್ಟರ್</p>.<p>* ಮೋಟರ್ಸ್ಪೋರ್ಟ್ಸ್ ತೋರಿದ ಅಮೋಘ ಪ್ರದರ್ಶನಕ್ಕೆ 2014, 2015 ಹಾಗೂ 2015ರ ಎಫ್ಎಮ್ಎಸ್ಸಿಐ ಪ್ರಶಸ್ತಿ</p>.<p>* ಯುರೋಪ್ನ ಸ್ಪೇನ್, ಫ್ರಾನ್ಸ್, ಬೆಲ್ಜಿಯಂ ದೇಶಗಳಲ್ಲಿ ನಡೆದ ಸಿಐಕೆ ಎಫ್ಐಎ ಅಕಾಡೆಮಿ ಟ್ರೋಫಿಯ ಗೋ–ಕಾರ್ಟಿಂಗ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಲು ನಾಮನಿರ್ದೇಶನ</p>.<p>*ಪೋರ್ಚುಗಲ್ನಲ್ಲಿ 2017ರಲ್ಲಿ ನಡೆದ ಗೋ–ಕಾರ್ಟಿಂಗ್ ಸ್ಪರ್ಧೆಯ ವಿಶ್ವ ಫೈನಲ್ಸ್ನಲ್ಲಿ ಭಾರತವನ್ನು ಪ್ರತಿನಿಧಿಸುವ ಅವಕಾಶ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೋಟರ್ ಸ್ಪೋರ್ಟ್ಸ್ ನೋಡುಗರಲ್ಲಿ ರೋಮಾಂಚನ, ಆತಂಕ ಹುಟ್ಟಿಸುವಂತದ್ದು. ಮೈಕಲ್ ಶುಮಾಕರ್, ಸೆಬಾಸ್ಟಿಯನ್ ವೆಟೆಲ್ ಈ ಕ್ರೀಡೆಯಲ್ಲಿ ಖ್ಯಾತನಾಮರು. ಒಂಬತ್ತನೇ ವಯಸ್ಸಿನಲ್ಲೇ ಇಂತಹ ಸಾಹಸಮಯ ಕ್ರೀಡೆಯಲ್ಲಿ ಆಸಕ್ತಿ ಬೆಳೆಸಿಕೊಂಡಿರುವವರು ಬೆಂಗಳೂರಿನ ಪ್ರತಿಭೆ ಯಶ್ ಆರಾಧ್ಯ. ಸದ್ಯ ರಾಷ್ಟ್ರೀಯ, ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸೂರ್ಯನಂತೆ ಪ್ರಜ್ವಲಿಸುತ್ತಿದ್ದಾರೆ ಈ ಯುವ ರೇಸರ್. ಮೇ 12 ಹಾಗೂ 13ರಂದು ನಡೆಯುವ ಈಶಾನ್ಯ ಏಷ್ಯಾ ಅಂತರರಾಷ್ಟ್ರೀಯ ಫಾರ್ಮುಲಾ–4 ರೇಸಿಂಗ್ ಸರ್ಕೀಟ್ನಲ್ಲಿ ಅಂತರರಾಷ್ಟ್ರೀಯ ಮಟ್ಟಕ್ಕೆ ಪ್ರವೇಶಿಸಲು ಅವರು ಸಜ್ಜಾಗಿದ್ದಾರೆ. ಥಾಯ್ಲೆಂಡ್ನ ಬುರಿರಮ್ನಲ್ಲಿ ಈ ರೇಸ್ ನಡೆಯಲಿದೆ.</p>.<p>2012ರಲ್ಲಿ ಗೋ–ಕಾರ್ಟಿಂಗ್ ಮೂಲಕ ರೇಸಿಂಗ್ ಕ್ರೀಡೆಗೆ ಕಾಲಿಟ್ಟ ಯಶ್ ಆ ಬಳಿಕ ಹಿಂದಿರುಗಿ ನೋಡಿದ್ದೇ ಇಲ್ಲ. ಏಳು ವರ್ಷಗಳ ಅವಧಿಯಲ್ಲಿ 100ಕ್ಕೂ ಅಧಿಕ ರೇಸ್ಗಳಲ್ಲಿ ಭಾಗವಹಿಸಿರುವ ಅವರು 13 ರಾಷ್ಟ್ರೀಯ ಚಾಂಪಿಯನ್ಷಿಪ್ ಟ್ರೋಫಿಗಳನ್ನು ಬಗಲಿಗೆ ಹಾಕಿಕೊಂಡಿದ್ದಾರೆ. 59 ರೇಸ್ಗಳಲ್ಲಿ ಜಯದ ತೋರಣ ಕಟ್ಟಿದ್ದಾರೆ. 11 ಇತರ ಪ್ರಶಸ್ತಿಗಳಿಗೂ ಮುತ್ತಿಕ್ಕಿದ್ದಾರೆ.</p>.<p>2017ರಲ್ಲಿ ಫಾರ್ಮುಲಾ–4 ಭಾರತದ ಸರಣಿಗಳಲ್ಲಿ ಮೊದಲ ಬಾರಿ ರೇಸಿಂಗ್ ವಾಹನ ಚಲಾಯಿಸಿದ ಯಶ್, ಅಂತರರಾಷ್ಟ್ರೀಯ ಸರ್ಕೀಟ್ಗಳಲ್ಲಿ ಭಾರತವನ್ನು ಪ್ರತಿನಿಧಿಸಿದ ಮೊದಲ ರೇಸರ್ ಖ್ಯಾತಿಯ ಅಕ್ಬರ್ ಇಬ್ರಾಹಿಂ ಅವರ ಬಳಿ ತರಬೇತಿ ಪಡೆಯುತ್ತಿದ್ದಾರೆ. ರ್ಯಾನ್ ಫರ್ನಾಂಡೊ, ಅವರ ನ್ಯೂಟ್ರಿಷನಿಸ್ಟ್.</p>.<p>ತಮ್ಮ ಸಾಧನೆಯ ಕುರಿತು ‘ಪ್ರಜಾವಾಣಿ’ಯೊಂದಿಗೆ ಯಶ್ ಮಾತನಾಡಿದರು. ಯಶಸ್ಸಿಗೆ ತಂದೆ–ತಾಯಿಯ ಅಪಾರ ಪರಿಶ್ರಮ, ಪ್ರೋತ್ಸಾಹವನ್ನು ಸ್ಮರಿಸಿಕೊಂಡರು.</p>.<p>‘ನಿತ್ಯ ಅಭ್ಯಾಸವನ್ನೇನೂ ನಡೆಸುವುದಿಲ್ಲ. ರೇಸಿಂಗ್ ಟೂರ್ನಿ ಇರುವ ಎರಡು ದಿನಗಳ ಮುಂಚೆ ಒಂದಷ್ಟು ಹೊತ್ತು ಬೆವರು ಹರಿಸುತ್ತೇನೆ. ದೈಹಿಕ, ಮಾನಸಿಕ ಫಿಟ್ನೆಸ್ ಕಾಯ್ದುಕೊಳ್ಳಲು ಪ್ರತಿದಿನ ಜಿಮ್ ಅನಿವಾರ್ಯ’ ಎಂದು ಹೇಳಿದರು.</p>.<p>ಆಟಗೊಂದಿಗೆ ಪಾಠಕ್ಕೂ ಆದ್ಯತೆ ನೀಡಿರುವ ಯಶ್, ಇವೆರಡಕ್ಕೂ ಸಮಯ ಹೊಂದಿಸಿಕೊಳ್ಳುವುದು ಕಷ್ಟದ ಕೆಲಸ ಎನ್ನುತ್ತಾರೆ. ಆದರೂ ಈ ವರ್ಷದ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಪ್ರಥಮ ದರ್ಜೆಯೊಂದಿಗೆ (ಶೇ.74) ತೇರ್ಗಡೆ ಹೊಂದಿದ್ದಾರೆ. ಅಲ್ಪ ಶ್ರಮವಹಿಸಿದರೆ ಆಟ–ಓದಿನ ನಡುವೆ ಸಮತೋಲನ ಕಾಯ್ದುಕೊಳ್ಳಬಹುದು ಎಂಬುದು ಅವರ ಅಭಿಪ್ರಾಯ.</p>.<p><strong>ರೋಲ್ ಮಾಡೆಲ್ಗಳು: </strong>ರೆಡ್ ಬುಲ್ ರೇಸಿಂಗ್ ತಂಡದ ಬೆಲ್ಜಿಯಂನ ಮ್ಯಾಕ್ಸ್ ವೆಸ್ಟಾಪನ್ ಹಾಗೂ ಸ್ಕಡೆರಿಯಾ ಫೆರಾರಿ ತಂಡದ ಮೊನಾಕೊ ದೇಶದ ಚಾರ್ಲ್ಸ್ ಲೆಕ್ಲಾರ್ಕ್ ಅವರನ್ನು ಮಾದರಿಯಾಗಿಸಿಕೊಂಡಿದ್ದೇನೆ ಎನ್ನುತ್ತಾರೆ ಯಶ್.</p>.<p><strong>ಎಫ್ಐಎ ಫಾರ್ಮುಲಾ–4 ಈಶಾನ್ಯ ಏಷ್ಯಾ ಟೂರ್ನಿ ನಡೆಯುವ ರೀತಿ</strong><br />ಎಫ್ಐಎ ಫಾರ್ಮುಲಾ–4 ಈಶಾನ್ಯ ಏಷ್ಯಾ ಟೂರ್ನಿಯು ತಲಾ ನಾಲ್ಕು ರೇಸ್ಗಳ 10 ಸುತ್ತುಗಳನ್ನು ಒಳಗೊಂಡಿದ್ದು, ಒಟ್ಟು 40 ರೇಸ್ಗಳಿವೆ. ಥಾಯ್ಲೆಂಡ್,ಮಲೇಷ್ಯಾ, ಭಾರತ ಹಾಗೂ ಫಿಲಿಪ್ಪೀನ್ಸ್ ದೇಶಗಳಾದ್ಯಂತ ಆಯೋಜಿತವಾಗಿದೆ. 10ರ ಪೈಕಿ ಎಂಟು ಸುತ್ತುಗಳ ಅಂಕಗಳನ್ನು ಚಾಂಪಿಯನ್ಶಿಪ್ಗೆ ಲೆಕ್ಕಹಾಕಲಾಗುತ್ತದೆ.</p>.<p><strong>ಯಶ್ ಪ್ರಮುಖ ಸಾಧನೆಗಳು</strong><br />*2014ರಲ್ಲಿ ಭಾರತದ ವರ್ಷದ ಅತ್ಯುತ್ತಮ ಕಾರ್ಟರ್</p>.<p>* ಮೋಟರ್ಸ್ಪೋರ್ಟ್ಸ್ ತೋರಿದ ಅಮೋಘ ಪ್ರದರ್ಶನಕ್ಕೆ 2014, 2015 ಹಾಗೂ 2015ರ ಎಫ್ಎಮ್ಎಸ್ಸಿಐ ಪ್ರಶಸ್ತಿ</p>.<p>* ಯುರೋಪ್ನ ಸ್ಪೇನ್, ಫ್ರಾನ್ಸ್, ಬೆಲ್ಜಿಯಂ ದೇಶಗಳಲ್ಲಿ ನಡೆದ ಸಿಐಕೆ ಎಫ್ಐಎ ಅಕಾಡೆಮಿ ಟ್ರೋಫಿಯ ಗೋ–ಕಾರ್ಟಿಂಗ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಲು ನಾಮನಿರ್ದೇಶನ</p>.<p>*ಪೋರ್ಚುಗಲ್ನಲ್ಲಿ 2017ರಲ್ಲಿ ನಡೆದ ಗೋ–ಕಾರ್ಟಿಂಗ್ ಸ್ಪರ್ಧೆಯ ವಿಶ್ವ ಫೈನಲ್ಸ್ನಲ್ಲಿ ಭಾರತವನ್ನು ಪ್ರತಿನಿಧಿಸುವ ಅವಕಾಶ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
